Hraðskákmót Garðabæjar fer fram í dag

Hraðskákmót Garðabæjar fer fram í dag frá kl. 20 í gamla betrunarhúsinu Garðatorgi 1 í Garðabæ. 

Verðlaun verða verðlaunagripir fyrir efstu 3 sæti auk þess sem sigurvegari hlýtur 5000 kr. 

Þátttaka er ókeypis fyrir félagsmenn Taflfélags Garðabæjar og þátttakendur í skákþingi Garðabæjar 2011, aðrir greiða 500 kr.

Hraðskákmeistaramót Þróttar fer fram í kvöld

Hraðskákmeistaramót Víkingaklúbbsins-Þróttar verður haldið fimmtudaginn
15. desember og hefst taflið kl. 19:30. Tefldar verða 9 umferðir með
fimm mínútna umhugsunartíma. Teflt er í húsnæði knattspyrnufélagsins
Þróttar Laugardal (Engjavegi 7). Verðlaunagripir verða fyrir þrjú efstu
sætin og einnig sérstök unglinga og kvennaverðlaun. Mótið er opið öllum
skákmönnum.

Fimmtudagsmót hjá TR í kvöld

Fimmtudagsmót er hjá TR í kvöld og hefst kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10.  Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Benedikt, Kristján og Björn efstir á Vetrarmóti öðlinga - Benedikt öðlingameistari

Benedikt Jónasson (2237), Kristján Guðmundsson (2277) og Björn Freyr Björnsson (2164) urðu efstir og jafnir og Vetrarmóti öðlinga sem lauk í kvöld.  Benedikt hafði sigur á mótinu eftir stigaútreikning og er þar með Vetrarmeistari öðlinga.   Benedikt var fjarstaddur, fór af landi brott í morgun en hann og Halldór Grétar Einarsson höfðu teflt skákina í gær.  Skákstjórar tefldu skákina jafnóðum á sama hraða og hún var tefld og héldu úrslitum leyndum fyrir öðrum.  Lokastöðuna má finna á Chess-Results.

Atvinnueignir gáfu farandbikar sem afhentur verður sigurvegaranum síðar.  

• Heimasíða mótsins
• Chess-Results
• Myndaalbúm (GB)

Páll Leó vetrarstöðumeistari SSON

Þrettán keppendur settust að tafli í kvöld á hinu árlega Vetrarsólstöðumóti SSON þar á meðal góðir gestir og miklir vinir félagsins þeir Óskar Haraldsson og Gunnar Freyr Rúnarsson með þeim í för var einnig þýðversk stúlka frá Nürnberg er gegnir nafninu Lea, því voru hvorutveggja ljón og ljónynja að tafli á Selfossi í kvöld.

Tefldar voru 5 mínútna skákir allir við alla og öfugt.  Snemma tóku þeir Gunnar Freyr og Páll Leó forystuna með þá bræður Úlfhéðinn og Ingimund skammt undan, aðrir náðu ekki að blanda sér af neinu viti í topbaráttuna.

Í áttundu umferð mættust þeir Gunnar og Páll, þar hafði Páll öruggan sigur og náði forystunni og lét hana ekki af hendi það sem lifði móts.  Sá eini sem náði að taka vinning af Páli var Grantas sem náði þó ekki nema hálfum.

Lokastaða:

1. Páll Leó                     11,5
2. Gunnar Freyr             10,5
3. Úlfhéðinn                    8
4. Ingimundur                 6,5
5.-7. Grantas                 6
5.-7. Ingvar Örn             6
5.-7. Erlingur J                6
8.-9. Inga                       5,5
8.-9. Magnús M              5,5
10. Óskar H                    4,5
11.-13. Lea                    3
11.-13. Magnús Garð      3
11.-13. Erlingur Atli         3

Miðvikudaginn 28.des fer fram jólamót félagsins og hefst taflmennska venju samkvæmt kl 19:30.

Átta stórmeistarar taka þátt í Friðriksmóti Landsbankans - Íslandsmótinu í hraðskák

Hvorki meira né en minna en átta stórmeistarar taka þátt í Friðriksmóti Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 18. desember.   Keppendalista í stigaröð má finna á Chess-Results.

Mótið fyllist á aðeins 18 klukkustundum en þátttaka á mótinu takmarkast við um 80 skákmenn.  Þeir sem eru á biðlista geta fylgst með stöðu sinni á honum hér.  Skráðir keppendur sem sjá fram á að geta ekki verið með eru beðnir um að láta vita sem fyrst í netfangið [e-mail] til að aðrir komist að.  

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2)   60.000 kr.
• 3)   50.000 kr.
• 4)   30.000 kr.
• 5)   20.000 kr.

Aðalverðlaun skiptast séu menn jafnir að vinningum.  

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun eru miðað við nýjustu útgefin íslensk skákstig.   Reiknuð eru stig séu menn jafnir og efstir. 

Efsti keppandi mótsins verður Íslandsmeistari í hraðskák.   Verði tveir eða fleiri efstir ræður stigaútreikningur.  Núverandi Íslandsmeistari í hraðskák er Jón Viktor Gunnarsson en hann sigraði í mótinu í fyrra ásamt Þresti Þórhallssyni. 

