Stigamót Hellis fer fram 1.-3. júní

Stigamót Taflfélagsins Hellis verður haldið í níunda sinn sinn dagana 1.-3. júní.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning fer fram á heimasíðu Hellis.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Guðmundur Gíslason.

Umferðatafla:

• 1.-4. umferð, miðvikudaginn 1. júní (19:30-23:30)
• 5. umferð, fimmtudaginn 2. júní (11-15)
• 6. umferð, fimmtudaginn 2. júní (17-21)
• 7. umferð, föstudaginn 3. júní (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• •1.-4. umferð: 20 mínútur + 5 sekúndur á leik
• •5.-7. umferð: 1½ klst. + 30 sekúndur á leik

Lokaumferð öðlingamóts fer fram í kvöld – níu geta sigrað á mótinu – 3 skákir sýndar beint

Sjöunda og síðasta umferð Skákmóts öðlinga fer fram í kvöld og hefst kl. 19:30.  Mikil spenna er á mótinu enda sex skákmenn efstir með 4½ vinning og 4 hafa 4 vinninga.  Átta skákmenn geta orðið öðlingameistarar.  Til að létta mönnum spennuna verða 3 skákir sýndar beint á Netinu.   Slóðin á beinar útsendingar (óvirk þar til rétt fyrir umferð) er hér.

Þeir sem eru efstir með 4½ vinning eru Þorsteinn Þorsteinsson (2220), Gunnar Gunnarsson (2221), Kristján Guðmundsson, Björn Þorsteinsson (2213), Jón Þorvaldsson (2045) og Gylfi Þórhallsson (2200).  Gunnar teflir ekki meira á mótinu þar sem hann verður ekki kominn frá Þessalóníku þar sem hann hefur verið tefla á EM öldungaveita. 

Þeir sem hafa 4 vinninga hafa einnig möguleika á sigri svo framarlega sem enginn þeirra sem hefur 4½ vinning vinni sína skák.  Þeir sem hafa 4 vinninga eru þeir, Bragi Halldórsson (2194), Bjarni Hjartarson (2078), Páll Ágúst Jónsson (1895) og Hrafn Loftsson (2220).

Í lokaumferðinni mætast:

 

• Kristján (4½) – Björn (4½)
• Jón (4½)  – Gylfi (4½)
• Páll Ágúst (4) – Þorsteinn (4½)
•  Hrafn (4) – Bragi (4)
• Jóhann H. Ragnarsson (3½)  – Bjarni (4)

Feitletruðu viðureignirnar verða sýndar beint. 

 

·         Heimasíða mótsins

·         Chess-Results

·         Beinar útsendingar

Landsmótið í skólaskák hefst á morgun

Landsmótið í skólaskák hefst á morgun.  Teflt verður á Akureyri.  Hægt verður að fylgjast með gangi mála hér á Skák.is, Chess-Results (endanleg slóð liggur ekki fyrir) og á heimasíðu heimamanna í Skákfélagi Akureyrar.

Landsmótsstjóri er Páll Sigurðsson.

Keppendalisti mótsins:

 

Yngri flokkur:

Reykjanes: Vignir Vatnar Stefánsson Hörðuvallaskóla
Reykjavík: Oliver Aron Jóhannesson Rimaskóla
Reykjavík: Leifur Þorsteinsson Melaskóla
Vesturland:  Enginn. 2. Vm.  Kristófer Jóel Jóhannesson Rimaskóla
Vestfirðir:  Enginn: 4. Vm. Sóley Lind Pálsdóttir Hvaleyrarskóla
Norðurland Vestra: Enginn. 3 vm.  Gauti Páll Jónsson
Norðurland Eystra: Jón Kristinn Þorgeirsson
Norðurland Eystra: Aðalsteinn Leifsson Brekkuskóla
Norðurland Eystra: Sævar Gylfason Valsárskóla
Austurland: Atli Geir Sverrisson 7.b Egilsstaðaskóla
Suðurland: Jan Filip Jozefik Flúðaskóli
Suðurland: Enginn. 1. vm. Veronika Steinunn Magnúsdóttir Melaskóli .

