Fréttaskeyti Skákakademíunnar nr. 2

Fréttaskeyti Skákakademíunnar nr. 2 kom út í dag.  Meðal efnis er:

• Vikulegar heimsóknir í Barnaspítala Hringsins
• Griðastaðar við Hverfisgötu: Allir eru velkomnir í Vin
• Verðlaunamynd úr Kópavogi
• Skák er skemmtileg - í framhaldsskólum
• Donika Kolica: Í skákinni eignast maður vini á öllum aldri
• Skemmtilegar staðreyndir um skák
• Skákþraut vikunnar

Fréttaskeytið má nálgast hér eða neðan sem PDF-viðhengi.

Skrár tengdar þessari bloggfærslu:

• Fréttaskeytti Skákakademíunnar nr. 2

Einar Hjalti efstur með fullt hús á Skákþingi Garðabæjar

FIDE-meistarinn Einar Hjalti Jensson (2295) fer mikinn á Skákþingi Garðabæjar. Í 3. umferð, sem fram fór í gær, vann hann Jón Birgi Einarsson (1658) og er efstur með fullt hús. Enn er töluvert um óvænt úrslit en í gær gerði Bjarnsteinn Þórsson (1335) sér lítið fyrir og lagði margfaldan skákmeistari Garðbæjar, Jóhann H. Ragnarsson (2061), að velli. Bjarnsteinn er annar með 2,5 vinning. Kjartan Maack (2132) er þriðji með 2 vinninga.  Páll Sigurðsson (1983) er í miklum jafnteflisgír og gerði nú jafntefli við Omar Salama (2277), sem hefur ekki náð sér á strik.

Úrslit 3. umferðar má finna hér, stöðu mótsins má finna hér og röðun 4. umferðar sem fram fer á fimmtudagskvöld má finna hér.

Í b-flokki eru Óskar Víkingur Davíðsson og Kári Georgsson efstir með fullt hús.  Nánari upplýsingar um b-flokkinn má finna á Chess-Results.

• Heimasíða TG 
• Chess-Results

Unglingameistaramót Íslands (20 ára og yngri) hefst í kvöld

Unglingameistaramót Íslands 2012 fer fram í Faxafeni 12, Reykjavík dagana 9.- 10. nóvember nk.  Þátttökurétt eiga þeir sem verða 20 ára á almanaksárinu og yngri.

 

Sigurvegari á mótinu hlýtur titilinn "Unglingameistari Íslands 2012" og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.

Mótið átti að fara fram síðustu helgi en var frestað vegna veðurs. Þeir sem skráðu sig fyrir helgina þurfa ekki að endurskrá sig.    

Umferðatafla:             

Föstudagur 9. nóv.:

kl. 20.00                                  4 atskákir

Laugardagur 10. nóv.:

kl. 17.00                                  3 atskákir

Að móti loknu verður verðlaunaafhending og lokahóf.

Tímamörk:                   25 mín + 10 sek. viðbótartími á hvern leik     

Þátttökugjöld:             kr. 2.000.-

Skráning: http://www.skak.is og [e-mail].

Upplýsingar um þegar skráða keppendur má nálgast hér.  

Íslandsmót 15 ára og yngri hefst á morgun

Skákþing Íslands 2012 -  drengja-og telpnameistaramót (15 ára og yngri)

Skákþing Íslands 2012 -   pilta-og stúlknameistaramót (13 ára og yngri)                                                          

Keppni á Skákþingi Íslands 2012 - 15 ára og yngri (fædd 1997 og síðar) og 13 ára og yngri (fædd 1999 og síðar) verður haldið í félagsheimili Taflfélags Reykjavíkur dagana 10. og 11. nóvember nk.  Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda.  Teflt verður í einum flokk.

Mótið átti að fara fram síðustu helgi en var frestað vegna veðurs. Þeir sem skráðu sig fyrir helgina þurfa ekki að endurskrá sig.  

Skákstaður: Faxafen 12, Reykjavík

Umferðartaflan:

Laugardagur 10. nóvember      

• kl. 13.30                      1. umferð
• kl. 14.30                      2. umferð
• kl. 15.30                      3. umferð
• kl. 16.30                      4. umferð
• kl. 17.30                      5. umferð

Sunnudagur 11. nóvember       

• kl. 11.00                      6. umferð
• kl. 12.00                      7. umferð
• kl. 13.00                      8. umferð
• kl. 14.00                      9. umferð

                                               

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:  Verðlaunabikarar fyrir þrjú efstu sætin í hvorum flokki.

Skráning: http://www.skak.is og [e-mail].

