Landsmótið í skólaskák hófst í dag á Akureyri

Landsmótið í skólaskák hófst í dag með 2 umferðum á Akureyri.  24 unglingar taka þátt víðsvegar af landinu.  12 keppendur tefla í hvorum flokki, yngri flokkur er fyrir 1.-7. bekk og sá eldri er fyrir 8.-10. bekk.  Birkir Karl Sigurðsson og Jón Trausti Harðarson eru efstir í eldri flokki og þeir bræður Oliver Aron og Kristófer Jóel Jóhannessynir í þeim yngri.   Mótinu er framhaldið á morgun með þremur umferðum.  Páll Sigurðsson, Landsmótsstjóri, hefur sett fjölda mynda í myndaalbúm mótsins. Öll úrslit koma jafnóðum á Chess-Results og skákir frá mótinu má finna á heimasíðu SA.

Staðan í eldri flokki:

 

Rk.	Name	Club/City	Pts.
1	Sigurdsson Birkir Karl	Salaskóli, Reykjanes	2
2	Hardarson Jon Trausti	Rimaskóli, Reykjavík	2
3	Kjartansson Dagur	Hólabrekkuskóli, Reykjavík	1,5
4	Karlsson Mikael Johann	Brekkuskóli, Norðurland Eystra	1,5
5	Ragnarsson Dagur	Rimaskóli, Reykjavík	1,5
6	Lee Gudmundur Kristinn	Salaskóli, Reykjanes	1
7	Hauksdottir Hrund	Rimaskóli, Reykjavík	1
	Jonsson Hjortur Snaer	Glerárskóli, Norðurland Eystra	1
9	Sigurdarson Emil	Grunnskóli, Bláskógarbyggðar, Suður	0,5
10	Kristinsson Kristinn Andri	Rimaskóli, Reykjavík	0
	Magnusson Asmundur Hrafn	Grunnskóli Egilstaða, Austurland	0
	Heidarsson Hersteinn	Glerárskóli, Norðurland Eystra	0

Staðan í yngri flokki:

 

 

Rk.	Name	Club/City	Pts.
1	Johannesson Oliver	Rimaskóli, Reykjavík	2
	Johannesson Kristofer Joel	Rimaskóli, Reykjavík	2
3	Stefansson Vignir Vatnar	Hörðuvallaskóli, Reykjanes	1,5
4	Thorsteinsson Leifur	Melaskóli, Reykjavík	1,5
5	Thorgeirsson Jon Kristinn	Lundaskóli, Norðurland Eystra	1
6	Magnusdottir Veronika Steinunn	Melaskóli, Reykjavík	1
7	Palsdottir Soley Lind	Hvaleyrarskóli, Reykjanes	1
	Jonsson Gauti Pall	Grandaskóli, Reykjavík	1
9	Leifsson Adalsteinn	Brekkuskóli, Norðurland Eystra	0,5
	Sverrisson Atli Geir	Egilsstaðaskóli, Austurland	0,5
11	Jozefik Filip Jan	Flúðaskóli, Suðurland	0
	Gylfason Saevar	Valsárskóli, Norðurland Eystra	0

 

• Chess-Results
• Myndaalbúm mótsins
• Heimasíða SA

Viðtal við Héðin á Stöð 2

Viðtal við Héðin Steingrímsson, Íslandsmeistara í skák, var sýnt í Íslandi í dag í kvöld á Stöð 2.  Þar fjallar hann m.a. um það sem gerir skák flókna og kemur að því að hugaríþróttir séu ekki síður mikilvægar en aðrar íþróttir.  

Ísland í dag (Viðtalið við Héðin hefst ca. 8:20)

Rótarýklúbburinn Reykjavík - Grafarvogur afhendir Skákdeild Fjölnis veglega gjöf

Á fundi Rótarýklúbbsins Reykjavík - Grafarvogur þann 11. maí var Helgi Árnason skólastjóri Rimaskóla og formaður Skákdeildar Fjölnis gestur Rótarýfélaga. Klúbburinn afhenti við það tilefni skákdeild Fjölnis tíu vönduð skáksett sem Rótarýfélagar höfðu safnað fyrir með aðstoð fyrirtækja í hverfinu; Arion banka, Landsbanka Íslands, Varðar og Svalþúfu ehf.

