Hjörvar fékk afreksstyrk frá Landsbankanum

Hjörvar Steinn Grétarsson fékk afreksstyrk frá Landsbankanum í dag.   Styrkurinn var eyrnamerktur fyrir afreksmenn framtíðarinnar.  Hjörvar var einn 12 afreksmanna sem fékk styrk frá Landsbankanum í dag.

Hjörvar átti ekki heimangengt þar sem hann er erlendis og tók Gunnar Björnsson, forseti SÍ, við viðurkenningunni fyrir hönd Hjörvars.

Í tilkynningu frá Landsbankanum segir:

Tólf framúrskarandi íþróttamenn fengu í dag úthlutað afreksstyrk úr Samfélagssjóði Landsbankans. Fimm fá styrk að upphæð 400.000 krónur, en þeir eru allir í fremstu röð íslenskra íþróttamanna og einnig voru veittir sjö styrkir til afreksmanna framtíðarinnar, hver að upphæð 200.000 krónur.

Þetta er í fyrsta sinn sem Landsbankinn veitir afreksstyrki með þessum hætti en þeir verða veittir árlega hér eftir. Samtals námu afreksstyrkir Landsbankans í ár 3,4 milljónum króna og bárust alls 120 umsóknir um þá.

Markmið með styrkveitingunni er að styðja við bakið á afreksfólki sem iðkar einstaklings- eða paraíþróttir. Allir styrkþegar hafa náð langt hver á sínu sviði og geta státað af framúrskarandi árangri bæði hér heima og á erlendum vettvangi. Í hópi styrkþega eru þrír frjálsíþróttamenn, þrír sundmenn, tveir skíðamenn og einn úr badminton, skák, skotfimi og skylmingum.

Steinþór Pálsson, bankastjóri Landsbankans segir: „Afreksmenn í íþróttum eru metnaðarfullir, agaðir og kraftmiklir einstaklingar sem eru okkur öllum góð fyrirmynd. Allt það íþróttafólk sem við styrkjum í dag hefur metnað og vilja til að ná enn lengra en það þegar hefur gert og svo það geti tekist þarf m.a. meira fjármagn. Landsbankinn hefur um árabil stutt dyggilega við íslenskt íþrótta- og æskulýðsstarf og afhending afreksstyrkja úr Samfélagssjóði er mikilvæg viðbót við þann stuðning. Við leggjum áherslu á að styðja við þá sem þegar hafa náð langt en ekki síður við ungt og efnilegt íþróttafólk og þess vegna eru veittir sérstakir afreksstyrkir framtíðarinnar til íþróttamanna sem ekki eru orðnir tvítugir."

Í dómnefnd afreksstyrkja sátu Þórdís Lilja Gísladóttir lektor við Háskólann í Reykjavík, sem jafnframt var formaður dómnefndar, Ómar Bragi Stefánsson verkefnastjóri hjá UMFÍ og Atli Hilmarsson, handknattleiksþjálfari og starfsmaður Landsbankans. Skipan dómnefndar er í samræmi við þá stefnu bankans að fagfólk utan hans myndi jafnan meirihluta í dómnefnd.

Eftirtaldir hlutu afreksstyrki að upphæð 400.000 kr.

• Ásdís Hjálmsdóttir, frjálsíþróttakona í Ármanni
• Ásgeir Sigurgeirsson, skotfimimaður í Skotfimifélagi Reykjavíkur
• Eygló Ósk Gústafsdóttir, sundkona í Sundfélaginu Ægi
• Ragna Ingólfsdóttir, badmintonkona í TBR
• Þorbjörg Ágústsdóttir, skylmingakona í Skylmingafélagi Reykjavíkur

Eftirtaldir hlutu afreksstyrki framtíðarinnar að upphæð 200.000 kr.

• Aníta Hinriksdóttir, frjálsíþróttakona í ÍR
• Anton Sveinn McKee, sundmaður í Sundfélaginu Ægi
• Freydís Halla Einarsdóttir, skíðakona í Ármanni
• Hilmar Örn Jónsson, frjálsíþróttamaður í ÍR
• Hjörvar Steinn Grétarsson, skákmaður í Taflfélaginu Helli
• Jón Margeir Sverrisson, sundmaður úr Fjölni og Landssambandi fatlaðra
• María Guðmundsdóttir, skíðakona úr Skíðafélagi Akureyrar

Samfélagssjóður Landsbankans veitir fimm tegundir styrkja á hverju ári: Námsstyrki, samfélagsstyrki, nýsköpunarstyrki, umhverfisstyrki og afreksstyrki.

