Skák.is

Bloggfærslur mánaðarins, nóvember 2011

18.11.2011 | 23:56

Vetrarmót öðlinga: Pörun 4. umferðar

Síðustu frestuðum skákunum úr 3. umferð Vetrarmóts öðlinga laukí kvöld. Pörun 4. umferðar, sem fram fer á miðvikudagskvöld liggur því fyrir. Pörunina má finna á Chess-Results.

Skákir fyrstu umferðar fylgja með fréttinni.

Veljið skák (23 alls):

Spil og leikir | Breytt 19.11.2011 kl. 00:19 | Slóð | Facebook | Athugasemdir (0)

18.11.2011 | 20:38

Heimsmeistaraeinvígi kvenna: Jafntefli í 4. skák

Jafntefli varð í fjórðu einvígisskákinni um heimsmeistaratitil kvenna. Hou Yifan (2578) leiðir því í einvíginu með 2,5-1,5 gegn Humpy Koneru (2600). Fimmta skákin verður tefld á sunnudag.

Alls tefla þær 10 skákir. Verði jafnt tefla þær til þrautar með skemmri umhugsunartíma.

Spil og leikir | Slóð | Facebook | Athugasemdir (0)

18.11.2011 | 19:33

Íslandsmót kvenna: Lokaumferðin í beinni

Lokaumferð Íslandsmóts kvenna hófst nú kl. 19. Tveir keppendur hafa möguleika á titlinu, þær Elsa María Kristínardóttir, sem hefur fullt hús, og Jóhanna Björg Jóhannsdóttir sem hefur 5 vinninga. Hægt er að fylgjast með skákum umferðarinar beint. Verðlaunaafhending verður að umferð lokinni.

Heimasíða mótsins

Spil og leikir | Slóð | Facebook | Athugasemdir (0)

18.11.2011 | 18:57

Barna- og unglingameistaramót T.R. fer fram á sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 20. nóvember í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2011. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2011. Til viðbótar verða veitt verðlaun fyrir þrjú efstu sætin í aldursflokknum 12 ára og yngri.

Mótið er opið öllum krökkum 15 ára og yngri. Skráning fer fram á taflfelag@taflfelag.is (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 20. nóv. frá kl. 13.30- 13.45.

Aðgangur á mótið er ókeypis.

Spil og leikir | Slóð | Facebook | Athugasemdir (0)

18.11.2011 | 17:45

Aronian og 90-árgangurinn leiða á minningarmóti Tals

Það má segja að teflt sé í anda Tal á minningarmótinu um meistarann sem fram fer í Moskvu þessa dagana. Lítið um jafntefli og teflt til þrautar. Í dag, í 3. umferð, voru 3 hrein úrslit í 5 skákum. Og önnur jafnteflisskákin, á milli Kramnik og Carlsen, var stórkostleg skemmtun. Aronian og fulltrúar 90-árgangsins (Nepo, Carlsen og Karjakin) leiða á mótinu með 5 stig. Fjórða umferð fer fram á morgun og hefst kl. 11.

Þá mætast m.a.: Carlsen-Karjakin, Aronian-Anand og Kramnik-Ivanchuk.

Staðan:

1.-4. Aronian (2802), Nepo (2730), Karjakin (2763) og Carlsen (2826) 5 stig
5.-6. Ivanchuk (2775) og Svidler (2755) 4 stig
7. Anand (2817) 3 stig
8.-9. Kramnik (2800) og Nakamura (2753) 2 stig
10. Gelfand (2746) 1 stig

Meðalstigin er 2776 skákstig og telst það sterkasta skákmót ársins. Veitt eru 3 stig fyrir sigur og 1 fyrir jafntefli.

Heimasíða mótsins
Beinar útsendingar - (hefjast kl. 11 nema lokaumferðin kl. 9)
Vefútsending - frábær myndgæði
ChessBomb (skákskýringar/tölvuskýringar)

Spil og leikir | Slóð | Facebook | Athugasemdir (0)

18.11.2011 | 15:20

Fréttablaðið: Með skákina í blóðinu

Eftirfarandi grein birtist í Fréttablaðinu í dag.

