Tal Memorial nýhafið

Sterkasta skákmót ársins og það 10 manna mót með hæstu meðalstig í sögunni hófst nú kl. 11 í Moskvu.   Þátt taka: Magnus Carlsen (2823, Norway), Vishy Anand (2817, India), Levon Aronian (2802, Armenia), Vladimir Kramnik (2800, Russia), Vassily Ivanchuk (2775, Ukraine), Sergey Karjakin (2763, Russia), Hikaru Nakamura (2753, USA), Peter Svidler (2755, Russia), Boris Gelfand (2746, Israel) og Ian Nepomniachtchi (2730, Russia).  Meðalstigin er 2776 skákstig.

Í fyrstu umferð mætast m.a.:  Aronian-Carlsen og Anand-Karjakin.

• Heimasíða mótsins
• Beinar útsendingar - innheldur einnig útsendingu frá skákstað (hefjast kl. 11)
• ChessBomb (skákskýringar/tölvuskýringar)

Elsa með fullt hús fyrir lokaumferðina

Elsa María Kristínardóttir (1698) vann Hrund Hauksdóttur (1577) í sjöttu og næstsíðustu umferð Íslandsmót kvenna sem fram fór í kvöld.  Elsa hefur fullt hús og hefur vinnings forskot á Jóhönnu Björg Jóhannsdóttur (1797) sem vann Tinna Kristínu Finnbogadóttur (1810).  Hallgerður Helga Þorsteinsdóttir (2006) er í þriðja sæti með 4,5 vinning.  Lokaumferðin fer fram á föstudag og hefst kl. 19.  Verðlaunaafhending verður að henni að lokinni.  Úrslit og pörun má finna á Chess-Results.

Allar skákir mótsins eru sýndar beint á vefnum.  Teflt er í félagsheimili SÍ, Faxafeni 12.

• Heimasíða SÍ 
• Chess-Results
• Myndaalbúm (GB með hjálp nokkurra keppenda)

 

Bjarna Jens gekk ekki vel í Búdapest

Bjarni Jens Kristinsson (2045) fékk 4,5 vinning í 11 skákum á First Saturday-mótinu sem lauk í Búdapest í dag.  Frammistaða hans samsvararði 1950 skákstigum og lækkar hann um 21 stig.

Bjarni byrjaði mjög illa en átti góðan endasprett vann 4 skákir í röð í lok mótsins.  Bjarni heldur nú til Kéckemet þar sem hann tekur þátt í öðru alþjóðlegu móti.

• First Saturday
• Chess-Results

 

Heimsmeistaraeinvígi kvenna: Jafntefli í 2. skákinni

Jafntefli varð í 2. einvígisskák You Yifan (2578) og Humpy Konaru (2600) sem fram fór í dag.  Staðan er 1-1.  Þriðja skák einvígisins verður tefld á fimmtudag.

Alls tefla þær 10 skákir.  Verði jafnt tefla þær til þrautar með skemmri umhugsunartíma.

• Heimasíða einvígisins
• Beinar útsendingar (hefjast kl. 14) 
• Chessbomb

Sæbjörn með þrennuna

Sæbjörn Guðfinnsson varð efstur hjá Ásum í dag í þriðja sinn í röð.  Hann er ekki sá eini sem hefur gert það.  Þorsteinn Guðlaugsson hefur leikið það tvisvar og Jóhann Örn Sigurjónsson einnig.

Það var hart barist á toppnum í dag. Fyrir síðustu umferð voru þrír efstir og jafnir með 6½ vinning.  Það voru þeir Sæbjörn, Þór og Valdimar.  Sæbjörn og Þór unnu sínar skákir en Valdimar tapaði.

Sæbjörn og Þór enduðu því með 71/2 vinning en Sæbjörn var hærri á stigum og telst því sigurvegari dagsins.  Í þriðja til fjórða sæti urðu þeir Valdimar og Össur með 6 ½ v.  Valdimar var hærri á stigum.

