Björn með fullt hús - Bjarni Jens vann alþjóðlegan meistara

Íslensku skákmennirnir halda áfram að standa sig vel á London Chess Classic.  Björn vann sína þriðju skák í röð er hann sigraði Englendinginn Roger Williamson (2157).   Bjarni Jens Kristinsson (2045) gerði sér svo lítið fyrir og vann enska alþjóðlega meistarann Jack Rudd (2290).   Guðmundur Gíslason (2318) og Birkir Karl Sigurðsson (1649) töpuðu hins vegar.  Guðmundur og Bjarni Jens hafa 2 vinninga en Birkir Karl hefur 1½ vinning.

Björn mætir enska landsliðsmanninum og stórmeistaranum Nicholas Pert (2563) á morgun og Bjarni Jens mætir enska FIDE-meistaranum Dave Ledger (2228). 

231 skákmaður tekur þátt í b-flokknum og þar á meðal 11 stórmeistarar og 22 alþjóðlegir meistarar.  Björn er nr. 22 í styrkleikaröð keppenda, Guðmundur nr. 35, Bjarni Jens nr. 120 og Birkir Karl nr. 220.  

 

• Heimasíða mótsins
• Beinar útsendingar - Sex efstu borðin - hefjast kl. 14:30 (nema 4. umferð kl. 16:30)
• Chessbomb -skák- og tölvuskýringar

 

Carlsen efstur eftir sigur á Nakamura

Það er sem fyrr fjörlega teflt á London Chess Classic-mótinu sem nú er í fullum gangi.  Carlsen (2826) náði forystu á mótinu með sigri á Nakamura (2758).   Heimamaðurinn Luke McShane (2671) virðist vera í feiknaformi og vann nú landa sinn Michael Adams (2734).  McShane er annar með 5 stig.  Aronian (2802) vann Short (2698).  

Staðan:

• 1. Carlsen (2826) 7 stig
• 2. McShane (2671) 5 stig
• 3.-5. Nakamura (2758), Aronian (2802) og Kramnik (2800) 4 stig
• 6.-8. Adams (2734), Anand (2811) og Howell (2633) 2 stig
• 9. Short 0 stig.

Kramnik, Anand og Short hafa teflt 2 skákir en aðrir hafa teflt 3 skákir.  Veitt eru 3 stig fyrir sigur og 1 fyrir jafntefli

Í 4. umferð sem fram fer á morgun mætast m.a: Carlsen - Kramnik og Anand - Nakamura.  Umferðin hefst kl. 16.

• Heimasíða mótsins (margskonar útsendingar)
• Beinar útsendingar (hefjast kl. 14 nema 4. umferð kl. 16 og  lokaumferðin kl. 12)
• Chessbomb (skák- og tölvuskýringar)

 

Fjórskák í Laugalæk

Þann 1. desember fór fram í Laugalækjarskóla eitt fjölmennasta skákmót landsins. Þá hittust 98 nemendur úr fjórum grunnskólum Reykjavíkur og reyndu með sér í þessum þroskandi leik í miklu bróðerni. Allir höfðu gaman að og margir vildu tefla fleiri en þær 7 umferðir sem hægt var að koma við að þessu sinni.

 Örmjótt var á munum úr lokin en bestum árangri náðu eftirtalin:

• Dagur Ragnarsson og Oliver Aron Jóhannesson úr Rimaskóla fengu 6,5 vinninga af 7.
• Kristófer Jóel Jóhannesson, Nansý Davíðsdóttir (9 ára!) og Hrund Hauksdóttir úr Rimaskóla fengu 6 vinninga.
• Leifur Þorsteinsson úr Hagaskóla og Kristinn Andri úr Engjaskóla fengu 5,5 vinninga.
• 5 vinninga fengu síðan þau Jóhannes Kári Sólmundarson, Rafnar Friðriksson, Garðar Sigurðarson og Hilmar Aron Sveinbjörnsson úr Laugalækjarskóla, Jón Jakob úr Hagaskóla, Theodór Rocha, Joshua Davíðsson (6 ára!) og Svandís Rós Ríkharðsdóttir úr Rimaskóla og svo Elín Nhung Viggósdóttir, Sara Hanh og Jóhannes Karl Kristjánsson úr Engjaskóla.

