Vin Open fer fram í dag - Sokolov heiðursgestur

Hið árlega stórmót, Vin-Open, fer fram í Vin, Hverfisgötu 47, á mánudaginn 5. mars klukkan 13:00
Vin-Open hefur verið einn margra skemmtilegra hliðarviðburða Reykjavíkurmótsins undanfarin ár og alltaf tekist glimrandi vel.   Heiðursgestur mótsins verður enginn annar en Ivan Sokolov, sem hefur verið meðal sigurvegara á tveimur síðustu Reykjavíkurskákmótum.

Það verður ekki þverfótað fyrir skáksnillingum í borginni á mánudaginn, nýkomnum frá Selfossi, svo við vonum að strákar og stelpur, kallar og kjellur, fjölmenni í Vin.

Skákstjóri og alráður er fyrirliði Vinjargengisins, Hrannar Jónsson.

Tefldar verða sex umferðir með sjö mínútna umhugsunartíma og glæstum kaffiveitingum í hléi.

Verðlaun fyrir þrjú efstu sætin, unglingaverðlaun og fyrir óvæntasa vinninginn.  Happadrætti og bókstaflega allir eiga þvílíkan séns.

Bara mæta tímanlega og skrá sig.

Skákþáttur Morgunblaðsins: Íslandsmeistari í skák og knattspyrnu

Við upptöku deildaskiptinga í knattspyrnu árið 1956 brá svo við að knattspyrnufélagið Valur varð Íslandsmeistari og kom það talsvert á óvart því að á þessum árum voru KR-ingar og Skagamenn turnarnir tveir í íslenskri knattspyrnu. Meðal leikmanna Vals var Gunnar Kristinn Gunnarsson sem einnig lék nokkra leiki með landsliði Íslands. Tíu árum síðar tefldi hann í landsliðsflokki á Skákþingi Íslands og hafði sigur eftir magnaða lokaumferð og tryggði sér sæti í sterku ólympíuliði Íslands sem tefldi á Ólympíumótinu í Havana á Kúbu, komst í A-úrslit og hafnaði í 11. sæti.

Gunnar hefur þá sérstöðu meðal íslenskra skákmanna að vera eini Íslandsmeistarinn í skák - en 33 skákmenn báru nafnbótina Skákmeistari Íslands á síðustu öld sé árið 2000 talið með - sem einnig hefur unnið Íslandsmeistaratitil í annarri grein.

Gunnar varð síðar forseti Skáksambandsins og liðsmaður í sigursælli sveit Útvegsbankans í hinni vinsælu skákkeppni stofnana. Hann heldur sér við á skáksviðinu með því að tefla reglulega í KR-klúbbnum og víðar. Á dögunum tók hann þátt í Gestamóti Goðans. Jón Þorvaldsson hafði veg og vanda af skipulagningu mótsins. Goðinn er upprunnin í Þingeyjarsýslunni en útibúið á höfuðborgarsvæðinu starfar undir kjörorðunum: 1. Góður félagsskapur 2. Góðar veitingar 3. Góð taflmennska.

Gestamótið var vel skipað en helsta markmið Jóns náðist; að fá til leiks meistara sem lítið hafa teflt opinberlega hin síðari ár, t.d. þá Björn Þorsteinsson, Harvey Georgsson og Björgvin Jónsson. Efstu menn urðu:

1. - 2. Dagur Arngrímsson og Sigurbjörn Björnsson 5 ½ v. ( af 7) 3. Sigurður Daði Sigfússon 5 v. 4. - 6. Björn Þorfinnsson, Björgvin Jónsson og Þröstur Þórhallsson 4 ½ v. Keppendur voru 22 talsins.

