Lokahnykkur OB.LA.DI. OB. LA. DA - bikarsyrpunnar í kvöld

Í kvöld kl.19.30 að Frakkastíg 8, fara fram úrslitin í Bikarsyrpu OB.LA.DI. OB. LA. DA. Elítugrúppan verður tefld með einvígis-fyrirkomulagi, sá aðilinn sem fyrr vinnur þrjár skákir kemst í úrslitaeinvígið, þeir sem tefla í undanúrslitum eru Róbert Lagerman-Halldór Pálsson annarsvegar og Kjartan Guðmundsson-Bjarni Hjartarson hins vegar.

Eftirfarandi skákmenn skipa Heiðursmannagrúppuna, Andrés Kolbeinsson, Jóhann Þorvarðarson, Jón Birgir Einarsson, Kjartan Ingvarsson, Davíð Steingrímsson og Sigurður Ingvarsson, Þeir munu tefla tvöfalda umferð með forgjafarfyrirkomulaginu fræga sérhannað fyrir skákpubinn OB.LA.DI. OB.LA.DA.

Sérstaklega glæsileg verðlaun verða fyrir efstu menn, áhorfendur eru hvattir til að mæta enda frítt inn og frábært verð á veitingum.

Íslandsmótið í skák - fjórða umferð hefst kl. 16

Fjórða umferð Íslandsmótins í skák hefst kl. 16 í Stúkunni á Kópavogsvelli.  Óvenju hart er barist á mótinu og ekkert um stutt jafntefli.  Henrik Danielsen (2504) er efstur með 2,5 vinning en Þröstur Þórhallsson (2398), Bragi Þorfinnsson (2421) og Sigurbjörn Björnsson (2393) eru næstir með 2 vinninga.  Fimm skákmenn hafa hafa 1,5 vinning þar á meðal Hannes Hlífar Stefánsson (2531).  Allt er því galopið og búast má við harðri baráttu í dag!

Eðalaðstæður eru skákstað og hægt að fylgjast með skákunum á tjaldi þar sem helstu skákspekingar landsins mæta á staðinn og láta ljós sitt skína.

Viðureignir dagsins:

• Henrik Danielsen (2,5) - Einar Hjalti Jensson (0,5)
• Bragi Þorfinnsson (2) - Sigurbjörn Björnsson (2)
• Stefán Kristjánsson (1,5) - Þröstur Þórhallsson (2)
• Hannes Hlífar Stefánsson (1,5) - Guðmundur Kjartansson (1,5)
• Guðmundur Gíslason (1) - Davíð Kjartansson (1,5)
• Björn Þorfinnsson (1,5) - Dagur Arngrímsson (0,5)

Beinar útsendingar úr 4. umferð má nálgast hér.  

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

Áskell biðskákmeistari SA

Þótt biðskákir hafi að mestu verið aflagðar á landnámsöld eimir enn eftir af gömlum biðskákartöktum  á Akureyri. Nú eru þær tefldar þannig að klukkan bíður í 3 sekúndur áður en hún byrjar að tikka (kennt við Bronstein). Þetta getur verið löng bið en hentar sumum til þess að rannsaka stöðuna. Í gær voru 10 meistarar mættir til leiks í þessum tilgangi og þá urðu úrslit sem hér segir:

1	Áskell Örn Kárason	8
2	Sigurður Eiríksson	7
3	Sigurður Arnarson	7
4	Andri Freyr Björgvinsson	4½
5	Ari Friðfinnsson	4
6	Haki Jóhannesson	4
7	Sveinbjörn Sigurðsson	4
8	Karl E Steingrímsson	3½
9	Tómas V Sigurðarson	3
10	Logi Rúnar Jónsson	0

Minnt er á næsta stórviðburð sem er fyrirlestur á fimmtudagskvöldið. Sjá nánar hér á heimasíðu SA.

Suðurlandsmótið í skák fer fram á laugardag á Selfossi

Suðurlandsmótið í skák fer fram á Selfossi næstkomandi laugardag.  Tefldar verða atskákir, 7 umferðir.

Mótið er öllum opið ein einungis þeir sem lögheimili hafa í Suðurkjördæmi geta orðið Suðurlandsmeistarar.

