Nökkvi hafði pabba sinn eftir stigaútreikning

Í fyrradag lauk Haustmóti TV þegar Kristófer Gautason og Nökkvi Sverrisson tefldu sín á milli, en þeirri skák hafði verið frestað um nokkurt skeið.  Kristófer, sem hafði hvítt sigraði Nökkva.

Mótið reyndist vera afar jafnt og feðgarnir Nökkvi og Sverrir enduðu með 4 vinninga, en sonurinn Nökkvi telst sigurvegari á stigum.  Aðrir feðgar urðu jafnir í 3 sæti, en þar var faðirinn ofar syninum á stigum.  Þó nokkuð var um óvænt úrslit í mótinu, þegar stigalægri menn unnu sigur á þeim stigahærri og munar ekki nema 0,5 vinningi á efstu fjórum mönnum og 1 vinningi á efstu sex.

Haustmót TV 2011 - Lokastaða:

Nr.	Nafn	Stig	1	2	3	4	5	6	7	Vin
1	Nökkvi Sverrisson	1951	*	1	0	0	1	1	1	4
2	Sverrir Unnarsson	1901	0	*	0	1	1	1	1	4
3	Karl Gauti Hjaltason	1538	1	1	*	0	½	0	1	3,5
4	Kristófer Gautason	1580	1	0	1	*	0	½	1	3,5
5	Stefán Gíslason	1684	0	0	½	1	*	½	1	3
6	Daði St. Jónsson	1633	0	0	1	½	½	*	1	3
7	Hafdís Magnúsdóttir	1078	0	0	0	0	0	0	*	0

 

• Heimasíða TV
• Chess-Results

Skákmót fyrir unglinga í Hverafold í dag

Veslun NETTÓ í Hverafold í Grafarvogi og skákdeild Fjölnis halda skákmót laugardaginn 10. desember frá kl. 11:00 - 12:45. Mótið er haldið í tilefni af því að þennan dag er haldin "Jólagleði í Hverafold" verslunarmiðstöðinni Grafarvogi.

Allir grunnskólanemendur eru velkomnir á mótið og er þetta tilvalið skámót fyrir t.d. alla þá ungu og efnilegu skákmenn sem tóku þátt í jólaskákmóti SFS um síðustu helgi. Verslunin NETTÓ mun sjá til þess að allir þátttakendur fái ljúffengar veitingar og er þar af nógu að taka. NETTÓ gefur einnig öll verðlaun á mótið. Skákdeild Fjölnis lýkur starfseminni á árinu 2011 með þessu glæsilega skákmóti og fagnar frábærum árangri Fjölniskrakka við skákborðið. Mótið fer fram í sal Sjálfstæðismanna uppi á 3. hæð Hverafoldar. Gengið inn sunnanmegin. Eftir skákmótið verður kveikt á jólatrénu á Torginu í Hverafold, boðið upp á skemmtiatriði og tilboð í öllum verslunum á Torginu Hverafold. Keppendur hvattir til að mæta tímanlega.

 

Björn efstur á London Chess Classic eftir sigur á Smith - í beinni á morgun

Björn Þorfinsson (2402) vann sænska alþjóðlega meistarann Axel Smith (2480) í sjöundu umferð b-flokks London Chess Classic sem fram fór í kvöld.  Björn hefur 6 vinninga og er efstur ásamt fjórum öðrum. Bjarni Jens Kristinsson (2045) vann einnig, Guðmundur Gíslason (2318) og Birkir karl Sigurðsson (1649) gerðu jafntefli.  Björn mætir indverska alþjóðlega meistaranum Sahaj Grover (2515) á morgun og verður skákin sýnd beint á vefsíðu mótsins.

Guðmundur hefur 4,5 vinning og er í 30.-59. sæti, Bjarni Jens hefur 3,5 vinning og er í 91.-134. sæti og Birkir Karl hefur 2,5 vinning og er 164.-195. sæti.

Efstir ásamt Birni eru Indverjinn Abhjeet Gupta (2640) og Englendingarnir Gawain Jones (2635), Peter Wells (2492) og skákkonan Jovanka Houska (2415).

231 skákmaður tekur þátt í b-flokknum og þar á meðal 11 stórmeistarar og 22 alþjóðlegir meistarar.  Björn er nr. 22 í styrkleikaröð keppenda, Guðmundur nr. 35, Bjarni Jens nr. 120 og Birkir Karl nr. 220.

• Heimasíða mótsins
• Beinar útsendingar - Sex efstu borðin - hefjast kl. 14:30

Nakamura efstur í London

Öllum skákum sjöttu umferðar á London Chess Classic með jafntefli.  Carlsen sat yfir.  Í gær var fjörlega teflt.  Nakamura vann Howell, Anand vann Short og Kramnik vann Adams.  Nakakura er efstur með 11 stig.  Carlsen, Kramnik og McShane hafa 9 stig.

