EM-farinn: Davíð Ólafsson

Nú styttist óðfluga í EM-landsliða en hópurinn fer til Varsjár á morgun. Í dag höldum við áfram með kynninguna og nú er kynntur landsliðsþjálfari kvenna. Kynningunni lýkur svo á morgun með fyrsta borðs mönnunum Lenku og Héðni.

Keppandi

Davíð Ólafsson

Staða

Liðsstjóri kvennaliðsins

Aldur 

45

Félag

GM Hellir

Skákstig

2316

Hvenær teflt fyrst á EM landsliða og hversu oft hefur þú tekið þátt í EM landsliða:

Ekki tekið þátt áður.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Ég hef ekki verið að tefla mikið síðustu ár.  Ég tefldi þó ágætis skák á móti Oleksienko síðasta vor - það situr reyndar ennþá í mér að hafa ekki fundið afar snotra vinningsleið sem ég átti kost á.

Spá þín um lokasæti Íslands?

Ofar en liðinu er raðað.

Hverjir verða sigurvegarar EM (báðir flokkar)

Rússar í karlaflokki og Georgía í kvennaflokki.

Hver hefur verið undirbúningur þinn fyrir EM?

Að undirbúa kvennaliðið sem best

Persónuleg markmið á mótinu.

Held því fyrir mig.

Eitthvað að lokum?

Ég vil hvetja alla til að fylgjast sem best með mótinu.  Ekkert betra en að vera með beinar útsendingar (hefjast kl. 14) á aukaskjá í vinnunni.

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

Landskeppni við Bandaríkin í bréfskák

Bandaríska bréfskáksambandið hefur skorað á Ísland í landskeppni sem hefst í kringum áramótin. Þátttaka er ókeypis og öllum opin, hvort sem þeir hafa teflt bréfskák áður eða ekki.

Hver liðsmaður teflir tvær skákir við sama andstæðing, aðra með hvítu og hina með svörtu.

Umhugsunartíminn er mjög rúmur þannig að þessi keppni hefur ekki áhrif á möguleika manna til að taka samhliða þátt í hefðbundnum skákmótum. Einnig geta keppendur tekið sér allt að 45 daga frí meðan á keppninni stendur, annað hvort í einu lagi eða skipt því niður.

Bréfskákin er upplögð fyrir þá sem vilja fá tækifæri til að kafa djúpt í þau byrjunarafbrigði sem upp koma í skákunum. Þar sem leyfilegt er að nota öll hjálpartæki er bréfskákin einnig kjörinn vettvangur fyrir þá skákmenn sem vilja ná betri tökum á notkun skákgagnagrunna og skákreikna við rannsóknir á skákstöðum. Tölvurnar verða sífellt mikilvægari í undirbúningi skákmanna og því nauðsynlegt fyrir alla skákmenn að kunna að nýta sér tæknina til hins ýtrasta.

Þátttöku má tilkynna með því að senda tölvupóst á [e-mail].

Bréfskákin á sér sterkar rætur í Bandaríkjunum og stendur með miklum blóma um þessar mundir. T.d. taka þeir nú þátt í 14 landskeppnum og aðrar 33 eru í undirbúningi. Tveir Bandaríkjamenn hafa orðið heimsmeistarar í bréfskák og ellefu skákmenn hafa náð stórmeistaratitli, en einungis 216 virkir bréfskákmenn bera þennan titil.

Bréfskákin hefur haft sterkan meðbyr á Íslandi undanfarin ár. Bæði hafa bréfskákmenn okkar náð prýðilegum árangri og eins hefur íslenskum bréfskákmönnum fjölgað mikið. M.a. hefur íslenska landsliðið tryggt sér sæti í úrslitum Evrópukeppninnar og er sem stendur í öðru sæti í sínum riðli í undanúrslitum Ólympíumótsins.

EM-farinn: Hannes Hlífar Stefánsson

Áfram er haldið með kynningu á EM-förunum en mótið hefst á föstudaginn. Nú er kynntur til sögunnar Hannes Hlífar Stefánsson.

