Viðtal við Maurice Ashley og önnur ljósvakaumfjöllun um N1 Reykjavíkurskákmótið

 

Mikið var fjallað um N1 Reykjavíkurskákmótið í ljósvakamiðlun á lokadegi mótsins.  Viðtal var við Maurice Ashley í Kastljósinu.  Einnig var um mótið fjallað á Stöð 2, í 10-fréttum RÚV, í Mbl-sjónvarpi og í Síðdegisútvarpi RÚV.

 

• Viðtal við Maurice Ashley í Kastljósinu
  
• Umfjöllun Mbl-sjónvarps
• Umfjöllun í fréttatíma Stöðvar 2
• Umfjöllun í 10-fréttum RÚV (byrjar á 12.24)
• Umfjöllun Síðdegisútvarps Rásar 2

Ýmiss erlend umfjöllun um N1 Reykjavíkurskákmótið

 

Mikið hefur verið fjallað um N1 Reykjavíkurskákmótið á erlendum skákfjölmiðlum.  Hér fyrir neðan má finna smá samantekt.

• Chessvibes (pistill Peter Doggers)
• Chessbase (á ensku)
• Chessbase (þýsk útgáfa)
• Chessdom (boða frekari umfjöllun)
• Susan Polgar (ýmiss umfjöllun)
• Chess.com (frásögn um mótið)
• Rússnesk síða (Vasily Papin skrifar- fullt af myndum)
• Inte bara schack (Gunnar Finnlaugsson skrifar)
• Kevin Spragget (Fjallar um skák Yifan og Hannesar Hlífars)
• Schacksnack
• ICC (frásögn um mótið)
  
• Bergsensjakk (ýmiss umfjöllun)
• US Chess (boða frekari umfjöllun Macauley Peterson)
• The Chess Mind (skák Hou Yifan og Caruana skýrð)
• TWIC (pistill og skákskýringar Malcolm Pein)
• Gawain Jones (blogg frá Gawain Jones)

Áskorendaflokkur Íslandsmótsins í skák hefst 30. mars

Stjórn Skáksambands Íslands hefur ákveðið að keppni í áskorendaflokki 2012 fari fram dagana 30. mars  - 8. apríl  nk.  Mótið mun fara fram í Faxafeni 12, Reykjavík.  

Efstu tvö sætin gefa föst sæti í Landsliðsflokki 2012 eða 2013.   Tveir efstu menn í áskorendaflokki nú geta valið þar á milli.  Fyrirkomulag landsliðsflokks má finna hér.

Dagskrá:

• Föstudagur, 30. mars, kl. 18.00, 1. umferð
• Laugardagur, 31. mars, kl. 14.00, 2. umferð
• Sunnudagur, 1. apríl, Frídagur
• Mánudagur, 2. apríl, kl. 18.00, 3. umferð
• Þriðjudagur, 3. apríl, kl. 18.00, 4. umferð
• Miðvikudagur, 4. apríl, kl. 18.00, 5. umferð
• Fimmtudagur, 5. apríl, Frídagur
• Föstudagur, 6. apríl, kl. 11.00, 6. umferð
• Föstudagur, 6. apríl, kl. 17.00, 7. umferð
• Laugardagur, 7. apríl, kl. 14.00, 8. umferð
• Sunnudagur, 8. apríl, kl. 14.00, 9. umferð

Umhugsunartími: 90 mín. + 30 sek. til að ljúka.

Verðlaun:

• 1. 50.000.-
• 2. 30.000.-
• 3. 20.000.-

Aukaverðlaun:            

• U-2000 stigum, 10.000.-
• U-1600 stigum, 10.000.-
• U-16 ára, 10.000.-
• Kvennaverðlaun, 10.000.-
• Fl. stigalausra, 10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri             3.000.-
• 17 ára og yngri            2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13.   Einnig verður hægt að skrá sig beint á Skák.is þegar nær dregur keppni. 

