Íslandsmót kvenna 2012

Íslandsmót kvenna 2012 fer fram dagana 19. - 31. október nk. í húsnæði Skáksambands Íslands, Faxafeni 12, Reykjavík.  Að þessu sinni verður teflt í einum flokki, þ.e. opið öllum konum/stúlkum.

Tímamörk:   90 mín. + 30 sek. á leik.

Dagskrá:         

• Föstud., 19. okt., kl. 19, 1. umferð
• Mánud., 22. okt., kl. 19, 2. umferð
• Miðvikud., 24. okt., kl. 19, 3. umferð
• Föstud., 26. okt., kl. 19, 4. umferð
• Sunnud., 28. okt., kl. 13, 5. umferð
• Mánud., 29. okt., kl. 19, 6. umferð
• Miðvikud., 31. okt., kl. 19, 7. umferð

Verðlaun:       

• 1. 40.000.-
• 2. 25.000.-
• 3. 15.000.-

Tilkynna skal þátttöku til Skáksambands Íslands í síma 568 9141 eða í tölvupósti í netfangið [e-mail] fyrir 10. október nk.

Gallerý Skák - dagskrá vetrarins

Lista- og skákstofan í Bolholti 6 opnar dyr sínar að nýju fimmtudagskvöldið 27. september eftir sumarhlé og endurbætur á húsnæði.  Þar verða líkt og undanfarna vetur haldin opin "hvatskákmót" öll fimmtudagskvöld fram á vor, sem  nema öðruvísi sé tilkynnt um.

Skákkvöldin eru einkum ætluð brennheitum ástríðuskákmönnum á öllum aldri, sem ekki geta á heilum sér tekið nema að ná að etja kappi og blanda geði reglulega við stallbræður sína á hvítum reitum og svörtum  höldnum sömu áráttu, án "áfallahugröskunar"  þótt á móti blási stöku sinnum. 

Í Gallerý Skák er sem sagt teflt fyrir fegurðina  undir fororðinu "sjáumst og kljáumst"  sjálfum sér og öðrum til yndisauka og Kaissu til dýrðar  - til viðbótar annarri skákiðun í heimahéraði  og einstökum klúbbum.

Tvær mótaraðir með GrandPrix sniði verða haldnar - önnur fyrir áramót hin í byrjun nýs árs.

KAPPTEFLIÐ UM PATAGÓNINUSTEININN III - 6 kvölda mótaröð,  þar sem 4 bestu mót hvers keppenda telja til  GP stiga og vinnings,  hefst  11. október og líkur 15. nóvember.  

SKÁKKÓNGUR FRIÐRIKS II - 4 kvölda mótaröð með GP-sniði hefst 24. janúar og líkur 14. febrúar þar sem 3 bestu mót hvers og eins telja til stiga.

Sest er að tafli kl. 18 og tefldar 11 umferðir með 10. mínútna umhugsunartíma í tveimur lotum með matmáls- og kaffitíma.

Þátttökugjald kr. 1000 sem innifelur matföng , kaffi og kruðerí meðan á móti stendur.  

Forstöðumenn Gallerýsins eru þeir Guðfinnur R. Kjartansson og Einar S. Einarsson, sem báðir eru illa haldnir af ofangreindri áráttustreyturöskum og taka gestum fagnandi.   

Nánar, myndir og öll úrslit á www.galleryskak.net.

Engin Norðurlandamót í Karlstad í janúar

Norðurlandamótin í skák (opinn flokkur, kvennaflokkur og öðlingaflokkur) sem áttu að fara fram í Karlstad í janúar fara ekki fram.  Af óviðráðanlegum aðstæðum sá mótsfaldarinn sér ekki fært um að halda mótin. 

Skáksamband Norðurlanda er að fara yfir málið og það verður vonandi ljóst á næstu vikum hvar og hvenær mótin fara fram.

Sjá nánar á heimasíðu sænska skáksambandsins.

