Stigamót Hellis fer fram 1.-3. júní

Stigamót Taflfélagsins Hellis verður haldið í níunda sinn sinn dagana 1.-3. júní.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning fer fram á heimasíðu Hellis.  Upplýsingar um skráða keppendur má nálgast hér.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Guðmundur Gíslason.

Umferðatafla:

• 1.-4. umferð, miðvikudaginn 1. júní (19:30-23:30)
• 5. umferð, fimmtudaginn 2. júní (11-15)
• 6. umferð, fimmtudaginn 2. júní (17-21)
• 7. umferð, föstudaginn 3. júní (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• •1.-4. umferð: 20 mínútur + 5 sekúndur á leik
• •5.-7. umferð: 1½ klst. + 30 sekúndur á leik

Gelfand og Grischuk í úrslitum áskorendaeinvíganna

Það verða Gelfand og Grischuk sem mætast í úrslitum áskorendaeinvíganna.  Sigurvegari þess einvígis mætir Anand í heimsmeistaraeinvígi á næsta ári.  Báðir höfðu þeir sigur í fremur litlausum einvígum eftir að jafnt hafði verið 4 kappskákum og 4 atskákum.  Úrslitin réðust svo í hraðskák.  Gelfand og Grischuk tefla 6 skáka einvígi sem hefst á nk. fimmtudag.  

Rétt er að benda á að Henrik Danielsen er með daglegar skákskýringar á Chessdom.  

Lokastaðan í undanúrslitum

• Kamsky (USA) - Gelfand (ISR) 4-6
• Kramnik (RUS) - Grischuk (RUS) 4½-5½

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Hraðskákmót öðlinga fer fram á miðvikudagskvöld

Hraðskákmót öðlinga fer fram á miðvikudagskvöld (18. maí) og hefst kl.19:30.  Mótið er opið fyrir alla 40 ára og eldri.  Boðið verður upp á stórveislu nú enda stór ástæða til þess þar sem öðlingamótið nú var það tuttugasta í röðinni.   Bökuð hefur verið sérterta í því tilefni.   Þátttökugjöld eru kr. 500 og eru veisluföngin innifalin í þátttökugjöldum.   Tefldar verða 7 umferðir með 7 mínútna umhugsunartíma.

Í lok mótsins fer fram verðlaunaafhending fyrir hraðskákmótið sem og aðalmótið sem lauk síðasta miðvikudagskvöld.  

Skákmenn 40+ er hvattir til að fjölmenna!

 

 

Skákþáttur Morgunblaðsins: Áskorendur og öðlingar

Augu skákunnenda um heim allan beinast nú að áskorendaeinvígjunum sem hófust sl. fimmtudag í einu af lýðveldum Rússlands, borginni Kazan í Tatarstan. Áskorendakeppninni lýkur þar í lok þessa mánaðar og er þetta því býsna harðsoðin keppni miðað við þær sem fram fóru á árum áður. Talsverða athygli vakti þegar Magnús Carlsen gaf eftir sæti sitt en átta skákmenn munu heyja útsláttareinvígi og sigurvegarinn öðlast síðan rétt til að skora á heimsmeistarann Indverjann Wisvanathan Anand. Þeir sem eigast við í Kazan eru Aronjan og Grischuk, Kramnik og Radjabov, Topalov og Kamsky og Gelfand og Mamedyarov.

Öllum skákum fyrstu umferðar lauk með jafntefli. Fyrirkomulag áskorendakeppninnar í fyrstu og annarri umferð er með þeim hætti að stórmeistararnir heyja fjögurra skáka einvígi með venjulegum umhugsunartíma. Verði jafnt, 2:2, taka við fjórar atskákir, 25 10. þar á eftir tvær hraðskákir, 5 3 og ef allt um þrýtur fer fram bráðabani og þar dugar þeim sem hefur svart jafntefli til þess að halda áfram keppni. Í lokaeinvíginu sem á að hefjast 19. maí verða tefldar sex kappskákir.