Nánar á heimasíðu Landsbankans

Henrik efstur í Óðinsvéum

Stórmeistarinn Henrik Danielsen (2498) er efstur með 4,5 vinning að loknum 5 umferðum á móti tileinkuðu H.C. Andersen, sem fram fer í Óðinsvéum í Danmörku.  Henrik er efstur ásamt makedóníska stórmeistaranum Vladimir Georgiev (2555).  Þeir mætast í sjöttu umferð, sem fram fer í fyrramálið.

56 skákmenn taka þátt í mótinu og þar af 5 stórmeistarar og 9 alþjóðlegir meistarar.  Henrik er nr. 5 í stigaröð keppenda.  Tefldar eru tvær umferðir á dag eins og svo gjarnan á dönskum mótum og hefjast þær kl. 8 og 13.

• Heimasíða mótsins
• Chess-Results
• Beinar útsendingar

Aðalfundur Taflfélags Reykjavíkur fer fram á miðvikudag

Aðalfundur Taflfélags Reykjavíkur verður haldinn miðvikudaginn 23. maí kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Stjórn T.R.

 

Vinamót Eyja og Álfhóls hefst í dag kl. 18:00

Í dag hefst Vinamót Eyja- og Álfhóls í Kópavogi með fyrstu umferð kl. 18:00.  Allir eru velkomnir að fylgjast með.

Mótið fer þannig fram að keppt verður á 4-5 borðum í sveitakeppnisformi, kappskákir klukkustund + 30 sek á leik.  Stefnt er að því að krakkarnir tefli bara eina skák innbyrðis við hvern og einn.

Dagskrá :
1 umf. Föstudagur kl. 18:00
2 umf. Laugardagur kl. 9:30
3 umf. Laugardagur kl. 13:00
4 umf. Sunnudagur kl. 10:00

Keppendur eru allir á aldrinum 11-13 ára, en leyfilegt er að bæta inn mönnum ef þátttaka verður ekki næg.  Mótið er hugsað sem æfingamót fyrir krakkana, en Álfhólsskóli varð íslandsmeistari barnaskólasveita í vor og eru á leið á Norðurlandamót í Svíþjóð í haust.

Allir keppendur fá verðlaunapening og svo verða verðlaunabikarar fyrir bestu skákir úr hvoru liði.

Á laugardeginum kl. 16:00 verður OPIÐ Vorhraðskákmeistaramót Vestmannaeyja með þátttöku allra þessara krakka og félagsmanna í TV og annarra gesta.  Verðlaun fyrir þrjú efstu sætin í mótinu sjálfu og einnig eru sérstök verðlaun fyrir yngri en 16 ára.

Heimasíða TV

Andlaust HM-einvígi: Jafnt í hálfleik

Anand og Gelfand gerðu jafntefli í 6. skák heimsmeistaraeinvígis þeirra sem nú fer fram í Moskvu.  Skák dagsins var 29 leikir.  Enn hefur engin skák náð 40 leikjum.  Staðan í einvíginu er nú 3-3.  Sjöunda skák einvígisins fer fram á sunnudag og hefst kl. 11.

Henrik Danielsen er með myndbandsskýringar frá hverri skák sem finna má á Chessdom. 

Alls tefla þeir 12 skákir. 

• Heimasíða einvígisins
• ChessBomb
• Myndbandsskýringar Henriks
  

Krakkaskák endurvekur skáklífið suður með sjó

Krakkaskak hefur heimsótt sjö skóla á Suðurnesjum frá miðjum mars og fundið mikinn áhuga fyrir skák hjá börnunum þar. Eftir nokkrar heimsóknir í skólana var ákveðið að sameina alla krakkana á einum stað og bjóða þeim að tefla og þjálfa sig við frábærar aðstæður. Krakkaskák hefur aðstöðu í Íþróttaakademíu Reykjanesbæjar og er með æfingar fyrir 9-14 ára á miðvikudögum klukkan 16:00 - 18:00 og á laugardögum klukkan 10:00 - 12:00. Æfingar fyrir 6-8 ára börn verða á laugardögum kl. 12:15 -13:15. Börn úr Garði og Sandgerði eru velkomnir á þessar æfingar. Æfingar verða í Félagsmiðstöðinni Þrumunni í Grindavík alla laugardaga klukkan 14:30 - 16:30 fram að sumarfríi og svo verður haldið áfram allan næsta vetur.