Næsta þriðudag  verður  hið svokallaða Haustmót haldið. Þá verða tefldar 11 umferðir með tíu mín. umhugsunartíma.  Björn Þorsteinsson hefur unnið þetta mót sl.  þrjú ár.

Heildarúrslit dagsins:

• 1-2       Sæbjörn Guðfinnsson                        7.5 v    36 stig
•             Þór Valtýsson                                    7.5       34.5
• 3-4       Valdimar Ásmundsson                      6.5       37
•             Össur Kristinsson                               6.5       32
• 5-6       Eiríkur Hansen                                   5.5
•             Ásgeir Sigurðsson                              5.5
• 7-11     Haraldur Axel Sveinbjörns.               5
•             Gísli Sigurhansson                             5
•             Haukur Angantýsson                         5
•             Kort Ásgeirsson                                 5
•             Birgir Sigurðsson                               5
• 12-14   Gísli Árnason                                     4.5
•             Óli Árni Vilhjálmsson                                    4.5
•             Jónas Ástráðsson                               4.5
• 15-17   Friðrik Sófusson                                4
•             Ásbjörn Guðmundsson                      4
•             Egill Sigurðsson                                 4
• 18-23   Þorsteinn Guðlaugsson                      3.5
•             Birgir Ólafsson                                  3.5
•             Baldur Garðarsson                             3.5
•             Jón Víglundsson                                3.5
•             Eiður Á Gunnarsson                          3.5
•             Viðar Arthúrsson                               3.5
• 24        Grímur Jónsson                                  3
• 25        Halldór Skaftason                              2.5
• 26        Hrafnkell Guðjónsson                                   1

Atskákmót Icelandair 2011

Þá styttist í Atskákmót Icelandair - Sveitakeppni, en hún verður haldin 10.-11. desember á Reykjavík Natura,  áður Hótel Loftleiðir.

Í dag eru komnar 8 sveitir og hver annarri sterkari og því má búast við spennandi og skemmtilegri keppni.
 
Þó að það séu einungis komnar 8 sveitir þá má búast við mun fleiri, heyrst hefur af a.m.k. 12-15 sveitum til viðbótar og því gæti farið svo að færri kæmust að en vildu og því eru þeir sem hafa áhuga hvattir til að skrá sig sem fyrst. Það er einungis pláss fyrir 26 sveitir.
 
Ef menn vilja skiptast á skoðunum varðandi mótið er hægt að melda sig á Facebook og skrifa athugasemdir þar.
 
Eftir að skákumferðunum lýkur á laugardeginum gefst mótsgestum kostur á að borða veitingastaðnum Satt á tilboðsverði. Einnig verður Happy Hour á barnum eitthvað fram eftir kvöldi og því geta gamlir félagar tekið í skák og fengið sér t.d. nokkra kalda og um leið rifjað upp gamlar minningar.

Þetta er opin sveitakeppni með fjögurra manna liði en leyfilegt er að hafa 3 varamenn. Þó að þetta sé opin sveitakeppni eru fyrirtæki, stofnanir, klúbbar, eða önnur félög hvött til að senda lið til keppni. Markmiðið er að hafa jafna og skemmtilega keppni og því er sá hátturinn hafður á að hver sveit má ekki hafa fleiri en 8.500 skákstig í hverri umferð.

Vissulega er hægt að setja saman allskonar sveitir sem væru innan við 8.500 stig en það væri gaman að sveitir væru skipaðar bæði stigaháum annars vegar og stigalægri hins vegar,  Gens Una Sumus, Við Erum Ein fjölskylda.

Miðað er við alþjóðleg stig en ef alþjóðleg stig eru ekki til staðar er miðað við íslensk stig.

