Skák.is

Bloggfærslur mánaðarins, nóvember 2012

23.11.2012 | 11:00

Nýtt fréttaskeyti Skákakademíunnar

Fimmta tölublað af Fréttaskeyti Skákakademíunnar er nú komið út.

Segir þar m.a. annars frá hraðskákeinvígi Jóhanns Hjartarsonar og Hjörvars Steins og skemmtilegum molum af Mikhail Tal.

Skrár tengdar þessari bloggfærslu:

Fréttaskeytti Skákakademíunnar 23. nóvember

Spil og leikir | Breytt s.d. kl. 09:30 | Slóð | Facebook | Athugasemdir (1)

23.11.2012 | 10:00

Einar Hjalti hefur tryggt sér sigur á Skákþingi Garðabæjar að einni umferð ólokinni

Einar Hjalti Jensson (2312) hefur fullt hús að lokinni 5. umferð Skákþings Garðabæjar sem fram fór í gærkveldi. Þá vann Kjartan Maack (2132). Kjartan er í 2.-3. sæti ásamt Jóhanni H. Ragnarssyni (2081), sem vann Þóri Benediktsson (1939). Óskar Víkingur Davíðsson (1000) er efstur í b-flokki með fullt hús.

Úrslit 5. umferðar í a-flokki, má finna hér og stöðu mótsins má finna hér.

Skák Omars Salama (2277) og Bjarnsteins Þórssonar (1335) var frestað fram til þriðjudags og því er pörun sjöttu og síðustu umferðar, sem fram fer á fimmtudagskvöldið ekki tilbúin.

Baráttan um titilinn skákmeistari Garðabæjar stendur á milli Jóhanns, Bjarnsteins og Pál Sigurðssonar.

Óskar Víkingur Davíðsson (1000) er efstur í b-flokki með fullt hús. Bjarni Þór Guðmundsson (1020) er annar með 4 vinninga.

B-flokkinn má nálgast á Chess-Results.

Spil og leikir | Breytt s.d. kl. 15:50 | Slóð | Facebook | Athugasemdir (1)

23.11.2012 | 09:18

Tómas atskákmeistari Akureyrar - þrefaldur Akureyrarmeistari

Sigurinn var mjög öruggur, enda lagði hann alla andstæðinga sína og var með fullt hús, eða sjö vinninga af sjö mögulegum. Tómas er augljóslega í góðu formi þessi misserin, en hann situr nú á þrem meistaratittlum; Skákmeistari SA, Atskákmeistari Akureyrar og Bikarmeistari SA tvö ár í röð.

Áskell Örn Kárason endaði í öðru sæti með sex vinninga af sjö og Hjörleifur „húsvörður" Halldórsson var þriðji með 3,5 vinninga.

Lokastaðan

1. Tómas Veigar Sigurðarson 7 af 7
2. Áskell Örn Kárason 6
3. Hjörleifur Halldórsson 3,5
4. Sigurður Arnarson 3
5.- 7. Símon Þórhallson,
Rúnar Ísleifsson og
Sigurður Eiríksson 2,5
8. Jón Kristinn Þorgeirsson 1

Spil og leikir | Slóð | Facebook | Athugasemdir (0)

22.11.2012 | 17:51

Riddarinn: Kappteflið um SkákSeglið heldur áfram

Þriðja umferð mótaraðarinnar um SkákSeglið var tefld í gær í hinni skjólgóðu Vonarhöfn að baki kirkjuskipsins við Suðurgötu í Hafnarfirði. Þar ríkir ævinlega stilla og andleg ró hvílir yfir vötnunum. Þó gætir þar oft þungrar undiröldu ef nánar er skyggnst undir yfirborðið og inn í dýpstu hugarfylgsni keppenda.