Mótið hefst kl 10:00 og ætla má að því ljúki um kl 17:00

Veitt verða peningaverðlaun og verðlaunagripir fyrir 3 efstu sætin auk þess sem sérstök verðlaun verða í flokki skákmanna með minna 1600 skákstig

Verðlaun:
1. sæti 10.000.-kr
2. sæti 7.500.-kr
3.sæti 5.000.-kr

Besti árangur undir 1600 skákstig 5.000.-kr

Teflt verðu í Selinu á Selfossi.

Þátttökugjald: 1.500.- kr. (kaffi, svaladrykkir og léttar veitingar innifalið)

Sitjandi Suðurlandsmeistari er Björn Ívar Karlsson

Skráðir keppendur 15.apríl:

1. Páll Leó Jónsson 2043
2. Nökkvi Sverrisson 1968
3. Sverrir Unnarsson 1907
4. Ingvar Örn Birgisson 1767
5. Ingimundur Sigurmundsson 1791
6. Úlfhéðinn Sigurmundsson 1770
7. Erlingur Jensson 1750
8. Grantas Grigorianas 1729
9. Magnús Matthíasson 1616
10. Inga Birgisdóttir 1564
11. Erlingur Atli Pálmarsson 1405
12. Michael Starosta
13. Arnar Erlingsson

Heimasíða SSON

Íslandsmót framhaldsskólasveita fer fram á miðvikudagskvöld

Íslandsmót framhaldsskólasveita 2012 fer fram miðvikudagskvöldið 18. apríl klukkan 20:00.  Teflt verður í Stúkunni í Kópavogi (Við Kópavogsvöll). Sama stað og Landsliðsflokkur Skákþings Íslands fer fram.

Fjórir skákmenn skulu vera í hverri sveit og 0-4 til vara.  Tefldar verða 6-9 umferðir með 10 mínútna umhugsunartíma. Skráning á netfangið; [e-mail]

Hafnarfjarðarmót í skólaskák

Hafnarfjarðarmót í skólaskák verður haldið þriðjudaginn 17. apríl, kl 17:00 til 19:00 á Ásvöllum. (Æfingatími skákdeildar Hauka, ath. tvöfaldur tími)

Haldin verða 2 mót samtímis.

• 1.-7. bekkur
• 8.-10. bekkur

Umhugsunartími er 7-10 mín á skák og hefst taflið stundvíslega kl 17:00.
Tefldar verða 7 umferðir skv. Svissnesku kerfi.

Mikilvægt að fá send nöfn keppenda fyrir hádegi þriðjudaginn 17 april.
Fullt nafn - bekkur - skóli - sendist á [e-mail]

Hver skóli má senda hámark 6 keppendur í hvern flokk. (ath undanskildir eru sérstaklega krakkar sem stunda reglulegar æfingar hjá Skákdeild Hauka, en athugið að mótið er yfir báða æfingatímana.)

Efstu 2 úr flokknum 8.-10. bekkur komast á kjördæmismót Reykjaneskjördæmis hins forna.
Efstu 2 úr flokknum 1.-7. bekkur komast á kjördæmismót Reykjaneskjördæmis hins forna.

Veitt verða bikar, silfur og brons í hvorum flokki.

sjá má reglur mótsins með því að smella á þennan hlekk.
http://www.skaksamband.is/?c=webpage&id=244

 

Hraðkvöld í kvöld hjá Helli

Taflfélagið Hellir heldur hraðkvöld mánudaginn 16. apríl nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Henrik efstur á Íslandsmótinu

Stórmeistarinn Henrik Danielsen (2504) er efstur með 2,5 vinning að lokinni þriðju umferð Íslandsmótsins í skák sem fram fór í Stúkunni á Kópavogsvelli í kvöld.  Henrik vann Björn Þorfinnsson (2416) í aðeins 19 leikjum.  Þröstur Þórhallsson (2398), Bragi Þorfinnsson (2421) og Sigurbjörn Björnsson (2393) eru í 2.-4. sæti með 2 vinninga.  

Sem fyrr var afar hart barist og aðeins einni skák lauk með jafntefli í umferðinni.  Davíð Kjartansson (2305) átti óvæntustu úrslit umferðarinnar þegar hann vann stórmeistarann Stefán Kristjánsson (2500).  Það var hins vegar skák Einars Hjalta Jenssonar (2245) og Guðmundar Gíslasonar (2357) sem stal senunni á skákstað en þar fannst áhorfendum þeir hafa unnið til skiptis!   Guðmundur hafði sigur fyrir rest.  

Fjórða umferð fer fram á morgun og hefst kl. 16.  Þá mætast meðal annars: Henrik-Einar Hjalti, Bragi-Sigurbjörn og Stefán-Þröstur. 