Eldri flokkur:

 

Reykjanes: Guðmundur Kristinn Lee Salaskóla
Reykjanes: Birkir Karl Sigurðsson Salaskóla
Reykjavík: Dagur Ragnarsson Rimaskóla
Reykjavík: Hrund Hauksdóttir Rimaskóla
Reykjavík: Dagur Kjartansson Hólabrekkuskóla
Vesturland:  Enginn. 3. Vm.  Kristinn Andri Kristinsson Rimaskóli
Vestfirðir:  Enginn: 2. Vm.  Hjörtur Snær Jónsson. Akureyri
Norðurland Vestra: Enginn. 1 vm. Jón Trausti Harðarsson Rimaskóla
Norðurland Eystra: Mikael Jóhann Karlsson Akureyri
Norðurland Eystra:  Hersteinn Heiðarsson Akureyri
Austurland: Ásmundur Hrafn Magnússon Egilsstöðum
Suðurland: Emil Sigurðarson Laugarvatn

 

Dagskrá mótsins:

 

Fimmtudagur 12. maí:

1. umferð        kl. 16.00          Skákheimilið

kvöldmatur

2. umferð        kl. 19.00          Skákheimilið

keppendum ekið á náttstað í Síðuskóla

 

Föstudagur 13. maí:

keppendur sóttir í Síðuskóla kl. 8.15 og ekið í Íþróttahöllina þar sem morgunverður er í boði.

3. umferð        kl. 9.00            Skákheimilið

4. umferð        kl. 11.30          Skákheimilið

hádegismatur

5. umferð        kl. 16.00          Síðuskóli

kvöldmatur

 

Laugardagur 14. maí:

morgunverður í Síðuskóla

6. umferð        kl. 9.00            Síðuskóli

7. umferð        kl. 11.30          Síðuskóli

Hádegissnarl

8. umferð        kl. 15.00          Síðuskóli

9. umferð        kl. 17.30          Síðuskóli

kvöldmatur í Síðuskóla ca. kl. 19.30

 

Sunnudagur 15. maí:

morgunverður í Síðuskóla

10. umferð      kl. 8.00            Síðuskóli

11. umferð      kl. 10.30          Síðuskóli

Hádegisverður og verðlaunafhending að loknu móti, ca. 13.30

 

 

EM öldungasveita: Jafntefli í lokaumferðinni gegn Austurríki

Íslenska sveitin, Polar Bears Iceland, gerði 2-2 jafntefli við austurrísku sveitina, Steiermark, í 9. og síðustu umferð EM öldungasveita sem fram fór í morgun í Þessalóníku í Grikklandi.  Öllum skákum viðureignarinnar lauk með jafntefli.  Sveitin hlaut 9 stig og 15 vinninga, endaði í 21. sæti og er árangur hennar í kringum það sem búast mátti við fyrir mót.  Rússar urðu Evrópumeistarar, Þjóðverjar aðrir og Svartfellingar þriðju.  

Arnþór Sævar og Gunnar Gunnarsson fengu báðir 5½ vinning í 9 skákum og hækka báðir á stigum fyrir frammistöðu sína. 

Gunnar Finnlaugsson hefur enn bætt við í myndasafnið og fær þakkir fyrir.

Úrslit 9. umferðar:

Bo.	14	Steiermark, Austria	Rtg	-	20	Polar Bears Iceland	Rtg	2 : 2
10.1	FM	Watzka Horst	2274	-		Einarsson Arnthor	2227	½ - ½
10.2		Kratschmer Heinz	2177	-		Gunnarsson Gunnar K	2209	½ - ½
10.3		Nickl Klaus	2149	-		Finnlaugsson Gunnar	2075	½ - ½
10.4		Pitzl Konstantinos	2095	-		Kristjansson Sigurdur	1945	½ - ½

Íslenska sveitin:

1. Arnþór Sævar Einarsson (2227) 5½ v.
2. Gunnar Gunnarsson (2209) 5½ v.
3. Gunnar Finnlaugsson (2075) 3½ v.
4. Sigurður Kristjánsson (1945) 1½ v.

Sveitin var sú 20. sterkasta af 35 samkvæmt stigum.

