EM: Pörun 5. umferðar

Pörun 5. umferðar EM einstaklinga sem fram fer á morgun liggur nú fyrir.  Báðir íslensku stórmeistararnir tefla við rússneska stórmeistara með 2656 skákstig!  Hannes teflir við Denis Khismatullin en Héðinn mætir Igor Lysyj.  Hannes hefur 3 vinninga og er í 22.-64. sæti (48. sæti á stigum) en Héðinn hefur 2,5 vinning og er í 65.-141. sæti (92. sæti á stigum).  23 efstu ávinna sér keppnisrétt á Heimbikarmótinu (World Cup).

Enski Íslandsvinurinn Gawain Jonese (2635) er einn efstur með fullt hús og hefur greinilega mikið vatn runnið til sjávar síðan hann rétt hélt jafntefli gegn ritstjóra Skák.is árið 2008 í Bunratty á Írlandi.  20 keppendur hafa 3,5 vinning og má þar meðal annarra nefna Íslandsvinina Cheparinov (2664), Kuzubov (2615) og Sokolov (2653). 

Hannes og Héðinn verða báðir í beinni útsendingu á morgun.  Bæði er hægt að fylgjast með þeim á heimasíðu mótsins sem og á Chessbomb.  Hannes er á borði nr. 29 en Héðinn á borði nr. 40.  

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)

EM: Héðinn vann - Hannes með jafntefli

Stórmeistarinn Héðinn Steingrímsson (2556) vann ítalska FIDE-meistarann Alessio Valsecchi (2429) í 4. umferð EM einstaklinga sem fram fór í dag í Plovdid í Búlgaríu.  Héðinn vann í 35 leikjum.   Hannes Hlífar Stefánsson (2531) gerði jafntefli við hvít-rússneska stórmeistarann Sergei Zhigalko (2649) í 36 leikjum.   Hannes hefur 3 vinninga en Héðinn hefur 2,5 vinning.

Frétt um pörun og smá pistill síðar í kvöld.   Hægt er að skoða skákirnar á heimasíðu mótsins sem og á Chessbomb.  

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)

EM: Hannes í beinni

Bein útsending frá 4. umferð EM einstaklinga hefst nú kl. 13.  Hannes Hlífar Stefánsson mætir hvít-rússneska stórmeistaranum Sergei Zhigalko (2649).  

Bæði er hægt að fylgjast með skák Hannesar á heimasíðu mótsins sem og á Chessbomb.   Hannes teflir á borði nr. 24.  

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)

Gallerý hark: Jón Þ. Þór bar sigur úr bítum

Það var gestkvæmt í Gallerý Skák í gærkvöldi og kenndi þar margra grasa. Ungir og aldnir gestir í bland með Viet-Nömsku ívafi.  Hinir gamalkunnu meistarar Gunnar Gunnarsson og Jón Þ. Þór börðust lengi um forustuna, töpuðu þó báðir fyrir Guðfinni staðarhaldara sem sjaldan bregst orðið bogalistinn. Úrslitin réðust á hálfu stigi þar sem þeir urðu jafnir að vinningum þegar orrahríðinni slotaði með 9 vinninga af 11 mögulegum.

Það setti óvænt strik í reikninginn að Vietnami nokkur , sem hér er búsettur, kom galvaskur til tafls og reyndist Gunnari skeinuhættur og vann meistarann óvænt. Hann fékk 6 vinninga sem og hinn ungi og efnilegi Gauti Páll Jónsson, 12 ára, sem gerði það gott í gallerýinu í annað sinn og skaut mörgum valinkunnum teflendum ref fyrir rass. Á ýmsu öðru gekk en allir skyldu þó sáttir í lokin og þess albúnir að mætast aftur að viku liðinni og taka slaginn á ný.

Nánari úrslit skv. meðf. mótstöflu.

 

 

Öflugt skáksamstarf fjögurra skóla skólaárið 2011 - 12

Fjörir grunnskólar í Reykjavík, Rimaskóli, Hagaskóli, Laugalækjarskóli og Vættaskóli, hafa í vetur keppt í skák með heimsóknum í skólana fjóra. Rúmlega 70 skákkrakkar frá þessum skólum hittust í síðasta sinn á skólaárinu í Rimaskóla þar sem haldið var velheppnað skákmót áhugasamra skákkrakka. Tefldar voru sjö umferðir og boðið upp á hraðskáksformið.

