Þrefaldur sigur í Búdapest í dag - Hjörvar sigraði stórmeistara og er í 1.-3. sæti

Þrefaldur sigur vannst í Búdapest í dag en Hjörvar Steinn Grétarsson (2422), sem teflir í SM-flokki, Daði Ómarsson (2225), sem teflir í AM-flokki, og Nökkvi Sverrisson (1881), sem teflir í FM-flokki, unnu allir sínar skákir.  Hjörvar vann ungverska stórmeistarann David Berczes (2531), Daði sigraði Benjamin Foo (2195), frá Singapore, og Nökkvi lagði Víetnamann Tran Minh Thang (2101).   Hjörvar og Nökkvi hafa 3½ vinning og Daði hefur 2½ vinning.  Hjörvar hefur teflt 5 skákir en hinir 6 skákir.  

Hjörvar er í 1.-3. sæti, Daði í 8.-10. sæti og Nökkvi er í 2.-6. sæti.

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Björn Víkingur sleginn til riddara

Á kappskákardegi Riddarans, skákklúbbs eldri borgara á Höfuðborgarsvæðinu, var hinn aldni höfðingi og skákmeistari Björn Víkingur Þórðarson sæmdur stór- og heiðursriddara nafnbót og sleginn formlega til riddara við hátíðlega athöfn.

Björn Víkingur sem er áttræður um þessar mundir (10. Júní) hefur teflt í hópi Riddaranna í Hafnarfirði frá öndverðu (1998) til þessa dags við góðan orðstír og jafnan verið hrókur alls fagnaðar. 

Björn er einn af kunnari skákmönnum landsins enda sterkur meistaraflokksmaður úr TR þar sem hann var virkur þátttakandi í mótum um áratugaskeið.  Hann tók þátt í NM öldunga í Frederikstad 2001 með góðum árangri og verður  með í mótinu hér í September.

Það var Einar S. Einarsson, erkiriddari skákklúbbsins,  sem sló Björn Víking til riddara með pomp og prakt,  með þakklæti og virðingu fyrir :

> í fyrsta lagi: framlag hans til klúbbstarfsins;

> í öðru lagi: drengskap hans og "fórnfýsi"

> í þriðja lagi : hugkvæmni hans og háttvísi

> í fjórða lagi : fyrir snilli hans á skákborðinu

Vitundarvottar voru þeir Sr. Gunnþór Ingason, verndari klúbbsins og Sigurberg H. Elentínusson, sem báðir hafa áður verið slegnir til heiðursriddara.

Um 20 keppendur tók þátt í hinum vikulega tafldegi Riddarans í gær, ævinlega á miðvikudögum kl. 13-17 allan ársins hring.

Nánar á www.riddarinn.net.

Myndaalbúm (ESE)

Daði og Nökkvi með jafntefli í fimmtu umferð

Daði Ómarsson (2225), sem teflir í AM-flokki, og Nökkvi Sverrisson (1881), sem teflir í FM-flokki, gerðu báðir jafntefli í fimmtu umferð First Saturday-mótsins sem fram fór í dag.  Frídagur var í SM-flokki þar sem Hjörvar Steinn Grétarsson (2422) teflir.  Hjörvar og Nökkvi hafa 2½ vinning en Daði hefur 1½ vinning.  Hjörvar hefur hins vegar aðeins teflt fjórar skákir en hinir 5 skákir.  

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Hjörvar og Nökkvi unnu í fjórðu umferð

Hjörvar Steinn Grétarsson (2422), sem teflir í SM-flokki, og Nökkvi Sverrisson (1881), sem teflir í FM-flokki, unnu báðir í 4. umferð First Saturday-mótsins sem fram fór í dag.  Hjörvar vann Þjóðverjann Daniel Sidentoph (2291) en Nökkvi vann Ítalann Raolu Bianchetti (1986).  Daði Ómarsson (2225), sem teflir í AM-flokki tapaði fyrir Kínverjanum Hou Qiang (2284).   Hjörvar hefur 2½ vinning, Nökkvi 2 vinninga en Daði hefur 1 vinning.  

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Fjöltefli í Háskóla unga fólksins

Það voru tíu efnilegir krakkar sem tóku þátt í fjöltefli við Róbert Lagerman þriðjudaginn 7. júní. Fjölteflið var hluti af dagskrá Háskóla unga fólksins sem fer fram þessa vikuna við Háskóla Íslands.