Það var forseti Rótarýklúbbsins Reykjavík Grafarvogur, Elísabet Gísladóttir, sem afhenti gjöfina formlega en Helga til aðstoðar mættu Íslandsmeistarar barnaskólasveita, skáksveit Rimaskóla, til að taka við þessari frábæru gjöf. Í skáksveitinni eru fimm krakkar á aldrinum 9 - 13 ára sem öll tefla fyrir Fjölni. Þau eru á leið til Danmerkur í haust á Norðurlandamót barnaskólasveita. 

Helgi Árnason formaður skákdeildar Fjölnis þakkaði Rótarýklúbbnum Reykjavík - Grafarvogur fyrir mikinn hlýhug til skákstarfsins og þessa höfðinglegu gjöf. Þetta er ekki í fyrsta sinn sem Rótarýklúbburinn Reykjavík - Grafarvogur styður við barna-og unglingastarf skákdeildarinnar því á hverju ári hefur klúbburinn gefið alla verðlaunagripi á hin vinsælu sumarskákmót Fjölnismanna.

Áskorendaeinvígin: Tilþrifalítil jafntefli

Undanúrslit áskorendaeinvíga FIDE hófust í dag.  Báðum upphafsskákum undanúrslitanna lauk með tilþrifalitlum jafnteflum.  Grischuk og Kramnik gerðu jafntefli í 16 leikjum en Kamsky og Gelfand náðu 36 leikjum áður en samið var.  Önnur skák einvíganna verður tefld á morgun og hefst kl. 11.  Rétt er að benda á að Henrik Danielsen er með daglegar skákskýringar á Chessdom.

Alls eru tefldar 4 skákir í undanúrslitum.  Ef jafnt verður teflt til þrautar í atskák og hraðskák.

Staðan í undaúrslitum:

• Kamsky (USA) - Gelfand (ISR) ½-½
• Kramnik (RUS) - Grischuk (RUS) ½-½

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Hersteinn skákmeistari Glerárskóla

Á skólaskákmóti Glerárskóla sem var háð í síðasta mánuði urðu þeir Hersteinn Heiðarsson og Logi Rúnar Jónsson efstir og jafnir. Sl. þriðjudagskvöld tefldu þeir félagar svo einvígi um skólameistaratitilinn. Eftir að hafa unnið sína skákina hvor tefldu þeir eina bráðabanaskák til úrslita, þar sem hvítur hafði 6 mínútur gegn 5 mínúrum svarts og varð að vinna, en svörtum nægði jafntefli til sigurs. Eftir hlutkesti fékk Hersteinn val um lit og kaus að stýra svörtu mönnunum. Eftir öruggan sigur í eirri skák stóð hann uppi sem sigurvegari í einvíginu.

Þetta er reyndar í annað sinn á stuttum tíma sem þeir félagar kljást í einvígi og í annað sinn sem Hersteinn hefur betur í jöfnum viðureignum.

Landsmótið í skólaskák hefst í dag

Landsmótið í skólaskák hefst á morgun.  Teflt verður á Akureyri.  Hægt verður að fylgjast með gangi mála hér á Skák.is, Chess-Results (endanleg slóð liggur ekki fyrir) og á heimasíðu heimamanna í Skákfélagi Akureyrar.

Landsmótsstjóri er Páll Sigurðsson.

