Atskákmót Reykjavíkur - atskákmót GM Hellis fer fram á mánudag

Atskákmót Reykjavíkur sem jafnframt er atskákmót GM Hellis fer fram mánudaginn 11. nóvember.  Mótið fer fram í félagsheimili GM Hellis, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur er Arnar Gunnarsson og atskákmeistari Hellis er Vigfús Ó. Vigfússon.

Verðlaun:

1. 15.000

2. 7.500 

3. 4.000

 Þátttökugjöld:

16 ára og eldri: 1000 kr

15 ára og yngri: 500

EM landsliða: Tékkar og Litháar í fyrstu umferð

EM landsliða hefst á morgun föstudag. Nú liggur fyrir pörun í fyrstu umferð sem hefst kl. 14 á íslenskum tíma. Liðið í opnum flokki mætir sterkri sveit Tékka og stelpurnar mæta sveit Litháa.

Íslenski hópurinn mætti fyrr í kvöld til Varsjár og virðast aðstæður allar á skákstað vera til fyrirmyndar fyrir utan hefðbundin internet-vandamál sem ávallt virðast eiga sér stað við upphaf stórmóta.

Umferðin hefst kl. 14 á morgun og verða væntanlega allar skákir sýndar beint. Nánari fréttir og pistill væntanlegur á morgun.

 

Lið Tékka skipa:

9. CZECH REPUBLIC (RtgAvg:2649 / TB1: 0 / TB2: 0)
Bo.		Name	Rtg	FED	Pts.	Games
1	GM	NAVARA David	2705	CZE	0.0	0.0
2	GM	LAZNICKA Viktor	2677	CZE	0.0	0.0
3	GM	HRACEK Zbynek	2638	CZE	0.0	0.0
4	GM	BABULA Vlastimil	2574	CZE	0.0	0.0
5	GM	STOCEK Jiri	2543	CZE	0.0	0.0

Lið Litháa skipa:

16. Lithuania (RtgAvg:2288 / TB1: 0 / TB2: 0) Captain: Kveinys Aloyzas
Bo.		Name	Rtg	FED	Pts.	Games
1	GM	Cmilyte Viktorija	2506	LTU	0.0	0.0
2	WGM	Daulyte Deimante	2336	LTU	0.0	0.0
3	WIM	Zaksaite Salomeja	2200	LTU	0.0	0.0
4		Batkovskyte Dominyka	2111	LTU	0.0	0.0
5		Vanagaite Giedre	2057	LTU	0.0	0.0

 
Lið Íslands í opnum flokki er það 28. stigahæsta af 38 liðum.

Það skipa:

28. ICELAND (RtgAvg:2524 / TB1: 0 / TB2: 0)
Bo.		Name	Rtg	FED	Pts.	Games
1	GM	STEINGRIMSSON Hedinn	2543	ISL	0.0	0.0
2	GM	STEFANSSON Hannes	2539	ISL	0.0	0.0
3	IM	GRETARSSON Hjorvar Steinn	2511	ISL	0.0	0.0
4	GM	DANIELSEN Henrik	2502	ISL	0.0	0.0
5	IM	KJARTANSSON Gudmundur	2455	ISL	0.0	0.0

Lið Íslands í kvennaflokki er það 32. stigahæsta af jafnmörgum liðum. Það skipa:

32. Iceland (RtgAvg:1993 / TB1: 0 / TB2: 0) Captain: Olafsson David
Bo.		Name	Rtg	FED	Pts.	Games
1	WGM	Ptacnikova Lenka	2238	ISL	0.0	0.0
2		Thorsteinsdottir Hallgerdur	1951	ISL	0.0	0.0
3		Johannsdottir Johanna Bjorg	1901	ISL	0.0	0.0
4		Finnbogadottir Tinna Kristin	1882	ISL	0.0	0.0
5		Kristinardottir Elsa Maria	1819	ISL	0.0	0.0

• EM landsliða
• Chess-Results
• Beinar útendingar (hefjast almennt kl. 14)

 

EM-farinn: Héðinn Steingrímsson - fyrsta borði í opnum flokki

Héðinn Steingrímsson teflir á fyrsta borði fyrir landslið Íslands í opnum flokki. Umfjölluninni um EM-faranna lýkur með honum. Minnt er á að keppnin hefst á morgun kl. 14!

