KR: Sigurður Áss Grétarsson "stal" sigrinum

Þar mættust stálin stinn"  segir allt sem segja þarf um atganginn í KR-heimilinu á Meistaravöllum á mánudagskvöldið var þar sem rammefldir rummungar reitaða borðsins tóku sína vikulegu rimmu og þreyttu með sér 13 hraðskákir áður en yfir lauk og upp var staðið.  Þrekraun sem ekki er heiglum hent og vekur undrun erlendra gesta.  Samt blés aldurforsetinn Gunnar Kr. Gunnarsson vart úr nös eftir allan hamaganginn.  

Gunni Gunn hefur unnið 3 undanfarin mót af öryggi með 11-10½ vinningi

 en varð nú að játa sig óvænt sigraðan fyrir nýjum spútnik af Áss ætt, Sigurði Grétarssyni sem  marði af honum sigurinn á stigum á marklínunni. Sigurður laut þó í lægra haldi fyrir Gunnari í þeirra innbyrðis viðureign sem var viss huggun harmi gegn en engu að síður var sá gamli var alveg gáttaður á þessum reiknireglum.

 Báðir uppskáru þeir 11 vinninga, sem er að sjálfsögðu afbragðs góður árangur í svona stífu og sterku móti.  Þriðji efstur varð svo hinn skeinuhætti Birgir Berndsen með 10 v. en hann vann 2 mót í síðasta mánuði enda þótt báðir hinir sigursælu Gunnarar væru með, þ.e. títtnefndur Gunni Gunn og  Kópavogsstórveldið Gunnar Birgisson, sem nú er genginn formlega í raðir KR-inga.   

Þó einhverjir hafi kannski ekki velt því mikið fyrir sér hingað til er hinn ljóti löstur „einelti" sennilega fylgifiskur skákarinnar eða „mannskemmandieineltispersónuleikastríðnisröskum", sem svo gæti kallast á stofnanamáli.   Á taflborðinu gangast menn nefnilega upp í því og  keppast við sem mest þeir geta við að leggja kóng hvors annars í einelti og  eru sífellt að abbast upp á drottningu andstæðingsins og alla aðra liðsmenn hans og leggja fyrir þá banvænar gildrur.   Reyna að hrekkja og hvekkja mótherjann og gera liði hans allt mögulegt til miska. Ljótt til afspurnar myndi einhver segja - þó ekki Helgi skólameistari.  Því þannig geta ungir sem aldnir fengið  útrás fyrir þennan leiða löst og látið vera að fremja hann annars staðar.  

 

 

Meira á www. kr.is (skák) 

ESE 13.11.12

Atskákmót Íslands 2012 - Minningarmót um Sturlu Pétursson verður haldið um næstu helgi

Atskákmót Íslands 2012 - Minningarmót um Sturlu Pétursson

Verður haldið daganna 16.-18. nóvember n.k

Mótið verður  í senn minningarmót um Sturlu Pétursson skákmeistara.

Staðsetning Hlaðan Gufunesbæ Gufunesvegi 112 Reykjavík (sjá á korti)

http://ja.is/kort/#q=index_id%3A1488810&x=363331&y=407608&z=9

Tímamörk eru 25 mín á skák

Þátttökugjald er 1.000 krónur fyrir 16 ára og yngri, 2.000 krónur fyrir 16 ára og eldri

Fyrirkomulag verður með sama sniði og í fyrra. Fyrst verða tefldar 7 umferðir. Fjórir efstu tefla síðan í undanúrslitum tvær skákir með sitthvorn litinn.

Verðlaun

1.      100.000

2.      50.000

3.      25.000

4.      25.000

Einnig verða veittir bikarar fyrir bestan árangur unglinga, kvenna og öldunga. 

Aðalstyrkaraðli mótsins er Gúmmívinnustofan Skipholti

Sigurvegari mótsins hlýtur nafnbótina Atskákmeistari Íslands.

 

Dagskrá mótsins

Föstudag 16.11

19:30 - 22:30 1-3 umferð

Laugardagur 17.11

13:00 -16:30 4-7 umferð

Sunnudagur 18.11

13:00 - 15:00 Undanúrslit

Stefnt er að því að úrslitaeinvígið fari fram í beinni útsendingu á RÚV

Skráning fer fram hér á Skák.is.

Hægt er að sjá skráða keppendur hérna

https://docs.google.com/spreadsheet/ccc?key=0AiyZI3bNVvoCdHJyRG4zZXdmdWxZa0ZJMTJuSU5zaUE#gid=0

Magnús Sólmundarson sigraði á Birgismótinu

Það mættu tuttugu og átta heldri skákmenn í Ásgarð í dag og heiðruðu með því Birgir Sigurðsson. Í byrjun móts var honum afhentur heiðursskjöldur sem þakklætisvottur fyrir frábær störf í þágu skákmenningar á Íslandi í áratugi.

