Leikgleðin í fyrirrúmi þegar Úrvalssveitin heimsótti Securitas

Það var glens og gaman þegar krakkar úr Úrvalssveit Skákakademíunnar mættu til leiks í höfuðstöðvum Securitas í Skeifunni í morgun. Securitas hlaut nýverið viðurkenningu VR sem fyrirmyndarfyrirtæki 2012, og vel var tekið á móti krökkunum.

Lið Skákakademíunnar var að þessu sinni skipað Degi Ragnarssyni, Oliver Aron Jóhannessyni, Kristófer Jóel Jóhannessyni, Heimi Páli Ragnarssyni, Felix Steinþórssyni og Gauta Páli Jónssyni. Óhætt er að segja að þeir hafi allir farið á kostum, og vöktu tilþrif þeirra óskipta aðdáun fjölmargra starfsmanna sem fylgdust með viðureigninni.

Lið Securitas sýndi góða takta en varð að játa sig sigrað í einvígi þar sem leiðgleðin var allsráðandi. Fyrir Securitas tefldu Ómar Brynjólfsson, Hafþór Theodórsson, Gestur Guðjónsson, Haukur Örn Steinarsson og Þorkell Viðarsson.

Árni Guðmundsson framkvæmdastjóri gæslusviðs og stofnandi Securitas, lék fyrsta leikinn í einvíginu og í mótslok færði Pálmar Þórisson, framkvæmdastjóri markaðs- og sölusviðs, strákunum góðar gjafir: Fótbolta, frisbídiska og öryggisljós. Skáksveit Securitas hefur þegar ákveðið að tefla annað einvígi við Úrvalssveitina -- og skoraði auk þess á skákkrakkana í fótboltaleik!

Báðum áskorunum var tekið fagnandi.

Myndaalbúm (HJ)

Ný íslensk skákstig

Ný íslensk skákstig eru komin út (miðuð við 1. júní).   Jóhann er stigahæstur með 2624 skákstig en í næstum sætum eru Hannes Hlífar Stefánsson (2581) og Héðinn Steingrímsson (2551).  Níu nýliðar eru á listanum og þeirra stigahæstur er Guðmundur R. Gunnlaugsson (1484).   Hilmir Hrafnsson hækkar mest frá síðasta lista eða um 232 skákstig.

Topp 20:

No.	Name	RtgC	Diff	Cat	Tit	Games
1	Jóhann Hjartarson	2624	2	-	GM	755
2	Hannes H Stefánsson	2581	-34	-	GM	1068
3	Héðinn Steingrímsson	2551	3	-	GM	344
4	Helgi Ólafsson	2543	1	-	GM	822
5	Henrik Danielsen	2529	8	-	GM	202
6	Jón Loftur Árnason	2515	-2	-	GM	619
7	Helgi Áss Grétarsson	2501	1	-	GM	586
8	Bragi Þorfinnsson	2470	16	-	IM	949
9	Stefán Kristjánsson	2469	-26	-	GM	774
10	Karl Þorsteins	2467	-5	-	IM	568
11	Hjörvar Steinn Grétarsson	2449	32	U20	IM	526
12	Þröstur Þórhallsson	2432	28	-	GM	1224
13	Jón Viktor Gunnarsson	2424	-19	-	IM	1039
14	Arnar Gunnarsson	2403	0	-	IM	816
15	Björn Þorfinnsson	2387	-29	-	IM	1046
16	Sigurbjörn Björnsson	2383	-1	-	FM	995
17	Dagur Arngrímsson	2376	39	-	IM	584
18	Magnús Örn Úlfarsson	2376	3	-	FM	547
19	Guðmundur Kjartansson	2366	17	-	IM	699
20	Jón G Viðarsson	2349	0	-	IM	889

Nýliðar

Níu nýliðar eru á listanum.  Þeirra stigahæstur er Guðmundur Reynir Gunnlaugsson með 1484 skákstigum en í næstum sætum eru Mikael Máni Freysson (1188) og Gabríel Orri Duret (1173).