Fjölteflið fór fram fyrir utan Háskólatorg í ágætis veðri, nóg af sól allavega þótt það hafi verið smá gola. Róbert, sem hafði 30 mínútur á klukkunni, gaf engin grið og lagði alla andstæðinga sína að velli og fóru leikar því 10-0. Gaman var að sjá að meðal þátttakenda voru krakkar sem hafa fengið skákkennslu frá Skákakademíunni í sínum skólum. Sterkasti keppandinn var án efa Tara Sóley Mobee sem veitti Róbert hvað mesta keppni. 

Myndir  (SSB)

Video 1: http://www.youtube.com/watch?v=s-Q0zj1Xsig 

Video 2: http://www.youtube.com/watch?v=YKWv5Nd4Vbg

Íslenskir skákmenn heiðruðu minningu Tal í Riga

Í árshátíðarferð skákklúbbsins ViðLög til Riga íLéttlandi í maí sl. var minning fyrrverandi heimsmeistara í skák, Mikael Tal,heiðruð með því að leggja blómsveig að minningarstyttu af "Töframanninumfrá Riga" sem staðsett er í einum af stærstu listigörðum miðborgar Riga.

Lagður var blómsveigur að styttunni og hélt Jón L. töluþar sem hann fór yfir lífshlaup Tals og góð kynni hans og fleiri íslenskraskákmanna við Tal bæði innan og utan skákborðsins.  Að því loknu söng Selkórinn, sem einnig varstaddur í borginni, nokkur lög.

Gerður var góður rómur af tölu Jóns og söng Selkórsins ogvar það mat manna að athöfnin hafi verið í senn skemmtileg og mjög til sóma ogvakti þónokkra athygli heimamanna sem leið áttu um garðinn.

MYND 1: Þráinn Vigfússon, Ásgeir Þór Árnason, Jón L.Árnason, Jóhann Hjartarson, Margeir Pétursson, Karl Þorsteins, Árni ÁrmannÁrnason og Ágúst Sindri Karlsson við styttu Tals. Á myndina vantar einn meðliðViðLagablúbbsins, Björvin Jónsson, sem komst ekki með í ferðina.

MYND 2: Selkórinn undir styrkri stjórn Jóns KarlsEinarssonar flutti nokkur lög.

MYND 3: Stytta til minningar um Mikael Tal í miðborgRiga.

Meðfylgjandi myndir sem fylgja fréttinni eru frá Þráni Vigfússyni.  Í myndaalbúmi má finna fleiri myndir frá Guðjóni Reyni Jóhannessyni úr Selkórnum.

Hjörvar með jafntefli í 3. umferð í Búdapest

Hjörvar Steinn Grétarsson (2422), sem teflir í SM-flokki First Saturday-mótsins, gerði jafntefli við þýska FIDE-meistarann Paul Zwahr (2340) í 3. umferð sem fram fór í gær.  Daði Ómarsson (2225), sem teflir í AM-flokki, og Nökkvi Sverrisson (1881), sem teflir í FM-flokki töpuðu báðir.  Daði fyrir ungverska alþjóðlega meistaranum Sandor Farago (2281) og Nökkvi fyrir Ungverjanum Jozsef Juracsik (2133).  Hjörvar hefur 1½ vinning en Daði og Nökkvi hafa 1 vinning.

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Haukur Angantýsson sigraði í Rauðakrosshúsinu.

Sextán þátttakendur voru a móti Skákfélags Vinjar i Rauðakrosshúsinu sem haldið var i dag.
Róbert Lagerman og Ingibjörg Edda Birgisdóttir stjórnuðu af röggmennsku en tefldar voru sex umferðir með sjö mínútna umhugsunartíma.

Kaffi, kex og ávextir runnu ofan i liðið milli umferða en kempan Haukur Angantýsson vann með fimm vinninga af sex mögulegum. Aðeins hærri á stigum en Skagapilturinn öflugi, Pétur Atli Lárusson, sem einnig náði fimm.  Róbert Lagerman var þriðji á palli með 4,5.

Gauti Páll Jónsson fékk unglingaverðlaun og var fyrstur til að velja sér bók en efstu þrír fengu bókaverðlaun auk þess sem að Hjalmar Sigurvaldason og Csaba Daday kræktu sér i bækur í happadrætti.