Keppandi

Héðinn Steíngrímsson

Staða

Fyrsta borð í opnum flokki

Aldur 

38 ára

Félag

Fjölnir

Skákstig

2543

Hvenær teflt fyrst á EM landsliða og hversu oft hefur þú tekið þátt í EM landsliða:

Tefldi á EM 2007.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Þær eru margar. Ein er sigur á Kamil Miton á EM 2007, en við unnum Pólverja þá stórt.

Spá þín um lokasæti Íslands?

Batnandi mönnum er best að lifa.

Hverjir verða sigurvegarar EM (báðir flokkar)

Það verða óvænt úrslit.

Hver hefur verið undirbúningur þinn fyrir EM?

Fjölbreyttur undirbúningur.

Persónuleg markmið á mótinu.

Gera mitt besta.

Eitthvað að lokum?

Áfram Ísland!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "European Team Chess Championships"] [Site "Crete GRE"] [Date "2007.10.29"] [EventDate "2007.10.28"] [Round "2"] [Result "1-0"] [White "Hedinn Steingrimsson"] [Black "Kamil Miton"] [ECO "D17"] [WhiteElo "2533"] [BlackElo "2628"] [PlyCount "105"] 1. d4 d5 2. c4 c6 3. Nf3 Nf6 4. Nc3 dxc4 5. a4 Bf5 6. Ne5 Nbd7 7. Nxc4 Nb6 8. Ne5 a5 9. g3 e6 10. Bg2 Bb4 11. O-O O-O 12. e3 h6 13. Qe2 Bh7 14. Rd1 Nfd7 15. Nxd7 Qxd7 16. e4 f5 17. d5 fxe4 18. dxc6 Qxc6 19. Nxe4 Qc4 20. Qxc4 Nxc4 21. b3 Rad8 22. Bf4 e5 23. Bxh6 Rxd1+ 24. Rxd1 Nb2 25. Rb1 Nd3 26. Bd2 Bxd2 27. Nxd2 Rxf2 28. Rd1 Nb2 29. Kxf2 Nxd1+ 30. Ke1 Ne3 31. Bxb7 Nc2+ 32. Kf2 Nd4 33. Nf3 Nxf3 34. Kxf3 Bc2 35. b4 axb4 36. a5 b3 37. a6 b2 38. Bd5+ Kh7 39. Ba2 e4+ 40. Ke3 Bb3 41. Bb1 Bd5 42. h4 Kg6 43. Kd4 Bc6 44. g4 Kf6 45. a7 Ke6 46. Ba2+ Kf6 47. Bb1 Ke6 48. Kc3 Ke5 49. Kxb2 Kf4 50. g5 Kg4 51. Kc3 e3 52. Bd3 Kxh4 53. Kd4 1-0

Set ehf (Magnús Matthíasson) sigraði í Firmakeppni Suðurlands

Níu fyrirtæki tóku þátt í Firmakeppni Suðurlands í ár.  Magnús Matthíasson sem tefldi fyrir Set ehf sýndi mátt sinn og sigraði eftir haraða baráttu við Ingimund Sigurmundsson sem tefldi fyrir Landsbankann Selfossi. Það þurfti reyndar bráðabana til að knýja fram úrslitin. Fast á hæla þeirra í þriðja sæti kom skákmeistari SSON Björgvin Smári en hann tefldi fyrri Arion banka Hellu.

Önnur fyrirtæki sem tóku þátt í mótinu voru Kjörís, Jötunn vélar, Verkís, VÍS, Sauðfjársæðingastöð Suðurlands og Árvirkinn.  Mótið heppnaðist í alla staði mjög vel og þakkar Skákfélag Selfoss og nágrennis öllum þessum fyrirtækjum kærlega fyrir veittan stuðning. 

