Skák.is

Bloggfærslur mánaðarins, júní 2012

5.6.2012 | 17:32

Henrik með jafntefli í lokaumferðinni og endaði í 2.-4. sæti

Stórmeistarinn Henrik Danielsen (2498) gerði jafntefli við danska alþjóðlega meistarann Nikolaj Mikkelsen (2399) í 9. og síðustu umferð alþjóðlega mótsins í Brønshøj í Danmörku. Henrik hlaut 6 vinninga og endaði í 2.-4. sæti.

Mikkelsen sigraði á mótinu en hann hlaut 6,5 vinning og náði jafnframt stórmeistaraáfanga. Jafnir Henrik urðu sænski stórmeistarinn Jonny Hector (2560) og danski alþjóðlegi meistarinn Mads Andersen (2432).

Frammistaða Henriks samsvaraði 2559 skákstigum og hækkar hann um 7 stig fyrir hana.

Meðalstigin á mótinu eru 2441 skákstig. Í flokknum taka 10 skákmenn þátt og þar af 3 stórmeistarar. Henrik er nr. 3 í stigaröð keppenda. Eins og svo oft á dönskum mótum er tefldar 2 umferðir á dag. Umferðirnar hefjast kl. 8 og 13.

Spil og leikir | Slóð | Facebook | Athugasemdir (0)

5.6.2012 | 12:28

Brønshøj: Henrik vann í næstsíðstu umferð - er í þriðja sæti fyrir lokaumferðina

Stórmeistarinn Henrik Danielsen (2498) vann danska alþjóðlega meistarann Andreas Skytte Hagen (2445) í áttundu og næstsíðustu umferð alþjóðlega mótsins í Brønshøj í Danmörku sem fram fór í dag. Henrik hefur 5½ vinning og er í 3. sæti.

Dönsku alþjóðlegu meistararnir Nikolaj Mikkelsen (2399) og Mads Andersen (2432) eru efstir með 6 vinninga.

Henrik mætir Mikkelsen í lokaumferðinni sem hefst nú kl. 13.

Spil og leikir | Slóð | Facebook | Athugasemdir (0)

4.6.2012 | 20:19

Skákuppboð aldarinnar til stuðnings æskulýðsstarfi: Friðrik Ólafsson gefur tvö söguleg skáksett

,,Þið skuluð flýta ykkur út með þetta, áður en mér snýst hugur," sagði Friðrik Ólafsson kímileitur þegar hann afhenti Skákakademíu Reykjavíkur tvö söguleg taflsett, sem hann fékk að gjöf á Piatigorsky-stórmótinu í Los Angeles 1963. Þetta var sterkasta skákmót í Bandaríkjunum síðan 1927 og Friðrik lenti í 3. til 4. sæti, hársbreidd frá sigri.

Friðrik Ólafsson er verndari Skákakademíu Reykjavíkur og hann gefur tvö taflsett, hönnuð af hinum fræga Peter Ganine, myndhöggvara og hönnuði, á Skákuppboð aldarinnar sem haldið er í tilefni af Uppskeruhátíð Skákakademíunnar í Ráðhúsi Reykjavíkur, sunnudaginn 10. júní.

Þá munu börnin, sem notið hafa góðs af kennslu og starfi Skákakademíunnar, tefla maraþon við gesti og gangandi, og safna fé til æskulýðsstarfs í skák.

Á næstu dögum verða munir á Skákuppboði aldarinnar kynntir. Margir bestu skákmenn þjóðarinnar og hollvinir skákarinnar gefa gripi á uppboðið. Þar má nefna Helga Ólafsson, Jóhann Hjartarson, Guðfríði Lilju Grétarsdóttur, Ríkharð Sveinsson, Jón L. Árnason, Hrafn Jökulsson, Guðna Ágústsson, Össur Skarphéðinsson o.fl.