Keppandi

Hannes Hlífar Stefánsson

Staða

Annað borð í opnum flokki

Aldur 

41

Félag

Víkingaklúbburinn

Skákstig

2539

Hvenær teflt fyrst á EM landsliða og hversu oft hefur þú tekið þátt í EM landsliða:

Tefldi fyrst 1992 í Debrecen - fjórum sinnum tekið þátt.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Ein af minnisstæðustu skákum er þegar ég vann Alexey Vyzmanavin en þetta var á heimsmeistarakeppni landsliða í Luzern árið 1993. Við vorum að tefla á móti Rússum og hinir gerðu jafntefli sem varð til þess að við unnum Rússa 2.5-1.5! Eitt lið forfallaðist í keppninni (Júgóslavar vegna viðskiptabanns) á síðustu stundu sem varð til þess að við fengum þátttökurétt vegna þess að við vorum númer 6 á Ólympíumótinu í Manila 1992.

Fyrirvarinn voru nokkrir klukkutímar við Helgi áttum að tefla á alþjóðlegu skákmóti á vegum Hellis daginn eftir en Jóhann Hjartarson hafði samband við klúbbinn sinn í þýskalandi og fengnir voru tveir Þjóðverjar í staðinn fyrir okkur.

[Innskot ritstjóra: Ritstjóri sem var þá formaður Hellis átti mjög svefnlausa þegar tveimur sterkustu keppendum mótsins var nánast stolið úr mótinu með engum fyrirvara! Málinu var þó reddað á síðustu stundu eins og Hannes bendir á.]

Spá þín um lokasæti Íslands?

Við verðum efst Norðurlandaþjóða. 

Hverjir verða sigurvegarar EM (báðir flokkar)

Ætli verði ekki Rússar í karlaflokki en treysti mér ekki að spá fyrir um kvennaflokkinn.

Hver hefur verið undirbúningur þinn fyrir EM?

Undirbúningur minn fyrir þetta mót er svipuð og önnur  er nýlega kominn frá Evrópukeppni taflfélaga sem ég stóð mig þokkalega.

Persónuleg markmið á mótinu.

Stefnan er sett að tefla á 2600+ styrkleika og hækka á stigum. 

Eitthvað að lokum?

Skák er skemmtileg!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "Ch World (team)"] [Site "Lucerne (Switzerland)"] [Date "1993.??.??"] [EventDate "?"] [Round "3"] [Result "1-0"] [White "Hannes Stefansson"] [Black "Alexey Vyzmanavin"] [ECO "B17"] [WhiteElo "?"] [BlackElo "?"] [PlyCount "71"] 1.e4 c6 2.d4 d5 3.Nd2 dxe4 4.Nxe4 Nd7 5.Bc4 Ngf6 6.Ng5 e6 7.Qe2 Nb6 8.Bd3 h6 9.N5f3 c5 10.dxc5 Bxc5 11.Ne5 Nbd7 12.Ngf3 Qc7 13.Bf4 Bd6 14.Bg3 O-O 15.O-O-O Nc5 16.Kb1 Rd8 17.Bh4 Be7 18.g4 Nd5 19.Bxe7 Qxe7 20.Bc4 Bd7 21.Nxd7 Qxd7 22.g5 hxg5 23.Nxg5 Qe7 24.h4 Qf6 25.Bxd5 exd5 26.Rh3 Qg6 27.Rg1 Re8 28.Qd1 Rad8 29.Rf3 Ne4 30.a3 Qh5 31.Qd3 f6 32.Nxe4 dxe4 33.Qb3+ Qf7 34.Rfg3 Qxb3 35.Rxg7+ Kh8 36.cxb3 1-0

TORG - skákmót Fjölnis í 10. sinn n.k. laugardag

Skákdeild Fjölnis býður öllum grunnskólanemendum að taka þátt í hinu árlega TORG-skákmóti sem deildin heldur nú í 10. skiptið. Mótið verður haldið n.k. laugardag, 9. nóvember kl. 11:00 - 13:00, í Foldaskóla í Grafarvogi. Að venju gefa fyrirtækin í verslunarmiðstöðinni Hverafold alla vinninga, um 20 talsins. Auk þess býður NETTÓ Hverafold öllum þátttakendum upp á ókeypis veitingar í skákhléi.