Sex efstir fyrir lokaumferð öldungamótsins

Hinn kunni skákfrömuður Ólafur Ásgrímsson átti á sínum tíma hugmyndina að skákmóti öðlinga sem hefur unnið sér fastan sess og stendur nú yfir í húsakynnum TR. Teflt hefur verið á miðvikudögum undanfarnar vikur og keppendur hafa því dágóðan tíma til að búa sig undir hverja viðureign. Tveir fyrrverandi Íslandsmeistarar eru meðal 40 þátttakenda og annar þeirra, Gunnar Gunnarsson, er jafnframt aldursforseti mótsins. Hinn er Björn Þorsteinsson.

Þegar ein umferð er eftir eru sex skákmenn jafnir að vinningum:

1. – 6. Þorsteinn Þorsteinsson, Gunnar Gunnarsson, Kristján Guðmundsson, Jón Þorvaldsson, Björn Þorsteinsson, og Gylfi Þórhallsson 4 ½ v. ( af 6 ).

Af þessum kemur frammistaða Jóns Þorvaldssonar mest á óvart, einkum þegar horft er til þess að hann hefur ekki teflt á opinberu móti í meira en 30 ár. Í eftirfarandi skák brenndi hann flestar brýr að baki sér í miðtaflinu og lagði upp í sóknarleiðangur sem enginn vissi hvaða enda myndi taka.

Jón Þorvaldsson –

Bjarni Hjartarson

Benoni-byrjun

1. d4 Rf6 2. c4 e6 3. Rc3 c5 4. d5 exd5 5. cxd5 d6 6. e4 g6 7. f4 Bg7 8. Bb5+ Rfd7 9. a4 O-O 10. Rf3 Ra6 11. 0-0 Rb4 12. Be3

Jón var ekki ánægður með þennan leik. Aðrir möguleikar voru t.d. 12. He1 eða 12. Kh1.

12. ... Rf6 13. h3 a6 14. Bd3

Eðlilegra var 14. Bc4 en Jón óttaðist 14. ... Rxe4!? 15. Rxe4 He8 o.s.frv.

14. ... b6 15. Dd2 Bb7 16. Had1 He8 17. Bb1 Ha7 18. Bf2 Rd7 19. Bg3 b5 20. Hfe1 bxa4 21. Rg5 Rb6 22. Bf2?! Rc4 23. De2 Rb6 24. Dg4!?

Eftir nokkuð hikandi taflmennsku hjá báðum leggur Jón nú allt í sóknina.

24. ... a3! 25. e5 axb2 26. Rce4 dxe5 27. Rxc5 Bxd5 28. f5

Eina leiðin til að halda taflinu gangandi.

28. .. .a5!

Bjarni hefur varist ágætlega og stendur til vinnings.

29. Rxh7!?

Nú er að duga eða drepast.

Kxh7 30. fxg6+ Kg8 31. Dh5 f6 32. Re4 Ra6?

Í miklu tímahraki missir Bjarni af 32. .. He6 eða 32. ... Bf8 sem ætti að vinna.

33. Hxd5 Dxd5 34. Dh7+ Kf8 35. Rxf6! Bxf6 36. Dxa7 Ha8 37. Dxb6 Bd8 38. Dxb2 Bf6 39. Be4

– og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 8. maí 2011.

Skákþættir Morgunblaðsins

Aðalfundur SÍ fer fram 28. maí

Aðalfundur SÍ fer fram 28. maí nk.  Það liggur fyrir að Gunnar Björnsson, núverandi forseti SÍ gefur kost á sér til endurkjörs.

Margvíslegar lagabreytingatillögur fyrir aðalfundinn og fylgja þær með sem viðhengi.  Aðalfundarfulltrúar eru hvattir til að kynna sér tillögurnar.   

Skrár tengdar þessari bloggfærslu:

• Tillögur frá Halldóri Grétari
• Tillögur frá Héðni
• Tillögur frá TV
• Tillögur frá Hermanni
• Aðalfundarboðið

Jafntefli

Fjórðum skákum undanúrslita áskorendaeinvíganna lauk með jafntefli.  Öllum átta kappskákum undanúrslita áskorendaeinvíganna lauk því með jafntefli.  Skákmennirnir tefla því til þrautar á morgun með atskákum og hraðskákum.  Taflmennskan hefst kl. 11 í fyrramálið.   Rétt er að benda á að Henrik Danielsen er með daglegar skákskýringar á Chessdom.  

