Smári efstur á Skákþingi Goðans

Smári Sigurðsson heldur efsta sætinu með 4,5 vinninga á skákþingi Goðans að aflokinni 5. umferð sem tefld var í morgun. Smári vann sigur á Hlyn Snæ Viðarssyni. Jakob Sævar Sigurðsson bróðir Smára vann Heimi Bessason og er hálfum vinningi á eftir í öðru sæti. Sigurbjörn Ásmundsson, sem vann góðan sigur á Hermanni formanni, er svo í 3-6 sæti með þrjá vinninga ásamt Heimi, Ævari og Hlyn Snæ. Snorri Hallgrímsson gerði jafntefli við Ævar Ákason og er í 7 sæti með 2,5 vinninga.

Úrslit í 5. umferð:

Bo.	No.		Name	Pts.	Result	Pts.		Name	No.
1	10		Vidarsson Hlynur Snaer	3	0 - 1	3½		Sigurdsson Smari	2
2	1		Sigurdsson Jakob Saevar	3	1 - 0	3		Bessason Heimir	3
3	7		Hallgrimsson Snorri	2	½ - ½	2½		Akason Aevar	4
4	8		Asmundsson Sigurbjorn	2	1 - 0	2		Adalsteinsson Hermann	5
5	11		Sighvatsson Asmundur	1	0 - 1	1		Einarsson Valur Heidar	9
6	6		Karlsson Sighvatur	1	1			bye

Staðan í mótinu:

1		Sigurdsson Smari	ISL	1660	4.5	14.0	8.0	12.00
2		Sigurdsson Jakob Saevar	ISL	1740	4.0	14.5	8.5	10.75
3		Bessason Heimir	ISL	1520	3.0	14.5	9.5	6.00
4		Asmundsson Sigurbjorn	ISL	1200	3.0	13.0	7.5	7.00
5		Akason Aevar	ISL	1510	3.0	13.0	7.5	6.75
6		Vidarsson Hlynur Snaer	ISL	1055	3.0	10.0	5.0	4.50
7		Hallgrimsson Snorri	ISL	1305	2.5	12.0	7.0	3.50
8		Adalsteinsson Hermann	ISL	1450	2.0	14.0	8.0	4.00
9		Karlsson Sighvatur	ISL	1325	2.0	11.5	6.5	3.00
10		Einarsson Valur Heidar	ISL	1170	2.0	8.0	4.5	2.00
11		Sighvatsson Asmundur	ISL	0	1.0	11.5	7.0	0.50

6. umferð verður tefld kl 15.00 í dag.

• Heimasíða Goðans
• Chess-Results

 

 

NM-pistill: Að loknum fyrsta degi

Þá er erfiðum fyrsta degi lokið og liðstjórarnir sitja í betri stofunni og eru nokkuð sáttir með uppskeruna.

Í E-flokki hélt Vignir Vatnar áfram sigurgöngu sinni með því að máta sænskan andstæðing sinn á f7 í 8.leikjum! Það kom okkur nokkuð í opna skjöldu enda hafði Svíinn teflt góða skák í fyrstu umferð gegn sólskinsbarninu ólseiga, Janus Skaale.  Heimir Páll tefldi góða skák gegn færeyskum andstæðingi og fórnaði biskupi með pompi og prakt á f7 og vann þar með drottninguna af andstæðingi sínum.  F7 klárlega reitur dagsins! Í ljósi þess að litlu guttarnir í E-flokki eru að tefla í fyrsta sinn á erlendri grundu og eiga nokkur ár eftir í flokknum (Vignir 3 ár og Heimir 1 ár) þá eru fararstjórarnir gjörsamlega í skýjunum með 75% vinningshlutfall þeirra.

Í D-flokki mættust Jón Kristinn og Oliver innbyrðis. Þar áttu sér tíð eigendaskipti  og lauk skákinni svo með jafntefli. Þeir félagarnir eru að fara að moka inn vinningunum á morgun (staðfest).