Þó að nokkur leyndarhjúpur hafi umlukið þetta mót, skákir mótsins t.a.m. birtar á pgn-skrá eins og venja er, tókst greinarhöfundi að veiða eftirfarandi skák upp úr Gunnari. Þróttmikil taflmennska hans vakti talsverða athygli enda lagði hann að velli einn öflugasta skákmann okkar:

Gunnar Gunnarsson - Þröstur Þórhallsson

Slavnesk vörn

1. d4 d5 2. c4 e6 3. Rc3 c6 4. e3 Rf6 5. Rf3 Rbd7 6. Bd3 dxc4 7. Bxc4 b5 8. Bd3 a6 9. O-O c5 10. De2 Bb7 11. Hd1 Dc7 12. Bd2 Bd6 13. h3 O-O 14. Hac1 Hac8 15. e4 e5

Ekki gekk 15. .. cxd4 vegna 16. Rxb5!

16. dxc5 Rxc5 17. Bb1 Db8 18. Bg5 Re8

Fullmikil eftirgjöf. Eftir 18. ... Rcd7 er staðan í jafnvægi.

19. Rd5 f6 20. Be3 Re6 21. a3 Hxc1 22. Hxc1 Kh8 23. Rh4! g6 24. Dg4 R8g7

25. Rxg6+!

Þessi fórn blasir við en vinningurinn engu að síður torsóttur.

25. ... hxg6 26. Dxg6 De8 27. Dh6+ Kg8 28. Rxf6+ Hxf6 29. Dxf6 Rh5

Liðsaflinn er svarti afar óhagstæður, hrókur og 1- 2 peð gegn biskup og riddara er yfirleitt kappnóg, en Þröstur teflir vörnina af mikilli útsjónarsemi.

30. Df5 Rhg7 31. Df3 Dg6 32. Hd1 Bc5 33. Bxc5 Rxc5 34. Hd8+ Kh7 35. Df8 Dc6 36. Dh8+ Kg6 37. Dh4 Rce6 38. Hd1 Rd4 39. Kh2 Rge6 40. Hd3 Dc1 41. Hg3+ Rg5 42. f4!

Þetta gegnumbrot ræður úrslitum.

42. ... Dxf4 43. Dxf4 exf4 44. e5+ Kh5 45. Hd3 Rde6 46. Hd6 f3 47. gxf3 Kh4 48. Kg2 Rxf3 49. Kf2 Rfg5 50. Bf5! Bc8 51. Ke3 Kg3 52. Hc6 Bd7 53. Hxa6 Rc7 54. Hg6 Rd5+ 55. Kd4 Kf4 56. Bxd7 Re7 57. Hf6 Kg3 58. Bxb5

og svartur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 26. febrúar 2012.

Skákþættir Morgunblaðsins

Lokastaða Íslandsmóts skákfélaga

Það var gífurleg spenna í lokaumferð Íslandsmóts skákfélga og óvæntar sveiflur í sumum deildum.   Bolvíkingar unnu öruggan sigur á Íslandsmóti skákfélaga eins og ljóst var fyrir lokaumferðina.  Hellismenn náðu 2. sæti með stórsigri á Akureyringum, 8-0.  Eyjamenn urðu þriðju eftir 6-2 sigur á b-sveit Bolvíkinga.  Fallbaráttan var ekki síður spennandi og þar féllu Mátar, voru aðeins hálfum vinningi á eftir b-sveit Bolvíkinga og Akureyringum.  Goðinn sigraði í 2. deild, b-sveit Eyjamanna í 3. deild og b-sveit Máta í þeirri fjórðu. 

Mótinu verður gerð betur skil síðar - m.a. með myndum frá verðlaunaafhendingunni.

Úrslit 7. umferðar í fyrstu deild:

• TB - TR 3,5-4,5
• Hellir - SA 8-0
• TV - TB-b 6-2
• Mátar - Fjölnir 4-4

Lokastaðan:

• 1. Taflfélag Bolungarvíkur a-sveit 42,5 v.
• 2. Taflfélagið Hellir 35 v.
• 3. Taflfélag Vestmannaeyja 34 v.
• 4. Taflfélag Reykjavíkur 32,5 v.
• 5. Skákfélag Akureyrar 22 v. (6 stig)
• 6. Taflfélag Bolunarvíkur b-sveit 22 v. (5 stig)
• 7. Taflfélagið Mátar 21,5 v.
• 8. Skákdeild Fjölnis 14,5 v.

