KORNAX mótið 2012 - Skákþing Reykjavíkur hefst 8. janúar

KORNAX mótið 2012 - Skákþing Reykjavíkur hefst sunnudaginn 8. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 100.000
• 2. sæti kr. 50.000
• 3. sæti kr. 25.000
• Besti árangur undir 2000 skákstigum kr. 10.000 (íslensk stig gilda)
• Besti árangur undir 1800 skákstigum kr. 10.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2012 og farandbikar til varðveislu í eitt ár.  Núverandi Skákmeistari Reykjavíkur er Björn Þorfinnsson.

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   8. janúar  kl. 14
• 2. umferð miðvikudag 11. janúar  kl. 19.30
• 3. umferð föstudag     13. janúar  kl. 19.30
• 4. umferð sunnudag   15. janúar  kl. 14
• 5. umferð miðvikudag 18. janúar  kl. 19.30
• 6. umferð föstudag      20. janúar  kl. 19.30
• 7. umferð sunnudag    22. janúar  kl. 14
• 8. umferð miðvikudag 25. janúar  kl. 19.30
• 9. umferð föstudag      27. janúar  kl. 19.30

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Helgi Árnason Fjölnismaður ársins

Helgi Árnason formaður skákdeildar Fjölnis varð fyrir valinu í ár sem Fjölnismaður ársins 2011. Þetta er mikill heiður fyrir starf skákdeildarinnar sem Helgi hefur haldið utan um frá stofnun. Barna-og unglingastarfið hefur blómstarð í skákinni í Grafarvogi og þar er að finna óvenjumikla breidd afrekskrakka á sviði skáklistarinnar.

Það var formaður Fjölnis, Jón Karl Ólafsson sem tilkynnti útnefninguna og fylgdi henni eftir með orðum. " Helgi er vel af þessum titli kominn.  Hann stofnaði skákdeildina ásamt Hróksmönnum árið 2004 og hefur stýrt deildinni síðan sem formaður af miklum sóma. Tímamót urðu í sögu skákdeildar þegar fyrsti Íslandsmeistaratitillinn í liðakeppni vannst núna í nóvember þegar A sveit skákdeildarinnar vann með óvenju miklum yfirburðum Íslandsmót unglingasveita. Þetta er aðeins lítið brot af árangri deildarinnar.  Helgi er vakinn og sofinn yfir starfsemi deildarinnar, það eru fáir laugardagarnir síðan 2004 sem hann hefur ekki mætt í Rimaskóla á æfingar skákdeildarinnar. Skákdeildin er með engin æfingagjöld, Helgi hefur með dugnaði og elju aflað styrkja til að deildin beri sig svo allir geti æft án gjalda."

Skákdeild Fjölnis hefur áður verið heiðruð af Grafarvogsbúum því að á Grafarvogsdaginn árið 2009 fékk hún afhentan "Máttarstólpan" fyrir framúrskarandi félagsstarf í hverfinu.

Fjör á jólaskákmóti: Davíð hreppti Þúsund og eina þjóðleið í Vin

Davíð Kjartansson sigraði á bráðskemmtilegu og vel sóttu jólaskákmóti sem haldið var í Vin í dag. Fyrir sigurinn hlaut Davíð stórvirki Jónasar Kristjánssonar, Þúsund og ein þjóðleið. Davíð hlaut 5½ vinning af 6 mögulegum. Næstur kom Tómas Björnsson með 5 vinninga og bronsið hreppti Gunnar Freyr Rúnarsson með 4½.

Bestum árangri kvenna náði Elsa María Kristínardóttir, Íslandsmeistari 2011, og ungmennaverðlaun hlaut hinn efnilegi Hilmir Freyr Heimisson.

Heiðursgestir jólamótsins voru Styrmir Gunnarsson og Vigdís Grímsdóttir. Bæði eru þau í stjórn Vinafélagsins, sem stendur vörð um starfið í Vin, og bæði gefa þau út bækur nú fyrir jólin.

Vigdís sendir frá sér skáldsöguna Trúir þú á töfra? og Styrmir gefur út Ómunatíð, sem fjallar um geðveiki.

Styrmir og Vigdís færðu Vin bækur sínar að gjöf í tilefni dagsins og síðan léku þau fyrsta leikinn í skák Hauks Angantýssonar og Gunnars Björnssonar.