TORG-skákmót Fjölnis á laugardaginn

Skákdeild Fjölnis býður öllum grunnskólanemendum að taka þátt í hinu árlega TORG-skákmóti sem deildin heldur nú í 10. skiptið. Mótið verður haldið n.k. laugardag, 9. nóvember kl. 11:00 - 13:00, í Foldaskóla í Grafarvogi. Að venju gefa fyrirtækin í verslunarmiðstöðinni Hverafold alla vinninga, um 20 talsins. Auk þess býður NETTÓ Hverafold öllum þátttakendum upp á ókeypis veitingar í skákhléi.

Tefldar verða 6 umferðir með 7 mínútna umhugsunarfresti. NETTÓ Hverafold gefur þrjá glæsilega eignarbikara til keppninnar en flokkarnir eru, 1998 og yngri, 2003 - 2007 og stúlknaflokkur. Þátttaka í mótinu er ókeypis og foreldrum velkomið að fylgjast með.

Heiðursgestur mótsins verður Hrafn Jökulsson skákfrömuður sem nýkominn er til baka úr velheppnuðum Grænlandsleiðangri Hróksins. Hrafn var einn af stofnendum skákdeildar Fjölnis og hefur stutt starfsemina frá fyrsta degi. Meðal þátttakenda verða hinir nýbökuðu Íslandsmeistarar, Oliver Aron Jóhannesson (20)og Vignir Vatnar Stefánsson (13).

Skákstjórar verða þeir Helgi Árnason formaður skákdeildar Fjölnis og Páll Sigurðsson formaður TG. Í fyrra varð metþátttaka á TORG skákmótinu og því eru væntanlegir þátttakendur hvattir til að mæta tímanlega til skráningar.

EM-farinn: Lenka Ptácníková - fyrsta borð í kvennaflokki

Lenka Ptácníková teflir á fyrsta borði fyrir landslið Íslands í kvennaflokki. Umfjölluninni um EM-faranna lýkur síðar í dag með Héðni Steingrímssyni. 

Keppandi

Lenka Ptácníková

Staða

Fyrsta borð í kvennaflokki.

Aldur 

37 ára

Félag

GM Hellir

Skákstig

2238

Hvenær teflt fyrst á EM landsliða og hversu oft hefur þú tekið þátt í EM landsliða:

Aðeins einu sinni 2005

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Frá Ólympíuskákmótinu 2010 á móti Evu Repkovu var flott skák, en var birt káður. [Innskot ritstjóra: var kosin skák ársins árið 2010 meðal lesenda Skákhornsins] 

Á þessu ári tefldi ég ein af flottustum skákum mínum í 8. umferð opna flokksins Olomouc chess summer á móti IM Boris Maryasin frá Israel. Hana má finna hér. Það var skemmtileg sóknaskák, þar sem allir mennirnir voru í lofti.  Á vísu var hér og þar hægt að tefla bettur, en það gerist oft í sóknaskákum. Eftir 19. leik var svartur rosa glaður, hugsaði líklega að búinn vinna í nokkrum leikum. Hann er manni yfir og 20. Dxd6 gengur ekki alveg vegna 20. ... Dxa5 21. b4 Dxd5. Að drepa biskup á e6 hefur sína galla líka: 20. dxe6 Hxe6 skák og b6 í næsta leik lítur ekki vel út heldur. En eftir 20. Hc7 hugsaði svartur ansi lengi og kom í ljós að það er núna hann sem er í vandræðum. 
Drottningafórn í lok er bara svona sætur endir.

 

Spá þín um lokasæti Íslands?

Batnandi mönnum er best að lifa.

 

Hverjir verða sigurvegarar EM (báðir flokkar)

Það verða óvænt úrslit.

 

Hver hefur verið undirbúningur þinn fyrir EM?

Fjölbreyttur undirbúningur.

