Skák.is

Bloggfærslur mánaðarins, nóvember 2012

11.11.2012 | 12:46

Oliver Aron og Nansý unnu TORG- skákmótið annað árið í röð

Úrslitaskákin endaði með jafntefli á milli Rimaskólakrakkanna Olivers Arons og Nansýjar Davíðsdóttur

Skákdeild Fjölnis hélt glæsilegt og fjölmennt TORG-skákmót laugardaginn 10. nóvember. Mótið fór fram við hinar bestu aðstæður í félagsmiðstöðinni Fjörgyn í Foldaskóla. Þetta er í 9. sinn sem Fjölnismenn standa fyrir þessu vinsæla skákmóti, alltaf í samstarfi við fyrirtækin í verlsunarmiðstöðinni Torginu við Hverafold. Það var sjálfur Íslandsmeistarinn 2012, Þröstur Þórhallsson, sem lék fyrsta leik mótsins fyrir annan Íslandsmeistara, Nansý Davíðsdóttur Íslandsmeistara barna 2012.

Strax í framhaldinu hófu 60 grunnskólakrakkar á öllum aldri keppni, sex umferðir, með einu skákhléi þegar NETTÓ Hverafold mætti með drykki og súkkulaðikex í miklu magni. Hver umferð reyndist spennandi og nokkuð var um óvænt úrslit í hverri umferð. Ungir skákmenn voru nokkuð áberandi og margir þeirra á sínu fyrsta alvöruskákmóti. Fjöldi foreldra fylgdist með og hjálpaði til við uppröðun og frágang. Þegar mótinu lauk fór fram glæsileg verðlaunaafhending. Í boði voru 20 verðlaun frá fyrirtækjum á Torginu Hverafold.

NETTÓ gaf líkt og í fyrra þrjá glæsilega eignabikara til mótsins fóru þeir allir í sömu hendur og í fyrra. Norðurlandameistarar Rimaskóla, þau Oliver Aron Jóhannesson og Nansý Davíðsdóttir, urðu í efstu sætum. Oliver Aron varð efstur með 5,5 vinninga og efstur í eldri flokk. Nansý varð efst í yngri flokk og efst í stúlknaflokki og fékk að launum tvo bikara. Rimaskólakrakkar voru að vanda áberandi í efstu sætunum, alls 10 í efstu 20 sætunum.

Á meðal verðlaunahafa voru afrekskrakkar úr Kópavogsskólum og Árbæjarskóla en líka óþekktir skákkrakkar eins og Sæmundur Árnason Foldakskóla og Katrín Kristjánsdóttir Melaskóla. Mótstjórar voru þeir Helgi Árnason formaður skákdeildar Fjölnis og Páll Sigurðsson formaður Taflfélags Garaðabæjar. Gekk mótið mjög vel fyrir sig og krakkarnir allir stóðu sig eins og hetjur. Skákdeild Fjölnis vill þakka fyrirtækjum á Torginu fyrir veittan stuðning, Páli Sigurðssyni fyrir frábæra aðstoð og stjórnendum Foldaskóla fyrir að skapa krökkunum bestu aðstæður til keppni.

Efstu menn:

Rank	Name	Club	Pts
1	Oliver Aron Jóhannesson	Fjölnir	5½
2	Nansý Davíðsdóttir	Fjölnir	5
3	Felix Steinþórsson	Hellir	5
4	Jakob Alexander Petersen	TR	5
5	Svandís Rós Ríkharðsdóttir	Fjölnir	5
6	Sæmundur Árnason	Foldaskóli	5
7	Jóhann Arnar Finnsson	Fjölnir	4½
8	Katrín Kristjánsdóttir	Melaskóli	4½
9	Sóley Lind Pálsdóttir	TG	4
10	Joshua Davíðsson	Rimaskóli	4
11	Andri Már Hannesson	TR	4
12	Kristófer Halldór Kjartansson	Fjölnir	4
13	Nói Marinósson	Snælandsskóli	4
14	Róbert Orri Árnason	Rimaskóli	4
15	Kasper Pétursson	Rimaskóli	4
16	Hákon Garðarson	Rimaskóli	4
17	Ívar Barkarson	Snælandsskóli	4
18	Júlíus Örn Finnson	Rimaskóli	4
19	Sævar Már Bjarkason	Vættarskóli Borgir	4
20	Arnar Gauti Bjarkason	Vættarskóli Borgir	3½
21	Anita Björt Georgsdóttir	Vættarskóli Borgir	3½
22	Heiðdís Tinna Guðmundsdóttir	Vættarskóli Borgir	3½
23	Bjartur Máni Sigmundsson	Melaskóli	3½
24	Gauti Björn Jónsson	Vættarskóli Borgir	3½
25	Sindri Máni Jónasson	Foldaskóli	3½