Staðan í undaúrslitum:

• Kamsky (USA) - Gelfand (ISR) 2-2
• Kramnik (RUS) - Grischuk (RUS) 2-2

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Skákhátíðin á Ströndum í 4. sinn: Nær Jóhann Hjartarson að verja titilinn?

Skákhátíð í Árneshreppi á Ströndum verður haldin fjórða árið í röð, 17. til 19. júní. Hátíðin hefst föstudagskvöldið 17. júní og daginn eftir verður atskákmót ígömlu síldarverksmiðjunni þar sem teflt er um titil Djúpavíkurmeistara. Helgi Ólafsson stórmeistari vann titilinn  fyrstu tvö árin, en Jóhann Hjartarson stórmeistari sigraði á síðasta ári. Sunnudaginn 19. júní verður svo að venju hraðskákmót í Kaffi Norðurfirði.
 
Jóhann Hjartarson verður meðal keppenda á hátíðinni núna, og freistar þess að verja titil sinn. Mótið er öllum opið, börnum og fullorðnum, og eru veitt verðlaun í fjölmörgum flokkum. Meðal verðlauna verða peningar, nýjar bækur, geisladiskar, fatnaður og síðast en ekki síst munir af Ströndum, en þar eru handverkssnillingar á hverjum bæ. Þá verða líka veitt verðlaun í aukaflokkum, til dæmis fyrir best klædda keppandann og háttvísasta keppandann.
 
Skákhátíðin á Ströndum er búin að vinna sér fastan sess í skáklífinu, enda Árneshreppur ólýsanlega fögur sveit sem býður upp á perlur við hvert fótmál. Þá er göldrótt stemmning á skákstað í gömlu síldarverksmiðjunni.
 
Hátíðin er tileinkuð Jóni Sigurðssyni frá Hrafnseyri, en hinn 17. júní eru 200 ár frá fæðingu frelsishetjunnar.
 
Dagskrá er svohljóðandi:
Föstudagur 17. júní klukkan 20: Tvískákmót í síldarverksmiðjunni í Djúpavík. (Tveir saman í liði.)
Laugardagur 18. júní klukkan 13: 9 umferða atskákmót í Djúpavík. Teflt um meistaratitil Djúpavíkur.
Sunnudagur 19. júní klukkan 13: Hraðskákmót í Kaffi Norðurfirði. Keppt um meistaratitil Norðurfjarðar.
 
Áhugasamir hafi samband sem fyrst við Hrafn í  [e-mail] eða Róbert í  [e-mail].
 
Fjölmargir gististaðir eru í Árneshreppi: 
 
Hótel Djúpavík
Netfang: [e-mail] 
Vefur: www.djupavik.is
Allar veitingar, gisting á hótelinu (gamla Kvennabragganum) í uppbúnum rúmum eða svefnpokagisting, listsýningar, kajakleiga og bátaleiga, leiðsögn um gömlu síldarverksmiðjuna,dekkjaviðgerðir. 
 
Finnbogastaðaskóli, Trékyllisvík
Svefnpokagisting, eldunaraðstaða, sturtur og tjaldsvæði.
Sími: 451-4012
 
Ferðaþjónustan Urðartindur, Norðurfirði
Sumarhúsaleiga, 25m2 smáhýsi fyrir  2-4 hvert og stærra sumarhús fyrir 6-8 manns og svefnpokagistingu.
Sími: 451 4017 - 843 8110
Netfang: [e-mail]
Vefur: www.urdartindur.is
 
 
Valgeirsstaðir, Norðurfirði
Skáli Ferðafélags Íslands. Svefnpokagisting í Ferðafélagshúsinu, eldunaraðstaða, tjaldsvæði.
Netfang: [e-mail] 
Vefur: www.fi.is 
Opið yfir sumartímann.
 