2. deild

Í 2. deild gekk mikið á fyrir lokaumerðina.  Víkingaklúbburinn var með yfiburðarstöðu en stórtap fyrir b-sveit Hellis, 1-5, varð til þess að Goðinnn náði efsta sætinu  með 6-0 sigri á KR og b-sveit Hellis lyfti sér úr fallsæti í verðlaunasæti.   Goðinn og Víkingaklúbburinn fara í efstu deild að ári en KR-ingar, sem voru í verðlaunasæti eftir fyrri hlutann og Akurnesingar falla niður í 3. deild.   Miklar sviptingar í 2. deild í ár!

• 1. Taflfélagið Goðinn 32 v.
• 2. Víkingaklúbburinn-Þróttur 30 v.
• 3. Taflfélagið Helir 20 v.
• 4. Skákdeild Hauka 19,5 v. (8 stig)
• 5. Taflfélag Reykjavíkur b-sveit 19,5 v. (7 stig)
• 6. Skákfélag Reykjanesbæjar 17,5 v.
• 7. Skákdeild KR 15 v.
• 8. Taflfélag Akraness 14,5 v.

Staða efstu liða í 3. deild

• 1. Taflfélag Vestmannaeyja b-sveit 12 stig (30,5 v.)
• 2. Taflfélag Garðabæjar 11 stig (30,5 v.)
• 3. Skákfélag Selfoss og nágrennis 10 stig (24,5 v.)

C-sveitir Bolvíkinga og Akureyringa og b-sveit Reykjanesbæjar féllu niður í 4. deild.

 

Staða efstu liða í 4. deild

• 1. Taflfélagið Mátar b-sveit 13 stig (28 v.)
• 2. Skákfélag Íslands b-sveit 12 stig (27 v.)
• 3. Skáksamband Austurlands 10 stig (28,5 v.)

Heimasíða mótsins

Chess-Results

Myndaalbúm mótsins (HJ)

Skákhátíð með heimsmeistara - Sjóminjasafninu við Grandagarð sunnudaginn 4. mars klukkan 15 til 18

 

 

Hou Yifan heimsmeistari kvenna verður í aðalhlutverki þegar Skákhátíð Reykjavíkur hefst í Sjóminjasafninu við Grandagarð sunnudaginn 4. mars klukkan 13. Á þriðjudaginn hefst N1  Reykjavíkurskákmótið í Hörpu, þar sem skærustu stjörnur skákheimsins og skákmenn frá 40 löndum berjast um sigur á einu elsta og virtasta skákmóti heims.
 
Hou Yifan heimsmeistari kvenna er frá Kína og nýorðin 18 ára. Hún varð heimsmeistari aðeins 15 ára, yngst allra í skáksögunni, bæði karla og kvenna. Hún varð í janúar í efsta sæti á skákmóti á Gíbraltar þar sem 55 stórmeistarar voru meðal keppenda.
 
Hinn ungi heimsmeistari mun tefla 2 fjöltefli í Sjóminjasafninu á sunnudag. Fyrra fjölteflið hefst klukkan 15 og þá verða andstæðingar hennar eingöngu karlar. Í síðara fjölteflinu fá margar af efnilegustu og bestu skákkonum landsins tækifæri á að spreyta sig gegn undrabarninu. Þessi merki viðburður í íslenskri skáksögu markar upphafið að Stelpuskákdeginum, sem nú er haldinn hátíðlegur í fyrsta skipti. Með Stelpuskákdeginum vill skákhreyfingin á Íslandi heiðra þær konur sem ruddu brautina fyrir þátttöku kvenna í skáklífinu -- en jafnframt hvetja stelpur til að tefla sem mest.
 