Staðan:

• 1. Nakamura (2758) 11 stig
• 2.-4. Carlsen (2826), Kramnik (2800) og McShane (2671) 9 stig
• 5.-6. Aronian (2802) og Anand (2811) 6 stig
• 7. Short (2698) 4 stig
• 8.-9. Howell (2633), Adams (2734)  3 stig

Nakamura, Adams og Howell hafa teflt 6 skákir en aðrir hafa teflt 5 skákir.  

Í 7. umferð sem fram fer á morgun mætast m.a: Carlsen - Adams og Aronian - Anand.  Nakamura situr yfir.

• Heimasíða mótsins (margskonar útsendingar)
• Beinar útsendingar (hefjast kl. 14 nema lokaumferðin kl. 12)
• Chessbomb (skák- og tölvuskýringar)

 

Atskákmót Icelandair fer fram á morgun

Atskákmót Icelandair - Sveitakeppni 2011 hefst á morgun 10. desember á Hótel Natura, gamla Hótel Loftleiðir og hefst mótið kl. 13:00 og eru keppendur beðnir um að mæta tímalega.  

Mótið verður sett í bíósalnum sem er á vinstri hönd þegar keyrt er að hótelinu. 

Það eru margir sterkir skákmenn búnir að skrá sig þ.á.m stórmeistararnir Helgi og Friðrik Ólafssynir, Stefán Kristjánsson og líklega okkar næsti stórmeistari Hjörvar Steinn Grétarsson sem sigraði sjálfan Shirov á dögunum svo glæsilega, einnig eru fleiri alþjóðlegir og FIDE meistarar. 

Sú breyting hefur orðið á dagskránni að það verða tefldar 17 umferðir í stað 14  þar sem að 17 umferðir þykjar gefa réttmætustu sigurvegarana. 

Er það von mótshaldara að menn mæti jákvæðir og njóti mótsins. 

Þeir sem kjósa að millifæra þátttökugjaldið fremur en að borga á staðnum geta millifært með tilvísun í liðið á reikninginn: 

515-4-251312 
131276-5089 
14.000 

Veitingar: 

Mótsgestir: 
Fá 10% afslátt á veitingastaðnum Satt 
Geta keypt kaffi yfir helgina á 1.000 krónur með því að fara á veitingastaðinn Satt og borgað þar, en kaffið verður staðsett niðri. 
Eftir að umferðunum lýkur á laugardeginum verður tilboð á kranabjór á barnum eða 500 kr. til klukkan 21:00.

Björn í beinni útsendingu

Björn Þorfinsson (2402) vann enska FIDE-meistarann Robert Eames (2241) í sjöttu umferð b-flokks London Chess Classic sem fram fór í gærkveldi.  Bjarni Jens Kristinsson (2045) gerði jafntefli í sinni skák en Guðmundur Gíslason (2318) og Birkir Karl Sigurðsson (1649) töpðu.  Skák Björns gegn sænska alþjóðlega meistaranum Axel Smith (2480) er sýnd beint.

Björn hefur 5 vinninga og er í 4.-10. sæti, Guðmundur hefur 4 vinninga, Bjarni Jens Kristinsson hefur 2,5 vinning og Birkir Karl Sigurðsson (1649) hefur 2 vinninga.

231 skákmaður tekur þátt í b-flokknum og þar á meðal 11 stórmeistarar og 22 alþjóðlegir meistarar.  Björn er nr. 22 í styrkleikaröð keppenda, Guðmundur nr. 35, Bjarni Jens nr. 120 og Birkir Karl nr. 220.

• Heimasíða mótsins
• Beinar útsendingar - Sex efstu borðin - hefjast kl. 14:30 (nema 4. umferð kl. 16:30)

Þorvarður og Jóhann sigurvegarar á Skákþingi Garðabæjar - Jóhann Garðabæjarmeistari

Sjöunda og síðasta umferð Skákþing Garðabæjar var tefld í gær.   Hart var barist á toppnum og vann Haukamaðurinn Þorvarður Fannar Ólafsson gegn Jóhanni Helga Sigurðssyni í skák sem leit vel út fyrir Jóhann lengi vel og tryggði sér þar með efsta sætið á stigum því um leið því Jóhann H. Ragnarsson náði jafntefli gegn Páli Sigurðssyni þar sem Páll stóð um tíma örlítið betur.   Með þessu tryggði Jóhann sér titil Skákmeistara Garðabæjar enn eitt árið. 

Örn Leó Jóhannsson náði svo 3. sætinu eftir að Páll Andrason lék illa af sér með drottningu og biskup gegn tveimur hrókum en slæma kóngstöðu. 