Mikið reyndi á Svavar Viktorsson kennara við Laugalækjarskóla við skákstjórn því þegar 98 kappsfullir krakkar reyna með sér í hraðskák þá er spennustigið hátt. Allt gekk þó vonum framar.

Krakkar úr þessum fjórum skólum hittast fjórum sinnum í vetur og mætast þá gjarnan 20 manna sveitir úr hverjum skóla. Þetta er þriðji veturinn í röð sem þetta er gert og áttu Helgi Árnason skólastjóri Rimaskóla og Sturla Snæbjörnsson kennari í Hagaskóla frumkvæði að framtakinu í upphafi. Næst verður keppt í Hagaskóla 9. febrúar 2012 og þá verður væntanlega sveitakeppni.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 5. desember nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Rimaskóli sigraði í yngri flokki Jólamóts TR og SFS

Yngri flokkur Jólaskákmóts TR og SFS fór fram 4. desember í skákhöll Taflfélags Reykjavíkur að Faxafeni 12. 

34 sveitir tóku þátt sem er þátttökumet. 

Sigurvegari í stúlknaflokki varð stúlknasveit Rimaskóla, sem hlaut 16 vinninga af 24 mögulegum.  Í öðru sæti varð stúlknasveit Árbæjarskóla, sem hlaut 11 vinninga. 

Stúlknasveit Rimaskóla var þannig skipuð:

• 1.     borð Svandís Rós Ríkharðsdóttir
• 2.     borð Ásdís Birna Þórarinsdóttir
• 3.     borð Tinna Sif Aðalsteinsdóttir
• 4.     borð Heiðrún Anna Hauksdóttir

Stúlknasveit Árbæjarskóla var þannig skipuð:

• 1.     borð Halldóra Freygarðsdóttir
• 2.     borð Sólrún Elín Freygarðsdóttir
• 3.     borð Rakel Sara Magnúsdóttir
• 4.     borð Iveta Chavdorova
• 1.     vm. Eva Dís Erlendsdóttir
• 2.     vm. Ragnheiður Dís Embludóttir

Sigurvegar í opnum flokki varð a-sveit Rimaskóla sem hlaut 23 vinninga af 24 mögulegum.  Í öðru sæti varð a-sveit Árbæjarskóla sem hlaut 18½ vinning og í þriðja sæti varð b-sveit Rimaskóla sem hlaut 16 vinninga.   Hafði b-sveit Rimaskóla 3. sætið eftir stigaútreikning.

A-sveit Rimaskóla var þannig skipuð:

• 1.     borð Kristófer Jóel Jóhannesson
• 2.     borð Nansý Davíðsdóttir
• 3.     borð Jóhann Arnar Finnsson
• 4.     borð Viktor Ásbjörnsson

A-sveit Árbæjarskóla var þannig skipuð:

• 1.     borð Jakob Alexander Petersen
• 2.     borð Andri Már Hannesson
• 3.     borð Þorsteinn Freygarðsson
• 4.     borð Sigurður Alex Pétursson
• vm. Fannar Sigurðsson

B-sveit Rimaskóla var þannig skipuð:

• 1.     borð Axel Hreinn Hilmisson
• 2.     borð Aðalgeir Friðriksson
• 3.     borð Kristófer Halldór Kjartansson
• 4.     borð Mikolaj Oskar Schojcki

Heildarúrslit mótsins urðu þessi:

1.	Rimaskóli a-sveit	23 vinn. (af 24)
2.	Árbæjarskóli a-sveit	18½
3.	Rimaskóli b-sveit	16 (79½ stig)
4.	Rimaskóli stúlknasveit	16 (76½ stig)
5.	Laugalækjarskóli	15
6.	Fossvogsskóli a-sveit	14½
7.	Rimaskóli c-sveit	14
8.	Melaskóli b-sveit	14
9.	Melaskóli a-sveit	14
10.	Sæmundarskóli	14
11.	Grandaskóli	14
12.	Hólabrekkuskóli	13½
13.	Landakotsskóli	13
14.	Háteigsskóli	12½
15.	Ölduselsskóli	12
16.	Hlíðaskóli	12
17.	Borgaskóli	11½
18.	Foldaskóli	11½
19.	Vesturbæjarskóli a-sveit	11½
20.	Fossvogsskóli b-sveit	11½
21.	Rimaskóli d-sveit	11
22.	Árbæjarskóli stúlknasveit	11
23.	Ingunnarskóli	11
24.	Víkurskóli	9½
25.	Selásskóli	9½
26.	Vogaskóli	9
27.	Korpuskóli	9
28.	Vesturbæjarskóli b-sveit	9
29.	Austurbæjarskóli	8½
30.	Breiðagerðisskóli	8½
31.	Barnaskólinn í Reykjavík	8½
32.	Dalsskóli	8
33.	Hamraskóli	7
34.	Húsaskóli	6½

Skákstjórar voru Ólafur H. Ólafsson og Torfi Leósson frá T.R.

Mótsstjóri var Soffía Pálsdóttir frá SFS.

Myndaalbúm (Helgi Árnason)

Sigurður sigraði á Skylduleikjamóti

Í dag fór fram skylduleikjamót hjá Skákfélagi Akureyrar. Tefldar voru stöður úr 6. minningarmótinu um Tal sem lauk fyrir skemmstu í Moskvu. Í báðum mótunum voru 10 keppendur og tefldu allir við alla. Heldur færri jafntefli voru á Akureyri en í Moskvu en að öðru leyti var taflmennskan nokkuð svipuð.

Í hverri umferð á Akureyri var byrjað á stöðu sem komið hafði upp í Moskvu og á milli umferða sagði Sigurður Arnarson frá gangi mótsins þar eystra og Sveinbjörn Óskar fjallaði um félagsgjöld og fleira. Þar sem áðurnefndur Sigurður hafði valið allar upphafsstöðurnar hafði hann nokkuð forskot sem hann nýtti sér af fullkomnu miskunnarleysi og vann mótið. Hlaut hann 7 vinninga af 9 mögulegum. Í 2.-3. sæti urðu þeir feðgar Sigurður Eiríksson og Tómas Veigar Sigurðarson með 6 vinninga.

Lokastaðan

• 1. Sigurður Arnarson                          7 vinningar af 9 mögulegum
• 2.-3. Tómas Veigar Sigurðarson        6
• 2.-3. Sigurður Eiríksson                     6
• 4. Jón Kristinn Þorgeirsson              5,5
• 5. Haki Jóhannesson                         5
• 6. Andri Freyr Björgvinsson             3,5
• 7.-10. Smári Ólafsson                       3
• 7.-10. Ari Friðfinnsson                      3
• 7.-10. Karl Steingrímsson                 3
• 7.-10. Sveinbjörn Sigurðsson            3

Góður árangur í 2. umferð í London - Birkir Karl enn með góð úrslit - Guðmundur í beinni á morgun

Það gekk vel hjá íslensku skákmönnunum í 2. umferð b-flokks London Chess Classic sem fram fór í dag.  Björn Þorfinnsson (2402), Guðmundur Gíslason (2318) og Bjarni Jens Kristinsson (2045) unnu allir stigalægri andstæðinga.  Birkir Karl Sigurðsson (1649) heldur enn áfram að láta þá stigahærri hafa fyrir hlutunum og gerði nú jafntefli við Englendinginn Andrew Stone (2234).   Björn og Guðmundur hafa 2 vinninga, Birkir Karl 1½ vinning og Bjarni Jens 1 vinning.