Myndaalbúm (HÁ)
Chess-Results

Spil og leikir | Slóð | Facebook | Athugasemdir (0)

11.11.2012 | 11:41

Hjörvar öruggur sigurvegari á Unglingameistaramóti Íslands

Hjörvar Steinn Grétarsson (2516) vann öruggan sigur á Unglingameistaramóti Íslands sem lauk í gær. Hjörvar vann alla andstæðinga sína sjö að tölu. Mikael Jóhann Karlsson (1960) varð annar með 5,5 vinning og Dagur Kjartansson (1623) varð þriðji með 4,5 vinning og sló við mörgum mun stigahærri andstæðingum.

Að móti loknu fór fram verðlaunaafhending í Billiard-stofunni við hliðina á Skáksambandinu.

Chess-Results
Myndaalbúm (OS)

Veljið skák (42 alls):

Spil og leikir | Breytt s.d. kl. 11:56 | Slóð | Facebook | Athugasemdir (0)

10.11.2012 | 18:04

Oliver Aron efstur

Yfir 50 keppendur taka nú þátt á Íslandsmótinu 15ára og yngri. Nær allir sterkustu skákmenn landsins í þessum aldursflokki eru mættir til leiks og mikilvægar skákir í hverri umferð. Oddný Sturludóttir formaður skóla- og frístundaráðs Reykjavíkur lék fyrsta leikinn fyrir Hilmi Frey Heimisson. Óvænt úrslit urðu strax í 2. umferð þegar Símon Þórhallsson lagði Jón Kristinn Þorgeirsson félaga sinn úr SA.

Oliver Aron er einn efstur með fullt hús en nokkrir skákmenn koma rétt á eftir.

6. umferð hefst 11:00 í fyrramálið.

Staðan; http://chess-results.com/tnr84748.aspx?art=4&lan=1

Pörun 6. umferðar; http://chess-results.com/tnr84748.aspx?art=2&rd=6&lan=1

Spil og leikir | Slóð | Facebook | Athugasemdir (0)

10.11.2012 | 16:00

Unglingameistaramót Íslands hefst aftur núna kl. 17 - beinar útsendingar

Síðustu fjórar umferðirnar á Unglingameistaramóti Íslands hefjast kl. 17 Hægt er að fylgjast með skákunum beint á netinu.

Chess-Results
Myndaalbúm (OS)
Bein útsending frá 1. umferð
Bein útsending frá 2. umferð
Bein útsendind frá 3. umferð
Bein útsendind frá 4. umferð (laugardagur kl. 17)
Bein útsendind frá 5. umferð (í beinu framhaldi)
Bein útsendind frá 6. umferð (í beinu framhaldi)
Bein útsendind frá 7. umferð (í beinu framhaldi)

Spil og leikir | Breytt s.d. kl. 08:45 | Slóð | Facebook | Athugasemdir (0)

10.11.2012 | 08:00

Íslandsmót 15 ára og yngri hefst í dag

Skákþing Íslands 2012 - drengja-og telpnameistaramót (15 ára og yngri)

Skákþing Íslands 2012 - pilta-og stúlknameistaramót (13 ára og yngri)

Keppni á Skákþingi Íslands 2012 - 15 ára og yngri (fædd 1997 og síðar) og 13 ára og yngri (fædd 1999 og síðar) verður haldið í félagsheimili Taflfélags Reykjavíkur dagana 10. og 11. nóvember nk. Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda. Teflt verður í einum flokk.

Mótið átti að fara fram síðustu helgi en var frestað vegna veðurs. Þeir sem skráðu sig fyrir helgina þurfa ekki að endurskrá sig.

Skákstaður: Faxafen 12, Reykjavík

Umferðartaflan:

Laugardagur 10. nóvember

kl. 13.30 1. umferð
kl. 14.30 2. umferð
kl. 15.30 3. umferð
kl. 16.30 4. umferð
kl. 17.30 5. umferð

Sunnudagur 11. nóvember

kl. 11.00 6. umferð
kl. 12.00 7. umferð
kl. 13.00 8. umferð
kl. 14.00 9. umferð

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin í hvorum flokki.

Skráning: http://www.skak.is og skaksamband@skaksamband.is.

Upplýsingar um þegar skráða keppendur má nálgast hér.