1.  Haukur Angantýsson    5
2.  PéturAtli Lárusson          5
3.  Robert Lagerman            4,5
4.  BirgirBerndsen               4
5.  Hörður Garðarsson          3,5
6.  Finnur Kr.Finnsson         3,5

Aðrir með minna.

Myndaalbúm mótsins (HJ)

Skákvaka í Skorradal - Kappteflið um Grænlandssteininn

Um helgina var haldin sérstök Skákvaka í Skorradal, við fjallavatnið fagurblátt,  á vegum Gallerý Skákar, að óðali Einars Ess.  Jafnframt fór þar fram  "Kappteflið um Grænlandssteininn", sem er árleg skákkeppni Grænlandsfara um forkunnarfagran náttúrustein sem Guðmundur G. Þórarinsson fann í ferð sinni þangað árið 2005 til Tasiilaq ásamt nokkrum skákfélögum og gaf til keppninnar.

Keppt hefur verið um steininn tvisvar áður árin 2007 og 2008 og vann þá Guðfinnur R. Kjartansson bæði kappteflin þá sem einnig fóru fram í Skorradal.   Nú þurfti að vinna upp 3 ár og því var ákveðið að efna til sérstakrar skákvöku og tefla öll þrjú mótin í einni striklotu.  Tefldar voru 10 mín. hvatskákir, tvöföld umferð x3,  alls 30 skákir, frá því kl. 4 sd.  á föstudegi til kl. 4 árd. laugardags.

Sigurvegari og sá sem fær nafn sitt letrað gullnu letri á stall Grænlandssteinsins fyrir árið 2009, sem vinnst aldrei til eignar,  var hinn þrautgóði og sigursæli Guðfinnur með 7 v. af 10, en þó aðeins á stigum, því 2 aðrir, Guðm. G.  og Jón Steinn Elíasson, urðu honum jafnir að vinningum.   Í mótinu fyrir árið 2010 sleit Guðmundur G. loks sigurgöngu hans og bar sigur úr bítum, með 7 v., en Kristján Stefánsson, hrl., var næstbestur með 6.5v. og var bærilega sáttur við það, enda unnið mál í Hæstarétti fyrr um daginn.   Í þriðja og síðasta mótinu  fyrir árið 2011 varð svo Guðfinnur enn hlutskarpastur með 8.5v.  en Guðmundur kom næstur með 8v.,  Jón Steinn þriðji og Kristján fjórði og var verulega ósáttur með það enda hafði honum verið heitið því fyrir mótið "að fá að vinna", en ekki bara við matseld!

Sigurvegari Skákvökunnar í heild sinni, sem stóð fram á rauða nótt,  var enginn annar en hinn eitilharði og slyngi skákmaður Guðmundur G. Þórarinnson,  sem reyndist "allra snjallastur", lauk keppni með 22 vinninga af 30 mögulegum.  Fast á hæla honum kom svo títtnefndur Guðfinnur með 21.5 v.  Jón Steinn Elíasson í Toppfiski varð þriðji með 18.5 v. , sem kom öllum á óvart nema honum sjálfum. Aðrir enduðumeð ögn færri vinninga. Úrslitin segja þó ekki alla söguna, fjalla meira um leikslok en minna um vopnaviðskipti, eins og gengur.  En við það verða menn víst að una þrátt fyrir að vera með unnið tafl á borðinu. "Betri er örtími í orði en ótími á borði", eins og segir í hinu nýkveðna.  

Myndaalbúm (ESE)

Myndasaga fylgir með og nánar á www.galleryskak.net

Hjörvar og Daði unnu í 2. umferð

Hjörvar Steinn Grétarsson (2422), sem teflir í SM-flokki First Saturday-mótsins, og Daði Ómarsson (2225), sem teflir í AM-flokki unnu báðir í 2. umferð sem fram fór í gær.  Hjörvar vann spænska alþjóðlega meistarann Rafael Rodriguez Lopez (2320) en Daði vann Kínverjann Chan Yang (2081).  Nökkvi Sverrisson tapaði fyrir Ungverjanum Attlia Gulyas (2026).  Allir hafa þeir 1 vinning.

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstign 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results