Hinn 18 ára Hjörvar Stein vantar aðeins einn áfanga til að verða næsti stórmeistari Íslendinga í skák. Hann segir að lífið snúist ekki bara um skákina og stundar félagslífið af krafti.

Hjörvar Steinn Grétarsson er 18 ára Verzlingur, fótboltaunnandi og mögulega næsti stórmeistari Íslands í skák. Hann er nýkominn heim frá Grikklandi þar sem hann tók þátt í Evrópumótinu í skák með íslenska skáklandsliðinu. Þar tefldi hann glæsilega og tryggði sér tvo stórmeistaraáfanga - sem þýðir að hann vantar aðeins einn upp á til að verða fjórtándi Íslendingurinn til að hampa þessum eftirsóknaverða titli.

"Ég byrjaði að tefla þegar ég var sex ára. Ég var í Rimaskóla þar sem alltaf hefur verið mikið teflt, þannig að það var áhuginn í skólanum á skák sem dreif mig áfram. Ég hef alltaf haft mikinn áhuga á stærðfræði þannig að þetta átti vel við mig. Mér fannst þetta strax frábært, það varð einhver tenging þarna."

Það kom fljótt í ljós að Hjörvar var á heimavelli í skákinni. Hann varð Íslandsmeistari barna níu ára gamall og hlaut titilinn Skákmeistari Reykjavíkur aðeins fimmtán ára. "Það var hrikalega gaman. Upp úr því fór ég að setja mér markmið. Ég ákvað að reyna að komast í landsliðið og það gekk eftir á síðasta ári. Svo var ég búinn að ákveða að reyna að verða stórmeistari án þess að setja mér sérstök tímamörk á það. Ég vissi bara að ef ég myndi halda áfram myndi það koma á endanum, mér finnst þetta það gaman og þegar maður er áhugasamur tekur maður alltaf framförum."

Þótt Hjörvar hafi ekki sett sér tímamörk er ekki hægt að líta framhjá því að hann er yngsti Íslendingurinn sem náð hefur stórmeistaraáfanga, en heiðrinum deilir hann með Hannesi Hlífari Stefánssyni. Aldur Hjörvars og frábær frammistaða vakti líka athygli á mótinu í Grikklandi þar sem hann gegndi lykilhlutverki í landsliðinu. Hann hóf mótið á að sigra einn sterkasta skákmann heims, Alexei Shirov og tefldi svo tvær skákir á fyrsta borði, en yngri skákmaður hafði ekki gert það í 59 ár. Hjörvar lauk svo mótinu með því að tryggja sér tvöfaldan stórmeistaraáfanga, og var árangur hans stór þáttur í því að Íslendingarnir urðu óopinberir Norðurlandameistarar.

Hjörvar lætur velgengnina ekki stíga sér til höfuðs og þvertekur fyrir það að lífið snúist bara um skákina. Hann er á þriðja ári í Verzlunarskólanum og gefur sér tíma til að stunda námið og félagslífið af krafti. Hann hlær að spurningu blaðamanns um hvort hann upplifi sig sem skákrokkstjörnu á göngum skólans, en segir þó að flestir viti eitthvað af afrekum hans í skákheiminum. "Sumir halda náttúrulega að ég eigi mér ekki líf út af þessu en það er alls ekki þannig. Það gefst tími fyrir allt ef maður skipuleggur sig nógu vel. Ég elska til dæmis fótbolta og gef mér alltaf tíma fyrir hann."

Spurður hvort vinir og jafnaldrar hans skilji skákáhugann segir hann það ekki algilt. "Bestu vinir mínir hafa verið það lengi í kringum mig að þeir skilja þetta. En það eru alltaf einhverjir sem finnst óskiljanlegt að ég nenni þessu eða finnist þetta gaman. Það truflar mig ekkert, ég hef lengi hugsað að ég haldi áfram þangað til ég hætti að hafa gaman af því að tefla. Það er engin ástæða til að halda áfram í einhverju sem maður hefur ekki ánægju af, hvort sem maður er góður eða ekki."