Keppendur voru alls 27 og komu úr öllum áttum, svo úr varð alþjóðlegt stórmót við Hverfisgötuna þar sem allir skemmtu sér hið besta. Sögur útgáfa gaf glæsileg verðlaun og vinninga í happdrætti sem efnt var til í mótslok. Skákfélag Vinjar stóð að mótinu og naut aðstoðar Skákademíu Reykjavíkur.

Lokastaðan:

1. sæti: Davíð Kjartansson 5½  2. sæti: Tómas Björnsson 5 vinninga. 3. sæti: Gunnar Freyr Rúnarsson 4½ 4.-8. sæti: Gunnar Nikulásson, Hilmir Freyr Heimisson, Ágúst Örn Gíslason, Jón Árni Jónsson, Haukur Angantýsson 4. 9.-10. sæti: Birgir Berndsen, Óttar Norðfjörð 3½ vinning.  11.-15. sæti: Gunnar Björnsson o.fl., Heimir Guðjónsson, Elsa María Kristínardóttir, Sveinbjörn Jónsson, Michael Beuffre 3 vinninga.  16.-17. sæti: Jorge Fonseca, Hörður Garðarsson 2½ vinning. 18.-22. sæti: Guðmundur Valdimar Guðmundsson, Lea Kinleindser,  Jón Gauti Magnússon, Arnar Valgeirsson, Margrét Rún Sverrisdóttir 2 vinninga. 23.-24. sæti: Haukur Halldórsson, Magnús Matthíasson 1½ vinning. 25.-27. sæti:  Jóhanna Ósk Kristjánsdóttir, Denis Valantin, Morina Fitim ½ vinning.

Myndaalbúm mótsins (HJ)

Fáheyrðir yfirburðir Caruano

Stigahæsta ungmenni heims, Fabiano Caruana (2727) sigraði með fáheyrðum yfirburðum á Meistaramóti Ítalíu sem lauk um helgina.  Ítalinn ungi hlaut 10 vinninga í 11 skákum og var 3½ vinningi fyrir ofan næsta mann alþjóðlega meistarann Daniyyl Dvirnyy (2475). 

Fjórði meistaratitillinn meistarans sem er athyglisvert í ljósi þess að hann er aðeins 19 ára!

Ítalíumeistarinn hækkar um heil 11 stig fyrir frammistöðu sína og styrkir stöðu sína sem stighæsta ungmenni heims (miðað við 20 ára og yngri).  

Heimasíða mótsins

Kramnik sigurvegari London Chess Classic

Heimsmeistarinn fyrrverandi, Vladimir Kramnik (2800) sigraði á ofurskákmótinu London Chess Classic sem lauk í dag.  Kramnik gerði jafntefli við Aronian (2802) í lokaumferðinni.  Nakamura (2758) náði öðru sæti eftir sigur á Adams (2734) í skrautlegri skák.   Carlsen (2826) varð aðeins þriðji eftir jafntefli við Short (2698).  McShane (2671), stigahæsti amatör í heimi eins og hann hefur verið kallaður, varð fjórði og var langbestur heimamanna. 

Lokastaðan:

• 1. Kramnik (2800) 16 stig
• 2. Nakamura (2758) 15 stig
• 3. Carlsen (2826) 14 stig
• 4. McShane (2671) 13 stig
• 5.-6. Aronian (2802) og Anand (2811) 9 stig
• 7. Short (2698) 6 stig
• 8. Howell (2633) 4 stig
• 9. Adams (2734) 3 stig

Það er athyglisvert að aðeins um 1% lesenda Skák.is spáðu Kramnik sigri á mótinu.

• Heimasíða mótsins (margskonar útsendingar)
• Beinar útsendingar (hefjast kl. 14 nema lokaumferðin kl. 12)
• Chessbomb (skák- og tölvuskýringar)

Guðmundur með jafntefli við Pert - góð frammistaða íslensku skákmannanna í London

Guðmundur Gíslason (2318) gerði jafntefli við enska stórmeistarann og landsliðsmanninn Nicholas Pert (2563) í níundu og síðustu umferð b-flokks London Chess Classic sem fram fór í gær.  Bjarni Jens Kristinsson (2045) vann sína skák og Birkir Karl Sigurðsson (1649) átti enn eitt gott jafnteflið gegn stigahærri andstæðingi.  Björn Þorfinnsson (2402) tapaði fyrir stórmeistaranum og afmælisbarninu Gawain Jones (2635).