• Reykjavík Natura, áður Hótel Loftleiðir
• 10.-11. desember, byrjað klukkan 13:00 báða dagana
• 4 í liði, leyfilegt að hafa 3 varamenn
• Þátttökufjöldi 14-26 sveitir,
  • Þátttakendur eru hvattir til að skrá sig tímanlega þar sem að þátttökufjöldinn er takmarkaður.
• 8.500 stig á sveitina í hverri umferð.
• Stigalausir og þeir sem hafa færri en 1.500 stig verða skráðir með 1.500 stig
• Miðað er við nóvember lista FIDE og september listann í íslensku stigunum
• 14 umferðir, 7 umferðir hvorn dag. Hlé verður á milli 4. og 5. umferðar annars vegar og 11. og 12. umferðar.
• 15 mínútur á mann
• Keppnisfyrirkomulag er svissneskt kerfi.
• Flestir vinningar gilda.
• Þátttökugjald: 14.000 á sveitina sem greiðist á mótsstað.

Verðlaun:*

Sveitakeppni:

1.        Sæti   4 x farmiðar fyrir tvo til Evrópu með Icelandair  ásamt aðgöngupassa í Saga Lounge

2.        Sæti   4 x gjafabréf fyrir tvo í Brunch eða hádegishlaðborð  á VOX

3.        Sæti   4 x gjafabréf fyrir tvo í High Tea á VOX

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands   og Vildarklúbbs Icelandair og gisting í  2 nætur fyrir tvo á Icelandair Hótelum  ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn

Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun.

Útdráttarverðlaun.

Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Evrópu með Icelandair  ásamt aðgöngupassa í Saga Lounge.

* ATH. Sami aðili getur ekki unnið til fleiri  en einna verðlauna, ef slíkt kemur upp mun viðkomandi aðili velja hvaða  vinning hann vill, útfærist nánar á skákstað!

Skráning fer fram hér.

Hægt er að fylgjast með skráningum hér.

Skráningu lýkur aðfaranótt laugardagsins 3. desember.

Frekari upplýsingar er hægt að fá með því að senda póst á Óskar Long; [e-mail]
 

Vetrarmót öðlinga: Pörun þriðju umferðar

Frestaðri skák úr 2. umferð Vetrarmóts öðlinga lauk í gær.  Pörun fyrir þriðju umferð, sem fram fer annað kvöld liggur nú fyrir og má finna á Chess-Results.

• Heimasíða TR
• Chess-Results

Íslandsmót barna- og unglingasveita fer fram á laugardag

Íslandsmót barna- og unglingasveita 2011 fer fram í Garðaskóla Garðabæ, laugardaginn 19. nóvember næstkomandi frá kl. 13. Reikna má með að mótinu ljúki um kl. 17.

Tefldar verða 7 umferðir  og er umhugsunartími 15 mínútur á mann.

Hvert lið er skipað 4 einstaklingum auk varamanna á grunnskólaaldri. þe. elst fæddir 1996

Liðsmenn geta ekki færst milli liða.  Sjá annars reglugerð um mótið; http://skaksamband.is/?c=webpage&id=249    (ATH nú geta sameiginleg lið ekki hlotið titilinn Íslandsmeistari)

Þátttökugjöld á sveit eru 2000 kr.

Þátttaka tilkynnist til Taflfélags Garðabæjar [e-mail].

Sameiginlegt lið Skákfélags Íslands og UMFL  urðu Íslandsmeistarar árið 2010.

sjá má allar upplýsingar um mótið í fyrra hér.
http://www.tgchessclub.com/phpnuke/modules.php?name=News&file=article&sid=523


Mjög mikilvægt er að liðsstjóri fylgi og hver liðsstjóri hafi ekki umsjón með fleiri en 2 liðum i keppninni. Því fylla þarf töluvert út af pappír í hverri umferð, vegna einstaklingsúrslita.

Frestað hjá Friðriki í dag

Skák Frirðik Ólafssonar gegn Piu Cramling (2495) var frestað í dag til 17. nóvember.  Á morgun teflir Friðrik við Zhaoqin Peng (2379).   Umferðin hefst kl. 12. 

Mótið er haldið í tilefni þess að nú séu 30 ár síðan Euwe lést.   Þátt taka átta skákmenn, bæði konur og karlar á ýmsum aldri.  Taka 4 skákmenn þátt í hvorum flokki og tefld er tvöföld umferð, alls 6 skákir.  Í flokki Friðriks tefla auk hans: Paul Van Der Sterren (2514), Pia Cramling (2495) og Zhaogin Peng (2379).