Hjörvar er ekki nærri hættur enn, því nú finnst honum gaman. Hann ætlar að halda áfram að undirbúa sig fyrir næstu mót sem færa hann enn nær áfanganum. "Nú þarf ég að passa mig að staðna ekki, það er mjög algengt á þessum tíma. Það er lokaspretturinn sem reynist erfiðastur, en það er gott að gera þetta á meðan maður er ungur."

bergthora@frettabladid.is

Úrklippa af sjálfri greininni fylgir með sem viðhengi.

Fréttin á Vísi

Skrár tengdar þessari bloggfærslu:

Úrklippan

Spil og leikir | Breytt s.d. kl. 15:27 | Slóð | Facebook | Athugasemdir (0)

18.11.2011 | 15:07

Friðrik með jafntefli við Van Der Sterren

Stórmeistarinn Friðrik Ólafsson (2428) gerði í dag jafntefli við hollenska stórmeistarann Paul Van Der Sterren (2514) í 4. umferð minningarmóts um Max Euwe. Friðrik hefur 1½ vinning. Á morgun teflir Friðrik við sænsku skákdrottninguna Piu Cramling (2495). Bein útsending hefst kl. 12.

Mótið er haldið til minningar um Euwe en í ár eru 30 ár síðan Euwe lést. Þátt taka átta skákmenn, bæði konur og karlar á ýmsum aldri. Taka 4 skákmenn þátt í hvorum flokki og tefld er tvöföld umferð, alls 6 skákir. Í flokki Friðriks tefla auk hans: Paul Van Der Sterren (2514), Pia Cramling (2495) og Zhaogin Peng (2379).

Heimasíða mótsins
Beinar útsendingar (hefjast kl. 12 nema síðasta umferð kl. 10)

Spil og leikir | Slóð | Facebook | Athugasemdir (0)

18.11.2011 | 15:00

Jón Kristinn og Áskell efstir

Sjötta mótið í mótaröð SA fór fram í gærkvöldi. Tíu kappar mættu til leiks og voru flestir ofurliði bornir af yngsta keppandanum á mótinu, sem vann sex fyrstu skákir sínar. Einn af öldungunum átti þó góðan endasprett og tókst að komast upp að hlið Jóns á síðustu metrunum. Efstu menn voru þessir:

1-2. Jón Kristinn og Áskell Örn 7.5 v. af 9

3-5. Sigurður Arnarson, Tómas Veigar og Smári Ólafsson 5.5

6. Sigurður Eiríksson 4

Með þessum árangri jók Jón Kristinn forystuna í mótaröðinni og stendru nú með pálmann í höndunum þegar sex mótum af átta er lokið. Heildarstaðan er þessi:

	samtals
Jón Kristinn Þorgeirsson	57,5
Sigurður Arnarson	43,5
Haki Jóhannesson	39
Sveinbjörn Sigurðsson	29,5
Sigurður Eiríksson	28,5
Atli Benediktsson	21
Andri Freyr Björgvinsson	20
Smári Ólafsson	19,5
Áskell Örn Kárason	16,5
Stefán Bergsson	12
Karl Egill Steingrímsson	9,5
Þór Valtýsson	8,5
Hjörleifur Halldórsson	8
Ari Friðfinnsson	8
Tómas V Sigurðarson	5,5
Bragi Pálmason	3
Logi Rúnar Jónsson	2,5
Haukur Jónsson	2,5
Jón Magnússon	1,5

Næst verður teflt í mótaröðinni 8. desember en nú á sunnudaginn fer fram Haushraðskákmót félagsins og hefst kl. 13. Teflt verður um meistaratitil Skákfélagsins í hraðskák.