Enginn er annars bróðir í leik - nema samvaxnir Síamstvíburar séu, sem ekki er til að dreifa hér. Allir mættir eru í vígahug og enginn jafnteflishugur í mönnum né eru þeir spenntir fyrir því að hlusta á eitthvert innantómt „Lundareykjadalsmálalengingaútúrsnúingaorðagjálfurskjaftæðisþvæluþrætuþras" um friðarumleitanir milli Ísraels- og Palestínumanna eða hernaðaríhlutun í Sýrlandi. Menn eru ekki hingað komnir til ræða eilífaðarmálin heldur til að tefla og gleyma öllum vandamálum heimsins og sínum eigin.

Stríðsástand ríkir á 64 reitum þegar Gussi hefur gefið tóninn með því að klingja mótsbjöllunni til merkis um það að búið sé að para hverja umferðina á fætur annarri og mönnum sé heimilt að leggja upp í herleiðangra til að steypa kóngi hvers annars af stóli. Menn taka hann á orðinu og leitast eftir mætti við að koma mótherjunum í opna skjöldu og verða fyrri til að finna liðsmönnum sínum vænlega reiti og víghreiður eða skotbyrgi til að verjast árásum. Skákin er stríðsleikur (a wargame) og því undarlegt að sjá biskup þarna á vígvellinum miðjum, nóg að hann vaki yfir átökunum eins og sést á myndunum. Á því á Páll Jónsson biskup í Skálholti, (1190-1210) sök og Margrét hin haga, fyrsta nafnkunna myndlistarkona Íslands ef ekki heims, skv. kenningu Guðmundar G. Þórarinssonar, um mögulegan íslenskan uppruna hinna fornu sögualdartaflmanna, sem kenndir eru við eyjuna Lewis/Ljóðhús. Sjá: http://leit.is/lewis/ Annars staðar á Norðurlöndum ber þessi tafllmaður heitið „löber" hlaupari eða njósnari, sem er miklu eðlilegra heiti ef farið er að velta þessu máli fyrir sér á annað borð.

Nú er annað upp á teningnum en síðast, Einar Ess tapar naumlega fyrir Jóni Þór. Guðfinnur Err vinnur alla nema þá þrjá efstu. Ingimar Halldórsson fer fram að miklum krafti þannig að sigurvegarar 2ja undanfarandi móta þeir Sigurður Herlufsen og Jón Þ. Þór mega fara að gæta sín. Aðrir keppendur eiga misjöfnu gengi að fagna. Svo fer að lokum að Ingimar stendur uppi sem sigurvegari með 10 vinninga af 11 mögulegum, svo að þessir þrír turnar hafa þá allir unnið eitt mót hver. Þrjú bestu mót hvers keppenda telja til vinningstiga svo úrslitin í mótaröðinni eru enn óráðin.

Staðan er nú þannig að Jón Þ. Þór er með 10+8+6 =24 stig; Sigurður með 3+10+8=21 stig og Ingimar með 8+3+10= 21 stig. Ef tekið er út lakasta mótið hjá þessum þremur meisturum er þeir allir jafnir með 18 GrandPrix stig sem þýðir að hver þeirra sem vinnur síðasta mótið að viku liðinni tryggir sér jafnframt sigur í keppninni um SkákSeglið 2012. Gefin eru 10-8-6-5-4-3-2-1 stig fyrir fyrstu 8 sætin eins og í Formúlu 1, svo ef einhver annar verður efstur næst breytir það að sjálfsögðu öllu dæminu. Spennan verður í algleymingi í lokaumferðinni og ekkert gefið eftir, svo mikið er víst. Áfram kristmenn krossmenn.

Að öðru leyti vísast til mótstöflunnar hér neðan hvað önnur úrslit varðar.

ESE - 22.11.12

Myndaalbúm (ESE)

Spil og leikir | Breytt s.d. kl. 18:02 | Slóð | Facebook | Athugasemdir (0)

22.11.2012 | 16:40

HM kvenna: Og þá eru eftir fjórar

Fjórðu umferð Heimsmeistaramóts kvenna lauk í dag. Fjórar skákkonur eru nú eftir. Það er þær Antoneta Stefanova, Búlgaríu, Wenjun Ju, Kína, Anna Ushenina, Úkraínu, og indverska Íslandsvinkonan Harika Dronavalli, sem vann Zhao Xue. Ein þessara fjögurra verður því nýr heimsmeistari kvenna í skák.