Verðlaunin voru ekki af verri sortinni því veitt voru tólf pítsugjafabréf frá Hróa hetti. Hart var barist við skákborðin, einkum á efstu borðum þar sem skákmeistarar framtíðarinnar sýndu leikni sína. Efnilegir Rimaskólakrakkar fóru þarna fremstir, afrekskrakkar skólans á öllum aldri, yngstur þeirra er Joshua Davíðsson sem er nemandi í 1-KMG og þegar kominn í hóp þeirra bestu. Krökkunum var boðið upp á veitingar í skákhléi og höfðu þau öll mikla ánægju af þátttöku í velmönnuðu skákmóti.

Úrslitin í Rimaskóla urðu þessi meðal efstu manna:

• 1-2 Dagur Ragnarsson                 Rimaskóla      6,5 vinningar af 7
• Oliver Aron Jóhannesson             Rimaskóla                            6,5
• 3   Hrund Hauksdóttir                           Rimaskóla                            6
•  4-5          Jón Trausti Harðarson                    Rimaskóla       5,5
• Jóhannes Kári Sólm.son                Laugalækjarskóla             5,5
•  6-15       Svandís Rós Ríkharðsdóttir    Rimaskóla                            5
•                 Joshua Davíðsson                 Rimaskóla                            5
•                 Nansý Davíðsdóttir               Rimaskóla                            5
•                 Garðar Sigurðarson              Laugalækjarskóla             5
•                 Arnar Ingi Njarðarson          Laugalækjarskóla             5
•                 Kristófer Helgi Kjartansson  Rimaskóla                            5
•                 Huginn Orri Hafdal               Laugalækjarskóla             5
• Hilmir Hrafnsson                               Vættaskóla                         5
• Mikolaj Oskar                                    Rimaskóla                            5
• Gunnar Traustason                         Hagaskóla                            5

 

Skákrapp

Arnljótur Sigurðsson hefur bent ritstjóra á íslenskt skáklaga sem finna má á Youtube.  Hér er það!

Áskorendaflokkur Íslandsmótsins í skák hefst 30. mars

Áskorendaflokkur Íslandsmótsins í skák 2012 fer fram dagana 30. mars  - 8. apríl  nk.  Mótið fer fram í Faxafeni 12, Reykjavík.  

Efstu tvö sætin gefa föst sæti í Landsliðsflokki 2012 eða 2013.   Tveir efstu menn í áskorendaflokki nú geta valið þar á milli.  Fyrirkomulag landsliðsflokks má finna hér.

Dagskrá:

• Föstudagur, 30. mars, kl. 18.00, 1. umferð
• Laugardagur, 31. mars, kl. 14.00, 2. umferð
• Sunnudagur, 1. apríl, Frídagur
• Mánudagur, 2. apríl, kl. 18.00, 3. umferð
• Þriðjudagur, 3. apríl, kl. 18.00, 4. umferð
• Miðvikudagur, 4. apríl, kl. 18.00, 5. umferð
• Fimmtudagur, 5. apríl, Frídagur
• Föstudagur, 6. apríl, kl. 11.00, 6. umferð
• Föstudagur, 6. apríl, kl. 17.00, 7. umferð
• Laugardagur, 7. apríl, kl. 14.00, 8. umferð
• Sunnudagur, 8. apríl, kl. 14.00, 9. umferð

Umhugsunartími: 90 mín. + 30 sek. til að ljúka.

Verðlaun:

• 1. 50.000.-
• 2. 30.000.-
• 3. 20.000.-

Aukaverðlaun:            

• U-2000 stigum, 10.000.-
• U-1600 stigum, 10.000.-
• U-16 ára, 10.000.-
• Kvennaverðlaun, 10.000.-
• Fl. stigalausra, 10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri             3.000.-
• 17 ára og yngri            2.000.-

Skráning fer fram hér á Skák.is.  Einnig er hægt að skrá tölvupósti á [e-mail] eða tilkynna í síma 568 9141 virka daga kl. 10-13.   Upplýsingar um þegar skráða keppendur má nálgast hér.