 

No.	Name	RtgC	Diff	Cat	Tit	Games
1	Guðmundur Reynir Gunnlaugsson	1484	1484	-		11
2	Mikael Máni Freysson	1188	1188	U14		11
3	Gabríel Orri Duret	1173	1173	U14		12
4	Róbert Örn Vigfússon	1098	1098	U12		9
5	Haraldur Halldórsson	1025	1025	U14		11
6	Tinna Ósk Rúnarsdóttir	1025	1025	U12		11
7	Wiktor Tómasson	1025	1025	U14		11
8	Halldór Broddi Þorsteinsson	1000	1000	U14		11
9	Óskar Víkingur Davíðsson	1000	1000	U08		9

 
Mestu hækkanir

Hilmir Hrafnsson hækkar mest frá 1. mars - listanum eða um 232 skákstig.  Næstir eru nafni hans Freyr Heimisson (190) og Davíð Kjartansson (165).   Ellefu skákmenn hækka um 100 skákstig eða meira.

 

No.	Name	RtgC	Diff	Cat	Tit	Games
1	Hilmir Hrafnsson	1232	232	U12		29
2	Hilmir Freyr Heimisson	1649	190	U12		82
3	Dagur Kjartansson	1817	165	U16		264
4	Felix Steinþórsson	1295	145	U12		62
5	Hrund Hauksdóttir	1685	130	U16		221
6	Andri Freyr Björgvinsson	1543	119	U16		114
7	Leifur Þorsteinsson	1429	119	U14		63
8	Nansý Davíðsdóttir	1427	114	U10		104
9	Oliver Aron Jóhannesson	1867	110	U14		182
10	Baldur Teodor Petersson	1269	110	U12		32
11	Jón Trausti Harðarson	1880	107	U16		175

Stigahæstu unglingar

Hjörvar Steinn Grétarsson er langstigahæsta ungmenni landsins (20 ára og yngri) með 2449 skákstig.  Í næstum sætum er Patrekur Maron Magnússon (2009), Mikael Jóhann Karlsson (2003) og Dagur Ragnarsson (2003).

No.	Name	RtgC	Diff	Cat	Tit	Games
1	Hjörvar Steinn Grétarsson	2449	32	U20	IM	526
2	Patrekur Maron Magnússon	2009	59	U20		207
3	Mikael Jóhann Karlsson	2003	60	U18		268
4	Dagur Ragnarsson	2003	29	U16		180
5	Nökkvi Sverrisson	1999	31	U18		294
6	Örn Leó Jóhannsson	1989	19	U18		221
7	Vilhjálmur Pálmason	1930	0	U20		157
8	Hallgerður H Þorsteinsdóttir	1912	-18	U20		400
9	Jón Trausti Harðarson	1880	107	U16		175
10	Jóhanna Björg Jóhannsdóttir	1870	28	U20		343

 
Stigahæstu skákkonur

Lenka Ptácníková (2225) er sem fyrr langstigahæsta skákkona landsins með 2225 skákstig.  Í næstum sætum eru Guðlaug Þorsteinsdóttir (2025) og Hallgerður Helga Þorsteinsdóttir (1912). 

No.	Name	RtgC	Diff	Cat	Tit	Games
1	Lenka Ptácníková	2225	-14	-	WGM	476
2	Guðlaug U Þorsteinsdóttir	2025	-28	-	WFM	366
3	Hallgerður H Þorsteinsdóttir	1912	-18	U20		400
4	Jóhanna Björg Jóhannsdóttir	1870	28	U20		343
5	Tinna Kristín Finnbogadóttir	1858	12	-		286
6	Sigríður Björg Helgadóttir	1823	0	U20		203
7	Guðfríður L Grétarsdóttir	1820	0	-	WIM	336
8	Harpa Ingólfsdóttir	1805	0	-		287
9	Elsa María Krístinardóttir	1754	-1	-		318
10	Sigurlaug R Friðþjófsdóttir	1701	5	-		611