Í C-flokki var uppskeran rýr þrátt fyrir góðar horfur á tímabili. Emil tefldi við Finnan sterka, Ebeling og valdi líklega ranga leikjaröð í byrjuninni. Það kom þó ekki að sök, staðan leit ágætlega út þar til pilturinn nældi sér í baneitrað peð á miðborðinu og sá ekki til sólar eftir það. Dagur Kjartans fékk stigahæsta mann flokksins, Norðmanninn Flermoen, og veitti honum harða keppni. Eftir að hafa platað Norsarann í miðtaflinu var piltur kominn með hartnær unnið tafl en kóngstaðan var götótt og að lokum fann Flermoen frábæra vinningsleið! Miðað við taflmennskuna er það með hreinum ólíkindum að Dagur sé án vinninga og úr því verður bætt á morgun!

Í B-flokki kom 1,5 vinningur í hús. Nökkvi sigraði færeyskan andstæðing sinn, kannski ekki örugglega, en vinningur er vinningur! Örn Leó tefldi við norskan andstæðing og fékk fljótlega vænlega stöðu. Ég verð að viðurkenna að ég hélt að í fljótu bragði að hann væri að vinna skákina en þá rataði Norsarinn á mannsfórn sem tryggði honum jafntefli með þráskák.  

Í A-flokki hélt sigurganga okkar áfram. Sverrir sigraði andstæðing sinn mjög örugglega en það sama verður ekki sagt um Hjörvar Stein! Undir lok skákarinnar var okkar maður þremur peðum undir í endatafli og andlitsliturinn farinn að líkjast hárlitnu.  Finninn þyrfti sennilega að skella sér á 1-2 Dale Carnegie - námskeið því eftir skákina kom í ljós að hann var sannfærður um að vera með tapað tafl þrátt fyrir liðsmuninn.

Liðakeppnin stendur þannig að Danir eru efstir með 13,5 vinninga . Í öðru sæti eru Frónverjar með 11,5 vinninga og jafnir í þriðja sæti eru Norsarar og Finnar með 10 vinninga.

Ýmislegt annað hefur gerst utan skákborðsins; sumir tóku lengri lestarferðir en aðrir, sumir villtust og gengu á annan tug kílómetra, sumir hrutu og sumir spörkuðu í aðra vegna hrota, sumir voru í lego, sumir hlupu og villtist og keyptu kort og sumir tefldu hraðskák við Kanadamann á fölskum forsendum sem leiddi til ávinnings.

Svona er þetta, bein lýsing á FB á morgun; Nm Skolaskak.

Yfir og út frá Vandræðaheimilinu.

Stefán og Björn

 

Smári efstur á Skákþingi Goðans

Smári Sigurðsson er efstur á skákþingi Goðans með 3,5 vinninga að loknum fjórum umferðum eftir að hafa lagt bróður sinn, Jakob Sævar, í þeirri fjórðu.   Í dag voru tefldar atskákir en í umferðum 5-7 verða tefldar kappskákir.

 

Staðan í mótinu 

 

 

 

1		Sigurdsson Smari	ISL	1660	3.5	10.0	5.0	8.50
2		Sigurdsson Jakob Saevar	ISL	1740	3.0	8.5	4.0	5.50
3		Bessason Heimir	ISL	1520	3.0	8.0	4.0	4.50
4		Vidarsson Hlynur Snaer	ISL	1055	3.0	4.5	2.0	4.00
5		Akason Aevar	ISL	1510	2.5	8.5	5.0	4.00
6		Asmundsson Sigurbjorn	ISL	1200	2.0	9.0	5.0	3.50
7		Adalsteinsson Hermann	ISL	1450	2.0	9.0	5.0	3.00
8		Hallgrimsson Snorri	ISL	1305	2.0	6.5	2.5	1.50
9		Sighvatsson Asmundur	ISL	0	1.0	9.0	4.5	0.50
10		Karlsson Sighvatur	ISL	1325	1.0	8.0	4.5	0.50
11		Einarsson Valur Heidar	ISL	1170	1.0	6.0	3.0	0.50

5. umferð hefst kl 10:00 á morgun en þá mætast:

1	10		Vidarsson Hlynur Snaer	3		3½		Sigurdsson Smari	2
2	1		Sigurdsson Jakob Saevar	3		3		Bessason Heimir	3
3	7		Hallgrimsson Snorri	2		2½		Akason Aevar	4
4	8		Asmundsson Sigurbjorn	2		2		Adalsteinsson Hermann	5
5	11		Sighvatsson Asmundur	1		1		Einarsson Valur Heidar	9
6	6		Karlsson Sighvatur	1	1			bye

NM: Hjörvar, Sverrir og Vignir með fullt hús

Það gekk ágætlega í 2. umferð NM í skólaskák sem fram fór í kvöld en alls komu 6,5 vinningur af 10 mögulegum í hús.  Hjörvar Steinn Grétarsson og Sverrir Þorgeirsson (a-flokki), Nökkvi Sverrisson (b-flokki) og Vignir Vatnar Stefánsson og Heimir Páll Ragnarsson (e-flokki) unnu en Örn Leó Jóhannsson (b-flokki), Jón Kristinn Þorgeirsson og Oliver Aron Jóhannesson (d-flokki) gerðu jafntefli en aðrir töpuðu.  Hjörvar, Sverrir og Vignir eru allir með fullt hús.  Hjörvar og Sverrir mætast í 3. umferð sem fram fer í fyrramálið. 

Staða íslensku keppendanna:

A-flokkur (18-20 ára):

• 1.-3. Hjörvar Steinn Grétarsson (2460) 2 v.
• 1.-3. Sverrir Þorgeirsson (2330) 2 v.

B-flokkur (16-17 ára):

• 3. Örn Leó Jóhannsson (1940) 1,5 v.
• 4.-9. Nökkvi Sverrisson (1805)  1 v.

C-flokkur (14-15 ára):

• 3.-9. Emil Sigurðarson (1720) 1 v.
• 11.-12. Dagur Kjartansson (1660) 0,5 v.

D-flokkur (12-13 ára):

• 8.-11. Jón Kristinn Þorgeirsson (1645) 0,5 v.
• 8.-11. Oliver Aron Jóhannesson (1545) 0,5 v.

E-flokkur (11 ára og yngri):

• 1.-3. Vignir Vatnar Stefánsson (1225) 2 v.
• 5.-8. Heimir Páll Ragnarsson (1200) 1 v.

Heimasíða mótsins

Síðari hluti Íslandsmóts skákfélaga fer fram 4. og 5. mars

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.

NM í skólaskák: 50% í fyrstu umferð

Fimm vinningar af tíu komu í hús í fyrstu umferð NM í skólaskák sem fram fór í Osló í morgun.  Hjörvar Steinn Grétarsson og Sverrir Þorgeirsson (A-flokki), Örn Leó Jóhannsson (B-flokki), Emil Sigurðarson (C-flokki) og Vignir Vatnar Stefánsson (E-flokki) unnu allir en aðrir töpuðu.   Önnur umferð hefst kl. 16:30.

Staða íslensku keppendanna:

A-flokkur (18-20 ára):

• 1.-6. Hjörvar Steinn Grétarsson (2460) 1 v.
• 1.-6. Sverrir Þorgeirsson (2330) 1 v.

B-flokkur (16-17 ára):

• 1.-5. Örn Leó Jóhannsson (1940) 1 v.
• 8.-12. Nökkvi Sverrisson (1805)  0 v.

C-flokkur (14-15 ára):

• 1.-5. Emil Sigurðarson (1720) 1 v.
• 8.-12. Dagur Kjartansson (1660) 0 v.

D-flokkur (12-13 ára):

• 9.-12. Jón Kristinn Þorgeirsson (1645) 0 v.
• 9.-12. Oliver Aron Jóhannesson (1545) 0 v.

E-flokkur (11 ára og yngri):

• 1.-5. Vignir Vatnar Stefánsson (1225) 1 v.
• 8.-12. Heimir Páll Ragnarsson (1200) 0 v.

Heimasíða mótsins

NM - Pistill fyrstu umferðar

Þá er Norðurlandamótið barna- og unglinga 2011 hafið. Teflt er í húsnæði Oslóarskákklúbbsins sem er fallegt og snyrtilegt. Eini gallinn er kannski sá að þegar allur þessi fjöldi keppenda, liðstjórar og foreldrar eru saman komin í húsnæðinu þá er rýmið að skornum skammti.