Spil og leikir | Breytt 9.11.2012 kl. 20:51 | Slóð | Facebook | Athugasemdir (0)

10.11.2012 | 07:00

TORG-skákmótið fer fram í dag í Foldaskóla

Skákdeild Fjölnis heldur hið árlega TORG - skákmót næsta laugardag, 10. nóvember og verður mótið að þessu sinni haldið í Foldaskóla í Grafarvogi.

TORG-mótið stendur frá kl. 11:00 - 13:00 og lýkur með veglegri verðlaunaafhendingu. Fyrirtækin á Torginu í Hverafold gefa yfir 20 góða vinninga og verslunin NETTÓ býður öllum þátttakendum upp á ókeypis veitingar og gefur þrjá glæsilega verðlaunabikara.

Heiðurðsgestur TORG-mótsins 2012 verður sjálfur Íslandsmeistarinn Þröstur Þórhallsson og mun hann leika fyrsta leikinn.

Tefldar verða sex umferðir með 7 mínútna umhugsunartíma. TORG-skákmót Fjölnis eru bráðskemmtileg skákmót ætluð öllum grunnskólanemendum og tilvalið fyrir nemendur sem notið hafa kennslu í skólum t.d. á vegum Skákakademíu Reykjavíkur. Flestir af öflugustu skákrökkum landsins hafa í gegnum árin fjölmennt á Torg- skákmót Fjölnis. Mótið hefst eins og áður segir kl. 11.00 en þátttakendur eru beðnir um að mæta fimmtán mínútum fyrr til skráningar.

Spil og leikir | Breytt 9.11.2012 kl. 14:34 | Slóð | Facebook | Athugasemdir (0)

9.11.2012 | 23:50

Hjörvar Steinn og Örn Leó efstir á Unglingameistaramóti Íslands

Hjörvar Steinn Grétarsson (2516) og Örn Leó Jóhannsson (1956) eru efstir og jafnir með fullt hús að loknum þremur umferðum á Unglingameistaramóti Íslands, 20 ára og yngri sem hófst í kvöld. Mótinu verður framhaldið á morgun með fjórum síðustu umferðunum. Taflmennska hefst kl. 17.

Chess-Results
Myndaalbúm (OS)
Bein útsending frá 1. umferð
Bein útsending frá 2. umferð
Bein útsendind frá 3. umferð
Bein útsendind frá 4. umferð (laugardagur kl. 17)
Bein útsendind frá 5. umferð (í beinu framhaldi)
Bein útsendind frá 6. umferð (í beinu framhaldi)
Bein útsendind frá 7. umferð (í beinu framhaldi)

Spil og leikir | Breytt s.d. kl. 23:52 | Slóð | Facebook | Athugasemdir (0)

9.11.2012 | 21:12

Vignir Vatnar með jafntefli í 2. umferð

Vignir Vatnar Stefánsson gerði jafntefli við enska skákmanninn Anthony Zhang (1840) í 80 leikja skák í 2. umferð HM ungmenna, sem fram fór í dag, en hann teflir í flokki 10 ára og yngri. Vignir hefur 1,5 vinning og er í 34.-59. sæti.

Í 3. umferð, sem fram fer á morgun, teflir Vignir við Úkraníumanninn Kirill Svevchenko (1945).

Alls taka 192 skákmenn þátt í flokki Vignis og er Vignir nr. 91 í stigaröð keppenda. Honum til aðstoðar er Helgi Ólafsson.

Spil og leikir | Breytt s.d. kl. 21:33 | Slóð | Facebook | Athugasemdir (0)

9.11.2012 | 21:01

Unglingameistaramót Íslands (20 ára og yngri) hófst í kvöld - beinar útsendingar

Unglingameistaramót Íslands (20 ára og yngri) hófst í kvöld og taka 13 skákmenn þátt í mótinu. Hægt er að fylgjast með öllum skákum mótsins í beinni útsendingu en meðal keppenda er alþjóðlegi meistarinn Hjörvar Steinn Grétarsson (2516) og landsliðskonurnar Hallgerður Helga Þorsteinsdóttir (1959) og Jóhanna Björg Jóhannsdóttir (1875).

Tefldar eru 3 skákir í kvöld og 4 á morgun.

Spil og leikir | Breytt s.d. kl. 21:51 | Slóð | Facebook | Athugasemdir (0)

9.11.2012 | 20:55

Dagur með tvö jafntefli í dag

Alþjóðlegi meistarinn Dagur Arngrímsson (2368) gerði jafntefli í báðum skákum dagsins í First Saturday-mótinu. Í dag tefldi hann við ungverska FIDE-meistarann Benjamin Gladura (2336) og danska alþjóðlega meistarann Andreas Skytte Hagen (2418). Dagur hefur 2,5 vinning eftir 7 skákir og er í 5. sæti.