Tefldar verða 6 umferðir með 7 mínútna umhugsunarfresti. NETTÓ Hverafold gefur þrjá glæsilega eignarbikara til keppninnar en flokkarnir eru, 1998 og yngri, 2003 - 2007 og stúlknaflokkur. Þátttaka í mótinu er ókeypis og foreldrum velkomið að fylgjast með.

Heiðursgestur mótsins verður Hrafn Jökulsson skákfrömuður sem nýkominn er til baka úr velheppnuðum Grænlandsleiðangri Hróksins. Hrafn var einn af stofnendum skákdeildar Fjölnis og hefur stutt starfsemina frá fyrsta degi. Meðal þátttakenda verða hinir nýbökuðu Íslandsmeistarar, Oliver Aron Jóhannesson (20)og Vignir Vatnar Stefánsson (13).

Skákstjórar verða þeir Helgi Árnason formaður skákdeildar Fjölnis og Páll Sigurðsson formaður TG. Í fyrra varð metþátttaka á TORG skákmótinu og því eru væntanlegir þátttakendur hvattir til að mæta tímanlega til skráningar.

EM-farinn: Jóhanna Björg Jóhannsdóttir

Áfram er haldið með kynningu á EM-förunum en mótið hefst á föstudaginn. Nú er kynnt til sögunnar Jóhanna Björg Jóhannsdóttir.

Keppandi

Jóhanna Björg Jóhannsdóttir

Staða

Þriðja borð í kvennaliðinu

Aldur 

Tvítug

Félag

GM Hellir

Skákstig

1901

Hvenær teflt fyrst á EM landsliða og hversu oft hefur þú tekið þátt í EM landsliða:

Ég hef aldrei tekið þátt á EM landsliða en tvisvar á Ólympíumótinu

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Ég átti mjög góða skák á Ólympíumótinu í Síberíu 2010 í 8. umferð á móti stelpu frá Ítalíu Marianna Chierici og tryggði þar með jafntefli á móti sterkri sveit sem voru stiga hærri en við á öllum borðum

Spá þín um lokasæti Íslands?

Ofar en byrjunarsætið

Hverjir verða sigurvegarar EM (báðir flokkar)

Rússar í kvennaflokki og Armennar í opna flokknum

Hver hefur verið undirbúningur þinn fyrir EM?

Æfingar hjá Davíð, þátttaka í mótum og byrjanna stúderingar heima

Persónuleg markmið á mótinu.

Enda með raitingperformance upp á 2000 elo stig

Eitthvað að lokum?

Áfram Ísland

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "Chess Olympiad (Women)"] [Site "Khanty-Mansiysk RUS"] [Date "2010.09.29"] [EventDate "2010.09.21"] [Round "8"] [Result "1-0"] [White "J Johannsdottir"] [Black "Marianna Chierici"] [ECO "B70"] [WhiteElo "1781"] [BlackElo "2033"] [PlyCount "125"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 g6 6. f3 a6 7. Be3 Bg7 8. Qd2 Nbd7 9. g4 b5 10. h4 h5 11. g5 Nh7 12. f4 e5 13. Nc6 Qc7 14. Nb4 exf4 15. Ncd5 Qb8 16. Bxf4 Ne5 17. O-O-O Bb7 18. Bxe5 Bxe5 19. Bg2 a5 20. Nd3 Bg7 21. Rhe1 O-O 22. Nb6 Ra6 23. Nd7 Qc7 24. Nxf8 Nxf8 25. Nf4 Qc4 26. Kb1 Be5 27. Nd5 Ne6 28. Bf1 Qc5 29. a4 Bg3 30. Re3 Bxh4 31. Rc3 Bxg5 32. Rxc5 Bxd2 33. Rxb5 Ra7 34. Rxd2 Kg7 35. Rb6 Nc5 36. Bg2 h4 37. Re2 Ba6 38. Re3 Nxa4 39. Rxd6 Bc8 40. Nb6 Nxb6 41. Rxb6 Re7 42. Kc1 f5 43. Kd2 f4 44. Rd3 Kh6 45. Ke2 Bg4+ 46. Kf2 Rc7 47. c3 Kh5 48. Rd5+ g5 49. Rdd6 Rh7 50. c4 Bc8 51. c5 h3 52. Bh1 g4 53. c6 g3+ 54. Kg1 Kh4 55. Bf3 h2+ 56. Kh1 Bg4 57. Rb3 Bxf3+ 58. Rxf3 Kg4 59. Rf1 Kh3 60. Rg6 Rf7 61. Rf3 a4 62. e5 Kh4 63. Rgxg3 1-0