Gistiheimili Norðurfjarðar
Gistihús, uppbúin rúm, svefnpokapláss og eldunaraðstaða. Verslun á staðnum.
Sími: 554-4089
Netfang: [e-mail] 
Vefur: www.nordurfjordur.is/gisting
 
Gistiheimilið Bergistanga, Norðurfirði
Svefnpokagisting í rúmum, eldunaraðstaða, verslun á staðnum, góðar gönguleiðir.
Símar: 451-4003
Fax: [phone]
Netfang: [e-mail] 
Vefur: www.nordurfjordur.is/gisting

Mikael Jóhann og Jón Kristinn Íslandsmeistarar í skólaskák

Akureyringarnir Mikael Jóhann Karlsson og Jón Kristinn Þorgeirsson urðu í dag Íslandsmeistarar í skólaskák.  Mikael í eldri flokki (8.-10. bekkur) og Jón í yngri flokki (1.-7.).   Mikill spenna var í báðum flokkum úslitin réðust ekki fyrr en í lokaumferðinni.   Dagur Ragnarsson varð annar í eldri flokki en Dagur Kjartansson, Emil Sigurðarson og Birkir Karl Sigurðsson urðu í 3.-5. sæti.  Oliver Aron Jóhannesson varð annar í yngri flokki og bróðir hans Kristófer Jóel Jóhannesson sá þriðji.  

Mótið var haldið á Akureyri sem aðstoðuðu við mótshaldið.  Heimamenn hljóta að vera ákaflega stoltir af sínum fólki.

Myndir frá verðlaunaafhendingunni koma í hús síðar í dag. 

Páll Sigurðsson, Landsmótsstjóri, hefur sett fjölda mynda í myndaalbúm mótsins. Öll úrslit koma jafnóðum á Chess-Results og skákir frá mótinu má finna á heimasíðu SA.

Páll hefur gefið að þetta sé í síðasta skipti sem hann tekur að Landsmótsstjórn.  Hann fær miklar þakkir fyrir mjög óeigingjart starf sem Landsmótsstjóri.  

Lokastaðan í eldri flokki:

 

Rk.	Name	Club/City	Pts.
1	Karlsson Mikael Johann	Brekkuskóli, Norðurland Eystra	9,5
2	Ragnarsson Dagur	Rimaskóli, Reykjavík	8,5
3	Kjartansson Dagur	Hólabrekkuskóli, Reykjavík	7
4	Sigurdarson Emil	Grunnskóli Bláskógabyggðar, Suðurla	7
5	Sigurdsson Birkir Karl	Salaskóli, Reykjanes	7
6	Lee Gudmundur Kristinn	Salaskóli, Reykjanes	6,5
7	Hardarson Jon Trausti	Rimaskóli, Reykjavík	6
8	Hauksdottir Hrund	Rimaskóli, Reykjavík	5
9	Kristinsson Kristinn Andri	Rimaskóli, Reykjavík	4,5
10	Jonsson Hjortur Snaer	Glerárskóli, Norðurland Eystra	3
11	Heidarsson Hersteinn	Glerárskóli, Norðurland Eystra	1,5
12	Magnusson Asmundur Hrafn	Grunnskóli Egilstaða, Austurland	0,5

 

 
Lokastaðan í yngri flokki:

 

Rk.	Name	Club/City	Pts.
1	Thorgeirsson Jon Kristinn	Lundaskóli, Norðurland Eystra	9,5
2	Johannesson Oliver	Rimaskóli, Reykjavík	9
3	Johannesson Kristofer Joel	Rimaskóli, Reykjavík	8,5
4	Stefansson Vignir Vatnar	Hörðuvallaskóli, Reykjanes	7,5
5	Magnusdottir Veronika Steinunn	Melaskóli, Reykjavík	7
6	Jonsson Gauti Pall	Grandaskóli, Reykjavík	6,5
7	Thorsteinsson Leifur	Melaskóli, Reykjavík	5,5
8	Leifsson Adalsteinn	Brekkuskóli, Norðurland Eystra	5
9	Palsdottir Soley Lind	Hvaleyrarskóli, Reykjanes	3,5
10	Sverrisson Atli Geir	Egilsstaðaskóli, Austurland	3
11	Gylfason Saevar	Valsárskóli, Norðurland Eystra	1
12	Jozefik Filip Jan	Flúðaskóli, Suðurland	0

 

• Chess-Results
• Myndaalbúm mótsins
• Heimasíða SA

Akureyringarnir Mikael Jóhann og Jón Kristinn efstir

Mikael Jóhann Karlsson er í mjög vænlegri stöðu í eldri flokki Landsmótsins í skólaskák.  Eftir 9 umferðir er hann efstir með 8½ vinning, Dagur Ragnarsson er annar með 7 vinninga og Birkir Karl Sigurðsson þriðji með 6½ vinning.  Mikael og Dagur mætast í lokaumferðinni.  Jón Kristinn Þorgeirsson er efstur í yngri flokki með 7½ vinning.  Vignir Vatnar Stefánsson og Oliver Aron Jóhannesson eru skammt undan með 7 vinninga.  Vignir og Jón Kristinn mætast í fyrramálið en á morgun fara fram tvær síðustu umferðirnar.  Sú fyrri hefst kl. 8:30 og ættu úrslit mótsins að vera ljós um hádegið.  