Björn og Guðmundur fengu 6 vinninga og enduðu í 20.-34. sæti, Bjarni Jens fékk 4½ vinning og endaði í 91.-125. sæti og Birkir Karl fékk 4 vinninga og endaði í 126.-158. sæti.

Frammistaða Björns samsvaraði 2460 skákstigum, Guðmundar 2393 skákstigum, Bjarna 2028 skákstigum og Birkir 1882 skákstigum.  

Björn, Guðmundur og Birkir Karl hækka allir í stigum fyrir frammistöðuna á mótinu.  Birkir hækkar mest eða um 29 skákstig og virðist vera á mikilli siglingu þessa dagana, Guðmundur hækkar um 14 stig og Björn hækkar um 8 stig.  Bjarni Jens lækkar um 4 stig.  Semsagt 47 skákstigahækkun fyrir íslenska skákmenn!

Mótið var mót Indverjanna.   Abhjeet Gupta (2640) sigraði á mótinu en hann hlaut 8 vinninga.  Sahai Grover (2515) varð svo annar með 7½ vinning. 

A-flokkurinn er hins vegar enn í fullum gangi og lokaumferðin fer fram í dag og hefst kl. 12.  Þar hefur Kramnik pálmann í höndunum.

231 skákmaður tók þátt í b-flokknum og þar á meðal 11 stórmeistarar og 22 alþjóðlegir meistarar.  Björn var nr. 22 í styrkleikaröð keppenda, Guðmundur nr. 35, Bjarni Jens nr. 120 og Birkir Karl nr. 220.

• Heimasíða mótsins
• Beinar útsendingar - Sex efstu borðin - hefjast kl. 14:30

Jólaskákmót í Vin í dag

Jólaskákmót í Vin, Hverfisgötu 47, verður haldið á mánudaginn, 12. desember klukkan 13. Verðlaun og vinningar eru glæsilegar og forvitnilegar nýjar bækur frá Sögum útgáfu.

Jólamótið er öllum opið, þátttaka er ókeypis og allir eru hjartanlega velkomnir.

 

Að mótinu stendur Skákfélag Vinjar, með stuðningi Skákakademíu Reykjavíkur. Tefldar verða 6 umferðir með 7 mínútna umhugsunartíma. Fyrstu verðlaun eru stórvirkið 1001 þjóðleið eftir Jónas Kristjánsson, þar sem yfir 1.000 göngu- og reiðleiðum er lýst og þær sýndar á vönduðum kortum.

Aðrir sem ná á verðlaunapall fá líka splunkunýjar bækur, auk þess sem veitt eru verðlaun fyrir bestan árangur ungmenna og kvenna. Þá verður efnt til happdrættis, svo allir eiga keppendur eiga möguleika á að hreppa ilmandi nýjan prentgrip.

Heiðursgestir við setningu Jólaskákmótsins eru þrír stjórnarmenn úr Vinafélaginu, sem eiga sameiginlegt að gefa út bók nú fyrir Jólin.  Vigdís Grímsdóttir gefur skáldsöguna Trúir þú á töfra, Styrmir Gunnarsson er höfundur bókarinnar Ómunatíð, sem er ómetanlegt framlag til upplýstrar umræðu um geðsjúkdóma og áhrif þeirra, Þráinn Bertelsson skrifaði Fallið sem er að mati yfirlæknis SÁÁ ,,stórkostleg bók" um alkóhólisma.

Jólaandinn mun svífa yfir vötnum og taflborðum í Vin, enda verður boðið upp á mandarínur, piparkökur, jólaöl og fleira góðgæti. Allir eru velkomnir í Vín, Hverfisgötu 47, sími 561 2612. Nánari upplýsingar veitir Arnar Valgeirsson í [e-mail].

Unglingarnir og lyfjafræðingurinn sigruðu á Atskákmóti Icelandair

 

 

Unglingarnir og lyfjafræðingurinn sigruðu á Atskákmóti Icelandair sem fram fór um helgina í Hóteli Natura (Loftleiðum).   Keppnin var mjög spennandi og loftið á skákstað mjög lævi blandað.  Unglingarnir og lyfjafræðingurinn tóku keppnina með mögnuðum endaspretti og ljóst að unglingarnir voru í betra formi en margur eldri skákmaðurinn!  Einherjar tóku einnig góðan endasprett og náðu öðru sæti.  Three Burritos & One Pink Taco höfnuðu í 3. sæti. 