Strákarnir fá sterka andstæðinga á morgun en þrír þeirra fá titilhafa.  Guðmundur Gíslason (2318) verður í beinni útsendingu en hann teflir við franska stórmeistarann Matthieu Cornette (2548), Bjarni Jens fær enska alþjóðlega meistarann Jack Rudd (2290) og Birkir fær írska FIDE-meistarann Andrew Philip Smith (2167).  Björn er sá eini sem ekki fær titilhafa en hann teflir við Englendinginn Roger Williamson (2157).  

231 skákmaður tekur þátt í b-flokknum og þar á meðal 11 stórmeistarar og 22 alþjóðlegir meistarar.  Björn er nr. 22 í styrkleikaröð keppenda, Guðmundur nr. 35, Bjarni Jens nr. 120 og Birkir Karl nr. 220.   

 

• Heimasíða mótsins
• Beinar útsendingar - Sex efstu borðin - hefjast kl. 14:30 (nema 4. umferð kl. 16:30)
• Chessbomb -skák- og tölvuskýringar

 

Nakamura og Kramnik unnu í dag - Carlsen hékk á jafntefli gegn McShane

Það er fjörlega teflt á London Chess Classic en önnur umferð fór fram í dag.  Nakamura (2758) vann Aronian (2802) og Kramnik (2800) lagði Short (2698).  Flest virtist benda til þess að McShane (2671) myndi leggja Carlsen (2826) en Norðmaðurinn var háll sem áll og slapp með jafntefli.  Nakamura, Carlsen og Kramnik eru efstir með 4 stig.

Staðan:

• 1.-3. Nakamura (2758), Carlsen (2826) og Kramnik (2800) 4 stig 
• 4.-5. McShane og Adams 2 stig
• 6.-8. Howell, Aronian  og Anand 1 stig
• 9. Short 0 stig.

Anand og Short hafa teflt 1 skák en aðrir 2 skákir.  Veitt eru 3 stig fyrir sigur og 1 fyrir jafntefli

Í 3. umferð sem fram fer á morgun mætast m.a: Carlsen - Nakamura og Aronian - Short. 

• Heimasíða mótsins (margskonar útsendingar)
• Beinar útsendingar (hefjast kl. 14 nema 4. umferð kl. 16 og  lokaumferðin kl. 12)
• Chessbomb (skák- og tölvuskýringar)

 

Skákþáttur Morgunblaðsins: Friðrik að tafli í Hollandi

Gömlum aðdáendum Friðriks Ólafssonar fannst gaman að fylgjast með honum við skákborðið í Hollandi þar sem minningarmót um fjórða heimsmeistarann Max Euwe fór fram á dögunum. Líkt og Friðrik hafði Euwe mikil áhrif á vöxt og viðgang skáklistarinnar í heimalandi sínu. Í Amsterdam er dálítið torg nefnt eftir honum, Max Euwe plein. Max Euwe kom hingað til lands fyrst árið 1948 en við fengum að kynnast honum fyrir alvöru í þeim mikla darraðardansi þegar einvígi Fischers og Spasskís virtist ætla að sigla í strand sumarið 1972. Afsökunarbeiðni Euwes, sem þá var forseti FIDE og játaði að hafa brotið reglur FIDE, kom sennilega í veg fyrir að sovéska sendinendin tæki saman pjönkur sínar og héldi heim á leið með óklárað uppgjör bestu skákmanna heims. Friðrik bauð sig fram og vann kosningar til embættis forseta FIDE haustið 1978 en skrifstofa alþjóðaskáksambandsins var þó áfram í Amsterdam. Það eru þó ekki einungis þessi tengsl sem valda því að Holland hlýtur að vera í sérstöku uppáhaldi hjá Friðriki. Þar hefur hann unnið marga af sínum bestu sigrum. Nægir að nefna sigurinn í Bewerwijk árið 1959 og í sama móti, sem þá hafði flutt sig um set til Wijk aan Zee, deildi hann sigri með Lubomir Ljubojevic í ársbyrun 1976. Ekki má gleyma mótinu 1969 en þar varð hann í fimmta sæti á eftir Botvinnik, Geller, Keres og Portisch og tefldi þá í eina skiptið við gamla heimsmeistarann Botvinnik.