Úrslit 3. umferðar:

• Sigurbjörn Björnsson (2) - Hannes Hlífar Stefánsson 0-1
• Henrik Danielsen (1,5) - Björn Þorfinnsson (1,5) 1-0
• Þröstur Þórhallsson (1,5) - Bragi Þorfinnsson (1,5) 0,5-0,5
• Davíð Kjartansson (0,5) - Stefán Kristjánsson (1,5) 1-0
• Guðmundur Kjartansson (0,5) - Dagur Arngrímsson (0,5) 1-0
• Einar Hjalti Jensson (0,5) - Guðmundur Gíslason (0) 0-1

Staðan:

• 1. SM Henrik Danielsen (2504) 2,5 v.
• 2.-4. SM Þröstur Þórhallsson (2398), AM Bragi Þorfinnsson (2421) og FM Sigurbjörn Björnsson (2393) 2 v.
• 5.-9. SM Hannes Hlífar Stefánsson (2531), FM Davíð Kjartansson (2305), SM Stefán Kristjánsson (2500), AM Guðmundur Kjartansson (2357) og AM Björn Þorfinnsson (2416) 1,5 v.
• 10. Guðmundur Gíslason (2346) 1 v.
• 11.-12. Einar Hjalti Jensson (2245) og AM Dagur Arngrímsson (2361) 0,5 v.

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

Skákþáttur Morgunblaðsins: Okkar menn og "Íslandsvinir"

Á Evrópumóti einstaklinga sem lauk í Plovdiv í Búlgaríu í síðustu viku mátti litlu muna að nokkrir keppendur gerðu uppreisn gegn gerræðislegum ákvörðunum mótshaldara sem hófust með því að einn öflugasti skákmaður heims, Aserinn Mamedyarov, fékk dæmt á sig tap er hann mætti 10 sekúndum of seint í viðureign sína í 8. umferð. Afstaða Evrópska skáksambandsins, ECU, undir forsæti Búlgarans Sergio Danailov, til „frávika frá almennri meðalhegðun" er hin svonefnda „zero tolerance"-regla. Skákmenn á „ECU-mótum" verða að sitja við borðið við upphaf umferðar, bannað er að bjóða jafntefli fyrir 40. leik. Skákstjórar ömuðust ekki við því þegar tveir af efstu mönnum mótsins, Akopjan og Malakhov, þráléku í einni af lokaumferðunum, þeir kölluðu á skákdómara og fengu leyfi til að undirrita friðarsamninga, sem flestum fannst augljóst að hefðu verið ákveðnir fyrirfram. Tveir minni spámenn, Tal Baron og Eltaj Safarli, slíðruðu sverðin um svipað leyti, einnig með því að þráleika, kölluðu ekki til skákstjóra og fengu báðir dæmt á sig tap. Úrslitin 0:0 sáust nokkrum sinnum í þessu móti. Mamedyarov samdi jafntefli í þessari sömu umferð eftir 19 leiki án þess að spyrja kóng né prest: tap dæmt á báða. En þá var Aserinn búinn að fá nóg og hætti í mótinu.

348 skákmenn hófu keppni og kepptu um 23 sæti í heimsbikarmóti FIDE. Sigurvegari varð Rússinn Jakovenko sem hlaut 8 ½ vinning af 11 mögulegum, Frakkinn Fressinet varð annar með 8 vinninga. Okkar menn voru Hannes Hlífar Stefánsson og Héðinn Steingrímsson en framistaða þeirra olli nokkrum vonbrigðum, Hannes hlaut 6 v. og varð í 138. sæti. Héðinn hlaut 5 ½ v. og varð í 183. sæti og var talsvert frá „ætluðum" árangri. Þegar ljóst var að hvorugur þeirra ætti möguleika á einu af sætunum 23 beindist athyglin hér heima nokkuð að hinum svonefndu „Íslandsvinum", mönnum á borð við Ivan Sokolov, Gawain Jones, Viktor Bologan, Jurí Kuzubov, Alexei Dreev og Fabiano Caruana. Af þeim stóð sig best Englendingurinn Gawain Jones, sem teflir fyrir Máta, og varð í 15. sæti. Margir skákmenn með yfir 2700 stig áttu erfitt uppdráttar, ungstirnin Anish Giri og Fabiano Caruana voru langt frá því að komast áfram. Giri tapaði snemma fyrir „Íslandsvini" frá Úkraínu:

Ilja Nyzhnyk -Anish Giri

Katalónsk byrjun

1. d4 Rf6 2. c4 e6 3. Rf3 d5 4. Rc3 c6 5. g3 dxc4 6. Bg2 b5 7. Re5 a6 8. a4

Svipuð afbrigði í Katalónskri byrjun eru vinsæl um þessar undir, hvítur hefur mikið spil fyrir peðið sem hann lét af hendi.