Upplýsingar um þegar skráða keppendur má nálgast hér. 

HM ungmenna: Vignir Vatnar vann í fyrstu umferð

Vignir Vatnar Stefánsson tekur þátt í flokki 10 ára og yngri á HM ungmenna sem hófst í Maribor í Slóveníu í dag.  Vignir vann í fyrstu umferð keppenda frá Singapore. 

Alls taka 192 skákmenn þátt í flokki Vignis og er Vignir nr. 91 í stigaröð keppenda.  Honum til aðstoðar er Helgi Ólafsson.

Heimasíða mótsins

 

 

TORG-skákmótið verður í Foldaskóla á laugardaginn

Skákdeild Fjölnis heldur hið árlega TORG - skákmót næsta laugardag, 10. nóvember og verður mótið að þessu sinni haldið í Foldaskóla í Grafarvogi.

TORG-mótið stendur frá kl. 11:00 - 13:00 og lýkur með veglegri verðlaunaafhendingu. Fyrirtækin á Torginu í Hverafold gefa yfir 20 góða vinninga og verslunin NETTÓ býður öllum þátttakendum upp á ókeypis veitingar og gefur þrjá glæsilega verðlaunabikara.

Heiðurðsgestur TORG-mótsins 2012 verður sjálfur Íslandsmeistarinn Þröstur Þórhallsson og mun hann leika fyrsta leikinn.

Tefldar verða sex umferðir með 7 mínútna umhugsunartíma. TORG-skákmót Fjölnis eru bráðskemmtileg skákmót ætluð öllum grunnskólanemendum og tilvalið fyrir nemendur sem notið hafa kennslu í skólum t.d. á vegum Skákakademíu Reykjavíkur. Flestir af öflugustu skákrökkum landsins hafa í gegnum árin fjölmennt á Torg- skákmót Fjölnis. Mótið hefst eins og áður segir kl. 11.00 en þátttakendur eru beðnir um að mæta fimmtán mínútum fyrr til skráningar.

Íslandsmót unglingasveita fer fram 24. nóvember

Íslandsmót unglingasveita verður haldið þann 24. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími á mann eru 15 mínútur.

Mótið er liðakeppni taflfélaga og eru 4 í hverju liði auk varamanna.

Reglugerð mótsins má finna með því að smella hér. 
http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins: tg(hjá)tgchessclub.com

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 3000 kr. á hvert lið.

Íslandsmeistarar 2011 eru Skákdeild Fjölnis.

Sjá má öll úrslit á mótinu 2011 með því að smella á hlekkinn hér fyrir aftan. 
http://chess-results.com/tnr60197.aspx?lan=1

Skákseglið IV - Jón Þ. Þór efstur

Fyrsta umferð í mótaröðinni um SkákSeglið var tefld í gær í Vonarhöfn þar sem Riddarar reitaða borðsins hittast vikulega til tafls og reyna með sér. Friður og ró hvíldi yfir mótinu enda verið að jarða í kirkjunni sjálfri við hliðina í bókstaflegri merkingu. En við taflborðið jörðuðu menn hins vegar hvern annan í óeiginlegu merkingu svo við blasti bara mátið eitt eða staðan rústir einar, sagði Einar.

Engin  „ef, hefði og mundi" taflmennska , menn tóku úrslitum og mættu örlögum sínum í hverri skák með jafnaðargeði, enda tekur það nú skv. nýjustu fréttum allt að 3 mánuði að fá tíma hjá geðlækni, ef skákáfallastreituhliðrunarhugröskunareinkenni gera vart við sig.

Sigurvegarar þriggja undanfarandi móta um SkákSegl Grímzó eru þeir: Sigurður Herlufsen, Þór Valtýsson og Guðfinnur Kjartansson, sem allir hafa fengið nafn sitt skráð silfruðu letri á hinn fagra verðlaunagrip sér til heiðurs og til upplýsingar fyrir komandi kynslóðir skákáhugamanna.   

Nú er ekki að vita nema ný nöfn blandi sér í baráttuna, þrátt fyrir að tveir fyrrv. vinningshafar séu meðal keppenda, því efstir í gær urðu hinir rammefldu skákmeistarar Jón Þ. Þór með 10 v. af 11 mögulegum og Ingimar Halldórsson með 9.5v í öðru sæti, sem kemur út af fyrir sig ekki mjög á óvart. Mesta athygli vakti þó að Eiríkur Viggósson, fyrrv. yfirkokkur, matreiddi hvern vinninginn á fætur öðrum, nánast úr engu og fór létt með það. Hann lék marga andstæðinga sína svo grátt að við borð lá að þeir fengu snert af ofangreindum kvilla og áfallahugröskun, en betur fór en áhorfðist.

