Skák.is

Bloggfærslur mánaðarins, mars 2012

14.3.2012 | 11:29

N1 Reykjavíkurskákmótið: Skákir síðustu umferðar

Skákir níundu og síðustu umferðar hafa skilað sér. Innsláttardeildin Patrekur Maron Magnússon, Guðmundur Kristinn Lee og Þormar Leví Magnússon skiluðu af sér frábæru verki.

Frekari fréttir um N1 Reykjavíkurskákmótið munu svo detta inn síðar í dag og næstu daga.

Veljið skák (96 alls):

Spil og leikir | Breytt s.d. kl. 11:32 | Slóð | Facebook | Athugasemdir (0)

14.3.2012 | 11:27

Brjóstaskoran bönnuð í skákkeppnum

Evrópska skáksambandið hefur sett reglur um klæðnað á mótum Skáksambands. Þar eru gerðar kröfur um snyrtilegan klæðnað karlmanna. Reglur um klæðnað kvenna hefur hins vegar vakið mun meiri athygli en búið er að setja reglur um brjótaskorur og um lengd pilsa.

Frétt um málið á Vísi.is.

Spil og leikir | Slóð | Facebook | Athugasemdir (1)

14.3.2012 | 10:55

Firmakeppni Fjölnis frestað til betri tíma

VERKÍS skákmótinu, firmakeppni Fjölnis, sem hefjast átti í dag 14. mars í Ráðhúsi Reykjavíkur hefur verið frestað til betri tíma. Skipuleggjendum er ljóst að þétt dagskrá skákviðburða hefur tæmt orku og tíma fjölmargra skákáhugamanna sem hefðu annars viljað vera með eða leggja málinu lið.

Aðstandendur mótsins munu bráðlega koma saman og finna þessu móti hentugari tíma. Frábær stuðningur VERKÍS og fyrirtækja sem leggja til vegleg verðlaun er mikil hvatning fyrir Fjölnismenn og alla skákáhugamenn að bæta við enn einni skrautfjöðrinni í mótadagskrá SÍ.

Spil og leikir | Slóð | Facebook | Athugasemdir (0)

13.3.2012 | 21:29

Fabiano Caruana sigurvegari N1 Reykjavíkurmótsins

Ítalinn ungi, Fabiano Caruna, sigraði á N1 Reykjavíkurskákmótinu sem kláraðist í Hörpu í kvöld. Caruana hlaut 7,5 vinning í 9 skákum eftir að hafa gert jafntefli við heimsmeistara kvenna, Hou Yifan í
lokaumferðinni í æsispennandi skák eftir að hafa haft mjög erfitt tafl um tíma.

Í 2.-8. sæti með 7 vinninga urðu Hou Yifan, Henrik Danielsen, sem varð efstur Íslendinga, Bosníumaðurinn Ivan Sokolov, sem hefur verið meðal sigurvegara tvö síðustu ár, Tékkinn David Navara, Englendingurinn Gawain Jones, Frakkinn Sebastian Maze og Ísraelinn Boris Avrukh.

Miklu ítarlegri frétt væntanleg um mótið síðar.

Spil og leikir | Slóð | Facebook | Athugasemdir (0)

13.3.2012 | 14:19

Nansý lék fyrsta leikinn fyrir Hou Yifan: Lokaumferð N1 Reykjavíkurskákmótsins stendur yfir

Nansý Davíðsdóttir, 10 ára Íslandsmeistari barna lék fyrsta leikinn fyrir Hou Yifan heimsmeistara í úrslitaskák hennar við Fabiano Caruana í lokaumferð N1 Reykjavíkurskákmótsins í Hörpu.

Þóra Arnórsdóttir sjónvarpskona stjórnaði setningarathöfn lokaumferðarinnar og sagði að skák Yifan og Caruana yrði upp á ,,líf og dauða".

Reikna má með harðri baráttu á efstu borðum. Caruana er einn efstur með 7 vinninga af 8 mögulegum, en Yifan heimsmeistari, Sokolov, Navara og Avrukh hafa 6½.

Sokolov ætlar sér sigur með hvítu gegn Avrukh, en Navara hefur svart gegn Cheparinov.

Íslensku stórmeistararnir Héðinn Steingrímsson og Henrik Danielsen eru í hópi níu skákmanna sem hafa 6 vinninga. Héðinn teflir gegn Júrí Kryvoruchko, og Henrik við Tyrkjann Ipatov.

Þóra Arnórsdóttir mun í kvöld birta stórfróðlegt og skemmtilegt viðtal við bandaríska stórmeistarann Maurice Ashley, sem er meðal keppenda á N1 Reykjavíkurskákmótinu. Ashley hefur unnið merkilegt starf við útbreiðslu skáklistarinnar í Bandaríkjunum, og gerði skólalið frá Harlem að Bandaríkjameisturum.

Spil og leikir | Breytt s.d. kl. 14:21 | Slóð | Facebook | Athugasemdir (0)

13.3.2012 | 11:17

N1 Reykjavíkurskákmótið: Caruna og Hou Yifan mætast í úrslitaskák í Hörpu í dag kl. 13

The highest ranked player in tournament: Fabiano Caruana

Sjötti stigahæsti skákmaður heims, Fabiano Caruna, sem leiðir á N1 Reykjavíkurskákmótinu mætir heimsmeistara kvenna Hou Yifan í lokaumferðinni sem hefst kl. 13. Þarna mætast tveir heitustu skákmenn heims í dag og ljóst að allur skákheimurinn mun fylgjast vel með. Caruana hefur hálfs vinnings forskot á Yifan, Ivan Sokolov, David Navara og Boris Avrukh. Sokolov mætir Avrukh en Navara teflir við teflir við Ivan Cheparinov.