Stigahæstu öðlingar

 

No.	Name	RtgC	Diff	Cat	Tit	Games
1	Friðrik Ólafsson	2510	0	SEN	GM	147
2	Bragi Halldórsson	2194	3	SEN		732
3	Magnús Sólmundarson	2190	0	SEN		302
4	Björn Þorsteinsson	2182	7	SEN		810
5	Jón Torfason	2175	0	SEN		283
6	Júlíus Friðjónsson	2175	-7	SEN		676
7	Arnþór S Einarsson	2125	0	SEN		22
8	Gunnar Magnússon	2117	11	SEN		148
9	Jónas Þorvaldsson	2110	0	SEN		216
10	Björn Theodórsson	2105	0	SEN		28

Reiknuð skákmót

• N1 Reykjavíkurskákmótið
• Íslandsmót skákfélaga (1.-4. deild)
• Áskorendaflokkur Íslandsmótsins í skák
• Landsliðsflokkur Íslandsmótsins í skák
• Landsmótið í skólaskák (eldri og yngri flokkur)
• Skákmót öðlinga
• Skákþing Fljótdalshéraðs + úrslitakeppni
• Stigamót Hellis (4.-6. umferð)
• Úrslitakeppni Íslandsmótsins í skák
• Skákþing Norðlendinga (4.-7. umferð)

 

Hjörvar og Þorsteinn með jafntefli gegn stórmeisturum

Hjörvar Steinn Grétarsson (2477) og Þorsteinn Þorsteinsson (2248) gerðu báðir jafntefli við stórmeistara í 5. umferð alþjóðlega mótsins í Val Gardena á Ítalíu sem fram fór í gær.  Hjörvar við pólska stórmeistarann Rafal Antoniewski (2536) en Þorsteinn við ísraelska stórmeistarann Tal Baron (2467).  Þorsteinn fer yfir skák sína á Skákhorninu. 

Hjörvar hefur 3,5 vinning og er í 5.-14. sæti en Þorsteinn hefur 3 vinninga og er í 15.-21. sæti. Hollenski stórmeistarinn Sipke Ernst (2554) er efstur með 4,5 vinning.

Í 6. umferð, sem fram fer í dag, tefla þeir báðir við rússneska stórmeistara.  Hjörvar Mikhail Ulibin (2519) en Þorsteinn við Evgeny Gleizerov (2570). 

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar.  Hjörvar er nr. 13 í stigaröð keppenda en Þorsteinn er nr. 28.  

Allar skákir mótsins eru sýndar beint og hefjast umferðir kl. 13.  

• Heimasíða mótsins
• Myndaalbúm (GF)
• Úrslitaþjónusta
• Beinar útendingar (hefjast kl. 13 nema síðasta umferðin kl. 7)

Vigfús sigraði á atkvöldi

Vigfús Ó. Vigfússon sigraði með fullu húsi 6vinninga í sex skákum á atkvöldi Hellis sem fram fór 4. júní sl. Sigurinn var kannski ekki alveg eins öruggur og tölurnar segja til um því úrslitin réðust í skák Vigfúsar og Hilmis í 5 umferð þar sem Hilmir varðist vel í erfiðri stöðu og missti sennilega af tækifæri til að snúa taflinu sé í vil rétt fyrir lokin. Í öðru sæti varð Hilmir Freyr Heimisson með 4,5v og þriðji varð svo Páll Andrason með 4,5v.

Næst á dagskrá hjá Helli er svo Mjóddarmótið í göngugötunni í Mjódd næstkomandi laugardag og hefst það kl. 14.

Lokastaðan:

Röð   Nafn                         Vinn.    M-Buch. Buch. Progr.