Það er ánægjuleg staðreynd að í sama mánuði og Hou Yifan vann marga glæsta sigra á Gíbraltar varð stúlka í fyrsta skipti Íslandsmeistari barna. Hún heitir Nansý Davíðsdóttir, 10 ára, og á kínverska foreldra sem settust að á Íslandi. Nansý átti sér þann draum að fá að tefla við heimsmeistarann frá Kína, og sá draumur rætist í Sjóminjasafninu á morgun.
 
Skáksamband Íslands, í samvinnu við N1, stendur að skákhátíðinni með Hou Yifan og alþjóðlega Reykjavíkurskákmótinu í Hörpu.
 
Allir eru hjartanlega velkomnir í Sjóminjasafnið við Grandagarð á Skákhátíð með heimsmeistara.

Kaffiterían í Víkinni verður opin, en veitingar þar eru annálað hnossgæti.
 
Stelpur á öllum aldri eru sérstaklega hvattar til að mæta og kynnast kínverska undrabarninu, sem margir spá að verði meðal mestu meistara skáksögunnar.

Meðfylgjandi eru nokkrar myndir frá heimsókn Hou Yifan á Selfoss í dag.

Bolvíkingar hafa tryggt sér Íslandsmeistaratitilinn

Bolvíkingar hafa tryggt sér Íslandsmeistaratitilinn í skák þegar einni umferð er ólokið.   Þeir hafa 11 vinninga forskot eftir sigur á Helli, 4,5-3,5.  TR og TV eru í 2.-3. sæti og Hellismenn eru þar skammt á eftir.   Hou Yifan, heimsmeistari kvenna, heimsótti mótsstaðinn og stóðu keppendur allir sem einn upp fyrir henni og klöppuðu.  Hún lék svo fyrsta leikinn í fjórum deildum, fyrir Karl Þorsteins í 1. deild, Braga Halldórsson í 2. deild, Jorge Fonseca í 3. deild og Nansý Davíðsdóttur í 4. deild.

Úrslit 6. umferðar í fyrstu deild:

• Bolungarvík a-sveit - Hellir 4,5-3,5
• TR - TB-b 6,5-1,5
• TV-Mátar 6,5-1,5
• SA - Fjölnir 5,5-2,5

Staðan:

• 1. Taflfélag Bolungarvíkur a-sveit 39 v.
• 2. Taflfélag Reykjavíkur 28 v.
• 3. Taflfélag Vestmannaeyja 28 v.
• 4. Taflfélagið Hellir 27 v.
• 5. Skákfélag Akureyrar 22 v.
• 6. Taflfélag Bolunarvíkur b-sveit 20 v.
• 7. Taflfélagið Mátar 17,5 v.
• 8. Skákdeild Fjölnis 10,5 v.

Staðan í 2. deild

• 1. Víkingaklúbburinn-Þróttur 29 v.
• 2. Taflfélagið Goðinn 26 v.
• 3. Taflfélag Reykjavíkur b-sveit 16 v.
• 4. Skákdeild Hauka 15,5 v.
• 5. Skákdeild KR 15 v.
• 6. Skákfélag Reykjanesbæjar 15 v.
• 7. Taflfélagið Helir 15 v.
• 8. Taflfélag Akraness 12,5 v.

Staða efstu liða í 3. deild

• 1. Taflfélag Garðabæjar 10 stig (27,5 v.)
• 2. Taflfélag Vestmannaeyja b-sveit 10 stig (24,5 v.)
• 3. Skákfélag Selfoss og nágrennis 9 stig (21,5 v.)
• 4. Skákfélag Akureyrar 8 stig (21,5 v.)

Staða efstu liða í 4. deild

• 1. Taflfélagið Mátar b-sveit 11 stig (24,5 v.)
• 2. Skákfélag Íslands b-sveit 10 stig (23 v.)
• 3. Taflfélag Reykjavíkur c- sveit 9 stig (24 v.)