Röð efstu liða:

• 1. Unglingarnir og lyfjafræðingurinn 47 v.
• 2. Einherjar 45,5 v.
• 3. Three Burritos & One Pink Taco 44,5 v.
• 4. Who Keres 44 v.
• 5. SA 43 v.
• 6. Heiðursmenn 42,5 v.
• 7. Hösmagi 41,5 v.
• 8. Bersekri 40 v.

Sigursveitina skipuðu:

• 1. Hjörvar Steinn Grétarsson 13,5 v. af 17 (fékk 11,5 í síðustu 12)
• 2. Davíð Ólafsson 13,5 v. af 17
• 3. Daði Ómarsson 14,5 v. af 17
• 4. Vignir Vatnar Stefánsson 5,5 v. af 17 v.

Þessir fengu allar ferðir fyrir tvo á flug Icelandair í Evrópu og eru hér með hvattir til að nota þá í skáklegum tilgangi!

Guðmundur Kjartansson varð svo útdreginn og fær flug fyrir tvo til Ameríku.

Bestum árangri á einstökum borðum náðu svo:

• 1. Bragi Þorfinnsson (Who Keres)
• 2. Jón Viktor Gunnarsson (Who Keres)
• 3. Davíð Kjartansson (Three Burritos & One Pink Taco)
• 4. Mikhael Jóhann Karlsson (SA)
• 5. Magnús Sigurjónsson (Bolvíkingar)

Hilmir Freyr Heimisson fékk verðlaun fyrir óvæntustu úrslitin en hann vann Guðmund Halldórsson sem var tæpum 800 stigum hærri!

Skákstjóri var Páll Sigurðsson.

Frábært framtak hjá Icelandair og afskaplega vel staðið að mótinu.   Að öðrum ólöstuðum á Óskar Long Einarsson langmestan heiður fyrir þennan skemmtilegan viðburð sem óneitanlega stytti biðinu eftir jólunum hjá mörgum skákmanninum.

Fleiri myndir væntanlegar á morgun.

• Chess-Results 
• Myndaalbúm (PS)

Héðinn með jafntefli við Shirov í dag

Héðinn Steingrímsson (2562) gerði jafntefli við spænska ofurstórmeistarann Alexei Shirov (2713) í sjöundu umferð þýsku deildakeppninnar (Bundesligan) sem fram fór í dag.  Halldór Grétar fer yfir skákina á Skákhorninu. Héðinn átti fína helgi en hann gerði tvö jafntefli gegn mjög sterkum skákmönnum.   

Báðar skákir Héðins um helgina fylgja með sem viðhengi.  

Keppninni verður framhaldið 4. og 5. febrúar með 8. og 9. umferð.

Henrik Danielsen tefldi einnig um helgina í neðri deild.  Hann vann þýska FIDE-meistarann Dr. Markus Hochgraefe (2350).  

• Heimasíða mótsins
• Beinar útsendingar (tölvuskýringar)
  

 

Veljið skák (2 alls): 1: Steingrimsson, Hedinn - Lupulescu, Constantin 2: Shirov, Alexei - Steingrimsson, Hedinn