Mikael Jóhann Karlsson fær verðlaun fyrir bestan árangur 16 ára og yngri.

B flokkurinn kláraðist fyrir nokkrum vikum og þar urðu jafnir og efstir þeir Hilmir Freyr Heimisson og Gauti Páll Jónsson með 4,5 vinning af 5. Í þriðja sæti varð svo Jón Hákon Richter. 

Verðlaunaafhending fyrir mótið verður að loknu Hraðskákmóti Garðabæjar fimmtudaginn 15. desember næstkomandi. 

Alls tóku 21 skákmaður þátt í skákþingi Garðabæjar þetta árið. 

Sjá má öll úrslit á Chess-Results. 

Skákmót á "Jólagleði í Hverafold"

Veslun NETTÓ í Hverafold í Grafarvogi og skákdeild Fjölnis halda skákmót laugardaginn 10. desember frá kl. 11:00 - 12:45. Mótið er haldið í tilefni af því að þennan dag er haldin "Jólagleði í Hverafold" verslunarmiðstöðinni Grafarvogi.

Allir grunnskólanemendur eru velkomnir á mótið og er þetta tilvalið skámót fyrir t.d. alla þá ungu og efnilegu skákmenn sem tóku þátt í jólaskákmóti SFS um síðustu helgi. Verslunin NETTÓ mun sjá til þess að allir þátttakendur fái ljúffengar veitingar og er þar af nógu að taka. NETTÓ gefur einnig öll verðlaun á mótið. Skákdeild Fjölnis lýkur starfseminni á árinu 2011 með þessu glæsilega skákmóti og fagnar frábærum árangri Fjölniskrakka við skákborðið. Mótið fer fram í sal Sjálfstæðismanna uppi á 3. hæð Hverafoldar. Gengið inn sunnanmegin. Eftir skákmótið verður kveikt á jólatrénu á Torginu í Hverafold, boðið upp á skemmtiatriði og tilboð í öllum verslunum á Torginu Hverafold. Keppendur hvattir til að mæta tímanlega.

 

Jólaskákmót í Vin á mánudaginn!

Jólaskákmót í Vin, Hverfisgötu 47, verður haldið á mánudaginn, 12. desember klukkan 13. Verðlaun og vinningar eru glæsilegar og forvitnilegar nýjar bækur frá Sögum útgáfu.

Jólamótið er öllum opið, þátttaka er ókeypis og allir eru hjartanlega velkomnir.

 

Að mótinu stendur Skákfélag Vinjar, með stuðningi Skákakademíu Reykjavíkur. Tefldar verða 6 umferðir með 7 mínútna umhugsunartíma. Fyrstu verðlaun eru stórvirkið 1001 þjóðleið eftir Jónas Kristjánsson, þar sem yfir 1.000 göngu- og reiðleiðum er lýst og þær sýndar á vönduðum kortum.

Aðrir sem ná á verðlaunapall fá líka splunkunýjar bækur, auk þess sem veitt eru verðlaun fyrir bestan árangur ungmenna og kvenna. Þá verður efnt til happdrættis, svo allir eiga keppendur eiga möguleika á að hreppa ilmandi nýjan prentgrip.

Heiðursgestir við setningu Jólaskákmótsins eru þrír stjórnarmenn úr Vinafélaginu, sem eiga sameiginlegt að gefa út bók nú fyrir Jólin.  Vigdís Grímsdóttir gefur skáldsöguna Trúir þú á töfra, Styrmir Gunnarsson er höfundur bókarinnar Ómunatíð, sem er ómetanlegt framlag til upplýstrar umræðu um geðsjúkdóma og áhrif þeirra, Þráinn Bertelsson skrifaði Fallið sem er að mati yfirlæknis SÁÁ ,,stórkostleg bók" um alkóhólisma.

Jólaandinn mun svífa yfir vötnum og taflborðum í Vin, enda verður boðið upp á mandarínur, piparkökur, jólaöl og fleira góðgæti. Allir eru velkomnir í Vín, Hverfisgötu 47, sími 561 2612. Nánari upplýsingar veitir Arnar Valgeirsson í [e-mail].

Friðriksmót Landsbankans - hvert pláss skipað en hægt að skrá sig á biðlista

Þau 80 sæti sem voru í boði á Friðriksmóti Landsbankans - Íslandsmótinu í hraðskák voru fljót að fara og hvert þeirra skipað á minna en 18 klukkustundum.     

Mótið er því fullt en menn geta sett sig á biðlista.  Þeir keppendur sem hafa skráð sig en sjá fram á forfallast eru beðnir um tilkynna þau í netfangið [e-mail] svo hægt sé að hleypa inn af biðlistanum.

Upplýsingar um skráða keppendur (og stöðu á biðlista) má finna hér.