Magnús Sólmundarson vann mótið með nokkrum yfirburðum, fékk 8,5 vinning af 9 mögulegum.

Magnús leyfði aðeins eitt jafntefli við Ara Stefánsson sem varð  í öðru til þriðja  sæti með 6,5 vinning ásamt Þorsteini Guðlaugssyni sem var örlítið lægri á stigum.

Magnús V Pétursson af henti verðlaun í mótslok sem voru gefin af fyrirtæki hans Jóa Útherja..

Birgir heiðursmaðurinn fékk að ráða sér aðstoðarmann til þess að tefla fjórar síðustu umferðirnar og tók skákstjórinn það að sér og saman fengu þeir 5,5 vinning í 6 sæti.

Nánari úrslit dagsins:

• 1          Magnús Sólmundarson                                  8.5
• 2-3       Ari Stefánsson                                                            6.5
•             Þorsteinn K Guðlaugsson                               6.5
• 4          Sigurður Kristjánsson                                      6
• 5-8       Össur Kristinsson                                            5.5
•             Birgir Sig. 3 v. Finnur Kr 2.5                          5.5
•             Þór Valtýsson                                                  5.5
•             Valdimar Ásmundsson                                   5.5
• 9-12     Gísli Sigurhansson                                          5
•             Haraldur Axel Sveinbjörnsson                        5
•             Gísli Gunnlaugsson                                         5
•             Jón Víglundsson                                             5
• 13-17   Kristján Guðmundsson                                   4.5
•             Einar S Einarsson                                            4.5
•             Ásgeir Sigurðsson                                           4.5
•             Birgir Ólafsson                                                4.5
•             Óli Árni Vilhjálmsson                                     4.5
• 18-20   Baldur Garðarsson                                          4
•             Halldór Skaftason                                           4
•             Bragi G Bjarnarson                                         4
• 21-22   Magnús V Pétursson                                       3.5
•             Gísli Árnason                                                  3.5
• 23-24   Hlynur Þórðarson                                            3
•             Friðrik Sófusson                                              3
• 25-26   Viðar Arthúrsson                                            2.5
•             Eiður Á Gunnarsson                                       2.5
• 27-28   Jónas Ástráðsson                                              2
•             Egill Sigurðsson                                              2           

Atskákmót Skákklúbbs Icelandair - sveitakeppni

Atskákmót Skákklúbbs Icelandair 2012 verður haldið á Reykjavík Natura, gamla Hótel Loftleiðir 8.-9. desember ef næg þátttaka næst.
Mótið verður með svipuðu sniði og í fyrra en fjöldi þátttakenda hefur einhver áhrif á keppnisfyrirkomulagið.
Þetta er opin sveitakeppni með fjögurra manna liði en leyfilegt er að hafa 3 varamenn. Markmiðið er að hafa jafna og skemmtilega keppni og því er sá hátturinn hafður á að hver sveit má ekki hafa fleiri en 8.500 skákstig í hverri umferð.
Miðað er við alþjóðleg stig en ef alþjóðleg stig eru ekki til staðar er miðað við íslensk stig og stigalausir reiknast með 1.500 stig. Miðað er við nóvember lista FIDE en september lista íslenska listans.

• Reykjavík Natura, áður Hótel Loftleiðir
• 8.-9. desember, byrjað klukkan 13:00 báða dagana
• 4 í liði, leyfilegt að hafa 3 varamenn
• Þátttökufjöldi 16-24 sveitir, en það verður hægt að setja lið á biðlista.
• 8.500 stig á sveitina í hverri umferð.
• Stigalausir og þeir sem hafa færri en 1.500 stig verða skráðir með 1.500 stig
• Miðað er við nóvember lista FIDE og september listann í íslensku stigunum
• 9-14 umferðir, þetta ræðst af þátttöku.
  • Miðað er við að taflmennska verði á milli 13:00-18:00 báða dagana.
• 15 mínútur á mann, þátttökufjöldi gæti haft áhrif á þetta.
• Keppnisfyrirkomulagið er svissneskt kerfi.
• Flestir vinningar gilda.
• Þátttökugjald: 16.000 á sveitina og greiðist á skákstað.
• Þátttakendur eru hvattir til að skrá sig tímanlega þar sem að þátttökufjöldinn er takmarkaður.