Minningarmótinu í ár var skipt í tvo riðla og var Friðrik í riðli með heimamanninum Van der Sterren, Piu Cramling og kínversku skákkonunni Zhaoqin Peng sem nú hefur hollenskt ríkisfang. Eftir tvöfalda umferð sigraði Peng með 3½ v. Friðrik varð í 2.-3. sæti ásamt Piu Cramling með þrjá vinninga og Van der Sterren rak lestina, ½ vinningi á eftir.

Kannski er það keppnisstaðnum og tilefninu að þakka en taflmennska Friðriks, einkum í seinni hluta mótsins, var í senn þróttmikil og dínamísk. Hann vann Peng í í 77 leikjum í fimmtu umferð og var afar nálægt því að leggja Piu Cramling í lokaumferðinni. Eftir 31. leik Piu, Dc1-c7, kom þessi staða upp:

Cramling - Friðrik

Forritið „Houdini" telur að svarta staðan sé unnin eftir 31.... Be6! og rekur síðan framhaldið 32. Dxc8 Bxc8 33. Bxf7 Kxf7 34. Bxb6 Hxa2 35. Bc7 Bf8 36. Bd8 b4 og þessa stöðu er ekki hægt að verja til lengdar.

Friðrik lék hins vegar 31.... Dxc7 32. Hxc7 Be8og þótt hann næði a-peðinu og ætti allgóða vinningsmöguleika tókst Piu með seiglu að halda jöfnu eftir 63 leiki.

Elsa María Íslandsmeistari kvenna

Eftir vel heppnaða ferð á opið skákmót til Tékklands settust sterkustu virku skákkonur Íslands niður og tefldu á Íslandsmóti kvenna. Fyrirfram mátti búast við sigri Hallgerðar Helgu Þorsteindóttur, sem var stigahæst í hópi átta keppenda, en eins og einhver góður maður sagði: stig tefla ekki. Elsa María Kristínardóttir sigraði örugglega. Lokaniðurstaðan varð þessi: 

1. Elsa María Kristínardóttir 6½ v. (af 7). 2. Jóhanna Björg Jóhannsdóttir 6 v. 3.-4. Hallgerður Helga Þorsteinsdóttir og Tinna Kristín Finnbogadóttir 4½ v. 5.-7. Steinunn Veronika Magnúsdóttir, Hrund Hauksdóttir og Ingibjörg Edda Birgisdóttir 4 v.

Elsa María hefur nú tryggt sér sæti í ólympíuliði Íslands.

Helgi Ólafsson [e-mail]

-------------------------------------------

Skákþættur Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 27. nóvember 2011.