Ef þú lumar á skemmtilegum skákgripum, og vilt láta gott af þér leiða í þágu skákíþróttarinnar, verður tekið við munum á Skákuppboðið, sem og á Skákflóamarkað, sem haldinn verður í Ráðhúsinu samhliða maraþoninu á sunnudaginn. Sendu okkur línu á stefan@skakakademia.is.

Allur ágóði af uppboðinu rennur til barna- og ungmennaverkefna í skák á vegum Skákakademíunnar. Á liðnu skólaári stóð Skákakademían fyrir kennslu í 30 grunnskólum höfuðborgarinnar, og hélt fjölmörg mót og viðburði. Þá hefur Skákakademían unnið, með góðum árangri, með Skáksambandinu, taflfélögum, fyrirtækjum, félögum og einstaklingum.

Helsta markmið Skákakademíunnar er að innleiða skákíþróttina í grunnskólana, svo öll börn á Íslandi fái að læra skák -- svo allir njóti góðs af.

Lægsta boð í hvort taflsett um sig er 50.000 krónur. Tilboð, ásamt símanúmeri, sendist Stefáni Bergssyni, framkvæmdastjóra Skákakademíunnar í stefan@skakakademia.is.

Fleiri munir á Skákuppboði aldarinnar verða kynntir á næstu dögum.

Spil og leikir | Slóð | Facebook | Athugasemdir (0)

4.6.2012 | 18:42

Hjörvar með jafntefli við stórmeistara - Þorsteinn með sigur

Alþjóðlegi meistarinn Hjörvar Steinn Grétarsson (2477) gerði jafntefli við argentíska stórmeistarann Fernando Peralta (2590) í 3. umferð alþjóðlega mótsins í Val Gardena á Ítalíu sem fram fór í dag. Þorsteinn vann stigalágan andstæðing (2036). Hjörvar hefur 2,5 vinning en Þorsteinn hefur 2 vinninga.

Í 4 umferð, sem fram fer á morgun, teflir Hjörvar við þýska stórmeistarann Arkadij Rotstein (2512) en Þorsteinn teflir við ítalska alþjóðlega meistarann Fabio Bruno (2447).

Efstir með fullt hús eru úkraínski stórmeistarinn og Íslandsvinurinn Vladimir Baklan (2612) og ítalski alþjóðlegi meistarinn Federico Manca (2424).

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar. Hjörvar er nr. 13 í stigaröð keppenda en Þorsteinn er nr. 28.

Allar skákir mótsins eru sýndar beint og hefjast umferðir kl. 13.

Heimasíða mótsins
Myndaalbúm (GF)
Úrslitaþjónusta
Beinar útendingar (hefjast kl. 13 nema síðasta umferðin kl. 7)

Spil og leikir | Slóð | Facebook | Athugasemdir (0)

4.6.2012 | 18:26

Henrik með jafntefli gegn Hector

Stórmeistarinn Henrik Danielsen (2498) gerði jafntefli sænska stórmeistarann Jonny Hector (2560) í 7. umferð alþjóðlega mótsins í Brønshøj í Danmörku sem fram fór í dag. Henrik hefur 4,5 vinning og er í 3. sæti.

Danski alþjóðlegi meistarinn Nikolaj Mikkelsen (2399) er efstur með 5,5 vinning og kollegi hans og landi Mads Andersen (2432) er annar með 5 vinninga.

Í áttundu og næstsíðustu umferð, sem fram fer í fyrramálið, teflir Henrik við danska alþjóðlega meistarann Andreas Skytte Hagen (2445). Henrik mætir svo Mikkelsen í lokaumferðinni

Spil og leikir | Slóð | Facebook | Athugasemdir (0)

4.6.2012 | 13:53

Brønshøj: Henrik vann Bromann í sjöttu umferð

Stórmeistarinn Henrik Danielsen (2498) vann danska alþjóðlega meistarann Thorbjørn Bromann (2411) í sjöttu umferð alþjóðlega mótsins í Brønshøj í Danmörku sem fram fór í morgun. Henrik hefur 4 vinninga og er í 2.-3. sæti ásamt danska alþjóðlega meistaranum Mads Andersen (2432).