Verðlaun:*Sveitakeppni:

• 1. sæti: 4x farmiðar fyrir tvo til Evrópu með Icelandair
• 2. sæti: 4x gjafabréf fyrir tvo á veitingastaðnum Satt
• 3. sæti: 4x gjafabréf fyrir tvo í Fontana

Borðaverðlaun.
Borðaverðlaunin eru farmiðar innanlands fyrir tvo í boði Flugfélags Íslands og Sagaklúbbs Icelandair og gisting í  2 nætur fyrir tvo á Icelandair Hótelum  ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.
Óvæntasti sigurinn

Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun.
Besti varamaðurinn

Besti varamaðurinn fær gjafabréf á veitingastaðnum VOX fyrir tvo.
Útdráttarverðlaun - einvígi, teflt á meðan er verið að taka saman lokaúrslit.

Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Bandaríkjanna með Icelandair.
Tveir verða dregnir út til að tefla hraðskák um þessi verðlaun.10 mínútum verða skipt á milli skákmannanna og verður notast við ákveðna tímaforgjafarformúlu til að gefa þeim stigalægri meiri möguleika og auka spennuna. Tímaforgjafarformúlan verður útskýrð á skákstað fyrir einvígið.
Sá sem er dreginn fyrr fær hvítt.
Sá sem tapar fær gjafabréf á veitingastaðnum VOX fyrir tvo. Ef það verður jafntefli skipta skákmennirnir vinningunum á milli sín nema að það sé áhugi hjá báðum aðilum að tefla bráðabanaskák með sama fyrirkomulagi en með minni tíma og öfugum litum. Ef það verður enn jafnt munu skákmennirnir skipta með sér vinningunum.
* ATH. Sami aðili getur ekki unnið til fleiri en einna ferðavinninga, ef slíkt kemur upp mun viðkomandi aðili velja hvaða vinning hann vill, útfærist nánar á skákstað!

- Greiða þarf flugvallarskatta af öllum flugmiðum.
Skráning fer fram hér.
Hægt er að fylgjast með skráningum hér.
Á Facebook er hægt að skiptast á skoðunum og auglýsa sig eða eftir liðsmönnum  
Skráningu lýkur aðfaranótt laugardagsins 1. desember.

Frekari upplýsingar er hægt að fá með því að senda póst á Óskar Long; [e-mail]

Guðmundur með fína frammistöðu í Venesúela

Alþjóðlegi meistarinn, Guðmundur Kjartansson (2385) endaði í 7.-9. sæti á alþjóðlegu skákmóti sem fram fór í Guarenas í Venesúela 25.-30. október sl. Guðmundur hlaut 5 vinninga í 9 skákum.  Frammistaða Guðmundar samsvaraði 2453 skákstigum en hann tefldi við 5 stórmeistara og gerði meðal annars jafntefli við sigurvegara mótsins, Rússann Aleksandr Rakhmanov (2592).  Guðmundur hækkar um 7 stig fyrir frammistöðuna.

Alls tóku 24 skákmenn þátt í þessu sterka móti og þar af voru 10 stórmeistarar og 8 alþjóðlegir meistarar.  Guðmundur var nr. 16 í stigaröð keppenda.

Öll einstaklingsúrslit Guðmundar má nálgast hér.

• Heimasíða mótsins
• Chess-Results

 

Örn Leó sigraði á hraðkvöldi

Örn Leó Jóhannsson sigraði á hraðkvöldi sem fram fór 12. nóvember sl. Örn Leó fékk 6 vinninga í sjö skákum og tapaði ekki skák en gerði tvö jafntefli við Pál Andrason og Elsu Maríu. Annar varð Dagur Ragnarsson með 5 vinninga og jöfn í 3.-4. sæti með 4½ vinning voru Páll Andrason og Elsa María Kristínardóttir. Örn Leó dró svo Kristján Inga í happdrættinu en báðir fá þeir í verðlaun máltíð fyrir einn á Saffran.

Næsta skákkvöld í Hellisheimilinu verður næstkomandi mánudagskvöld 19. nóvember kl. 20. Þá verður einnig hraðkvöld.

Lokastaðan á hraðkvöldinu:

Röð   Nafn                         Vinningar M-Buch. Buch. Progr.