Páll Sigurðsson, Landsmótsstjóri, hefur sett fjölda mynda í myndaalbúm mótsins. Öll úrslit koma jafnóðum á Chess-Results og skákir frá mótinu má finna á heimasíðu SA.

Staðan í eldri flokki:

 

Rk.	Name	Club/City	Pts.
1	Karlsson Mikael Johann	Brekkuskóli, Norðurland Eystra	8,5
2	Ragnarsson Dagur	Rimaskóli, Reykjavík	7
3	Sigurdsson Birkir Karl	Salaskóli, Reykjanes	6,5
4	Sigurdarson Emil	Grunnskóli Bláskógabyggðar, Suðurla	5,5
5	Kjartansson Dagur	Hólabrekkuskóli, Reykjavík	5
6	Lee Gudmundur Kristinn	Salaskóli, Reykjanes	5
7	Hardarson Jon Trausti	Rimaskóli, Reykjavík	4,5
8	Hauksdottir Hrund	Rimaskóli, Reykjavík	4
9	Kristinsson Kristinn Andri	Rimaskóli, Reykjavík	4
10	Jonsson Hjortur Snaer	Glerárskóli, Norðurland Eystra	3
11	Magnusson Asmundur Hrafn	Grunnskóli Egilstaða, Austurland	0,5
12	Heidarsson Hersteinn	Glerárskóli, Norðurland Eystra	0,5

 

Staðan í yngri flokki:

 

Rk.	Name	Club/City	Pts.
1	Thorgeirsson Jon Kristinn	Lundaskóli, Norðurland Eystra	7,5
2	Stefansson Vignir Vatnar	Hörðuvallaskóli, Reykjanes	7
3	Johannesson Oliver	Rimaskóli, Reykjavík	7
4	Johannesson Kristofer Joel	Rimaskóli, Reykjavík	6,5
5	Jonsson Gauti Pall	Grandaskóli, Reykjavík	6,5
6	Magnusdottir Veronika Steinunn	Melaskóli, Reykjavík	6
7	Thorsteinsson Leifur	Melaskóli, Reykjavík	4
8	Leifsson Adalsteinn	Brekkuskóli, Norðurland Eystra	3,5
9	Palsdottir Soley Lind	Hvaleyrarskóli, Reykjanes	3
10	Sverrisson Atli Geir	Egilsstaðaskóli, Austurland	2
11	Gylfason Saevar	Valsárskóli, Norðurland Eystra	1
12	Jozefik Filip Jan	Flúðaskóli, Suðurland	0

• Chess-Results
• Myndaalbúm mótsins
• Heimasíða SA

Áskorendaeinvígin: Enn jafntefli

Skákmennirnir í undanúrslitum áskorendaeinvígunum virðast vera í miklum jafnteflishug og báðum skákum dagsins lauk með jafntefli.  Nú er svo komið að Kramnik og Grischuk hafa gert jafntefli í öllum sínum 7 kappskákum og Kamsky og Gelfand hafa gert 6 jafntefli.  Allir eru þeir því enn taplausir.  Fjórða og síðasta kappskákin verður tefld á morgun og hefst kl. 11.  Verði enn jafntefli verður til þrautar með minni umhugsunartíma á mánudaginn.

Rétt er að benda á að Henrik Danielsen er með daglegar skákskýringar á Chessdom.  Alls eru tefldar 4 skákir í undanúrslitum.  Ef jafnt verður teflt til þrautar í atskák og hraðskák.

Staðan í undaúrslitum:

• Kamsky (USA) - Gelfand (ISR) 1½-1½
• Kramnik (RUS) - Grischuk (RUS) 1½-1½

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)