Ingimundur skákmeistari Selfoss

Ekki blés ný byrlega fyrir efstu mönnum í 9. og síðustu umferð Meistaramóts SSON, sem fram fór í gærkveldi, en þeir Ingimundur, Grantas og Ingvar Örn töpuðu allir skákum sínum í kvöld. Ingimundur fyrir bróður sínum, Grantas fyrir Erlingi Jenssyni og Ingvar fyrir Magnúsi.

Þessi úrslit komu þó ekki að sök fyrir Ingimund þar sem hann var efstur fyrir umferðina og engin náði honum að vinningum og er Ingimundur því skákmeistari félagsins árið 2012. Grantas tekur annað sætið og jafnir að vinningum í þriðja eru þeir Úlfhéðinn, Erlingur J og Þorvaldur en Úlfhéðinn fær bronsverðlaunin vegna hæstu stiga þeirra þriggja. Athygli vekur árangur Þorvaldar sem hér sýnir að með honum verður að reikna í framtíðinni. Ingimundur er svo sannarlega verðugur skákmeistari félagsins, teflir að miklu öryggi í bland við útsjónarsemi og stálvilja.

Næstkomandi miðvikudag fer fram síðasta æfing fyrir Íslandsmót skákfélaga sem fram fer helgina 5.-7. október. Liðsstjóri mun opinbera liðaskipan beggja sveita félagsins að því loknu.  

Miðvikudaginn 10. október hefst síðan Atskákmeistaramót félagsins.

Lokastaðan:

Meistaramót SSON 2012
Final Ranking
Rank	Name	Rtg	1	2	3	4	5	6	7	8	9	Pts	SB
1	Sigurmundsson Ingimundur	1811	*	1	0	0	1	1	1	1	1	6	20.00
2	Grigoranas Grantas	1689	0	*	1	1	0	½	1	1	1	5½	17.25
3	Sigurmundsson Úlfhéðinn	1796	1	0	*	1	1	0	1	0	1	5	19.00
4	Siggason Þorvaldur	1395	1	0	0	*	1	0	1	1	1	5	16.00
5	Jensson Erlingur	1754	0	1	0	0	*	1	1	1	1	5	15.00
6	Birgisson Ingvar Örn	1812	0	½	1	1	0	*	0	1	1	4½	14.75
7	Matthíasson Magnús	1622	0	0	0	0	0	1	*	1	1	3	6.50
8	Pálmarsson Erlingur Atli	1348	0	0	1	0	0	0	0	*	1	2	5.00
9	Erlingsson Arnar	0	0	0	0	0	0	0	0	0	*	0	0.00

Heimasíða SSON

Jón Viktor efstur á Tölvuteksmótinu

Alþjóðlegi meistarinn Jón Viktor Gunnarsson (2410) er efstur með fullt hús að loknum tveimur umferðum á Tölvuteksmótinu - Haustmóti TR.   Jón Viktor vann Lenku Ptácníková (2264) í kvöld.  Daði Ómarsson (2206) og Einar Hjalti Jensson (2305) unnu einnig í dag.  Sævar Bjarnason (2090) er annar með 1,5 vinning.

Jón Trausti Harðarson (1885) og Dagur Ragnarsson (1993) eru efstir í b-flokki með fullt hús.

Ingvar Egill Vignisson (1528) og Dawid Kolka (1368) eru efstir í c-flokki með fullt hús.

Úrslit 2. umferðar í a-flokki:

 

1	1933	Karlsson Mikael Jóhann	0 - 1	Ómarsson Daði	2206
2	2410	Gunnarsson Jón Viktor	1 - 0	Ptácníková Lenka	2264
3	2156	Þórhallsson Gylfi Þór	0 - 1	Björnsson Sverrir Örn	2154
4	2132	Maack Kjartan	½ - ½	Bjarnason Sævar Jóhann	2090
5	2305	Jensson Einar Hjalti	1 - 0	Ragnarsson Jóhann H	2081

Staðan:

 

Rk.		Name	Rtg	Pts.
1	IM	Gunnarsson Jón Viktor	2410	2
2	IM	Bjarnason Sævar	2090	1,5
3	FM	Jensson Einar Hjalti	2305	1
	WGM	Ptácníková Lenka	2264	1
5		Ragnarsson Jóhann H	2081	1
6		Björnsson Sverrir Örn	2154	1
		Ómarsson Daði	2206	1
8		Maack Kjartan	2132	0,5
9		Þórhallsson Gylfi Þór	2156	0
		Karlsson Mikael Jóhann	1933	0

B-flokkur:

Röð efstu manna:

• 1.-2. Jón Trausti Harðarson (1885) og Dagur Ragnarsson 2 v.
• 3.-4. Eiríkur Björnsson (1932) og Nökkvi Sverrisson (1999) 1,5 v.