  1   Örn Leó Jóhannsson,              6       21.0  29.5   24.0
  2   Dagur  Ragnarsson,               5       20.5  28.5   21.0
 3-4  Páll Andrason,                   4.5     21.5  31.0   21.5
      Elsa María Kristínardóttir,      4.5     19.5  26.0   18.5
5-10  Vigfús Ó. Vigfússon,             4       21.0  29.5   16.0
      Jon Olav Fivelstad,              4       20.0  28.0   20.0
      Gauti Páll Jónsson,              4       18.5  24.0   15.0
      Jón Úlfljótsson,                 4       18.0  24.5   15.0
      Gunnar Nikulásson,               4       17.0  23.5   12.0
      Hermann Ragnarsson,              4       16.5  24.0   16.0
 11   Kristján Ingi Mikaelsson,        3.5     14.5  19.0   13.0
 12   Andri Steinn Hilmarsson,         3       17.0  22.0   10.0
 13   Bjarni Guðmundsson,              2.5     18.5  25.0   11.0
 14   Björgvin Kristbergsson,          2       14.5  19.0    6.0
 15   Erik Daniel Jóhannesson,         1       16.0  22.0    5.0

Teflt til heiðurs Birgi Sigurðssyni í dag

Á næsta þriðjudag tefla Ásar í anda Birgis og honum til heiðurs. Birgir er búinn að starfa í áratugi fyrir skákhreyfinguna, hann varð ungur meistaraflokksmaður í skák og tefldi á mótum m.a. á Skákþingi Norðurlanda með góðum árangri.

Síðan prentaði hann og gaf út skáktíamarit um árabil ásamt Jóhanni Þóri Jónssyni heitnum.

Síðustu tólf ár hefur Birgir verið formaður skákfélags  F E B í Reikjavík.

Birgir er mikill öðlingur og hefur stjórnað skákmótum með sinni alkunnu hógværð og kurteisi.

Mótið á þriðjudaginn heitir Birgismótið.

Mótstaðður er Stangarhylur 4

Tefldar verða níu umferðir með 10 mín. umhugsunartíma

Mótið byrjar kl 13.00

Allir skákmenn 60 ára og eldri velkomnir.

 

Vignir teflir nær eingöngu við Rússa!

Vignir Vatnar Stefánsson (1595) tapaði í 6. umferð HM ungmenna, 10 ára og yngri, fyrir Rússanum Vitaly Gurevich (1860). Vignir hefur 3½ vinning og er í 48.-81. sæti. Frídagur er á morgun en á miðvikudag mætir Vignir enn einum Rússanum, þeim fjórða í röð en sá hefur 1769 skákstig.

Alls taka 192 skákmenn þátt í flokki Vignis og er Vignir nr. 91 í stigaröð keppenda. Honum til aðstoðar er Helgi Ólafsson.

• Heimasíða mótsins
• Beinar útsendingar (10 efstu borðin)
• Chess-Results

 

 

Dagur með sjötta jafnteflið í röð í Búdapest

Alþjóðlegi meistarinn Dagur Arngrímsson (2368) gerði sitt sjötta jafntefli í röð í 12. umferð First Saturday-mótsins sem fram fór í dag. Andstæðingurinn var rússneski FIDE-meistarinn Ernest Kharous (2367).

Dagur hefur 4,5 vinninga eftir 11 skákir og er í 5. sæti. Dagur situr yfir á morgun en lokaumferðin verður tefld á miðvikudag.

Sjö skákmenn taka þátt í SM-flokki og eru meðalstigin 2426 skákstig.  Dagur er nr. 5 í stigaröð keppenda.  Tefld er tvöföld umferð, alls 12 skákir.

• Heimasíða mótsins
• Chess-Results

15 mínútna mót Goðans-Máta fer fram á föstudagskvöld

Hið árlega 15 15 mínútna skákmót Goðans-Máta verður haldið á Húsavík föstudagskvöldið 16. nóvember nk. og hefst það kl 20:00, að því gefnu að veður verði sæmilegt. Teflt er í Framsýnarsalnum að Garðarsbraut 26.  Tefldar verða skákir með 15 mínútna umhugsunartíma á mann og er reiknað með því að tefldar verði 7 umferðir eftir Monrad-kerfi, en það fer þó eftir fjölda þátttakenda. 

Mótið er opið öllu skákáhugafólki.

Veitt verða verðlaun fyrir þrjú efstu sætin auk farandbikars og nafnbótina "15 mín meistari Goðans-Máta 2012" fyrir efsta sætið. Núverandi 15 mínútna meistari Goðans-Máta er Smári Sigurðsson. Einnig verða veitt verðlaun fyrir þrjá efstu í flokki 16 ára og yngri.

Keppnisgjald er 1000 krónur fyrir fullorna en 500 krónur fyrir 16 ára og yngri.

Æskilegt er að áhugasamir skrái sig til leiks í síðasta lagi kvöldið fyrir mót hjá formanni í síma 464 3187 eða 821 3187 eða á [e-mail]