 

Persónuleg markmið á mótinu.

Gera mitt besta.

Eitthvað að lokum?

Áfram Ísland!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "Chess Olympiad (Women)"] [Site "Khanty-Mansiysk RUS"] [Date "2010.09.27"] [EventDate "2010.09.21"] [Round "6"] [Result "1-0"] [White "Lenka Ptacnikova"] [Black "Eva Repkova"] [ECO "C07"] [WhiteElo "2282"] [BlackElo "2447"] [PlyCount "83"] 1. e4 e6 2. d4 d5 3. Nd2 c5 4. exd5 Qxd5 5. Ngf3 cxd4 6. Bc4 Qd6 7. O-O Nf6 8. Nb3 Nc6 9. Nbxd4 Nxd4 10. Nxd4 a6 11. Re1 Qc7 12. Qe2 Bd7 13. Bg5 O-O-O 14. a4 Bc5 15. c3 h5 16. b4 Bd6 17. h3 e5 18. Nb5 axb5 19. axb5 Bf5 20. b6 Qxb6 21. Be3 Qc7 22. Bb5 Nd7 23. Ra8+ Nb8 24. Ba7 Qxc3 25. Be3 Bc7 26. Rc1 Qxc1+ 27. Bxc1 Rd6 28. Be3 Rhd8 29. Ba4 Rg6 30. Qxh5 Be4 31. f3 Bd3 32. Bb3 Rd7 33. Qh8+ Rd8 34. Qh4 f5 35. Bg5 Bb6+ 36. Kh1 Rf8 37. Be7 Bf1 38. Ra2 Bd8 39. Qh7 Rh6 40. Qxg7 Rfh8 41. Bxd8 Kxd8 42. Rd2+ 1-0

Atskákmót Akureyrar hefst í kvöld

Mótið hefst kl. 20 fimmtudaginn 7. nóvember í Skákheimilinu. Tefldar verða 25 mínútna skákir, 7 umferðir eftir Monrad-kerfi.

Þrjár umferðir verða tefldar á fimmtudaginn, en fjórar sunnudaginn 10. nóvember. Þá hefst taflið kl. 13. 

Að venju áskilur mótsstjórn sér að gera minniháttar breytingu á fjölda umferða þegar fjöldi þátttakenda liggur fyrir.  Það verður þá gert í samráði við keppendur, eins og venja er.

Þátttökugjald er 1000 kr. 

Skráning á staðnum í upphafi móts, menn eru beðnir að mæta tímanlega þannig að hægt verði að byrja kl. 20.

Æsir - þrír Riddarar efstir

"Hart var barist og hart var varist"  á hinu vikulega móti skákklúbbs eldri borgara í Stangarhylnum sem endranær. Nærri þrír tugir vaskra skákvíkinga vógust þar á og "gáfu hvorki grið né frið" og þáðu ekki jafntefli nema í undantekningar tilfellum. Hin heilaga riddaraþrenning Guðfinnur, Stefán og Páll luku keppni með 9 vinninga af 10 mögulegum, sem telja verður vel af sér vikið.  

Þeir stallbræður urðu að láta sér stigareikning lynda til að deila sætum þó sumum finnist vel koma til greina og eðlilegra að miða við aldursröð, en Sviss Perfect býður ekki upp það né skákmótareglur yfirleitt.  Ef svo væri hefði Páll G. Jónsson, með sinn skák X-faktor í blóðinu, prýtt efsta sæti mótstöflunnar en hann er kominn á níræðisaldur, en þeir Gussi og Stebbi undir sjötugu. Þetta skiptir þó engu máli í heildarsamantekt um aflakóngstitil klúbbsins, þar eru það vinningarnir vetrarins sem telja til úrslita skipt eftir aldursflokkum.  

Nánari úrslit má sjá á meðf. mótstöflu sem segir sína sögu um dagsform keppenda sem oft á tíðum er ærið misjafnt.