Nánar á Chess-Results

C-flokkur:

Röð efstu manna:

• 1.-2. Ingvar Egill Vignisson (1528) og Dawid Kolka (1368) 2 v.
• 3.-6. Felix Steinþórsson (1279), Jakob Alexander Petersen (1241), Gauti Páll Jónsson (1406) og Sóley Lind Pálsdóttir (1406) 1,5 v.

Sjá nánar á Chess-Results.

• Heimasíða TR
• Chess-Results
• Myndaalbúm (GB)

Caruana efstur í Sao Paulo

Ítalski Íslandsvinurinn Fabiano Caruana (2773) er efstur með 7 stig á Alslemmu-mótinu sem nú fer fram í Sao Paulo í Brasilíu.  Ítalinn hefur unnið tvo góða sigra, annan gegn Carlsen (2843) og hinn gegn Karjakin (2778).   Aronian (2816) er annar með 5 stig og Carlsen er þriðji með 4 stig.  Ákaflega hart hefur verið barist á mótinu, enda eru veitt 3 stig fyrir sigur og eitt fyrir jafntefli.

Frídagur er á morgun en umferðirnar í Sao Paulo hefjast kl. 18.  Eftir 5 umferðir verður hlé á mótinu vegna Íslandsmóts skákfélaga en síðari hlutinn fer fram í Bilbao á Spáni og hefst 8. október

Staðan efstir 3 umferðir:

• 1. Caruana (2773) 7 stig
• 2. Aronain (2816) 5 stig
• 3. Carlsen (2846) 4 stig
• 4. Anand (2780) 3 stig
• 5. Vallejo (2697) 2 stig
• 6. Karjakin (2778) 1 stig

• Heimasíða mótsins
• Beinar útsendingar

Friðrik Ólafsson á faraldsfæti: Skákhátíðir í þremur löndum

Friðrik Ólafsson, fyrsti stórmeistari Íslendinga, lætur ekki deigan síga í þjónustu skákgyðjunnar, þótt hann sé nú á 78. aldursári. Í lok ágúst tók hann þátt í skemmtilegri skákhátíð í Dresden í Þýskalandi, en þangað var boðið öllum stórmeisturum 75 ára og eldri.

Í þeim hópi voru mörg kunnugleg nöfn úr skáksögunni, kempur á borð við Mark Taimanov, Júrí Averbach, Wolfgang Uhlman og Evgení Vasjúkov. Ríkulega myndskreytta frásögn af hátíðinni í Dresden er að finna hér.

Friðrik segir að sérlega ánægjulegt hafi verið að taka þátt í hátíðinni í Þýskalandi:

,,Það var mjög gaman að hitta þarna kollega sína frá fyrri tíð og endurnýja kynnin. Þessi skákhátíð verður svo endurtekin á næsta ári í ágúst og þá vonast mótshaldarar til að þátttakendur verði fleiri."

Næst heldur Friðrik til keppni á minningarmóti um Bent Larsen í Álaborg, 15.-21. október. Bent Larsen (1935-2010) og Friðrik voru keppinautar í áratugi, og háðu söguleg einvígi á sjötta áratugnum, sem vöktu skákbylgju um allt land.