Eins og vant er þá kláruðu keppendur í E- og D-flokki sínar skákir fyrst.  Spennustigið var kannski full mikið hjá okkar mönnum því Heimir Páll og Oliver léku snemma slæmum fingurbrjótum sem var sérstaklega sárt í tilviki Olivers því hann var kominn með talsvert betra tafl. Með því að sitja aðeins á puttunum þá hefðu þeir auðveldlega komið auga á mistökin. Oliver og Jón Kristinn áttu í höggi við tvo afar sterka Norðmenn sem eru langstigahæstu menn flokksins og þurfti norðlenska ljónið sömuleiðis að játa sig sigraðað eftir snarpa  baráttu.

Vignir Vatnar, sem er nýorðinn átta ára gamall, sigraði örugglega í sinni skák og notaði gaffla og leppanir listilega vel út um allt borð. Hann átti líklega móment dagsins þegar hann var búinn að plata mann af andstæðingi sínum. Forsagan var sú að um morguninn höfðu fararstjórarnir orð á því að andstæðingarnir gætu brúkað skrítin orð á borðvið „J´adoube“  og „remi“ þegar verið væri að laga mennina og bjóða jafntefli. Litli kútur var greinilega orðinn fullur sjálfstraust því hann pikkaði í fararstjórann sinn og spurði: „Björn, hvað segja þeir við mann þegar þeir gefast upp?“.

Í C-flokki tefldu Emil og Dagur við sterka andstæðinga.  Lengi vel leit út fyrir að Emil væri að valta yfir andstæðing sinn og Dagur var sömuleiðis búinn að plata þriðja stigahæsta manninn upp úr skónum! Andstæðingar þeirra börðust þó á hæl og hnakka og svo fór að lokum að Dagur tapaði niður unninni stöðu en Emil knésetti sinn andstæðing.

Í B-flokki uppskáru Íslendingar einnig einn vinning.  Örn Leó tefldi afar góða skák gegn dönskum andstæðingi sem er sá þriðji stigahæsti í flokknum. Hann vann peð og sveið hann svo hægt og rólega í endatafli þar til Daninn féll á tíma með tapað tafl. Mögulega átti sá danski betri möguleika til að verjast en ég verð að hrósa taflmennsku Arnar enda tefldi hann rúmlega 50 leiki alltaf með minna en mínútu á klukkunni. Nökkvi tefldi við næst stigahæsta keppendann, sem sigraði í C-flokki Norðurlandameistaramótsins árið 2008, og lenti í leiðindarbeyglu í kóngsindverskri vörn. Eyjamaðurinn knái náði því miður ekki að snúa sig út úr erfiðleikunum þrátt fyrir góða baráttu og var hann hundfúll út í sjálfan sig því hann vissi vel hvar hann hafði farið út af sporinu.

Í A-flokki fengum við 2 vinninga í hús eins og búist var við enda eru Hjörvar og Sverrir stigahæstu menn flokksins. Hjörvar vann sína skák af miklu öryggi og sömuleiðis Sverrir sem vann úr sinni stöðu á afar lærdómsríkan hátt.

Heilt yfir var uppskeran ágæt úr fyrstu umferð enda voru menn að tefla við mjög sterka andstæðinga í flestum flokkum.  Pörun næstu umferðar er kominn upp og hefst baráttan eftir rúmlega klukkustund.

Áðan buðu Norðmenn uppá forláta pizzuveislu hér í félagsheimilinu sem vakti mikla lukku hjá öllum (meira að segja fararstjóra í aðhaldi!) og til þess að hausinn á keppendum væri í lagi þá voru yngstu keppendurnir sendir út í göngutúra með aðstandendum sínum.

Meira síðar!

