Skák í Ársafni í dag

Skákakademían heldur skákvæðingu bókasafnanna áfram á morgun, sunnudag, þegar skákæfingar hefjast á Ársafni, bókasafninu í Árbæ.

Farið verður af stað með sex æfingar fram í desember.

Æfingarnar standa frá 14:00 - 15:00 og á sunnudaginn munu Björn Ívar Karlsson og Finnur Kr. Finnsson leiðbeina.

Opið fyrir skákmenn á öllum aldri og tilvalið fyrir eldri fjölskyldumeðlimi að koma með þá yngri og tefla saman.

Gallerý Skák: Atgangur í öskjunni

Þröng var á þingi í Gallerý Skák í gærkvöldi þegar 2. umferð í mótaröðinni um Patagóníusteininn fór fram. Ekki voru allir þó komnir til að skora stig í þeirri keppni heldur fyrst og fremst til að tefla sér til ánægju og hugarhægðar, til að létta á skákástríðupersónuleikastreituhugröskun sinni.  Að venju var þar glatt á hjalla, menn hlógu jafnvel  að óförum sínum, vegna þess að hlátur gerir mönnum gott  - meðan aðrir brostu þeim mun gleiðar og báru höfuðið hærra eftir því sem betur gekk.

Tefldar voru 10 mínútna atskákir, tímamörk sem henta vel til að byggja upp góðar stöður, sem iðulega fara þó forgörðum þrátt fyrir góða viðleitni, út um gluggann,  þegar fer að sneiðast um tímann, sem oft reynist helst til stuttur í annan endann.  Hlýst þá oft af mikið at, sem þessar skákir draga nafn sitt af.  Keppnisreglur er stífar, snertir menn færðir, reitaðir menn fastir og kóngurinn drepinn miskunnarlaust ef hann er ekki færður úr skák.  Enga miskunn að finna hjá Guðfinni, staðarhaldara sem stýrir mótinu styrkri hendi - með annarri.   

Segja má að kynslóðirnar hafi mæst því keppendur voru á aldrinum 9 ára til áttræðs. Gamlir fuskar og ungir vaxtarsprotar í bland.  Ekkert kynslóðabil í skákinni.  Fulltrúar æskunnar krydda mótin með þátttöku sinni, sýna þeim eldri oft í báða heimana um leið þeir afla sér dýrmætrar keppnisreynslu.

Hinn magnaði aldursforseti Gunnar Kr. Gunnarsson, sigurvegari tveggja síðustu ára,  sneri nú aftur til leiks og vann mótið af öryggi en þó naumlega með 9 vinningum af 11 mögulegum, næstur kom hið unga skákséní Vignir Vatnar Stefánsson, aðeins 9 ára, með 8.5 vinning en hann varð einnig í 2. sæti fyrir  hálfum mánuði. Frábær frammistaða hjá svo ungum sveini, sem er á leið á heimsmeistaramót ungmenna í næsta mánuði.  Í þriðja til fjórða sæti komu svo hinir öldnu höfðingjar Þórarinn Sigþórsson, (Tóti tönn) og Kristinn Johnson (fyrrv. sjarmör), báðir með 8 vinninga en sá fyrrnefndi örlítið hærri á stigum. Þeir hafa greinilega engu gleymt sem sýnir að lengi lifur í gömlum glæðum og skákin býr í huganum.

Fjörið heldur áfram að viku liðinni þegar þegar menn mæta vígreifir til tafls að nýju. Þá verður engu eirt ef að líkum lætur.  Nánari úrslit má sjá á meðf. mótstöflu og klippimyndir af vettvangi fylgja með til gamans.

 

 

Meira á : www. galleryskak.net og  nú einnig á http://www.facebook.com/#!/groups/102908303202204/

Myndaalbúm (ESE)

Friðrik með jafntefli í næstsíðustu umferð á minningarmóti um Bent Larsen

Friðrik Ólafsson (2431) gerði jafntefli við Danann Svend Pedersen (2210) í sjöttu og næstsíðustu umferð minningarmóts um Bent Larsen sem nú er í gangi í Álaborg.  Friðrik hefur 4 vinninga og er í 6.-15. sæti.

Danski alþjóðlegi meistarinn Jens Kristiansen (2419) er langefstur með 5½ vinning og hefur vinningsforskot á næstu menn.

Í sjöundu og og síðustu umferð, sem fram fer í fyrramálið, teflir Friðrik við danska FIDE-meistarann Jørn Sloth (2410), sem er Norðurlandameistari öldunga eftir sigur á því móti í Reykjavík í fyrra.

61 skákmaður tekur þátt í mótinu og þar á meðal 4 stórmeistarar.  Það eru auk Friðriks; Miso Cebalo (2416), Króatíu, Oleg Chernikov (2415), Rússlandi og þýska goðsögnin Wolfgang Uhlmann (2325). Tefldar eru 7 umferðir.

• Heimasíða mótsins 
• Beinar útsendingar (hefjast kl. 9)

Henrik með 1,5 í dag og er efstur fyrir lokaátökin

Henrik Danielsen (2524) fékk 1,5 vinning í 6. og 7. umferð á Copenhagen Cup sem tefldar voru í dag.  Í fyrri umferð dagsins gerði hann jafntefli við danska FIDE-meistarann Igor Teplyi (2386) en í þeirri síðari vann hann norska FIDE-meistarann Kristian Stuvik Holm (2316).

Henrik hefur 5,5 vinning og er efstur á mótinu, hefur 1 vinning á Teplyi og Carsten Høi.

Á morgun fara fram tvær síðustu umferðirnar.  Þá mætir Henrik Norðmanninum Aryan Tari (2280) og danska FIDE-meistaranum Jackob Carstensen (2362).