[Event "Schachbundesliga 2011/2012"] [Date "2011.12.10"] [Round "6.1"] [Board "1"] [White "Steingrimsson, Hedinn"] [Black "Lupulescu, Constantin"] [Result "1/2-1/2"] [WhiteClock "00:33:00"] [BlackClock "00:31:00"] [WhiteElo "2562"] [BlackElo "2655"] [WhiteClub "SC Hansa Dortmund"] [BlackClub "SG Trier 1877"] [PlyCount "111"] 1. d4 Nf6 2. c4 e6 3. Nc3 Bb4 4. Qc2 d5 5. a3 Bxc3+ 6. Qxc3 Ne4 7. Qc2 Nc6 8. e3 e5 9. f3 Qh4+ 10. g3 Nxg3 11. Qf2 Nf5 12. cxd5 Na5 13. Rb1 Nb3 14. dxe5 Qh6 15. Bd3 Nxc1 16. Bxf5 Bxf5 17. Rxc1 O-O 18. Ne2 Rae8 19. e4 Rxe5 20. Rxc7 Bc8 21. Rg1 g6 22. Kd1 Rh5 23. Qc5 b6 24. Qc4 Bh3 25. Qc1 Qxc1+ 26. Kxc1 Rc8 27. Rxc8+ Bxc8 28. Rg2 Kf8 29. Kd2 Ke7 30. Ke3 Kd6 31. b4 Bd7 32. Nd4 a6 33. a4 f5 34. a5 bxa5 35. bxa5 Rh3 36. Kf4 fxe4 37. fxe4 Ra3 38. Rd2 Ra4 39. h4 h6 40. Nf3 Rxa5 41. Rg2 Be8 42. Ne5 Ra1 43. Nxg6 Rf1+ 44. Ke3 Re1+ 45. Kf3 Rf1+ 46. Ke3 Re1+ 47. Kd4 Rd1+ 48. Kc3 Re1 49. Kd4 Rd1+ 50. Kc3 Re1 51. Kd3 Bb5+ 52. Kd4 Rd1+ 53. Ke3 Re1+ 54. Kd4 Rd1+ 55. Ke3 Re1+ 56. Kd4 1/2-1/2

[Event "Schachbundesliga 2011/2012"] [Date "2011.12.11"] [Round "7.1"] [Board "1"] [White "Shirov, Alexei"] [Black "Steingrimsson, Hedinn"] [Result "1/2-1/2"] [WhiteClock "00:37:00"] [BlackClock "00:27:00"] [WhiteElo "2713"] [BlackElo "2562"] [WhiteClub "OSG Baden-Baden"] [BlackClub "SC Hansa Dortmund"] [PlyCount "96"] 1. e4 e5 2. Nf3 Nc6 3. Bb5 Nf6 4. O-O Nxe4 5. d4 Nd6 6. Bxc6 dxc6 7. dxe5 Nf5 8. Qxd8+ Kxd8 9. Nc3 Ke8 10. h3 Be7 11. g4 Nh4 12. Nxh4 Bxh4 13. Ne2 h5 14. f3 b6 15. Nf4 Ba6 16. Rd1 hxg4 17. fxg4 Ke7 18. b3 Bb7 19. e6 Rhd8 20. Rf1 Bf6 21. exf7 c5 22. f8=Q+ Rxf8 23. Ng6+ Ke8 24. Bb2 Bd4+ 25. Bxd4 Rxf1+ 26. Rxf1 cxd4 27. Rf8+ Kd7 28. Rf4 Re8 29. Rxd4+ Kc8 30. Rd2 a5 31. Kf2 Re6 32. Nh4 a4 33. bxa4 Re4 34. Nf5 g6 35. Nd4 c5 36. Nb5 Rxa4 37. Rd6 g5 38. Ke3 Rxa2 39. Rh6 Bg2 40. c4 Kd7 41. Nc3 Rc2 42. Na4 Ke8 43. Nxb6 Bxh3 44. Re6+ Kf7 45. Re4 Bf1 46. Nd7 Re2+ 47. Kf3 Rxe4 48. Kxe4 Ke7 1/2-1/2

Kramnik efstur fyrir lokaumferðina

Kramnik (2800) vann McShane (2671) í áttundu og næstsíðustu umferð London Chess Classic sem fram fór í dag.  Öðrum skákum lauk með jafntefli.  Kramnik hefur þar með tveggja stiga forystu á Carlsen fyrir lokaumferðina sem fram fer á morgun.   Nakamura og McShane eru svo stigi þar á eftir.

Staðan:

• 1. Kramnik (2800) 15 stig
• 2. Carlsen (2826) 13 stig
• 3.-4. McShane (2671) og Nakamura (2758) 12 stig
• 5.-6. Aronian (2802) og Anand (2811) 8 stig
• 7. Short (2698) 5 stig
• 8. Howell (2633) 4 stig
• 9. Adams (2734) 3 stig

Howell hefur teflt skákir en aðrir hafa teflt 7 skákir. Í 9. og síðustu umferð sem fram fer á morgun og hefst kl. 12 mætast m.a: Kramnik - Aronian og Short - Carlsen.

• Heimasíða mótsins (margskonar útsendingar)
• Beinar útsendingar (hefjast kl. 14 nema lokaumferðin kl. 12)
• Chessbomb (skák- og tölvuskýringar)