  1   Vigfús Ó. Vigfússon,           6        12.5  17.5   21.0

  2   Hilmir Freyr Heimisson,        4.5      12.5  20.0   17.0

  3   Páll Andrason,                 4        14.0  20.5   14.5

  4   Jón Úlfljótsson,               3.5      12.5  20.0   12.5

 5-6  Elsa María Kristínardóttir,    3        13.5  21.5   11.0

      Óskar Víkingur Davíðsson,      3         8.5  13.0    9.0

 7-8  Jakob Alexander Petersen,      2        11.0  17.5    6.0

      Bjarni Þór Guðmundsson,        2        11.0  16.0    7.0

  9   Pétur Jóhannesson,             1.5      10.5  15.5    5.5

 10   Björgvin Kristbergsson,        0.5      11.0  18.5    1.5

Uppskeruhátíð Skákakademíunnar í Ráðhúsinu á sunnudaginn!

- Skákmaraþon og áheitasöfnun barna
- Krakkarnir skora á forsetaframbjóðendur
- Jóhannes Kristjánsson stjórnar Skákuppboði aldarinnar
- Skákflóamarkaður
- Fjöltefli stórmeistara


Skákakademían býður til Uppskeruhátíðar og skákmaraþons í Ráðhúsi Reykjavíkur, sunnudaginn 10. júní kl. 12-18. Fjölbreytt og skemmtileg dagskrá er í boði fyrir alla fjölskylduna.

Tilgangurinn er að kynna starf Skákakademíunnar sl. ár og safna fé til styrktar æskulýðsverkefnum í skák.

Katrín Jakobsdóttir menntamálaráðherra setur hátíðina klukkan 12 og síðan hefst taflmennska krakka úr Úrvalssveitum Skákakademíunnar.

Andstæðingar krakkanna greiða upphæð að eigin vali og er von þeirra að sem allra flestir áskoruninni.

Krakkarnir hafa sett sér það markmið að tefla alls 200 skákir á sunnudaginn, og geta einstaklingar og fyrirtæki heitið á krakkana.

Fjölmargir hafa boðað komu sína, til að tefla við krakkana. Þá hefur öllum forsetaframbjóðendum verið send áskorun og er útlit fyrir að flestir þeirra mæti með bros á vör.

Stórmeistararnir Friðrik Ólafsson, Jóhann Hjartarson og Stefán Kristjánsson tefla fjöltefli við gesti á öllum aldri.

Haldinn verður Skákflóamarkaður, þar sem hægt verður að kaupa skákbækur, taflsett, minjagripi og ýmsa muni sem tengjast skák.

Einn af hápunktum dagsins verður Skákuppboð aldarinnar, en eru boði merkirlegir gripir úr fórum margra bestu skákmanna landsins og hollvina skákarinnar. Meðal þeirra sem gefa gripi á uppboðið eru Friðrik Ólafsson, Jóhann Hjartarson, Helgi Ólafsson, Guðfríður Lilja Grétarsdóttir, Ríkharður Sveinsson, Hrafn Jökulsson, Halldór Blöndal, Jón L. Árnason og Guðni Ágústsson.

Uppboðinu stjórnar enginn annar en Jóhannes Kristjánsson eftirherma og sérlegur vinur skákíþróttarinnar. Hægt verður að skoða uppboðsmunina hér á www.skak.is á næstu dögum, og þar er hægt að senda inn tilboð.

Skákakademía Reykjavíkur hefur á sl. ári staðið fyrir skákkennslu í 30 grunnskólum og hafa á annað þúsund börn notið kennslunnar. Þá hefur Skákakademían staðið fyrir fjölda viðburða, safnað fé til góðra málefna og lagt mikinn metnað og kraft við að útbreiða skákíþróttina sem víðast og gera hana sýnilega.

Úrvalslið Skákakademíunnar á ferð og flugi

Sigrar gegn útgefendum og RÚV, tap gegn firnasterkri sveit Landsbankans.