Krakkaskák hefur ákveðið að halda úti skákþjálfun í Reykjanesbæ og Grindavík allt næsta skólaár og hjálpa skólunum á Suðurnesjum að mynda skáklið sem taka þátt í þeim keppnum sem eru í boði. Skólar af Suðurnesjum hafa því miður ekki verið að taka þátt en nú verður breyting á því.

Krakkaskák mun standa fyrir jólamóti, páskamóti og svo Suðurnesjamóti í nokkrum aldursflokkum.

Skákkennsla fyrir blind börn

Í skákhópnum í Reykjanesbæ er 12 ára blindur strákur þátttakandi. Sá er heldur betur efnilegur skákmaður með mikinn eldmóð og verður gaman að fylgjast með honum ef hann heldur áfram að iðka skák af kappi. Krakkaskák lét smíða blindratafl sem er ágætisborð sem við ætlum okkur að nota á æfingum. Á síðustu æfingu vann hann allar skákir sínar og var efstur með fullt hús. Á æfingunni þar á undan var hann aðeins með eitt tap og það á móti 9 ára dreng sem er mjög efnilegur skákmaður og duglegur að æfa sig. Sá kom sá og sigraði á fyrstu laugardagsæfingunni.

Hvernig þjálfar maður blindan skákmann?

Piotr Dukaczewski er blindur skákmaður sem keppti á Reykjavík Open í vetur. Hann vakti athygli fyrir blindrataflið sem hann notaði. Krakkaskák hefur sett sig í samband við hann til þess að fá leiðbeiningar um þjálfun fyrir blinda. Blindskák og blindraskák er ekki það sama. Skákmenn þekkja vel blindskák sem er góð skákþjálfun. Hún er yfirleitt stunduð af sterkum skákmönnum sem sjá og þekkja vel til skákborðsins. Blindraskák er hins vegar skák sem er tefld af blindum skákmönnum sem sjá aldrei skákborðið og þurfa því að þekkja það á annan hátt.

Til að kenna blindraskák þarf að vanda til verks og best að sækja fróðleikinn til þeirra sem hafa reynslu og getað miðlað henni. Ungi skákmaðurinn á Suðurnesjum stefnir á að keppa með skólaliðinu sínu og það kæmi skákkennara Krakkaskák ekki á óvart ef hann yrði á fyrsta borði þegar þar að kemur. Blindur keppandi þarf sérstakar aðstæður til að keppa á skákmóti og vonandi verður hægt að verða við þeim þörfum í þeim kepppnum sem hann hyggst taka þátt í hér á landi.

Siguringi Sigurjónsson

Fréttabréfið í heild sinni má nálgast sem viðhengi.

Krakkaskák

Skrár tengdar þessari bloggfærslu:

• Fréttabréf Krakkaskákar

Davíð efstur fyrir lokaumferð Stigamóts Hellis

Davíð Kjartansson (2320) er efstur með 5,5 vinning að lokinni sjöttu og næstsíðustu umferð Stigamóts Hellis sem fram fór í kvöld.  Annar er Einar Hjalti Jensson (2303) með 5 vinninga og þriðji er Dagur Ragnarsson (1903) með 4 vinninga  Lokaumferðin fer fram á morgun, föstudag, og hefst kl. 19:30.

Úrslit 6. umferðar má finna hér.  

Stöðu mótsins má finna hér.  

Pörun lokaumferðarinnar má finna hér.  

• Heimasíða Hellis
• Chess-Results

Henrik efstur í Óðinsvéum

Stórmeistarinn Henrik Danielsen (2498) er efstur á móti tileinkuðu H.C. Andersen sem fram fer um helgina í Óðinsvéum í Danaveldi.  Henrik er efstur ásamt sænska alþjóðlega meistaranum Axel Smith (2483) og Dananum Bjorn Moller Ochsner (2285).  Í 4. umferð, sem hefst kl. 8 í fyrramálið, teflir Henrik við Smith.

56 skákmenn taka þátt í mótinu og þar af 5 stórmeistarar og 9 alþjóðlegir meistarar.  Henrik er nr. 5 í stigaröð keppenda.  Tefldar eru tvær umferðir á dag eins og svo gjarnan á dönskum mótum og hefjast þær kl. 8 og 13.