Skákfélagið Hrókurinn á Grænlandi

Í Landanum á RÚV sl. mánudag var ítarleg umfjöllun um heimsókn Hróksins til Grænlands. Hana má skoða hér að nota í Youtube!

Elsa María sigraði á hraðkvöldi GM Hellis

Elsa María Kristínardóttir sigraði örugglega með fullu húsi á hraðkvöldi GM Hellis sem fram fór 4. nóvember. Það voru níu keppendur sem mættu til leiks og tefldu allir við alla svo það voru 9v sem komu í hús hjá Elsu Maríu að skottu meðtalinni. Elsa María fer því með sinn fyrsta sigur á hraðkvöldi í vetur í farteskinu á EM landsliða sem hefst 8. nóvember.  Annar var Vignir Vatnar Stefánsson með 7v og síðan komu Hermann Ragnarsson, Ólafur Guðmarsson og Vigfús Ó. Vigfússson með 5,5v. Elsa María dró svo Björn Hólm í happdrættinu og fengu þeir báðir gjafamiða á Saffran.

Næsta skákkvöld í Hellisheimilinu verður mánudaginn 11. nóvember kl. 19.30. Þá verður Atskákmót Reykjavíkur og Atskákmót GM Hellis.

Lokastaðan á hraðkvöldinu:

1.   Elsa María Kristínardóttir     9v/9

2.   Vignir Vatnar Stefánsson     7v

3.   Hermann Ragnarsson          5,5v

4.   Ólafur Guðmarsson              5,5v

5.   Vigfús Ó. Vigfússon              5,5v

6.    Björn Hólm Birkisson           3,5v

7.    Bárður Örn Birkisson           3,5v

8.    Björgvin Kristbergsson        3v

9.    Gunnar Nikulásson              2,5v

EM-farinn: Omar Salama - skákstjóri

Áfram er haldið með kynningu á EM-förunum en mótið hefst á föstudaginn. Nú er kynntur til skákstjórinn Omar Salma

Nafn

Omar Salma

Staða

Alþjóðlegur skákstjóri

Aldur 

32

Félag

Engu

Skákstig

2282

Hvenær teflt fyrst á EM landsliða og hversu oft hefur þú tekið þátt í EM landsliða:

Aldrei.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Tefli undir fána Egyptalands.

Spá þín um lokasæti Íslands?

24. í opna flokknum og 25. í kvennaflokki

Hverjir verða sigurvegarar EM (báðir flokkar)

Armenía og Rússland.

Hver hefur verið undirbúningur þinn fyrir EM?

Lesa An arbiter´s notebook by Guert Gijssen

Persónuleg markmið á mótinu.

Undirbúa mig vel undir EM 2015 á Íslandi.

Eitthvað að lokum?

Gens Una Sumus!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

Flugfélagshátíð Hróksins í Nuuk lokið með glæsibrag: ,,Skák er skemmtilegasta spil í heimi!"

Liðsmenn Hróksins og Kalak funduðu á mánudag með Alequ Hammond, forsætisráðherra Græn-lands og færðu henni við það tækifæri selskinn frá Árneshreppi, sem þakklætisvott fyrir dyggan stuðning við starf félaganna á Grænlandi og þá vináttu sem forsætisráðherrann hefur sýnt Íslendingum.

Nokkurt uppnám hefur ríkt í grænlenskum stjórnmálum að undanförnu, en forsætisráðherrann gaf sér góðan tíma til að  ræða við Hrafn Jökulsson og Róbert Lagerman, helstu forystumenn Hróksins, sem báðir eru líka í stjórn Kalak, vinafélags Íslands og Grænlands.