• Heimasíða mótsins
• Myndaalbúm mótsins
• Chess-Results

Stefán Þormar bestur Ása í dag

Stefán Þormar sigraði í Stangarhylnum í dag þar sem fimmtán heiðursmenn mættu á þrítugasta skákdag vetrarins hjá Ásum.  Næsta þriðjudag verður hraðskákmót með 7 mínútna umhugsunartíma. Þá verða veitt verðlaun fyrir samanlagðan  árangur á öllum skákdögum vetrarins. Þar með líkur skákdagskránni í vetur.  Síðan byrjar næsta vetrardagskrá 6 september, sem er fyrsti þriðjudagur í september.  Allir skákmenn 60 ára og eldri velkomnir á hraðskákmótið næsta þriðjudag.

Heildarúrslit dagsins:

• 1         Stefán Þormar Guðmundsson                8 vinninga af 9
• 2-3      Össur Kristinsson                                  6
•            Valdimar Ásmundsson                          6
• 4         Friðrik Sófusson                                   5.5
• 5-7      Þorsteinn Guðlaugsson                         5
•            Kristján Guðmundsson                         5
•            Hermann Hjartarson                            5
• 8-9      Haraldur Axel Sveinbjörnsson               4.5
•            Eiður Á Gunnarsson                             4.5
• 10-13  Baldur Garðarsson                               4
•            Óli Árni Vilhjálmsson                           4
•            Sæmundur Kjartansson                       4
•            Birgir Ólafsson                                    4
• 14       Halldór Skaftason                                3.5
• 15       Viðar Arthursson                                 3

Héðinn í Kastljósinu í gær

Viðtal við Héðin Steingrímsson, Íslandsmeistara í skák, var sýnt í Kastljósinu í gær.   Þar er m.a. fjallað um feril Héðins og skemmtilegum svipmyndum frá þegar hann kom heim frá Púertó Ríkó sem heimsmeistari 12 ára og yngri og Íslandsmótinu í Höfn árið 1990 bregður fyrir.

Umfjöllunin í Kastjósinu

EM öldungasveita: Jafntefli gegn Englendingum

Íslenska sveitin, Polar Bears Iceland, gerði 2-2 jafntefli við England 2 í 8. og næstsíðustu umferð EM öldungasveita sem fram fór í morgun í Þessalóníku í Grikklandi.  Öllum skákum viðureignarinnar lauk með jafntefli.  Sveitin hefur 8 stig og 13 vinninga og er í 21. sæti.  Lokaumferðin fer fram í fyrramálið og þá mætir íslenska sveitin austurrískri sveit.

Rússar eru efstir með 14 stig og Danir aðrir með 12 stig.

Sterkir skákmenn taka þátt í keppninni, þar á meðal 12 stórmeistarar.  Stigahæstur keppenda er Evgeni Vasjukov (2480).  

Enn fleiri myndir hafa bæst við í myndaalbúm mótsins frá Gunnari Finnlaugssyni.

Úrslit 8. umferðar:

Bo.	20	Polar Bears Iceland	Rtg	-	17	England 2	Rtg	2 : 2
11.1		Einarsson Arnthor	2227	-		Macdonald-Ross Michael	2157	½ - ½
11.2		Gunnarsson Gunnar K	2209	-	CM	Ashby Anthony C	2151	½ - ½
11.3		Finnlaugsson Gunnar	2075	-	CM	Reuben Stewart	2140	½ - ½
11.4		Kristjansson Sigurdur	1945	-		Scholes James E	2110	½ - ½

Íslenska sveitin:

1. Arnþór Sævar Einarsson (2227) 5 v.
2. Gunnar Gunnarsson (2209) 5 v.
3. Gunnar Finnlaugsson (2075) 3 v.
4. Sigurður Kristjánsson (1945) 1 v.

Sveitin er sú 20. sterkasta af 35 samkvæmt stigum.

• Heimasíða mótsins
• Myndaalbúm mótsins
• Chess-Results

Birkir Karl sigraði á lokamóti Skákskóla Íslands/Skákakademíu Kópavogs

Lokamót Kópavogs-verkefnis Skákskóla Íslands og Skákakademíu Kópavogs fór fram í hinum glæsilega sal Stúkunnar  á Kópavogsvellinum föstudaginn 6. maí. Bestu og efnilegustu skákmenn Kópavogs hafa sótt þessar æfingar sem Helgi Ólafsson skólastjóri Skákskóla Íslands hefur haft umsjón með. Gríðarleg aukning hefur verið í skákiðkun barna og unglinga í Kópavogi á þessu starfsári og margir frábærir skákkennarar starfandi við grunnskóla Kópavogs. Má þar nefna Tómas Rasmus, Smára Rafn Teitsson, Lenku Ptacnikovu, Sigurlaugu Friðþjófsdóttur, Gunnar Finnsson og ýmsa fleiri. Skákakademía Kópavogs hefur stutt við starf þessara aðila með ýmsum hætti.