Dagana 7.-16. desember tekur Friðrik svo þátt í skákmóti í Podebrady í Tékklandi, en þar var m.a. haldið sterkt skákmót á árinu 1936 með þátttöku Alexanders Alekhines og Salo Flohrs. Þetta er mót með sama sniði og undanfarin ár í Marianske Lazne, en þar mæta gamlar kempur ungum og efnilegum skákkonum. Gaman að verður að fylgjast með þeirri viðureign, enda stór nöfn í báðum liðum, og Friðrik hlakkar til hólmgöngunnar:

,,Með mér  í liði verða Viktor Korchnoi, Vlastimil Hort og Oleg Romanishin. Í sveit skákdrottninganna verða Valentina Gunina, Alina Kashlinska og Kristyna Havlikova, nafnið vantar á þeirri fjórðu. Það er eins gott að maður fái sér smá æfingu í Álaborg áður en gengið er á hólm við þessar valkyrjur!"

Friðrik tók um síðustu helgi þátt í málþingi sem haldið var í tilefni þess að 40 ár eru liðin frá Einvígi aldarinnar í Laugardalshöll.

,,Mér fannst málþingið á laugardaginn takast vel og margt áhugavert koma þar fram. Það gladdi mig hversu margir komu til mín að málþinginu loknu til að þakka mér fyrir mitt innlegg. Þetta var frábær dagur fyrir skákina og þá sérstaklega æskulýðsstarfið sem er greinilega að bera ávöxt."
 

Grænlenskir skákkrakkar í heimsókn

Um 30 börn frá Grænlandi eru nú stödd á Íslandi. Helsta markmið hópsins er að læra að synda í ferðinni, en lítið sem ekkert er um sundlaugar á austurströnd Grænlands þaðan sem börnin koma, frá nokkrum þorpum. Helsti bakhjarl ferðarinnar er Kalak, sem er vinafélag Íslands og Grænlands. Ásamt því að synda hafa börnin séð hesta og kindur, rúllustiga og farið í bíó; allt sem var þeim ókunnugt fyrir ferðina.
 
Á mánudaginn bauð svo Skákakademían börnunum upp á skákkennslu. Björn Ívar leiðbeindi hópnum í tvær klukkustundir og höfðu þau gaman af, nokkur börnin kunnu aðeins fyrir sér í skák enda þau frá Ittoqqortoormiit þar sem fer fram regluleg skákkennsla um hverja páska.
 
Börnin eru á Íslandi í tvær vikur og eiga meðal annars eftir að fara í heimsókn á Bessastaði.

Ingimar kom sá og sigraði í Stangarhyl

Ingimar Halldórsson skákmeistari heiðraði gesti með nærveru sinni í Ásgarði í dag hann sigraði alla sína andstæðinga tíu að tölu.  Í öðru sæti varð Sæbjörn G. Larsen með 9 vinninga og þriðja sætinu náði Haraldur Axel með 7 vinninga.

Tuttugu og þrír skákmenn mættu til leiks í dag.

Nánari úrslit:

• 1          Ingimar Halldórsson                           10 vinninga
• 2          Sæbjörn G. Larsen                              9
• 3          Haraldur Axel Sveinbjörnsson            7
• 4          Ásgeir Sigurðsson                               6
• 5-10     Gunnar Finnsson                                 5.5
•             Jón Steinþórsson                                 5.5
•             Óli  Árni Vilhjálmsson                        5.5
•             Guðfinnur Kjartansson                       5.5
•             Jón Víglundsson                                 5.5
•             Valdimar Ásmundsson                       5.5
• 11-14   Viðar Arthúrsson                                5
•             Magnús V.Pétursson                           5
•             Hermann Hjartarson                            5
•             Birgir Sigurðsson                                5

Næstu níu skákmenn sættu sig við örlítið færri vinninga í þetta skipti.

Skáktímar hefjast aftur í Stúkunni á Kópavogsvelli

Samvinnuverkefni Skákskóla Íslands og Skákakademíu Kópavogs fer aftur af stað í Stúkunni á Kópavogsvell og verður fyrsti tími næsta föstudag þann 28. september   kl. 14.30 og stendur til að verða kl. 16.30. Sem fyrr verður það Helgi Ólafsson stórmeistari og skólastjóri Skákskóla Íslands sem hefur umsjón með þessum tímum.

Æfingar Skákakademíu Kópavogs verða framvegis á föstudögum milli kl 14:30 og 16:30.