Tíu skákmenn taka þátt í mótinu og þar af eru 2 stórmeistarar.  Henrik er stigahæstur keppenda. Tefldar eru 2 umferðir alla daga nema upphafsdag mótsins og hefjast þær kl. 8 og 13:30.

• Heimasíða mótsins
• Beinar útsendingar
• Chess-Results

 

Pistill og myndir frá Tölvuteksmótinu - Hraðskákmót TR fer fram á morgun

Fjölda mynda hefur bæst við myndaalbúm Tölvuteksmótsins - Haustmóts TR frá Þóri Benediktssyni.  Þórir hefur jafnframt skrifað pistil um mótið.  Í pistilunum segir meðal annars:

Sigur Jóns Viktors var afar öruggur og raunar aldrei í neinni hættu. Eftir sigur í fyrstu fjórum umferðunum gerði hann jafntefli í þremur af síðustu fimm sem dugði vel til að halda toppsætinu allan tímann. Lenka byrjaði rólega en sigrar í síðustu fjórum tryggðu henni sanngjarnt 2. sæti og þá er ánægjulegt að sjá Sævar taka 3. sætið en hann hefur líklega átt sitt besta mót í nokkurn tíma og hækkar um 26 stig fyrir árangurinn.  

Pistil Þóris má finna í heild sinni á heimasíðu TR.

Minnt er svo á Hraðskákmót TR sem fram fer á morgun og hefst kl. 14.  Að því loknu fer fram verðlaunafhending vegna Tölvuteksmótsins.

Skák í Ársafni á morgun

Skákakademían heldur skákvæðingu bókasafnanna áfram á morgun, sunnudag, þegar skákæfingar hefjast á Ársafni, bókasafninu í Árbæ.

Farið verður af stað með sex æfingar fram í desember.

Æfingarnar standa frá 14:00 - 15:00 og á sunnudaginn munu Björn Ívar Karlsson og Finnur Kr. Finnsson leiðbeina.

Opið fyrir skákmenn á öllum aldri og tilvalið fyrir eldri fjölskyldumeðlimi að koma með þá yngri og tefla saman.

Guðmundur meðal sigurvegara á móti í Kolumbíu

Alþjóðlegi meistarainn, Guðmundur Kjartansson (2385) varð efstur ásamt tveimur öðrum á alþjóðlegu móti sem lauk nýlega í Kolumbíu.  Guðmundur varð efstur ásamt heimamanninum Joshua Ruiz (2315) og kúbanska stórmeistaranum Carmente Holden Hernandez (2560).  Guðmundur hækkar um 15 stig fyrir frammistöða sína.  Góð frammistaða hjá Guðmundi sem var aðeins sá 13. stigahæsti fyrir mót.

Guðmundur hefur teflt á fleiri mótum í Ameríku undanfarið.  Hann varð í 1.-5. sæti á móti á Ekvador og í 26.-58. sæti í sterku alþjóðlegu móti í Venasúela.  

• Heimasíða mótsins
• Chess-Results

 

Íslandsmót kvenna byrjað: Engin jafntefli í 1. umferð

Íslandsmót kvenna í skák hófst á föstudagskvöldið með sex viðureignum, og lauk engri með jafntefli. Elsa María Kristínardóttir, sem varð Íslandsmeistari á síðasta ári, hóf titilvörnina með sigri gegn Hildi B. Jóhannsdóttur.

Stigahæsti keppandinn, Lenka Ptacnikova stórmeistari, sigraði hina ungu Nansý Davíðsdóttur í hörkuskák. Lenka, sem teflir á efsta borði í íslenska landsliðinu hefur margoft sigrað á Íslandsmótinu en var ekki með í fyrra.

Tefldar verða 7 umferðir á Íslandsmóti kvenna og fer næsta umferð fram á mánudag klukkan 19. Teflt er í húsnæði Skákskóla Íslands í Faxafeni 12 og eru áhorfendur velkomnir. Þá eru skákirnar í beinni útsendingu á netinu.

Lanka Ptancikova - Nansý Davíðs 1-0

Jóhanna Björg Jóhannsdóttir - Svandís Rós Ríkharðsdóttir 1-0

Veroníka Steinunn Magnúsdóttir - Hallgerður H. Þorsteinsdóttir 0-1

Ásta Sóley Júlíusdóttir - Tinna Kristín Finnbogadóttir 0-1

Elsa María Kristínardóttir - Hildur B. Jóhannsdóttir 1-0

Donika Kolica - Hrund Hauksdóttir 0-1

Skákir 1. umferðar

Myndir úr 1. umferð (HJ)

Hausthraðskákmót SA á sunnudag

Hausthraðskákmótið, þar sem teflt er um titilinn "Hraðskákmeistari SA
2012" verður háð nú á sunnudaginn og hefst kl. 13. Öllum er heimil
þátttaka og eru skákunnendur nær og fjær hvattir til að mæta.  Núverandi
meistari Áskell Örn Kárason mun freista þess að verja titil sinn og
sigra þriðja árið í röð.  Þeir sem ætla að leyfa honum að komast upp með
það baráttulaust geta horft á Silfur Egils í staðinn.

Bein útsending frá Íslandsmóti kvenna

Íslandsmót kvenna hófst nú í kvöld í höfuðstöðvum SÍ.   12 skákkonur taka þátt og þar á meðal allar landsliðskonur Íslands frá Ólympíuskákmótinu í Istanbul í sumarlok. 

Beinar útsendingar frá fyrstu umferð má nálgast hér.

• Heimasíða mótsins
• Beinar útsendingar
• Chess-Results