Spil og leikir | Slóð | Facebook | Athugasemdir (0)

18.11.2011 | 08:11

Einar Hjalti atskákmeistari Reykjavíkur

Einar Hjalti Jensson sigraði með 5,5v í sex skákum á atskákmóti Reykjavíkur sem fram fór 14. nóvember sl. Einar Hjalti sem býr í Breiðholtinu varð jafnframt atskákmeistari Reykjavíkur. Taflmennska hans var traust á mótinu og hann tryggði sér sigurinn með jafntefli við Hjörvar í lokaumferðinni. Í öðru og þriðja sæti með 4,5v voru Hjörvar Steinn Grétarsson sé missté sig á móti Stefáni Bergssyni og Vigfús Ó. Vigfússon sem náði upp í efstu sæti með góðum endaspretti eftir að hafa skrölt af stað í byrjun móts

Röð Nafn Vinn. M-Buch. Buch. Progr.

1 Einar Hjalti Jensson, 5.5 15.5 23.0 20.5
2-3 Hjörvar Steinn Grétarsson, 4.5 15.5 24.5 16.5
Vigfús Ó. Vigfússon, 4.5 14.0 20.5 14.0
4-6 Jóhanna Björg Jóhannsdóttir, 4 15.5 21.5 16.0
Stefán Bergsson, 4 15.0 23.0 18.0
Sævar Bjarnason, 4 13.5 21.0 14.0
7-10 Dagur Ragnarsson, 3.5 14.0 20.0 13.0
Birkir Karl Sigurðsson, 3.5 12.5 19.0 10.0
Atli Antonsson, 3.5 11.5 19.0 12.0
Eiríkur Björnsson, 3.5 11.5 18.0 12.0
11-14 Dagur Kjartansson, 3 13.0 19.0 11.0
Helgi Brynjarsson, 3 12.0 18.0 11.0
Oliver Aron Jóhannesson, 3 11.0 16.0 11.0
Ingvar Örn Birgisson, 3 9.5 14.5 9.0
15-17 Kristófer Jóel Jóhannesso, 2.5 13.0 18.0 10.0
Ingvar Egill Vignisson, 2.5 11.5 17.5 8.5
Ingibjörg Edda Birgisdótir, 2.5 9.0 14.5 8.0
18-22 Jón Trausti Harðarson, 2 13.0 19.0 7.5
Stefán Már Pétursson, 2 12.5 17.0 7.0
Vignir Vatnar Stefánsson, 2 11.0 16.0 7.0
Gauti Páll Jónsson, 2 9.5 15.0 6.0
Pétur Jóhannesson, 2 5.0 8.5 4.0
23 Mikael Kravchuk, 1 9.5 13.0 3.0
24 Björgvin Kristbergsson, 0 8.5 13.5 0.0

Spil og leikir | Slóð | Facebook | Athugasemdir (0)

18.11.2011 | 08:10

Jóhann efstur á Skákþingi Garðabæjar

Fjórða umferð skákþings Garðabæjar var tefld í gærkvöldi. Hart var barist í öllum skákum, eina helst að Örn Leó hafi unnið þægilega eftir mikla sókn. Jóhann H. Ragnarsson vann Inga Tandra Traustason. Þorvarður Ólafsson vann Tjörva, Páll Sigurðsson vann Johann Helga Sigurdsson, Örn Leó Jóhannsson vann Auðberg Magnússon, Páll Snædal Andrason vann Atla Jóhann Leósson og Sveinn Gauti Einarsson og Ingvar Egill Vignisson gerðu jafntefli. Skák þeirra Mikael Jóhanns og Óskars Long Einarssonar var frestað.

Í B flokki sigraði Gauti Páll Jón Hákon Richter og Heimir Páll vann Kára Georgsson eftir að báðir léku slæmum afleikjum í upphafi skákar.

Jóhann Ragnarsson er því efstur á mótinu með fullt hús, en Páll og Þorvarður koma næstir með 3 vinninga af 4. Í B flokki leiðir Gauti Páll Jónsson með 3,5 vinning en Hilmir Freyr getur náð honum ef hann nær að vinna í frestaðri skák gegn Björgvin Kristbergssyni.

Frestaðar skákir verða tefldar þriðjudaginn 22. nóvember og mun pörun liggja fyrir eftir það.