Skákþættir Morgunblaðsins

[Event "Vierkampen"] [Site "Amsterdam"] [Date "2011.11.20"] [Round "6.1"] [White "Cramling, Pia"] [Black "Olafsson, Fridrik"] [Result "1/2-1/2"] [BlackElo "2428"] [WhiteElo "2495"] 1. d4 (%clk 1:30:53) Nf6 (%clk 1:30:40) 2. Nf3 (%clk 1:31:05) g6 (%clk 1:30:41) 3. c4 (%clk 1:31:26) Bg7 (%clk 1:30:24) 4. Nc3 (%clk 1:31:52) O-O (%clk 1:29:52) 5. e4 (%clk 1:31:51) d6 (%clk 1:29:59) 6. h3 (%clk 1:32:12) e5 (%clk 1:25:43) 7. d5 (%clk 1:32:32) Na6 (%clk 1:23:45) 8. Bg5 (%clk 1:31:45) Qe8 (%clk 1:22:18) 9. Be2 (%clk 1:23:30) Nc5 (%clk 1:15:12) 10. Nd2 (%clk 1:23:45) a5 (%clk 1:15:07) 11. g4 (%clk 1:17:15) h6 (%clk 1:14:15) 12. Be3 (%clk 1:17:15) Nh7 (%clk 1:14:20) 13. Rg1 (%clk 0:56:50) Bd7 (%clk 1:12:04) 14. h4 (%clk 0:52:10) Qe7 (%clk 1:11:35) 15. Nb3 (%clk 0:48:33) Na4 (%clk 1:08:48) 16. Nxa4 (%clk 0:46:37) Bxa4 (%clk 1:09:02) 17. Rh1 (%clk 0:46:01) Bd7 (%clk 0:58:29) 18. c5 (%clk 0:37:22) f5 (%clk 0:48:14) 19. cxd6 (%clk 0:36:34) cxd6 (%clk 0:48:41) 20. Rc1 (%clk 0:29:10) a4 (%clk 0:44:03) 21. Nd2 (%clk 0:28:58) Nf6 (%clk 0:44:15) 22. gxf5 (%clk 0:23:52) gxf5 (%clk 0:44:09) 23. Rc7 (%clk 0:24:01) Qd8 (%clk 0:33:40) 24. Qc2 (%clk 0:14:44) b5 (%clk 0:32:03) 25. Rg1 (%clk 0:13:07) f4 (%clk 0:31:38) 26. Ba7 (%clk 0:08:47) Rf7 (%clk 0:29:49) 27. b4 (%clk 0:03:46) axb3 (%clk 0:26:42) 28. Nxb3 (%clk 0:04:03) Ne8 (%clk 0:18:51) 29. Rb7 (%clk 0:04:01) Nf6 (%clk 0:17:30) 30. Bf3 (%clk 0:00:53) Qc8 (%clk 0:14:05) 31. Qc7 (%clk 0:01:11) Qxc7 (%clk 0:12:45) 32. Rxc7 (%clk 0:01:40) Be8 (%clk 0:12:51) 33. Bb6 (%clk 0:01:24) Rxa2 (%clk 0:13:07) 34. Rc8 (%clk 0:01:10) Rb7 (%clk 0:12:05) 35. Rc7 (%clk 0:00:42) Rxc7 (%clk 0:11:54) 36. Bxc7 (%clk 0:01:10) Ra3 (%clk 0:12:21) 37. Nd2 (%clk 0:01:19) Ra1 (%clk 0:12:24) 38. Bd1 (%clk 0:01:48) Bh5 39. f3 Ne8 (%clk 0:11:50) 40. Bd8 (%clk 0:01:18) Kf8 (%clk 0:12:05) 41. Ke2 (%clk 0:30:38) Bf6 (%clk 0:38:14) 42. Bb6 (%clk 0:30:04) Ra2 (%clk 0:35:17) 43. Kd3 (%clk 0:27:51) Ra6 (%clk 0:34:11) 44. Bf2 (%clk 0:27:58) Bd8 (%clk 0:34:34) 45. Bb3 (%clk 0:25:58) Nc7 (%clk 0:30:48) 46. Rc1 (%clk 0:22:38) Be8 (%clk 0:29:47) 47. Nb1 (%clk 0:20:37) Ra8 (%clk 0:25:21) 48. Ke2 (%clk 0:14:43) Na6 (%clk 0:23:55) 49. Nd2 (%clk 0:15:09) Rb8 (%clk 0:22:05) 50. Bd1 (%clk 0:14:30) Bb6 (%clk 0:21:44) 51. Bxb6 (%clk 0:14:11) Rxb6 (%clk 0:22:12) 52. Nb3 (%clk 0:14:30) b4 (%clk 0:18:17) 53. Ra1 (%clk 0:13:55) Bb5 (%clk 0:16:47) 54. Kd2 (%clk 0:14:07) Ke7 (%clk 0:16:09) 55. Bc2 (%clk 0:13:42) Nc5 (%clk 0:13:52) 56. Ra7 (%clk 0:11:10) Rb7 (%clk 0:13:33) 57. Ra8 (%clk 0:11:29) Nxb3 (%clk 0:12:16) 58. Bxb3 (%clk 0:11:52) Be8 (%clk 0:12:27) 59. Rc8 (%clk 0:09:12) Bh5 (%clk 0:09:11) 60. Rh8 (%clk 0:07:53) Rc7 (%clk 0:09:18) 61. Rxh6 (%clk 0:07:33) Bxf3 (%clk 0:09:38) 62. Rh7 (%clk 0:05:22) Kd8 (%clk 0:10:01) 63. Rh8 1/2-1/2