Úrvalssveit Skákakademíu Reykjavíkur heldur áfram að gera víðreist og heimsækja fyrirtæki og stofnanir. Á síðustu dögum hafa krakkarnir teflt við sveitir bókaútgefenda, Ríkisútvarpsins og Landsbankans.

Með heimsóknunum er Skákakademían að kynna starf sitt og Uppskeruhátíðina sem haldin verður í Ráðhúsinu á sunnudaginn, 10. júní. Á döfinni eru meðal annars einvígi við borgarstjórn Reykjavíkur, Securitas, 365 og Icelandair.

Sveit bókaútgefenda var ekki skipuð neinum aukvisum. Tómas Hermannsson (eini Íslendingurinn sem unnið hefur Judith Polgar í kappskák) fór fyrir sveitinni, og hafði sér til halds og trausts þá Egil Örn Jóhannsson, Björn Þór Sigbjörnsson og Hrafn Jökulsson. Teflt var í rjómablíðu á bryggjunni hjá Víkinni í Sjóminjasafninu. Krakkarnir tefldu af miklu öryggi og unnu 11-5. Hilmir Freyr Heimisson náði bestu árangri Úrvalsliðsins, sigraði í öllum 4 skákum sínum.

Öruggur sigur í Efstaleiti

Næst lá leiðin í höfuðstöðvar RÚV í Efstaleiti, sem löngum hefur verið mikið vígi skáklistarinnar. Nokkuð var um forföll í liði RÚV, sem tefldi þó fram hinum harðsnúna Jóni Guðna Kristjánssyni á efsta borði.

Krakkarnir unnu nokkuð öruggan sigur, þegar upp var staðið, og erfitt að gera upp á milli frammistöðu keppenda Úrvalsliðsins, sem að þessu sinni var skipað Heimi Páli Ragnarssyni, Veroniku Steinunni Magnúsdóttur, Vigni Vatnari Stefánssyni og Felix Steinþórssyni.

 Tap fyrir stórveldinu í Austurstræti

Á þriðjudag heimsóttu krakkarnir aðalútibú Landsbankans í Austurstræti og þar tók sannkallað ofurlið á móti þeim, enda Landsbankinn löngum eitt höfuðvígi skáklistarinnar. Meðal keppenda í 10 manna liði bankans voru m.a. Bergsteinn Einarsson, Ingimundur Sigurmundsson, Ólafur Kjartansson og Gunnar Björnsson, forseti Skáksambandsins.

Úrvalsliðið tapaði fyrri umferðinni með minnsta mun, 4,5 vinningi gegn 5,5 en í seinni hálfleik sýndu bankamennirnir klærnar og unnu 7-3. Lokaúrslit urðu því sigur Landsbankans, sem fékk 12,5 vinning en Úrvalsliðið fékk 7,5. Eftir skemmtilega viðureign var öllum boðið í ljúffengar veitingar, og þar skoraði Úrvalsliðið á Landsbankann í annað einvígi við fyrsta tækifæri.

Krakkarnir sem tefldu í Landsbankanum voru Hilmir Freyr Heimisson, Dagur Ragnarsson, Oliver Aron Jóhannesson, Hrund Hauksdóttir, Svandís Rós Ríkharðsdóttir, Felix Steinþórsson, Leifur Þorsteinsson, Heimir Páll Ragnarsson og Dagur Kjartansson.

Fyrirtæki, félög eða stofnanir sem vilja fá heimsókn frá Úrvalsliðinu eru hvött til að hafa samband við Stefán Bergsson, framkvæmdastjóra Skákakademíunnar í [e-mail]!

Mjóddarmót Hellis fer fram á laugardag

Mjóddarmót Hellis fer fram laugardaginn 9. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Brúðarkjólaleiga Katrínar en fyrir hana tefldi Daði Ómarsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hellis: http://hellir.blog.is.   Upplýsingar um þegar skráða keppendur má nálgast hér.

Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Heimasíða Hellis: http://hellir.blog.is
• Sími: 866 0116

Landsmót UMFÍ 50+ - keppt í skák á laugardeginum

Skákmót Landsmót 50+ fer fram á laugardaginn 9. júní og hefst kl. 13 í Varmárskóla (bókasafni barnaskólans).

Tefldar verða 9 umferðir með 10 mínútna umhugsunartíma.

Hægt er að skrá sig til þátttöku á netinu en einnig á mótstað.

Æskilegt að mæta tímanlega til tafls, a.m.k. hálftíma fyrir keppni.

Umsjón mótsins er í höndum RIDDARANS  - skákklúbbs eldri borgara á höfuðborgarsvæðinu -  og Einar S. Einarsson, verður skákstjóri.

Nánar á http://www.umfi.is/umfi09/50plus/

Þátttökugjald mótsins kr. 3.500-  gildir fyrir allar keppnisgreinar, margvíslega afþreyingu, heilsurækt, fyrirlestra og fleira.

Krakkarnir skora á forsetaframbjóðendur í skák!

Krakkarnir í Úrvalssveit Skákakademíunnar, sem þessa dagana tefla við fulltrúa fyrirtækja og stofnana, bjóða öllum forsetaframbjóðendunum að mæta á Uppskeruhátíð Skákakademíunnar í Ráðhúsinu á sunnudag og tefla eina skák.

Frambjóðendur til forseta eru Andrea Ólafsdóttir, Ari Trausti Guðmundsson, Hannes Bjarnason, Herdís Þorgeirsdóttir, Ólafur Ragnar Grímsson og Þóra Arnórsdóttir.

Bréf Skákakademíunnar til forsetaframbjóðenda er svohljóðandi:

,,Sunnudaginn 10. júní stendur Skákakademía Reykjavíkur fyrir Uppskeruhátíð í Ráðhúsinu. Þar munu börn úr úrvalssveitum Skákakademíunnar tefla við gesti og gangandi, og safna áheitum til stuðnings æskulýðsstarfi í skák.

Krakkarnir hafa sett sér það markmið að tefla 200 skákir frá klukkan 12 til 18 á sunnudaginn. Það væri okkur mikil ánægja og heiður ef þú sem frambjóðandi til æðsta embættis þjóðarinnar gætir litið við einhverntímann dagsins og tekið eina skák við krakkana. Skák er þjóðaríþrótt Íslendinga og við vonum innilega að þú sjáir þér fært að mæta á sunnudaginn.

Kjörorð skákhreyfingarinnar er: Við erum ein fjölskylda.

Með kærri kveðju,

Stefán Bergsson, framkvæmdastjóri SR."

Val Gardena: Hjörvar og Þorsteinn með jafntefli gegn sterkum andstæðingum

Hjörvar Steinn Grétarsson (2477) og Þorsteinn Þorsteinsson (2248) gerðu báðir jafntefli í 4. umferð alþjóðlega mótsins í Val Gardena á Ítalíu sem fram fór í dag.  Hjörvar við þýska stórmeistarann Arkadij Rotstein (2512) en Þorsteinn við ítalska alþjóðlega meistarann Fabio Bruno (2447).  Hjörvar hefur 3 vinninga og er í 6.-11. sæti en Þorsteinn hefur 2,5 vinning og er í 12.-22. sæti.

Í 5. umferð, sem fram fer á morgun, teflir Hjörvar við pólska stórmeistarann Rafal Antoniewski (2536) en Þorsteinn við ísraelska stórmeistarann Tal Baron (2467). 

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar.  Hjörvar er nr. 13 í stigaröð keppenda en Þorsteinn er nr. 28.  

Allar skákir mótsins eru sýndar beint og hefjast umferðir kl. 13.  

• Heimasíða mótsins
• Myndaalbúm (GF)
• Úrslitaþjónusta
• Beinar útendingar (hefjast kl. 13 nema síðasta umferðin kl. 7)