Hún kvaðst hrærð yfir gjöfinni sem Kristjana Guðmundsdóttir Motzfeldt, heiðursforseti Hróksins, átti frumkvæði að. Forsætisráðherrann, sem er veiðimannsdóttir frá Suður-Grænlandi, kvað selskinn af þessu tagi eftirsóttan kjörgrip á Grænlandi, sem notuð væru í viðhafnarbúninga. Selinn veiddi hinn frægi Strandamaður, Pétur Guðmundsson úr Ófeigsfirði. Alequ var einnig færður rímnadiskurinn Stafnbúi eftir Steindór Andersen og Hilmar Örn Hilmarsson, og kvaðst hún hlakka til að kynnast þessari merkilegu og fornu íslensku tónlistarhefð.
 
Margt bar á góma á fundinum, sem var í senn skemmtilegur og innihaldsríkur. Aleqa, sem fylgist vel með starfi Hróksins og Kalak, lét í ljós mikið þakklæti og sagði skákina frábæra aðferð við að efla tengsl Íslands og Grænlands. Hún boðaði stóraukna samvinnu þjóðanna á mörgum sviðum, og kvaðst hafa rætt þau mál ítarlega á nýlegum fundum með Ólafi Ragnari Grímssyni forseta Íslands, Gunnari Braga Sveinssyni utanríkisráðherra og fleirum. Þau tímamót verða 8. nóvember að íslensk ræðisskrifa verður formlega opnuð í Nuuk, undir stjórn Péturs Ásgeirssonar sendiherra. Ráðgjafi hans verður Benedikte Thorsteinsson, heiðursfélagi Hróksins og Kalak.
 
Þau Pétur og Benedikte voru viðstödd einstaklega skemmtilega athöfn í Ukaliusaq-grunnskólanum í Nuuk þar sem rúmlega 40 kátir krakkar fengu taflsett að gjöf frá Flugfélagi Íslands, grænlenskt skákkver sem skákfrömuðurinn Siguringi Sigurjónsson stendur að, og góðgæti frá Nóa-Síríus. Benedikte sagði börnunum frá skákævintýrinu á Grænlandi og Pétur tók þátt í að afhenda gjafirnar við mikinn fögnuð. Síðan fóru þeir Hrafn og Róbert yfir undirstöðuatriði skákarinnar og áhuginn skein úr augum barnanna. ,,Skák er skemmtilegasta spil í heimi," hrópaði einn drengurinn og hin börnin tóku undir það með lófaklappi. 
 
Þetta var lokadagur Flugfélagshátíðar Hróksins, sem haldin var í samvinnu við Grænlensk-íslenska verslunarráðið og Kalak, með stuðningi fjölda fyrirtækja og einstaklinga, og stóð yfir í 10 daga. Liðsmenn Hróksins hafa heimsótt grunnskóla, leikskóla, athvörf fyrir börn og fólk með geðraskanir, efnt til fjöltefla og skákmóta, auk þriggja stórviðburða í verslunarmiðstöðinni í Nuuk. 
 
Lokapunktur hátíðarinnar, eftir fundinn með Alequ Hammond, var heimsókn í athvarf fyrir fullorðna, en þangað koma um 20 einstaklingar daglega. Þar var Hrafni og Róbert tekið tveim höndum, slegið upp dálítilli skákveislu og skipst á gjöfum.

Flugfélagshátíð Hróksins í Nuuk markaði upphaf að 11. starfsári félagsins á Grænlandi. Áfram verður haldið af fullum krafti og eru ýmsar ferðir í undirbúningi.

Skák á Grænlandi 

Dagur með 1 vinning eftir 2 umferðir á First Saturday

Alþjóðlegi meistarinn Dagur Arngrímsson (2397) er meðal keppenda á First Saturday-móti sem hófst í Búdapest á laugardaginn. Í fyrstu umferð tapaði hann fyrir Rússanum Maksim Vavulin (2405) en í annarri umferð sem fram fór í dag vann hann ungverska stórmeistarann Attila Czebe (2458).

Tíu skákmenn taka þátt og tefla þeir allir við alla. Meðalstig eru 2416 skákstig og er Dagur nr. 7 í stigaröð keppenda.

• Heimasíða mótsins
• Chess-Results