 

 

Sjö skákmenn efstir á Vetrarmóti öðlinga

Önnur umferð Vetrarmóts öðlinga fór fram í kvöld. Að þessu sinni var lítið um óvænt úrslit og hinir stigahærri unnu almennt þá stigalægri. Sjö skákmenn eru efstir og jafnir með fullt hús. Stöðuna má finna hér. Þriðja umferð fer fram nk. miðvikudagskvöld. 

Úrslit 2. umferðar má finna hér.  Pörun þriðju umferðar má nálgast hér.

• Heimasíða TR
• Chess-Results 
• Myndaalbúm (GB)

Club Fischer 64

Menningarvinir!

Skákin hefur um áraraðir verið mikilvægur hluti af menningarlífi okkar Íslendinga. Margir kannast við nöfn eins og Willard Fiske, Bobby Fischer og Friðrik Ólafsson.

Sem kunnugt er opnaði Illugi Gunnarsson ráðherra Fischersetrið á Selfossi þann 11. júlí síðastliðinn í gamla Landsbankanum á Selfossi. Vefsíða http:// fischersetur.is

Fischersetrið er í senn fyrsta skáksafn á Norðurlöndum og fyrsta félagsheimili fyrir Skákfélag Selfoss og nágrennis (SSON). Núverandi formaður SSON er Björgvin Smári Guðmundsson.

Stjórn Fischerseturs er skipuð eftirfarandi einstaklingum;

• Ingimundur Sigurmundsson formaður
• Aldís Sigfúsdóttir
• Gunnar Björnsson
• Helgi Ólafsson
• Lýður Pálsson
• Gunnar Finnlaugsson
• Magnús Matthíasson

Framkvæmdastjórn Fischersetur skipa; Aldís Sigfúsdóttir, Bjarni Harðarson og Magnús Matthíasson. Gjaldkeri er Guðmundur Búason.

Riddaralið með Óla Þ Guðbjartsson í farabroddi hefur af miklum dugnaði og ástundum séð um safnið nú í sumar.

Klúbburinn Fischer 64

Hlutverk klúbbsins er að tryggja rekstur Fischersetursins. Einstaklingar sem gerast stofnfélagar í Fischer 64 fá eftirfarandi hlunnindi;

• Ókeypis aðgang að Fischersetrinu
• Nafn sitt á reit á stóru veggtafli í Fischersetrinu
• Ritið Fischer 64 sem gefið verður út á næsta ári. Ritið verður bæði á ensku og íslensku.

Hvað bókasafn varðar er fyrirmynd okkar MAX EUWE Center í hjarta Amsterdam. Nú þegar eru yfir hundrað skákbækur á að minnsta kosti tíu tungumálum í safninu. Flestar þeirra eru um Fischer og einvígið 1972.

Gjafir frá einstaklingum eru vel þegnar, sér í lagi íslenskar skákbækur og einnig innbundnir árgangar af tímaritinu SKÁK.

Það er von okkar að þið viljið styðja gott málefni. Án framlaga og sjálfboðaliða hefði Fischersetur ekki orðið að veruleika og nú þarf fyrst og fremst fjármagn til að tryggja framhaldið.

Stofnendur greiði vinsamlegast minst 10.000 krónur inn á neðangreindan reikning sem fyrst.

• Reikningur  0152-26-005104  kennitala 510413-0320  
• Landsbanki Íslands Selfossi
  

Silfurriddari verður sá sem greiðir 10.000 til 50.000 krónur

Gullriddari verður sá sem greiða meira en 50.000 krónur

Stórriddarar klúbbsins eru Friðrik Ólafsson (f1) og Guðmundur G Þórarinsson (g1).

Með skákkveðju

Guðni Ágústsson, forseti FISCHER 64

Gunnar Finnlaugsson, stofnandi Fischerseturs

Upplýsingar;

Gunnar Finnlaugsson

Mellanvångsvägen 23

223 55 Lund

Sverige

Tölvufang; [e-mail]

Símar: [phone] (heima) [phone] (farsími)