Keppendalisti mótsins:

 

Yngri flokkur:

Reykjanes: Vignir Vatnar Stefánsson Hörðuvallaskóla
Reykjavík: Oliver Aron Jóhannesson Rimaskóla
Reykjavík: Leifur Þorsteinsson Melaskóla
Vesturland:  Enginn. 2. Vm.  Kristófer Jóel Jóhannesson Rimaskóla
Vestfirðir:  Enginn: 4. Vm. Sóley Lind Pálsdóttir Hvaleyrarskóla
Norðurland Vestra: Enginn. 3 vm.  Gauti Páll Jónsson
Norðurland Eystra: Jón Kristinn Þorgeirsson
Norðurland Eystra: Aðalsteinn Leifsson Brekkuskóla
Norðurland Eystra: Sævar Gylfason Valsárskóla
Austurland: Atli Geir Sverrisson 7.b Egilsstaðaskóla
Suðurland: Jan Filip Jozefik Flúðaskóli
Suðurland: Enginn. 1. vm. Veronika Steinunn Magnúsdóttir Melaskóli .

Eldri flokkur:

 

 

Reykjanes: Guðmundur Kristinn Lee Salaskóla
Reykjanes: Birkir Karl Sigurðsson Salaskóla
Reykjavík: Dagur Ragnarsson Rimaskóla
Reykjavík: Hrund Hauksdóttir Rimaskóla
Reykjavík: Dagur Kjartansson Hólabrekkuskóla
Vesturland:  Enginn. 3. Vm.  Kristinn Andri Kristinsson Rimaskóli
Vestfirðir:  Enginn: 2. Vm.  Hjörtur Snær Jónsson. Akureyri
Norðurland Vestra: Enginn. 1 vm. Jón Trausti Harðarsson Rimaskóla
Norðurland Eystra: Mikael Jóhann Karlsson Akureyri
Norðurland Eystra:  Hersteinn Heiðarsson Akureyri
Austurland: Ásmundur Hrafn Magnússon Egilsstöðum
Suðurland: Emil Sigurðarson Laugarvatn

 

Dagskrá mótsins:

 

Fimmtudagur 12. maí:

1. umferð        kl. 16.00          Skákheimilið

kvöldmatur

2. umferð        kl. 19.00          Skákheimilið

keppendum ekið á náttstað í Síðuskóla

 

Föstudagur 13. maí:

keppendur sóttir í Síðuskóla kl. 8.15 og ekið í Íþróttahöllina þar sem morgunverður er í boði.

3. umferð        kl. 9.00            Skákheimilið

4. umferð        kl. 11.30          Skákheimilið

hádegismatur

5. umferð        kl. 16.00          Síðuskóli

kvöldmatur

 

Laugardagur 14. maí:

morgunverður í Síðuskóla

6. umferð        kl. 9.00            Síðuskóli

7. umferð        kl. 11.30          Síðuskóli

Hádegissnarl

8. umferð        kl. 15.00          Síðuskóli

9. umferð        kl. 17.30          Síðuskóli

kvöldmatur í Síðuskóla ca. kl. 19.30

 

Sunnudagur 15. maí:

morgunverður í Síðuskóla

10. umferð      kl. 8.00            Síðuskóli

11. umferð      kl. 10.30          Síðuskóli

Hádegisverður og verðlaunafhending að loknu móti, ca. 13.30

 

 

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Þorsteinn, Kristján og Jón efstir - Þorsteinn öðlingameistari

Þorsteinn Þorsteinsson (2220), Kristján Guðmundsson (2275) og Jón Þorvaldsson (2045) urðu efstir og jafnir með 5½ vinning á öðlingaskákmóti TR sem lauk í kvöld.  Þorsteinn hampar titlinum efstir stigaútreikning, varð hálfu stigi hærri en Kristján.  Næstkomandi miðvikudagskvöld fer fram hraðskákmót öðlinga sem er opið fyrir alla 40 ára og eldri.  Þá verður jafnframt verðlaunaafhending fyrir aðalmótið.

Skákstjórn mótsins var í öruggum höndum Ólafs Ásgrímssonar. 