Skákskýringar hefjast kl. 15:30 í umsjón Helga Ólafssonar. Síðasta pallborðið í umsjón Simons Williams, Björns Þorfinnssonar og Ingvars Þórs Jóhannessonar verður kl. 17:30.

Tilvalið er fyrir áhugasama að hita upp fyrir umferðina með því að fara í Þjóðminjasafnið og hlusta áfyrirlestur Helga Ólafssonar um einvígi aldarinnar sem hefst kl. 12:05. Þar mun Guðmundur G. Þórarinsson færu Þjóðminjasafninu mjög merkilega gjöf.

Vefsíður

Spil og leikir | Slóð | Facebook | Athugasemdir (0)

13.3.2012 | 11:00

Firmakeppni Fjölnis - Verkísmótið hefst á morgun - mjög góð verðlaun

Það styttist í að Firmakeppni Fjölnis í skák, með stuðningi verkfræðistofunnar Verkís, hefjist í Ráðhúsi Reykjavíkur.

Margir skákmenn og nokkur fyrirtæki hafa komið að máli við undirbúningsnefnd mótsins um hvort ekki væri möguleiki á að rýmka til með reglurnar og fá þannig fleiri fyrirtæki og fleiri skákmenn til að koma að á mótinu.

Undirbúningsnefndin hefur ákveðið að verða við þessum óskum þótt stutt sé í mótshaldið, enda um mikla veislu að ræða þegar horft er til verðlauna fyrir bestu skáksveitirnar og einstaklingana. Nú hvetjum við íslenska skákmenn til að bregðast fljótt og vel við breyttum þátttökureglum og þeir kanni möguleika sína á að mynda sveit/ir sem fellur undir eftirfarandi skilyrði:

Fyrirkomulag

- Hvert fyrirtæki sendir fjögurra manna skáksveit til leiks. Leyfilegt er að hafa varamenn.

- Liðsmenn skulu starfa hjá viðkomandi fyrirtæki eða stofnun.

- Leyfilegt er að tefla fram sameinuðu liði tveggja fyrirtækja.

- Einn lánsmaður er leyfður í hverju liði.

- Hvert lið má tefla fram einum titilhafa þ.e. GM eða IM, eða tveimur FM.

- Teflt verður í Ráðhúsi Reykjavíkur, 14. og 15. mars nk. kl. 16:00 - 19:00

- Veitingar í hléi í frá Saffran og Icelandic Glacial.

1. Verðlaun: Flug til Evrópu með Iceland Express fyrir 4 liðsmenn og liðsstjóra - öll gjöld innifalin!

2. Verðlaun: Glæný ljósmyndabók frá Sögum útgáfu og geisladisk frá 12 tónum.

3. Verðlaun: Verðlaun: Ljósmyndabókin frá Sögum útgáfu.

Sérverðlaun, GSM snjallsími frá Símanum, að verðmæti 100.000 kr., verða veitt fyrir bestan árangur einstaklings á mótinu. Einnig verða vinningar dregnir af handahófi úr hópi allra þátttakenda.

Skákdeild Fjölnis stendur að mótinu en verkfræðistofan Verkís, sem fagnar 80 ára starfsafmæli í ár er aðalstyrktaraðili mótsins.

Þátttökugjald hvers fyrirtækis/stofnunar er 50.000 kr. Tilkynnið þátttöku sem fyrst á firmakeppnin@gmail.com.

Með von um jákvæð viðbrögð, stuðning og skemmtilegt samstarf,

Undirbúningsnefndin

Spil og leikir | Breytt s.d. kl. 10:45 | Slóð | Facebook | Athugasemdir (0)

13.3.2012 | 10:27

Íslandsmót barnaskólasveita fer fram næstu helgi í Rimaskóla

Íslandsmót barnaskólasveita verður haldið helgina 17.-18. mars í Rimaskóla í Reykjavík.

Skákakademía Reykjavíkur er mótshaldari fyrir hönd Skáksambands Íslands.

Fyrirkomulag: Fjórir skákmenn eru í hverri sveit og 1-4 til vara. Tefldar verða níu umferðir með 15 mínútna umhugsunartíma á mann.

Liðsstjórar skulu mæta 12:30 á laugardag og skila inn liðum sínum á Monrad-spjöldum.

Dagskrá mótsins; Tefldar verða fimm umferðir á laugardegi og fjórar á sunnudegi. Taflið hefst 13:00 á laugardag og 11:00 á sunnudag.

Skráning sveita og fyrirspurnir skulu berast á stefan@skakakademia.is eigi síðar en fimmtudaginn 15. mars. Með skráningu skal fylgja gsm og netfang liðsstjóra.

Verðlaun verða veitt fyrir þrjú efstu sætin í mótinu, bestu b-e sveitir og borðaárangur.

Íslandsmeistarar munu vinna sér inn rétt til þátttöku á Norðurlandamóti barnaskólasveita sem fram fer í haust. Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands mun aðstoða við þjálfun keppenda.

Spil og leikir | Slóð | Facebook | Athugasemdir (0)

13.3.2012 | 09:00