8. ... Bb7 9. O-O Be7 10. axb5 axb5 11. Hxa8 Bxa8 12. Rxb5 cxb5 13. Bxa8 O-O 14. Bg2 Rd5 15. f4 Bd6 16. e3 Bxe5 17. fxe5 Rc6 18. Dg4 Dd7 19. h4 Rcb4 20. h5 Rd3

Betra var að bregðast strax við hættunni á kóngsvæng og leika 20. ... f5 sem tryggir svarti gott tafl.

21. h6 f5 22. exf6 Hxf6?

Kannski ekki augljós yfirsjón. Eftir 22. ... Rxf6 23. hxg7! Hf7! á svartur að geta varist.

23. Bxd5! Hxf1 24. Kxf1 Df7 25. Bf3 Rxc1

26. d5!

Baneitraður leikur.

26. ... Rd3

Það er enga vörn að finna í stöðunni, t.d. 26. ... exd5 27. Kg2! og við hótuninni 28. Dc8+ er ekkert gott svar.

27. dxe6 De7 28. Bd5! Kf8 29. Dxg7+!

- og Giri gafst upp. Eftir 29. ... Dxg7 30. hxg7+ Kxg7 31. e7 rennur peðið upp í borð.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 8. apríl 2012

Skákþættir Morgunblaðsins

[Event "13th European Individual Championship"] [Site "Plovdiv BUL"] [Date "2012.03.21"] [EventDate "2012.03.20"] [Round "2"] [Result "1-0"] [White "Illya Nyzhnyk"] [Black "Anish Giri"] [ECO "D43"] [WhiteElo "?"] [BlackElo "?"] [PlyCount "57"] 1. d4 Nf6 2. c4 e6 3. Nf3 d5 4. Nc3 c6 5. g3 dxc4 6. Bg2 b5 7. Ne5 a6 8. a4 Bb7 9. O-O Be7 10. axb5 axb5 11. Rxa8 Bxa8 12. Nxb5 cxb5 13. Bxa8 O-O 14. Bg2 Nd5 15. f4 Bd6 16. e3 Bxe5 17. fxe5 Nc6 18. Qg4 Qd7 19. h4 Ncb4 20. h5 Nd3 21. h6 f5 22. exf6 Rxf6 23. Bxd5 Rxf1+ 24. Kxf1 Qf7+ 25. Bf3 Nxc1 26. d5 Nd3 27. dxe6 Qe7 28. Bd5 Kf8 29. Qxg7+ 1-0

Íslandsmótið í skák: Þriðja umferð hefst kl. 16 - efstu menn mætast

Þriðja umferð Íslandsmótins í skák hefst nú kl. 16 í Stúkunni á Kópavogsvelli.  Hart er barist á mótinu og ekkert um stutt jafntefli.  Meðal viðureigna í dag má nefna að forystusauðurinn Sigurbjörn Björnsson teflir við stigahæsta keppendann og ellefufalda Íslandsmeistarann Hannes Hlífar Stefánsson.   Meðal annarra viðureigna má nefna að stórmeistararnir Henrik og Þröstur mæta bræðrunum Birni og Braga.

Eðalaðstæður eru skákstað og hægt að fylgjast með skákunum á tjaldi þar sem helstu skákspekingar landsins mæta á staðinn og láta ljós sitt skína.  

Viðureignir dagsins:

• Sigurbjörn Björnsson (2) - Hannes Hlífar Stefánsson (0,5)
• Henrik Danielsen (1,5) - Björn Þorfinnsson (1,5)
• Þröstur Þórhallsson (1,5) - Bragi Þorfinnsson (1,5)
• Davíð Kjartansson (0,5) - Stefán Kristjánsson (1,5)
• Guðmundur Kjartansson (0,5) - Dagur Arngrímsson (0,5)
• Einar Hjalti Jensson (0,5) - Guðmundur Gíslason (0)

Beinar útsendingar úr 3. umferð má nálgast hér.  

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)