Heimasíða mótsins

Chess-Results

Myndaalbúm mótsins (HJ)

Einvígi aldarinnar - Fischer og Spassky - 40 ára afmæli - sýning í Þjóðminjasafninu

Skákeinvígið sem kallað hefur verið „einvígi aldarinnar" var háð í Reykjavík sumarið 1972. Þar tókust á fulltrúar risaveldanna á tímum „Kalda stríðsins", Bandaríkjamaðurinn Bobby Fischer og sovéski heimsmeistarinn Boris Spassky. Í tilefni þess að í ár eru liðin 40 ár frá einvíginu má sjá sýninguna Einvígi aldarinnar. Fischer og Spassky - 40 ár í Horni á 2. hæð í Þjóðminjasafni Íslands. Á sýningunni eru munir og myndir sem tengjast skákeinvíginu 1972. Sýningin stendur frá 3. mars til hausts 2012.

Fyrsta skák einvígisins var tefld í Laugardalshöll þann 11. júlí 1972,  en 1. september gaf Spassky 21. skák einvígisins og Fischer var nokkrum dögum síðar krýndur heimsmeistari. Lokatölur urðu 12½ vinningur á móti 8 ½ vinningi. Þar með lauk einvígi sem vakti meiri athygli en nokkur annar skákviðburður fyrr og síðar. Atburðarás einvígisins var fréttaefni sjónvarpsstöðva og dagblaða um allan heim. Um einvígið hafa verið skrifaðar fleiri en 140 bækur og gerðir ótal sjónvarpsþættir.

Sýningin er unnin í samvinnu Skáksambands Íslands og Þjóðminjasafns Íslands.

Vin-Open á mánudaginn klukkan 13 - Sokolov heiðursgestur

Hið árlega stórmót, Vin-Open, fer fram í Vin, Hverfisgötu 47, á mánudaginn 5. mars klukkan 13:00
Vin-Open hefur verið einn margra skemmtilegra hliðarviðburða Reykjavíkurmótsins undanfarin ár og alltaf tekist glimrandi vel.   Heiðursgestur mótsins verður enginn annar en Ivan Sokolov, sem hefur verið meðal sigurvegara á tveimur síðustu Reykjavíkurskákmótum.

Það verður ekki þverfótað fyrir skáksnillingum í borginni á mánudaginn, nýkomnum frá Selfossi, svo við vonum að strákar og stelpur, kallar og kjellur, fjölmenni í Vin.

Skákstjóri og alráður er fyrirliði Vinjargengisins, Hrannar Jónsson.

Tefldar verða sex umferðir með sjö mínútna umhugsunartíma og glæstum kaffiveitingum í hléi.

Verðlaun fyrir þrjú efstu sætin, unglingaverðlaun og fyrir óvæntasa vinninginn.  Happadrætti og bókstaflega allir eiga þvílíkan séns.

Bara mæta tímanlega og skrá sig.

Bolvíkingar með yfirburði - Hellir í 2. sæti eftir sigur á TR

Bolvíkingar eru langefstir, hafa 11 vinninga forskot, á Íslandsmóti skákfélaga að lokinni 5. umferð sem fram fór í gærkvöldi.   Vestfirðingarnir, sem stilltu stórmeistaranum Þresti Þórhallssyni á áttunda borði, unnu Fjölnismenn 7-1.   Héðinn Steingrímsson vann Kuzubov á efsta borði.  Hellismenn náðu 2. sæti með góðum 5,5-2,5 á TR.   TR-ingar eru þriðju og Eyjamenn fjórðu.   Baráttan á milli SA og Máta um hvort þeirra fylgir Fjölni niður í 2. deild er afar spennandi en Akureyringar hafa hálfs vinnings forskot á Máta. 

Spennan í 2. deild er mikil en þar eru 6 lið af 8 í fallbaráttu.  

