Íslandsmótið í atskák 2011

Íslandsmót í atskák 2011 fer fram dagana 25. - 27. nóvember nk.  í húsnæði Taflfélags Reykjavíkur Faxafeni 12.

Öllum er heimil þátttaka!

Fyrirkomulag:  Tefldar 7 skákir eftir svissneska kerfinu.  Fjórir efstu komast í úrslitakeppni (séu menn jafnir gilda Buchols-stig).  Í úrslitakeppni mætast 1-4 og 2-3.

Dagskrá mótsins:

• Föstudagur 25. nóvember                  kl. 20.00          1. umferð
•        „                                                  kl. 21.00          2. umferð
•        „                                                  kl. 22.00          3. umferð
• Laugardagur 26. nóvember                kl. 14.00          4. umferð
•        „                                                  kl. 15.00          5. umferð
•        „                                                  kl. 16.00          6. umferð
•        „                                                  kl. 17.00          7. umferð

 

Sunnudagur 27. nóvember                 kl. 14.00          Úrslitakeppni (SÍ salur)

Úrslitaeinvígið gæti farið fram síðar.  

 

Verðlaun:       

1. verðlaun      kr. 100.000.-

 

Þátttökugjöld:           

kr. 2.000.- fyrir fullorðna

kr. 1.000.- fyrir 15 ára og yngri.

 

Skráning fer fram á www.skak.is (skráningarform kemur í kvöld).  Skráningarfrestur er til kl. 19:30 á föstudag

Skákþáttur Morgunblaðsins: Sigur Hjörvars yfir Shirov vekur athygli

Íslendingar hafa með ýmsum hætti sett mark sitt á sterkustu flokkakeppni ársins, Evrópumót landsliða í Hakilidiki í Grikklandi.

Umkringdir flestum af sterkustu stórmeisturum heims, Topalov, Aronjan, Ivantsjúk, Svidler, Morozevich, Radjabov, Karjakin, Shirov, Leko og goðsögninni Viktor Kortsnoj, hefur íslenska sveitin þrátt fyrir forföll verið á svipuðum slóðum hvað árangur varðar og mörg stigahærri lið, þ.ám. sigurvegarar síðasta Ólympíumóts, Úkraínumenn, andstæðingar okkar í næstsíðustu umferð.

Kjarninn úr liðinu frá Ólympíumótinu í Khanty Manyisk, bræðurnir Björn og Bragi hafa ásamt Hjörvari Steini náð vel saman. Hjörvar hefur þegar tryggt sér lokaáfangann að alþjóðlegum meistaratitli þó tvær umferðir séu eftir. Greinarhöfundur hljóp í skarðið á síðustu stundu og hefur náð ágætis árangri en aðalhlutverkið er á sviði liðsstjórnar og undirbúnings fyrir hverja viðureign. Henrik Danielssen sem teflir á 1. borði byrjaði ekki vel en náði sér á strik með með sigri í 6. umferð.

Hjörvar Steinn vakti mikla athygli á mótsstað í Grikklandi þegar hann lagði lettneska stórmeistarann Alexei Shirov í 1. umferð. Shirov, sem undanfarin ár hefur búið á Spáni og teflt fyrir Spánverja, er höfundur tveggja binda verks, Fire on the board þar sem hann rekur margar flóknar skákir og þessi viðureign hefði vel getað ratað þangað því allt frá byrjun logaði skákborðið af ófriði. Vissulega buðust Shirov betri leiðir til að verjast á mikilvægum augnablikum en þess ber að geta að vörnin hefur aldrei verið hans sterkasta hlið. Þar fór að lokum að Hjörvari tókst með nokkrum snjöllum riddaraleikjum að knýja fram sigur.

Hjörvar Steinn Grétarsson - Alexei Shirov

Nimzoindversk vörn

1 d4 Rf6 2. c4 e6 3. Rc3 Bb4 4. Dc2 O-O 5. Rf3 c5 6. dxc5 Ra6 7. c6!? (Leikur Morozevich sem við Hjörvar höfðum athugað lítillega fyrir skákina. )

7. ... d5!? (Kemur ekki að tómum kofunum. Þessum skarpa leik er sennilega best svarað með 8. a3. Í 7. umferð lék Damljanovic 7. ... bxc6 gegn Braga Þorfinnssyni og Bragi vann eftir miklar flækjur.)

8. Bd2?! d4 9. Rb5 bxc6 10. Rbxd4 Bxd2 11. Dxd2 Db6 12. e3 Hd8 13. c5!? (Svartur hótaði 13. ... c5 eða 13... Re4. Þessi leikur leysir ekki öll vandamál hvíts.)

13. ... Rxc5 14. Bc4 e5!