Sjá má nánari úrslit á meðf. mótstöflu sem og á www. riddarinn.net

 

 

ESE - 10.11.12

Verðlaunamynd frá Afmælismóti aldarinnar

Samhliða Afmælismóti aldarinnar fór fram skákmyndasamkeppni. Margar flottar og frumlegar myndir bárust dómnefnd.

Ein mynd þótti bera af með tilliti til frumleika og nákvæmni. Þá mynd teiknaði Steinrós Birta Kolbeins 14ára gömul stúlka frá Kópavogi og hlýtur að launum kringlukort frá Skákakademíunni að verðmæti 7.500 kr.

Þegar litið er til hauskúpunnar kemur ef til vill upp þekkt setning sem Garry Kasparov sagði um skák!

 

 

 

Arnar atskákmeistari Reykjavíkur - Vigfús atskákmeistari Hellis

Arnar Gunnarsson sigraði örugglega á atskákmóti Reykjavíkur sem haldið var 5. nóvember sl. Arnar steig varla feilspor í mótinu og vann allar skákir sínar sex að tölu. Arnar er því atskákmeistari Reykjavíkur 2012 og er þetta í fjórða sinn sem hann hampar titlinum. Annar varð Vigfús Ó. Vigfússon með 5v. Vigfús færði sér í nyt að stigahærri skákmönnum voru mislagðar hendur í nokkrum skákum og náði þannig eftir harða baráttu við þá sem ruddu honum brautina að sækja annað sætið.

Jafnir í 3-5 sæti með 4,5v voru svo Einar Hjalti Jensson, Dagur Ragnarsson og Jóhann Helgi Sigurðarson. Vigfús er atskákmeistari Hellis 2012 sem efstur Hellismanna og er þetta í annað sinn sem hann fær þann titil en í fyrra skiptið var Arnar einnig sigurvegari mótsins.

Næsta skákkvöld í Hellisheimilinu verður næstkomandi mánudagskvöld 12. nóvember kl. 20. Þá verður hraðkvöld.

Lokastaðan á Atskákmóti Reykjavíkur:

 Röð  Nafn                             Vinn.   M-Buch. Buch. Progr.

  1   Arnar Gunnarsson,                 6        15.0  23.0   21.0
  2   Vigfús Ó. Vigfússon,              5        14.5  22.5   18.0
 3-5  Einar Hjalti Jensson,             4.5      16.0  24.0   16.5
      Dagur Ragnarsson,                 4.5      14.0  19.0   16.5
      Jóhann Helgi Sigurðsson,          4.5      13.5  21.0   16.0
 6-8  Örn Leó Jóhannsson,               4        17.5  25.5   16.0
      Jon Olav Fivelsted,               4        11.5  18.0   13.0
      Ingi Tandri Traustason,           4        10.5  16.0   13.0
9-13  Elsa María Kristínardóttir,       3.5      16.0  23.0   15.0
      Hallgerður Helga Þorsteinsdóttir, 3.5      15.0  23.5   15.0
      Oliver Aron Jóhannesson,          3.5      13.0  19.5   12.5
      Þorvarður F. Ólafsson,            3.5      13.0  18.0   13.0
      Páll  Andrason,                   3.5      12.0  18.0   12.5
14-19 Gunnar Örn Haraldsson,            3        14.0  21.5   13.0
      Óskar Maggason,                   3        12.5  20.0   11.0
      Jóhanna Björg Jóhannsdóttir,      3        11.5  17.0   12.0
      Arsenij Zacharov,                 3        11.5  17.0   10.0
      Aðalsteinn Thorarensen,           3        10.0  16.0    8.0
      Jakob Alexander Petersen,         3        10.0  14.5    7.0
20-26 Dagur Kjartansson,                2        12.5  17.5    7.0
      Róbert Leó Jónsson,               2        12.0  18.0    8.0
      Pétur Jóhannesson,                2        11.0  17.0    6.0
      Andri Steinn Hilmarsson,          2        11.0  15.5    6.0
      Kristófer Jóel Jóhannesso,        2        10.5  15.5    8.0
      Alec Sigurðarson,                 2        10.0  15.0    6.0
      Árni Thoroddsen,                  2         7.5  12.0    5.0
27-28 Bjarni Þór Guðmundsson,           1.5      10.0  14.5    3.5
      Erik Daníel Jóhannesson,          1.5       9.0  13.0    4.5
 29   Björgvin Kristbergsson,           1        10.5  16.5    2.0