Úrslit 5. umferðar í fyrstu deild:

• Bolungarvík - Fjölnir 7-1
• Hellir - TR 5,5-2,5
• TV - SA 5-3
• Mátar - TB-b 5-3

Staðan:

• 1. Taflfélag Bolungarvíkur a-sveit 34,5 v.
• 2. Taflfélagið Hellir 23,5 v.
• 3. Taflfélag Reykjavíkur 21,5 v.
• 4. Taflfélag Vestmannaeyja 21,5 v.
• 5. Taflfélag Bolunarvíkur b-sveit 18,5 v.
• 6. Skákfélag Akureyrar 16,5 v.
• 7. Taflfélagið Mátar 16 v.
• 8. Skákdeild Fjölnis 8 v.

Staðan í 2. deild

• 1. Víkingaklúbburinn-Þróttur 24,5 v.
• 2. Taflfélagið Goðinn 23,5 v.
• 3. Skákdeild KR 13,5 v.
• 4. Skákfélag Reykjanesbæjar 13,5 v.
• 5. Skákdeild Hauka 12 v.
• 6. Taflfélag Reykjavíkur b-sveit 12 v.
• 7. Taflfélag Akraness 10,5 v.
• 8. Taflfélagið Helir 10,5 v.

Staða efstu liða í 3. deild

• 1. Taflfélag Garðabæjar 10 stig
• 2. Taflfélag Vestmannaeyja b-sveit 8 stig
• 3. Víkingaklúbburinn-Þróttur 7 stig (19 v.)
• 4. Skákfélag Selfoss og nágrennis 7 stig (17,5 v.)

Staða efstu liða í 4. deild

• 1. Taflfélagið Mátar b-sveit 9 stig
• 2. Skákfélag Austurlands 8 stig (21,5 v.)
• 3. Taflfélagið Goðinn b-sveit 8 stig (20,5 v.)
• 4. Skákfélag Íslands b-sveit 8 stig (19,5 v.)

Heimasíða mótsins

Chess-Results

Myndaalbúm mótsins (HJ)

Rimaskóli vann Miðgarðsmótið í 8. sinn

Miðgarðsmótið í skák, keppni á milli grunnskólanna í Grafarvogi, fór fram í íþróttahúsi Rimaskóla 2. mars. Átta skáksveitir mættu til leiks þar af fjórar frá hinum nýsameinaða Vættaskóla. Teflt var í tveimur riðlum og efstu sveitir hvors riðils tefldu síðan til úrslita. Liðin í öðru sæti tefldu um 3.og 4. sætið o.s.frv. Keppnin varð hálfgert einvígi á milli Rimaskóla og Vættaskóla og urðu A og B sveitir skólanna í fjórum efstu sætunum.

Svo fór að Rimaskóli vann Miðgarðsmótið líkt og skólinn hefur gert frá upphafi. A sveit Vættaskóla varð í öðru sæti og B sveit Rimaskóla í þriðja sæti. Það er Miðgarður fjölskyldumiðstöð Grafarvogs og Kjalarness sem sér um mótið undir stjórn Heru Hallberu Björnsdóttur. Hún sá til þess að allir þátttakendur fengju hagstæðar veitingar í skákhléi og afhenti Rimaskólakrökkunum verðlaunagripina að launum.

Úrslit mótsins urðu þessi:

• 1.       Rimaskóli A          22 vinninga   + 6
• 2.       Vættaskóli A       20 vinninga   + 2
• 3.       Rimaskóli B          17 vinninga   + 7
• 4.       Vættaskóli B       10 vinninga    + 1
• 5.       Rimaskóli  C          9  vinninga    +7
• 6.       Kelduskóli            6, 5 vinninga  + 1
• 7.       Vættaskóli D       3  vinninga  +7
• 8.       Vættaskóli C       3  vinninga   +1

Myndaalbúm (HÁ)

Skákbúð á netinu

Smári Rafn Teitsson, hefur opnað netverslun með töfl og klukkur fyrir innanlandsmarkað á slóðinni http://www.skakbudin.is/