• Heimasíða mótsins
• Chess-Results
• Beinar útsendingar

Davíð efstur á Stigamóti Hellis

Að loknum fimm umferðum á Stigamóti Hellis er Davíð Kjartansson efstur með 4,5v. Annar er Einar Hjalti Jensson með 4v og jafnir í 3.-4 sæti eru Oliver Aron Jóhannesson og Daði Ómarsson með 3,5v. Í fjórðu umferð vann Davíð Vigfús, Einar Hjalti og Daði gerðu jafntefli og Oliver vann Tómas Árna.

Ekki hefur verið mikið um óvænt úrslit í mótinu en þeir stigalægri hafa náð einu og einu jafntefli á móti sterkari andstæðingum.

Næsta umferð hefst svo kl. 17 í dag.

Úrslit 5. umferðar

Borð    Nafn    Vinn.    Úrslit    Vinn.    Nafn
1    Vigfusson Vigfus     3    0 - 1    3½    Kjartansson David
2    Jensson Einar Hjalti     3½    ½ - ½    3    Omarsson Dadi
3    Johannesson Oliver     2½    1 - 0    2½    Jonsson Tomas Arni
4    Sigurdsson Birkir Karl     2½    ½ - ½    2½    Hardarson Jon Trausti
5    Thoroddsen Arni     2    0 - 1    2    Ragnarsson Dagur
6    Einarsson Oskar Long     2    1 - 0    2    Petersen Jakob Alexander
7    Steinthorsson Felix     1    1 - 0    1    Zacharov Arsenij
8    Duret Gabriel Orri     ½    - - +    1    Kravchuk Mykhaylo
9    Gudmundsson Bjarni Thor     ½    1 - 0    1    Davidsson Oskar Vikingur
 
Staðan eftir 5 umferðir:

Röð    Nafn    Stig    Vinn.    TB1    TB2    TB3
1    Kjartansson David     2320    4,5    17    9,5    15
2    Jensson Einar Hjalti     2303    4    16    9,5    12
3    Johannesson Oliver     2050    3,5    15    8,5    8,5
4    Omarsson Dadi     2204    3,5    14    9    9
5    Sigurdsson Birkir Karl     1728    3    15    10    7,8
6    Vigfusson Vigfus     1994    3    14    8    5
7    Einarsson Oskar Long     1587    3    14    7,5    5,5
8    Ragnarsson Dagur     1903    3    13    7,5    5
9    Hardarson Jon Trausti     1762    3    13    7,5    6,3
10    Jonsson Tomas Arni     0    2,5    11    6,5    4
11    Thoroddsen Arni     1653    2    14    8,5    4,5
12    Steinthorsson Felix     1341    2    13    7,5    2,5
13    Kravchuk Mykhaylo     0    2    11    6,5    3
14    Petersen Jakob Alexander     0    2    10    6    2
15    Gudmundsson Bjarni Thor     0    1,5    9,5    5    1,5
16    Zacharov Arsenij     0    1    11    6,5    1
17    Davidsson Oskar Vikingur     0    1    11    6,5    1
18    Duret Gabriel Orri     0    0,5    8    4    0,8
 
Röðun 6. umferðar:

Borð    Nafn    Vinn.    Úrslit    Vinn.    Nafn
1    Kjartansson David     4½         3½    Omarsson Dadi
2    Johannesson Oliver     3½         4    Jensson Einar Hjalti
3    Hardarson Jon Trausti     3         3    Vigfusson Vigfus
4    Ragnarsson Dagur     3         3    Sigurdsson Birkir Karl
5    Jonsson Tomas Arni     2½         3    Einarsson Oskar Long
6    Thoroddsen Arni     2         2    Kravchuk Mykhaylo
7    Petersen Jakob Alexander     2         2    Steinthorsson Felix
8    Gudmundsson Bjarni Thor     1½         1    Zacharov Arsenij
9    Davidsson Oskar Vikingur     1    1         bye

• Heimasíða Hellis
• Chess-Results

HM-einvígi: Enn jafntefli - staðan er 2½-2½

Anand og Gelfand gerðu jafntefli í 5. skák heimsmeistaraeinvígis þeirra sem nú fer fram í Moskvu.  Skák dagsins var 27 leikir.  Enn hefur engin skák náð 40 leikjum.  Staðan í einvíginu er nú 2,5-2,5.  Sjötta skák einvígisins fer fram á morgun og hefst kl. 11.

Henrik Danielsen er með myndbandsskýringar frá hverri skák sem finna má á Chessdom. 

Alls tefla þeir 12 skákir. 

• Heimasíða einvígisins
• ChessBomb
• Myndbandsskýringar Henriks