 

• Heimasíða mótsins
• Beinar útsendingar (kl. 12)
  

 

Allsherjarhátíð í Vin!

Það var mikið um dýrðir í Vin, athvarfi Rauða krossins við Hverfisgötu 47, á mánudaginn. Þá stóðu Vinafélagið og Skákakademía Reykjavíkur fyrir Vinaskákmótinu. Fulltrúar Actavis komu færandi hendi, Björk Vilhelmsdóttir formaður velferðarsviðs Reykjavíkurborgar hét stuðningi við áframhaldandi rekstur í Vin og gestir gæddu sér á dýrlegum veitingum frá Bakarameistaranum.

Í upphafi móts afhenti Benedikt Sigurðsson, sviðsstjóri samskiptasviðs Actavis, Magnúsi Matthíassyni formanni Vinafélagsins eina milljón króna, til að styðja við rekstur Vinjar. Magnús lét þessa höfðinglegu gjöf ganga umsvifalaust til Kristjáns Sturlusonar, framkvæmdastjóra Rauða kross Íslands.

Björk Vilhelmsdóttir setti svo Vinaskákmótið formlega og hét stuðningi Reykjavíkurborgar við áframhaldandi rekstur Rauða krossins í Vin. Hún sagði að málið yrði tekið fyrir hjá velferðarsviði á fimmtudag, og að óskað yrði eftir viðræðum við Rauða krossinn og Vinafélagið.

Björk lagði áherslu á sérstöðu Vinjar og bar lof á kraftmikið starf Vinafélagsins, sem stofnað var fyrir réttum mánuði og telur nú um 600 félaga.

Björk léki síðan fyrsta leikinn í skák Hauks Angantýssonar og Hrannars Jónssonar. Riddaranum var vippað til f3 og Vinaskákmótið var hafið. Keppnin um efsta sætið var æsispennandi.

Tefldar voru sex umferðir og í hálfleik voru þeir Sveinbjörn Jónsson og Davíð Kjartansson efstir með fullt hús.

Í hléinu gæddu skákmenn og gestir sér á gómsætum veitingum frá Bakarameistaranum. Þar var stórfengleg kaka í aðalhlutverki, listilega skreytt með kjöorði Vinafélagsins: Allir saman!

Eftir kaffihlé færði Skákakademía Reykjavíkur Arnari Valgeirssyni, formanni Skákfélags Vinjar, taflsett að gjöf, auk þess sem Arnar fékk skákspennubókina Lygarann eftir Óttar Norðfjörð. Skákfélagið í Vin er eitt hið kraftmesta á landinu og hefur starfað af miklum þrótti síðan 2003.

Þrír urðu efstir og jafnir: Davíð Kjartansson, Jón Torfason og Ólafur B. Þórsson en Davíð var úrskurðaður sigurvegari eftir stigaútreikning. Sjö keppendur til viðbótar hrepptu vinninga í happdrætti, en verðlaunin komu frá Forlaginu, Sögum útgáfu og Henson.

1.-3. sæti: Davíð Kjartansson, Jón Torfason, Ólafur B. Þórsson 5 vinninga. 4.-6. sæti: Sveinbjörn Jónsson, Sæbjörn Guðfinnsson, Hörður Garðarsson 4 vinninga. 7.-8. Sæti: Haukur Angantýsson og Gunnar Nikulásson 3½ vinning. 9.-13. sæti: Stefán Bergsson/Hrafn Jökulsson, Hjálmar Sigurvaldason, Haukur Halldórsson, Inga Birgisdóttir 3 vinninga. 14.-16. sæti: Hrannar Jónsson, Ásgeir Sigurðsson, Hinik Páll Friðriksson 2½ vinning. 17.-19. sæti: Finnur Kr. Finnsson, Arnar Valgeirsson, Úlfur Orri Pétursson 2 vinninga. 20. Sæti: Michael Beuffre 1½ vinning. 21. sæti: Árni Jóhann Árnason.