Úrslit 7. umferðar: 

 

Bo.	Name	Pts.	Result	Pts.	Name
1	Gudmundsson Kristjan	4½	1 - 0	4½	Thorsteinsson Bjorn
2	Thorvaldsson Jon	4½	1 - 0	4½	Thorhallsson Gylfi
3	Jonsson Pall Agust	4	0 - 1	4½	Thorsteinsson Thorsteinn
4	Loftsson Hrafn	4	½ - ½	4	Halldorsson Bragi
5	Ragnarsson Johann	3½	0 - 1	4	Hjartarson Bjarni
6	Sigurdsson Pall	3½	0 - 1	3½	Valtysson Thor
7	Ingvarsson Kjartan	3½	1 - 0	3½	Palsson Halldor
8	Eliasson Kristjan Orn	3½	1 - 0	3½	Bjornsson Yngvi
9	Gunnarsson Sigurdur Jon	3½	½ - ½	3½	Gardarsson Halldor
10	Jonsson Olafur Gisli	3	0 - 1	3	Bjornsson Eirikur K
11	Baldursson Haraldur	3	1 - 0	3	Kristinsdottir Aslaug
12	Jonsson Pall G	2½	1 - 0	3	Isolfsson Eggert
13	Gudmundsson Sveinbjorn G	2½	1 - 0	2½	Ragnarsson Hermann
14	Schmidhauser Ulrich	2½	½ - ½	2½	Jonsson Sigurdur H
15	Fridthjofsdottir Sigurl  Regin	2½	1 - 0	2	Solmundarson Kari
16	Jonsson Loftur H	2	+ - -	2	Olsen Agnar
17	Johannesson Petur	2	½ - ½	1½	Hermannsson Ragnar
18	Thrainsson Birgir Rafn	2	+ - -	1	Eliasson Jon Steinn
19	Kristbergsson Bjorgvin	1½	- - +	1	Hreinsson Kristjan
20	Adalsteinsson Birgir	½	1		bye
21	Gunnarsson Gunnar K	4½	0		not paired

 

Lokastaðan:

 

Rk.		Name	Rtg	Club/City	Pts.	TB1
1	FM	Thorsteinsson Thorsteinn	2220	TR	5,5	30,5
2		Gudmundsson Kristjan	2275	TV	5,5	30
3		Thorvaldsson Jon	2045	Godinn	5,5	28,5
4		Hjartarson Bjarni	2078		5	28
5		Gunnarsson Gunnar K	2221	KR	4,5	31,5
6		Thorsteinsson Bjorn	2213	Godinn	4,5	31
7		Halldorsson Bragi	2194	Hellir	4,5	28,5
8		Valtysson Thor	2043	SA	4,5	27,5
9		Thorhallsson Gylfi	2200	SA	4,5	26,5
10		Loftsson Hrafn	2220	TR	4,5	23,5
11		Eliasson Kristjan Orn	1947	SFÍ	4,5	23
12		Ingvarsson Kjartan	1720		4,5	22
13		Jonsson Pall Agust	1895	Godinn	4	29
14		Bjornsson Eirikur K	2059	TR	4	27,5
15		Gardarsson Halldor	1945		4	26
16		Baldursson Haraldur	2020	Vikingak	4	21
17		Gunnarsson Sigurdur Jon	1825	Godinn	4	20,5
18		Ragnarsson Johann	2089	TG	3,5	28
19		Sigurdsson Pall	1929	TG	3,5	26,5
20		Fridthjofsdottir Sigurl  Regin	1808	TR	3,5	26,5
21		Palsson Halldor	1966	TR	3,5	25,5
22		Bjornsson Yngvi	0		3,5	24,5
23		Gudmundsson Sveinbjorn G	1650	SR	3,5	22,5
24		Jonsson Pall G	1735	KR	3,5	22
25		Isolfsson Eggert	1830		3	27
26		Kristinsdottir Aslaug	2033	TR	3	24
27		Jonsson Sigurdur H	1860	SR	3	24
28		Thrainsson Birgir Rafn	1704		3	23
29		Jonsson Olafur Gisli	1842	KR	3	22,5
30		Jonsson Loftur H	1581	SR	3	21,5
31		Schmidhauser Ulrich	1395	TR	3	17,5
32		Ragnarsson Hermann	1985	TR	2,5	28
33		Johannesson Petur	1085	TR	2,5	14,5
34		Olsen Agnar	1850	SR	2	28
35		Solmundarson Kari	1855	TV	2	23
36		Hermannsson Ragnar	0	Fjolnir	2	20,5
37		Hreinsson Kristjan	1792	KR	2	19,5
38		Adalsteinsson Birgir	1360	TR	1,5	17,5
		Kristbergsson Bjorgvin	1125	TR	1,5	17,5
40		Eliasson Jon Steinn	1465	KR	1	21