Kerfið í heimsmeistaeinvígi kvenna er umtalsvert öðruvísi en í opnum flokki því þar er teflt árlega um titilinn. Á sléttum árum tefla 64 skákkonur um titilinn eftir útsláttarfyrirkomulagi og þar nýtur heimsmeistarinn ekki forgangs. Á oddatölu árum mætir hins vegar heimsmeistarinn sigurvegara Grand Prix-seríunnar. Þar sigraði einmitt Íslandsvinkonan Hou Yifan og því er ljóst að hún teflir heimsmeistaraeinvígi að ári við sigurvegarann nú.

Í undanúrslitum mætast:

Antoaneta Stefanova vs Dronavalli Harika
Wenjun Ju vs Anna Ushenina

Úrslit 4. umferðar:

Round 4 Match 01
Sebag, Marie (FRA)	1
Stefanova, Antoaneta (BUL)	3
Round 4 Match 02
Ju, Wenjun (CHN)	3½
Huang, Qian (CHN)	2½
Round 4 Match 03
Kosintseva, Nadezhda (RUS)	½
Ushenina, Anna (UKR)	1½
Round 4 Match 04
Zhao, Xue (CHN)	1½
Harika, Dronavalli (IND)	2½

Heimasíða mótsins
Beinar útsendingar (hefjast kl. 9)

Spil og leikir | Breytt s.d. kl. 16:47 | Slóð | Facebook | Athugasemdir (0)

22.11.2012 | 10:30

Allar skákir Vignis á HM ungmenna (leiðrétt skrá)

Halldór Grétar Einarsson hefur safnað saman öllum skákum Vignis Vatnars Stefánssonar frá HM ungmenna sem fram fór í Maribor í Slóveníu fyrir skemmstu.

Vignir stóð sig þar vel, hlaut 6 vinninga í 11 skákum þrátt fyrir að hafa teflt upp fyrir sig allt mótið.

Skráin með skákunum hefur verið leiðrétt en tvær villur voru til staðar í fyrri skrá.

Spil og leikir | Breytt s.d. kl. 13:46 | Slóð | Facebook | Athugasemdir (0)

22.11.2012 | 09:09

Sverrir Örn og Júlíus efstir öðlinga

Sverrir Örn Björnsson (2154) og Júlíus Friðjónsson (2187) eru efstir með 3½ vinning að lokinni 4. umferð Vetrarmóts öðlinga sem fram fór í gærkveldi eftir jafntefli í innbyrðis skák. Mótið er afar jafnt en sjö skákmenn koma humátt á eftir þeim félögum með 3 vinninga.

Úrslit þriðju umferðar má finna hér. Stöðu mótsins má finna hér. Röðun 5. umferðar, sem fram fer á miðvikudagskvöld má finna hér.

Spil og leikir | Slóð | Facebook | Athugasemdir (0)

21.11.2012 | 14:46

Atskákmót Skákkklúbbs Icelandair 2012 - sveitakeppni

Það styttist í atskákmót Skákkklúbbs Icelandair 2012 en stefnt er að því að mótið fari fram 8. og 9. desember ef næg þátttaka næst.

Ef ekki nást 16 sveitir þarf að aflýsa mótinu og gæti mótið dottið uppfyrir um ókominn tíma og því eru skákáhugamenn sem vilja taka þátt hvattir til að skrá sig.

Nánari upplýsingar um mótið má sjá hér.
Skráning fer fram hér.
Hægt er að fylgjast með skráningum hér.
Á Facebook er hægt að skiptast á skoðunum og auglýsa sig eða eftir liðsmönnum

Skráningu lýkur aðfaranótt laugardagsins 1. desember.