Í 7. umferð, sem hófst fyrir skemmstu, teflir Henrik við sænska stórmeistarann Jonny Hector (2560). Danski alþjóðlegi meistarinn Nikolaj Mikkelsen (2399) er efstur með 4½ vinning.

Spil og leikir | Slóð | Facebook | Athugasemdir (0)

4.6.2012 | 07:00

Atkvöld hjá Helli í kvöld

Taflfélagið Hellir heldur atkvöld mánudaginn 4. júní nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Teflt er í félagsheimili Hellis í Álfabakka 14a í Mjóddinni.

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Spil og leikir | Breytt 29.5.2012 kl. 07:46 | Slóð | Facebook | Athugasemdir (0)

4.6.2012 | 00:27

Verðlaunahafar Meistaramóts Skákskólans og myndir

Eins og fram kom í frétt á Skák.is fyrr í kvöld fór Meistaramót Skákskóla Íslands fram um helgina. Hér má finna upplýsingar um alla verðlauna á mótinu auk mynda tekna af Helga Árnasyni.

Verðlaunahafar á Meistaramóti Skákskóla Íslands 2012:

1.-3. sæti: Mikael Jóhann Karlsson, Oliver Aron Jóhannesson og Jón Trausti Harðarson hlutu allir 5 1/2 vinning og munu um næstu helgi tefla til úrslita um titilinn meistari Skákskóla Íslands 2012. Tefld verður ein umferð at-skáka 25 10.

Jón Trausti, Mikael Jóhann og Oliver Aron

4. sæti: Jóhanna Björg Jóhannesdóttir - 5 v. Jóhanna Björg hlaut einnig sérstök kvennaverðlaun fyrir frammistöðu sína í mótinu.

Jóhanna tekur við verðlaunum sínum - besta stelpan

5. sæti: Dagur Ragnarsson - 5 v.

Stúlknaverðlaun: 1. verðlaun Hrund Hauksdóttir - 4 1/2 v.

2. verðlaun: Nansý Davíðsdótir - 4 v.)

Bestur árangur 14 ára og yngri:

1. verðlaun: Hilmir Freyr Heimisson - 4. v.

2. verðlaun: Vignir Vatnar Stefánsson - 4 v.

Bestur árangur 12 ára og yngri:

1. verðlaun: Gauti Páll Jónsson - 4 v.

2. verðlaun: Jóhann Arnar Finnsson - 4 v.

3. verðlaun: Dawid Kolka - 4 v.

Sérstök verðlaun nýliða: Bjarki Arnaldarson - 4 v.

Spil og leikir | Slóð | Facebook | Athugasemdir (0)

4.6.2012 | 00:09

Hrannar sigraði á Voratskákmóti Stavanger

Hrannar Baldursson sigraði á Voratskákmóti sem fram fór um helgina. Gott afrek hjá Hrannari í ljósi að þess að tveir alþjóðlegir meistarar tóku þátt. Grípum í frásögn Hrannars sem hann sendi Skák.is:

Mótið var ágætlega skipað, með einum IM og tveimur FM. Tefldar voru sex skákir á einum degi. Ég vann fyrstu fimm skákirnar og jafntefli í þeirri síðustu.

Mesta spennan var í síðustu tveimur umferðunum. Í fimmtu umferð var ég svartur gegn FM Sjur Ferkingstad (2294), og vann góðan varnarsigur eftir langa og harða baráttu. Í síðustu umferð var ég um tíma peði undir gegn IM Erik Fossan (2354), en tókst að snúa á hann þannig að ég lokastöðunni var ég peði yfir, en í dauðri jafnteflisstöðu.

Það vakti mikla athygli að öðru sætinu náði 12 ára drengur frá Bergen, að nafni Sondre Merkesvik.

Úrslitin má finna á TournamentService.

Spil og leikir | Slóð | Facebook | Athugasemdir (0)

3.6.2012 | 22:44