• Heimasíða TR
• Chess-Results

Úrslitaeinvígi Íslandsmótsins í atskák fer fram á föstudag

Úrslitaeinvígi Íslandsmótsins í atskák fer fram föstudagskvöldið, 13. maí.  Stórmeistarinn Þröstur Þórhallsson og Hjörvar Steinn Grétarsson mætast í úrslitum.  Að þessu sinni fer einvígið ekki fram í sjónvarpi.  Kapparnir tefla í húsnæði Skáksambandsins, Faxafeni 12 og eru áhorfendur velkomnir.   Einvígið hefst kl. 19.  Einvíginu verður varpað upp á risaskjá í Billiardbarnum sem er hliðina á Skáksambandinu en verður ekki sýnt beint á netinu.

Helgi Ólafsson verður þar á staðnum og fer yfir það sem er að gerast í skákinni jafnóðum.  Ingvar Þór Jóhannesson ætlar einnig að mæta með tölvuforrit og greina frá því hvað tölvuforritin segja um gang mála jafnóðum. 

Áhugamenn geta því ýmist fylgst með skákinni beint og fylgst með skýringum Helga og Ingvars.    

 

 

Ævintýraferð Hróksins fyrir norðnorðwestan.

Fimmta páskaferð Hróksins til hins einangraða bæjar Ittoqqortoormiit (staður hinna stóru húsa) við Scoresbysund á austurströnd Grænlands var vel heppnuð. Frá árinu 2003 hefur Hrókurinn, leiddur af Hrafni Jökulssyni, staðið fyrir fjölda ferða og heimsótt öll þorp austurstrandarinnar hjá okkar góðu grönnum hér hinummegin við sundið.

Að þessu sinni héldu í „skáktrúboð" þau Ingibjörg Edda Birgisdóttir, Arnar Valgeirsson, Tim Vollmer og Hrund Þórsdóttir. Slegið var upp skákveislu fyrir börn og unglinga og fengu fullorðnir að sjálfsögðu að vera með enda skákáhugi bæjarbúa verulegur. Þó eru ekki nema fimm ár síðan að flestir lærðu mannganginn.

Á 70° breiddargráðu geta veturnir verið býsna harðir og fengu leiðangursmenn að finna fyrir því þó veðrið hafi verið með besta móti flesta dagana. Allskyns ævintýri biðu ferðalanganna, enda gaddfreðið Scoresbysundið það breiðasta í heimi og ísbirnir trilla þar um nánast daglega.

Um næstu helgi mun Morgunblaðið gera ferðinni skil í máli og myndum, sem eru hver annarri glæsilegri, enda Tim Vollmer klárlega í fremstu röð. Skipuleggur hann ferðir erlendra  ljósmyndara, bæði hér á landi sem og annarsstaðar.

Eymundsson, Actavis, Bónus, Ís-spor og Sölufélag Garðyrkjumanna styrktu Hrókinn með vinningum og Cintamani sá til þess að frostið biti ekki illa í bossana á leiðangursmönnum sem voru himinlifandi með frábæra ferð til þessa magnaða þorps, þar sem styttra er til Íslands en næsta bæjar.

En eins og sjá má var skákin allsráðandi og aðalatriðið...

Greinar og glæstar myndir munu birtast á Skák.is á næstunni.

Þessar myndir tók Hrund Þórsdóttir og Sverrir þyrluflugmaður smellti einni af spenntum hópnum.

Myndaalbúm