Þetta er áttunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga.

Fyrri sigurvegarar:

• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

 

Vetrarmót öðlinga: Spennandi lokaumferð í kvöld

Lokaumferð Vetrarmóts öðlinga fer fram í kvöld.  Spennan er mikil en sex keppendur geta sigrað á mótinu.  Kristján Guðmundsson (2277) og Björn Freyr Björnsson (2164) eru efstir með 5 vinninga.  Í 3.-6. sæti eru Benedikt Jónasson (2237), Þorsteinn Þorsteinsson (2237), Halldór Grétar Einarsson (2236) og Halldór Pálsson (1974).

Í lokaumferðinni sem hefst kl. 19:30 mætast m.a.:  Kristján - Björn Freyr, Halldór Grétar - Benedikt og Þorsteinn - Halldór Pálsson.

• Heimasíða mótsins
• Chess-Results
• Myndaalbúm (GB)

Haukur og Sæbjörn efstir á Jólaskákmóti Ása

Það var mikið skákmanna val af heldri gerðinni sem mætti í Stangarhylinn í gær til þess að taka þátt í Jólahraðskákmótinu. Þrjátíu og fjórir mættu til leiks og tefldu níu umferðir með sjö mínútna umhugsunartíma.

Haukur Angantýsson og Sæbjörn Guðfinnsson urðu jafnir og efstir með 7.5 vinninga af 9 mögulegum, en Haukur var hærri á stigum og fékk því bikarinn og verðlaunapening, Sæbjörn fékk silfrið og  Þór Valtýsson náði þriðja sætinu með 7 vinninga.

Eftir verðlaunaafhendingu var dregið í happdrætti þar sem allir þátttakendur fengu vinning,sá sem var neðstur í mótinu fékk að draga fyrst.

Finnur Kr Finnsson sá um skákstjórn og happdrætti.

Úrslit hjá tuttugu efstu:

• 1-2       Haukur Angantýsson                          7.5 vinninga    40.5 stig
•             Sæbjörn Guðfinnsson                         7.5                   38.5
• 3          Þór Valtýsson                                      7
• 4          Össur Kristinsson                                6.5
• 5-7       Guðfinnur R Kjartansson                    6
•             Valdimar Ásmundsson                       6
•             Jón Víglundsson                                 6
• 8          Gísli Gunnlaugsson                             5.5
• 9-14     Haraldur Axel Sveinbjörnsson            5
•             Óli Árni Vilhjálmsson                         5
•             Stefán Þormar                                     5
•             Björn V Þórðarson                              5
•             Einar S Einarsson                                5
•             Birgir Ólafsson                                    5
• 15-20   Þorsteinn Guðlaugsson                       4.5
•             Ásgeir Sigurðsson                               4.5
•             Birgir Sigurðsson                                4.5
•             Bragi G Bjarnarson                             4.5
•             Halldór Skaftason                               4.5
•             Sigurður Kristjánsson                          4.5
• 21-25   Eiður Á Gunnarsson                           4
•             Gísli Árnason                                      4
•             Friðrik Sófusson                                  4
•             Magnús V Pétursson                           4
•             Hermann Hjartarson                            4
• 26-28   Gísli Sigurhansson                              3.5
•             Leifur Eiríksson                                  3.5
•             Kort Ásgeirsson                                  3.5

 

Næstu sex fengu örlítið færri vinninga.

Fyrsti skákdagur eftir áramót verður 3 janúar.

Myndaalbúm (ESE)

Hraðskákmeistaramót Þróttar fer fram á fimmtudag

Hraðskákmeistaramót Víkingaklúbbsins-Þróttar verður haldið fimmtudaginn 15. desember og hefst taflið kl. 19:30. Tefldar verða 9 umferðir með fimm mínútna umhugsunartíma. Teflt er í húsnæði knattspyrnufélagsins Þróttar Laugardal (Engjavegi 7). Verðlaunagripir verða fyrir þrjú efstu sætin og einnig sérstök unglinga og kvennaverðlaun. Mótið er opið öllum skákmönnum.

Milljón hugmyndir til að markaðssetja skák

Mjög athyglisvert viðtal má finna við forseta Skáksambands Rússlands, Ilya Levitov, á heimasíðu ChessBase í dag.  Þar fjallar hann m.a. um markaðssetningu skákarinnar og mikilvægi þess að hafa beinar útsendingar. 

Nokkur viðtalsbrot:

I don’t think so. Moreover, I am sure we won’t. TV will not buy chess. However, the important thing is for chess to be on TV. It’s not the money we are after.

Anybody and everybody! Children, adults, veterans, old people – just everybody! Chess should be pitched at the level for everybody to understand it.

I personally don’t know a single sponsor who would give us the money only because our leader is an assistant to the President of the Russian Federation. That wouldn’t be a sufficient reason.

[Um Tal Memorial] It’s not confidential information. But at the moment we are in the process of financial evaluations. To put it simply, we haven’t made all the calculations so far. Roughly, it’s from five hundred thousand to a million US Dollars including the prize fund.

[Um áhorfendur á skákstað] Bygone already.

Viðtalið í heild sinni