Skákmót öðlinga hefst á miðvikudag

Skákmót öðlinga 40 ára og eldri hefst miðvikudaginn 21. mars kl. 19.30 í félagsheimili T.R. að Faxafeni 12.  Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 21. sinn. Sigurvegari á Skákmóti öðlinga 2011 var Þorsteinn Þorsteinsson.

Dagskrá:

• 1. umferð miðvikudag 21. mars kl. 19.30
• 2. umferð miðvikudag 28. mars kl. 19.30
• Hlé gert á mótinu vegna Páska
• 3. umferð miðvikudag 11. apríl kl. 19.30
• 4. umferð miðvikudag 18. apríl kl. 19.30
• 5. umferð miðvikudag 25. apríl kl. 19.30
• 6. umferð miðvikudag 2. maí kl. 19.30
• 7. umferð miðvikudag 9. maí kl. 19.30

Mótinu lýkur miðvikudaginn 16. maí kl. 19:30 með hraðskákmóti og verðlaunaafhendingu.  Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið.  Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráning fer fram á skráningarformi á heimasíðu T.R.

Íslandsmót barnaskólasveita fer fram um helgina

Íslandsmót barnaskólasveita verður haldið helgina 17.-18. mars í Rimaskóla í Reykjavík.

Skákakademía Reykjavíkur er mótshaldari fyrir hönd Skáksambands Íslands.

Fyrirkomulag: Fjórir skákmenn eru í hverri sveit og 1-4 til vara. Tefldar verða níu umferðir með 15 mínútna umhugsunartíma á mann.

Liðsstjórar skulu mæta 12:30 á laugardag og skila inn liðum sínum á Monrad-spjöldum.

Dagskrá mótsins; Tefldar verða fimm umferðir á laugardegi og fjórar á sunnudegi. Taflið hefst 13:00 á laugardag og 11:00 á sunnudag.

Skráning sveita og fyrirspurnir skulu berast á [e-mail] eigi síðar en fimmtudaginn 15. mars. Með skráningu skal fylgja gsm og netfang liðsstjóra.

Verðlaun verða veitt fyrir þrjú efstu sætin í mótinu, bestu b-e sveitir og borðaárangur.

Íslandsmeistarar munu vinna sér inn rétt til þátttöku á Norðurlandamóti barnaskólasveita sem fram fer í haust.  Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands mun aðstoða við þjálfun keppenda.

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Umfjöllun Chessvibes um N1 Reykjavíkurskákmótið

Peter Doggers frá Chessvibes fjallar um ítarlegan og jákvæðan hátt um N1 Reykjavíkurskákmótið í pistli sem birtist á Chessvibes í dag.

Pistillinn má nálgast hér að neðan. Myndbandið fylgir með pistilinum en því í því er upptaka af flutningi KK við setningarathöfn mótsins.

Pistillinn á Chessvibes

 

Verðlaunahafar N1 Reykjavíkurskákmótsins - myndir frá lokahófinu

Lokahóf N1 Reykjavíkurskákmótsins fór fram í Ráðhúsi Reykjavíkur í gær.  Þóra Arnórsdóttir stjórnaði því að myndarskap. 

 

 

Eva Einarsdóttir borgarfulltrúi bauð gesti velkomna fyrir hönd borgarinnar.

 

 

Blaðamennirnir sem sendu fréttir frá mótinu fengu sérstakar þakkir.  Gjafir frá Sögum útgáfu og 12 tónum.  

Þeir fjórir sem fengu AM-áfanga fengu staðfestingu þess efnis.

 

 

Össur Skarphéðinsson hélt ræðu og gaf sendiherrum Kína og Ítalíu tafl að gjöf fyrir hönd SÍ.  Sendiherrarnir héldu báðar stuttar ræður.