Myndir og tenglar frá fjöltefli Friðriks í Hörpunni

Fjöltefli Friðriks við 13 krakka í Hörpunni í gær hefur vakið verðskuldaða athygli.  Hér má finna nokkrar myndir frá fjölteflinu og einnig fylgir með tenglasafn um fréttir frá mótinu.  Skákskóli Íslands og Skákakademía Reykjavíkur stóðu fyrir fjölteflinu.

 

Friðrik og Nansý takast í hendur í byrjun skákar.  Friðrik hafði betur að þessu sinni.

 

 Hilmir Freyr þungt hugsi í byrjun skákar

Dawid Kolka var best klæddi keppandinn

Friðrik áritar fyrir Vigni Vatnar

Friðrik ásamt Þórunni Sigurðardóttur frá Hörpu

Össur setti fjölteflið formlega - ræðir hér um skákmálefni við forseta SÍ og fyrrum forseta FIDE

 

Dagur Ragnarsson var sá eini sem lagði meistarann.  Fyrsti sigur hans gegn stórmeistara.  Friðrik nefndi í því samhengi að fyrsti stórmeistarinn sem hann hafi unnið hafi verið fæddur árið 1881!

 

Miklu fleiri myndir má finna í myndaalbúmi fjölteflisins en myndirnar tók Hrafn Jökulsson.

Rétt er að óska öllum sem að þessu komu til hamingju með frábæran viðburð!

Tenglasafn:

• http://ruv.is/sarpurinn/frettir/03122011/ithrottir (skrolla þarf áfram á 25:15)
• http://www.dv.is/folk/2011/12/4/fridrik-olafsson-eftir-fjolteflid-i-horpu-framtidin-er-bjort/ (mjög skemmtileg frétt)
• http://www.dv.is/blogg/skaklandid/2011/12/4/fridrik-og-framtidin/
• http://www.pressan.is/Frettir/LesaFrett/fridrik-olafsson-skakar-ellinni-og-matar-aeskuna-einn-nadi-ad-sigra-meistarann-i-horpu
• http://www.mbl.is/frettir/forsida/2011/12/03/fridrik_for_a_kostum/
• http://ruv.is/frett/fridrik-teflir-vid-ungmenni
• http://www.textavarp.is/313/0.html
• http://www.visir.is/takast-a-vid-stormeistarann/article/2011712039853
• http://blog.eyjan.is/illugi/2011/12/03/sannur-meistari/
• http://www.skak.blog.is/blog/skak/entry/1209091/
• http://www.skak.blog.is/blog/skak/entry/1208985/
• http://www.skak.blog.is/blog/skak/entry/1208799/
• http://www.skak.blog.is/blog/skak/entry/1208309/
• http://www.dv.is/blogg/skaklandid/2011/12/2/fridrik-med-fjoltefli-vid-meistara-framtidarinnar/
• http://ruv.is/frett/fridrik-vann-8-skakir
• http://www.mbl.is/frettir/innlent/2011/12/03/stor_stund_i_skaksogunni/