Frekari upplýsingar er hægt að fá með því að senda póst á Óskar Long; ole@icelandair.is

Spil og leikir | Breytt s.d. kl. 12:05 | Slóð | Facebook | Athugasemdir (0)

21.11.2012 | 14:46

Héraðsmót HSÞ í skák 16 ára og yngri

Miðvikudaginn 28 nóvember verður héraðsmót HSÞ í skák fyrir 16 ára og yngri haldið á veitingastaðnum Dalakofanum á Laugum. Mótið hefst kl 16:00 og lýkur um kl. 18:00.

Tefldar verða 7 umferðir eftir monrad-kerfi og verður umhugsunartíminn 10 mín á keppanda í hverri skák. Mótsgjald er aðeins 500 krónur.

Skákfélagið Goðinn-Mátar sér um keppnishaldið og verður öllum keppendum boðið á pizza-hlaðborð og gos að keppni lokinni í Dalakofanum.

Verðlaun verða veitt í þremur flokkum:
8 ára og yngri     (1-3 bekkur)
9-12 ára            (4-7 bekkur)
13-16 ára          (8-10 bekkur)

Vinningahæsti keppandinn hlýtur farandbikar að launum og nafnbótina Héraðsmeistari HSÞ í skák 2012!
Sjoppa er á staðnum

Skáning í mótið fer fram hjá Hermanni í síma 4643187, 8213187 eða með tölvupósti á netfangið: Lyngbrekku@simnet.is (Tilgreina þarf, nafn, aldur, bekk og félag innan HSÞ)

Spil og leikir | Breytt s.d. kl. 12:00 | Slóð | Facebook | Athugasemdir (0)

21.11.2012 | 12:37

KR: Jón Þ. Þór marði sigur

Það er jafnan mikil spenna í lofti þegar gengið er til tafls í KR-heimilinu á mánudagskvöldum. Stjáni formaður kenndur við KriSt stendur við gluggann og kallar menn til leiks um leið og þeir eru komnir í sjónfæri á hlaðinu, engan tíma má missa svo orrahríðin geti hafist á tilsettum tíma. Finnbogi situr við tölvuna og skráir menn snarlega inn á keppendalistann og mótsbjallan glymur.

Fyrr en varir er mótið komið í algleyming, hratt leikið og barið á klukkur, eins og SkákOfsi, myndbandið á netinu ber með sér. http://www.youtube.com/watch?v=1rO6f-X4UhQ. Hver umferðin rekur aðra- alls þrettán skákir. Sjaldan hefur verið svo hart barist og toppbaráttan verið eins tvísýn og nú. Eins konar kappaslagur í uppsiglingu. Kannski fá menn nýjan sigurvegara í kvöld líkt og síðast þegar Sigurður Áss Grétarsson stal senunni.

Hinn sögufróði og gamalreyndi skákmaður Jón Þ. Þór er mættur til tafls að nýju. Albúinn til þess að gera nokkurt strandhögg í herbúðum KR-inga gefist þess kostur. Tapaði naumlega fyrir Gunna Gunn fyrir hálfum mánuði, hefur síðan verið sigursæll í Riddaranum og Gallerýinu. Ekkert er útilokað.

Og viti menn það gekk eftir þrátt fyrir að aldurforsetinn seldi sig dýrt, fylgdi honum eftir eins og skugginn allt mótið. Jón Þ. Þór marði sigur með minnsta mun - hálfum vinningi. Stundum vinnast mót á stigum en það er ekki það sama. Næstur kom hinn sigursæli Sigurður Herlufsen með 10v, skákmaður sem ber nafn með rentu. Gunnar Birgisson, þétturávelliogþétturílund, var jafn honum að vinningum eftir að hafa lagt Guðfinn Err á „kóngsbragði" , hirt af honum kónginn í lokaumferðinni. Enn það er eins og fyrri daginn , ekki er spurt að vopnaviðskiptum - aðeins að leikslokum.

Nánari úrslit skv. meðf. mótstöflu og á www.kr.is (skák) / ESE 20.11.12