 

Svo fór fram sjálf verðlaunaafhendingin.  Að henni lokinni þakkaði Gunnar Björnssyni forseti gestum fyrir komuna og skemmtilegt mót og lofaði því að mót framtíðinnar yrðu enn betri.

Hér að neðan má sjá alla verðlaunahafanna sem mættu sem og allmargar myndir frá lokahófinu teknar af Hrafni Jökulssyni og Bart Stam.

Aðalverðlaunahafar:

 

 

• 1. Fabiano Caruana 7,5 v. (5.000€)
• 2.-8. Ivan Sokolov, David Navara, Gawain Jones, Boris Avrukh, Hou Yifan, Sebastian Maze og Henrik Danielsen  7 v. (829€)
• 9.-18. Ivan Cheparinov, Robert Hess, Erwin L´ami, Yuriy Kryvoruchko, Hannes Hlífar Stefánsson, Vasily Papin, Vladmir Baklan, Aloyzas Kveinys, Héðinn Steingrímsson og Stelios Halkias 6,5 v. (70€)

 

 

Aukaverðlaunahafar:

Kvennaverðlaun:

 

 

• 1. Hou Yifan 7 v. (350€)
• 2. Alina L´ami 6 v. (200€)
• 3. Irina Krush 6 v. (125€)

Unglingaverðlaun:

 

 

• 1. Bharat Arjun 4,5 v. (200€)
• 2. Kai Jie Edward Lee 4,5 v. (125€)
• 3. Mikael Jóhann Karlsson 4,5 v. (75€)

Besti árangur miðað við eigin stig:

 

 

• 1. Dagur Kjartansson (2149-1528=621) (200€)
• 2. Jón Trausti Harðarson (2060-1688=413) (125€)
• 3. Leifur Þorsteinsson (1642-1247=395) (75€)

Stigaverðlaun (2201-2400):

 

 

 

• 1. Andreas Moen 6 v. (350€)
• 2. Alina L´ami 6 v. (200€)
• 3. Sigurður Daði Sigfússon 6 v. (125€)

Stigaverðlaun (2001-2200):

 

 

 

• 1. Þorvarður F. Ólafsson 5,5 v. (350€)
• 2. Odd Magnus Myrstad 5 v. (200€)
• 3. Magnús Pálmi Örnólfsson 5 v. (125€)

Stigaverðlaun (-2000)

 

 

 

 

• 1. Mikael Helin 5 v. (350€)
• 2. Siguringi Sigurjónsson 5 v. (200€)
• 3. Halldór Pálsson 4,5 v. (125€)

 

Myndir frá verðlaunaafhendingunni (Hrafn Jökulsson og Bart Stam)

Pallborðið: Caruana og Ingvar Þór

Fabiano Caruna var gestur í pallborði gærdagsins ásamt Ingvari Þór Jóhannessyni.  Caruna fór yfir skákina gegn Hou Yifan og er mjög fróðlegt að hlusta á sjötta stigahæsta skákmann heims fara yfir úrslitaskák mótsins.

Pallborðin voru í umsjón Simons Williams, Björns Þorfinnssonar og Ingvars Þórs Jóhannessonar.  Tæknimálin voru í höndum Macauley Peterson.  Hugmyndin og tilurðin á þessu var í höndum Halldórs Grétars Einarssonar og er óhætt að segja að þessi tilraun hafi tekist frábærlega og verður alveg örugglega ómissandi hluti Reykjavíkurmóta framtíðinnar.

Öll pallborðin má finna á heimasíðu mótsins og einnig á Youtube..  

Myndband frá lokaumferð og lokahófi

Indverjinn Vijay Kumar hefur skilað frá sér lokamyndbandinu frá N1 Reykjavíkurskákmótinu.  Þar má finna viðtöl við Fabiano Caruana og David Navara.  Einnig má finna myndbandsbút úr lokahófinu þar sem meðal annarra Össur Skarphéðinsson, utanríkisráðherra talaði sem og sendiherrar Kína og Ítalíu.