Björn Þorfinnsson

Jóhanna og Elsa efstar á hraðkvöldi

Jóhanna Björg Jóhannsdóttir og Elsa María Kristínardóttir urðu efstar og jafnar á jöfnu og spennandi hraðkvöldi Hellis sem fram fór 14. febrúar sl. Þær fengu báðar 5,5v en Jóhanna var úrskurðuð sigurvegari á stigum. Það hefur svo ekki gerst áður að konur skipi tvö efstu sætin á þessum æfingum þótt þær hafi vissulega áður sigrað. Næstir komu svo Páll Andrason og Dagur Kjartansson með 4,5v

Lokastaðan á hraðkvöldinu:

• 1.    Jóhanna Björg Jóhannsdóttir       5,5v   (28,5 stig)
• 2.    Elsa María Kristínardóttir              5,5v   (26)
• 3.    Páll Andrason                               4,5v    (23)
• 4.    Dagur Kjartansson                       4,5v    (22,5)
• 5.    Vigfús Ó. Vigfússon                      4v       (29,5)
• 6.    Jón Úlfljótsson                              4v      (29)
• 7.    Eiríkur Örn Brynjarsson                 4v      (28,5v)
• 8.    Oliver Aron Jóhannesson              4v       (28)
• 9.    Birkir Karl Sigurðsson                    4v       (23,5)
• 10.  Kristófer Jóel Jóhannesson           4v       (19,5)
• 11.  Bjarni Sæmundsson                      3v       (29)
• 12.  Finnur Kr. Finnsson                       3v       (22,5)
• 13.  Jón Trausti Harðarson                   3v       (19)
• 14.  Pétur Jóhannesson                       1,5v    (21)
• 15.  Ívar Örn Halldórsson                     1v       (21,5)
• 16.  Björgvin Kristbergsson                   0,5v    (20)

Skákþing Goðans hefst í kvöld

Skákþing Goðans 2011 fer fram helgina 18.-20. febrúar nk. í sal Framsýnar-stéttarfélags að Garðarsbraut 26 á Húsavík. Mótið er öllum opið.

Tefldar verða 7 umferðir eftir monrad-kerfi, 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   18 febrúar  kl 20:00  1-4 umferð.   (atskák 25 mín )
Laugardagur 19 febrúar  kl 10:00  5. umferð.     (90 mín +30 sek á leik)
Laugardagur 19 febrúar  kl 15:00  6. umferð.       -------------------
Sunnudagur  20 febrúar  kl 10:00  7. umferð.       -------------------
 
Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 
Skráning í mótið fer fram á heimasíðu Goðans. Einnig er hægt að skrá sig til leiks í síma 464 3187 eða 821 3187.
Listi yfir skráða keppendur er hér.

Núverandi skákmeistari Goðans er Rúnar Ísleifsson.

Þetta verður 8. skákþing Goðans og lista yfir titilhafanna er hér fyrir neðan:

2004    Baldur Daníelsson.
2005    Ármann Olgeirsson
2006    Ármann Olgeirsson      
2007    Smári Sigurðsson        
2008    Smári Sigurðsson
2009    Benedikt Þorri Sigurjónsson
2010    Rúnar Ísleifsson 
2011       ? 

Heimasíða Goðans

Daði sigraði á fimmtudagsmóti TR

Daði Ómarsson  sigraði með fullu húsi á fimmtudagsmótinu í TR í gær.  Að öðru leyti var baráttan hörð um næstu sæti en þar urðu þeir Eiríkur (Kolbeinn þ.e.a.s.) og Birkir Karl hlutskarpastir eftir harða baráttu við Elsu Maríu, Jón og Eirík Örn. Skákstjóri var Eiríkur K. Björnsson.  Lokastaðan í gærkvöldi varð:

1   Daði Ómarsson                   7      

2   Eiríkur K. Björnsson            6  

3   Birkir Karl Sigurðsson          5     

4   Elsa María Kristínardóttir      4.5    

5-8  Jón Úlfljótsson                4      

     Eiríkur Örn Brynjarsson        4     

     Gauti Páll Jónsson             4       

     Tjörvi Schiöth                 4      

9-11  Jon Olav Fivelstad            3.5    

      Sigurjón Haraldsson           3.5    

      Guðmundur Gunnlaugsson        3.5    

12-14 Pétur Jóhannesson             3      

      Davíð Sigurðsson              3     

      Kjell Valerhaugen             3     

15-16 Óskar Long Einarsson          2   

      Björgvin Kristbergsson        2    

17    Eysteinn Högnason             1