Á lokamótinu mætti 21 keppandi til leiks  sem var skipt í tvo riðla þar sem allir tefldu við alla og þrír efstu úr hvorum riðli  kepptu síðan um 1. - 6. sætið í mótinu sem voru vegleg bókaverðlaun frá bóksölu Sigurbjörns Björnssonar. Í úrslitum  var tefld ein bráðabanaskák þar sem jafntefli dugði þeim sem hafði svart.   Í A-riðli varð Birkir Karl Sigurðsson efstur með fullt hús 9 vinninga af 9 mögulegum og í 2. - 3. sæti komu Vignir Vatnar Stefánsson og Eyþór Traustason með 7 vinninga hvor. Vignir vann svo innbyrðis uppgjör og tefldi um 3. sætið.

Í B-riðli varð Dawid Kolka hlutskarpastur með‘ 10 ½ vinning af 11 mögulegum en i 2. sæti varð Hilmir Freyr Heimisson með 10 vinninga. Sóley Pálsdóttir varð í 3.- 4. sæti ásamt Pétri  Olgeirsson og innbyrðis skák vann Sóley og tefldi því um 5. sætið.    

Í úrlitunum vann Birkir Karl Dawid Kolka í keppni um 1. og 2. sæti, Hilmir Freyr vann Vigni Vatnar í keppni um 3. og 4. sætið og Sóley Pálsdóttir vann Eyþór Traustason í keppni um 5. og 6. sætið. Auk þessara verðlaunahafa fékk Hildur Berglind Jóhannsdóttir einnig verðlaun fyrir góða frammistöðu.  

Jón Trausti skákmeistari Rimaskóla 2011

Nýtt nafn verður skráð á skákbikar Rimaskóla eftir að Jón Trausti Harðarson 8-HIH lagði félaga sinn Dag Ragnarsson að velli í tveggja skáka úrslitaeinvígi 1,5 - 0,5. Þeir Jón Trausti og Dagur, sem varð Rimaskólameistari í fyrra, urðu efstir og jafnir að vinningum á skákmóti Rimaskóla og tefldu hreint úrslitaeinvígi um titilinn eftirsótta. Jón Trausti er vel að sigrinum kominn. Hann er tæplega 14 ára gamall og hefur æft skák markvisst frá því að hann var 8 ára og tekið þátt í öllum helstu skákmótum vetrarins með athyglisverðum árangri. Jón Trausti er margfaldur Reykjavíkur, Íslands-og Norðurlandameistari með skáksveitum Rimaskóla.

Úrslitaeinvígi Íslandsmótsins í atskák fer fram á föstudag

Úrslitaeinvígi Íslandsmótsins í atskák fer fram föstudagskvöldið, 13. maí.  Stórmeistarinn Þröstur Þórhallsson og Hjörvar Steinn Grétarsson mætast í úrslitum.  Að þessu sinni fer einvígið ekki fram í sjónvarpi.  Kapparnir tefla í húsnæði Skáksambandsins, Faxafeni 12 og eru áhorfendur velkomnir.   Einvígið hefst kl. 19.  Einvíginu verður varpað upp á risaskjá í Billiardbarnum sem er hliðina á Skáksambandinu en verður ekki sýnt beint á netinu.

Helgi Ólafsson verður þar á staðnum og fer yfir það sem er að gerast í skákinni jafnóðum.  Ingvar Þór Jóhannesson ætlar einnig að mæta með tölvuforrit og greina frá því hvað tölvuforritin segja um gang mála jafnóðum. 

Sigurbjörn bóksali verður með bóksölu á staðnum.

Áhugamenn geta því ýmist fylgst með skákinni beint og fylgst með skýringum Helga og Ingvars.