EM-pistill nr. 3: Hannes með gott jafntefli

Hannes átti fínt jafntefli í dag með svörtu.  Hannes, tefldi drottningarbragð og hélt fremur auðveldlega jafntefli í 55 leikjum með svörtu gegn rússneska stórmeistaranum Ildar Khairullin (2626). Hannes hefur nú 2,5 vinning og er í 12.-52. sæti.  

Héðinn Steingrímsson tefldi við heimamanninn Ivan Cheparinov (2664), sem er helsti aðstoðarmaður Topalov, með hvítu   Tefld var einhvers konar Sikileyjarvörn og var staðan lengi vel í jafnvægi en smá ónákvæmni hjá Héðni í tímahrakinu gáfu Búlgaranum séns sem hann lét ekki fara fram hjá sér.  Héðinn hefur 1,5 vinning.  

Ekki tókst mér að fara í bæjarferð í dag eins og ég stefndi að.  Stefnan er hins vegar tekin á slíkt á morgun eða hinn.

Skipulagning heimamanna er góð og vanir menn á ferð.  Tiltölulega afslappað andrúmsloft.   Inkiov, sem er skákstjóri með mér í "gúanóinu" vinur eingöngu við skák.  Hann rekur síðan Chessmix.com sem margir stórmeistarar og alþjóðlegir meistarar eru áskrifendur af, stendur fyrir skákmótum og þar nefna mót í júní sem kennt er við Gullna sandinn, starfar sem skákstjóri, var yfir tæknivinnu t.d. í einvígi Anand-Topalov og teflir auk þess enda stórmeistari í skák!

Annars sér lítið skákmennina hér á kvöldin.  Menn eru mjög einbeittir og ætla sér að enda á topp 23.  Mér skilst að það fari að lifna við þegar líða fer á mótið og ljóst er hverjir hafa séns og hverjir ekki.

Töluvert hefur verið rætt um dresskóða (dress code).  Ekki sýnist mér að hann breyti einu eða neinu.  Menn eru hér mun verr klæddir en t.d. á N1 Reykjavíkurskákmótinu þar sem gáfum út einföld tilmæli, sem ég held að sé betri leið en reglur.

Erfitt er að ná myndum af íslensku keppendunum.  Það er vegna þess að þeir hafa verið að tefla í hinum salnum auk þess sem þeir hafa báðir þann ávana að halda höndum yfir andlitinu!

Nóg í bili.

Gunnar Björnsson

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)

EM: Pörun 4. umferðar

Þá liggur fyrir pörun 4. umferðar sem fram fer á morgun og hefst kl. 13.  Þá teflir Hannes við hvít-rússneska stórmeistarann Sergei Zhigalko (2649) en Héðinn við ítalska FIDE-meistarann Alessio Valsecchi (2429).

Ellefu skákmenn eru með fullt hús og þar á meðal Íslandsvinirnir Gawain Jones (2635) og Yuriy Kuzubov (2615).  

Hannes verður í beinni útsendingu á morgun.   Bæði er hægt að fylgjast með skák hans á heimasíðu mótsins sem og á Chessbomb.   Hannes teflir á borði nr. 24.

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)

EM: Hannes með jafntefli - Héðinn tapaði

Stórmeistarinn Hannes Hlífar Stefánsson (2531) gerði jafntefli við rússneska stórmeistarann Ildar Khairullin (2612) í þriðju umferð EM einstaklinga sem fram fór í dag í Plovdid í Búlgaríu.  Héðinn Steingrímsson (2531) tapaði hins vegar fyrir búlgarska stórmeistaranum Ivan Cheparinov (2664).  Hannes hefur 2,5 vinning en Héðinn hefur 1,5 vinning.

Pörun 4. umferðar er ekki komin þar sem margar skákir eru enn í gangi. 

Frétt um pörun og smá pistill síðar í kvöld.  

Hægt er að skoða skákirnar á heimasíðu mótsins sem og á Chessbomb.  

• Heimasíða mótsins 
• Beinar útsendingar (borð 1-47)
  
• Chess-Results
• Myndaalbúm (GB)