15. Bxf7+!? Kxf7 (Hér var 15. .. Kf8 tvímælalaust betra því eftir 16. Rxe5 kemur 16. ... Rce4 o.s.frv.)

16. Rxe5+ Kf8 17. Rc4 Dc7 18. Db4 Hd5 19. O-O (Hvítur hefur þokkalegt spil fyrir manninn með tvö peð upp í og veikleika í stöðu svarts sem hægt er að herja á.)

19. ... Hb8 20. Da3 Kg8 21. Hac1 Rce4 22. f3 Hh5 23. f4 c5 24. Re5 Db7 25. Rdc6 Ha8 26. b4!Be6 27. bxc5 Bd5 28. Rd4 De7 29. Da5 Dd8 30. Dxd8 Hxd8 31. Hfd1!

(Drottningaruppskiptin bættu alls ekki vígstöðu svarts sem hér þurfti að glíma við mikið tímahrak, leppun eftir d-línunni, frelsingja á c5 og stórhættulega riddara.)

31. ... Hc8 32. g4! Hh3 33. Rf5 Kf8 34. g5 (Blasir við en 34. Kg2! var enn sterkara.)

34. .. Bxa2 35. gxf6 gxf6 36. Rd7+?

( Eins og tölvuforritin bentu á er hinn rólegi leikur 36. Rc4! bestur og svartur er varnarlaus. )

36. ... Kf7 37. Rd6+ Rxd6 38. Hxd6 Hg8+ 39. Kh1 Hxe3 40. Rxf6 Hb8 41. Rg4! He4 42. Re5+ Ke8 (Eða 42. .. Kg7 43. c6 og vinnur.)

43. Rd7! - Skemmtilegur lokahnykkur. Shirov gafst upp. Hann getur forðað hróknum en þá kemur 44. Rf6+ o.s.frv.

Helgi Ólafsson [e-mail]

-------------------------------------------

Skákþættur Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 13 nóvember 2011.

Skákþættir Morgunblaðsins

[Event "European Team Ch 2011"] [Site "L24801"] [Date "2011.11.03"] [Round "-"] [White "Gretarsson, Hjorvar Steinn"] [Black "Shirov, Alexei"] [Result "1-0"] 1. d4 Nf6 2. c4 e6 3. Nc3 Bb4 4. Qc2 O-O 5. Nf3 c5 6. dxc5 Na6 7. c6 d5 8. Bd2 d4 9. Nb5 bxc6 10. Nbxd4 Bxd2+ 11. Qxd2 Qb6 12. e3 Rd8 13. c5 Nxc5 14. Bc4 e5 15. Bxf7+ Kxf7 16. Nxe5+ Kf8 17. Nc4 Qc7 18. Qb4 Rd5 19. O-O Rb8 20. Qa3 Kg8 21. Rac1 Nce4 22. f3 Rh5 23. f4 c5 24. Ne5 Qb7 25. Ndc6 Ra8 26. b4 Be6 27. bxc5 Bd5 28. Nd4 Qe7 29. Qa5 Qd8 30. Qxd8+ Rxd8 31. Rfd1 Rc8 32. g4 Rh3 33. Nf5 Kf8 34. g5 Bxa2 35. gxf6 gxf6 36. Nd7+ Kf7 37. Nd6+ Nxd6 38. Rxd6 Rg8+ 39. Kh1 Rxe3 40. Nxf6 Rb8 41. Ng4 Re4 42. Ne5+ Ke8 43. Nd7 1-0

Héðinn og Henrik unnu báðir í dag í þýsku deildakeppninni

Íslenskum skákmönnum gekk vel í þýsku deildakeppninni í dag.  Íslandsmeistarinn í skák, Héðinn Steingrímsson (2562), sem teflir í Bundesligunni fyrir Hansa Dortmund, vann pólska stórmeistaranum Dariusz Swiercz (2585) með laglegri drottningarfórn.  

Henrik Danielsen (2542) sem teflir í svæðisbundinni neðri deild, fyrir Schachfreunde Schwerin, vann þýska FIDE-meistarann Markus Lindinger (2302).

Keppninni verður framhaldið helgina 10.-11. desember.   

Skák Héðins fylgir með fréttinni.

• Heimasíða efstu deildar
• Heimasíða þýsku deildakeppninnar
• Beinar útsendingar

 

[Event "Schachbundesliga 2011/2012"] [Date "2011.11.20"] [Round "5.3"] [Board "3"] [White "Steingrimsson, Hedinn"] [Black "Swiercz, Dariusz"] [Result "1-0"] [WhiteClock "00:00:43"] [BlackClock "00:01:52"] [WhiteElo "2562"] [BlackElo "2585"] [WhiteClub "SC Hansa Dortmund"] [BlackClub "SK Turm Emsdetten"] [PlyCount "79"] 1. d4 d5 2. c4 e6 3. Nc3 Bb4 4. Qb3 c5 5. dxc5 Nc6 6. a3 Qa5 7. Bd2 d4 8. Ne4 Bxd2+ 9. Nxd2 Nf6 10. Ngf3 O-O 11. Qd1 Qxc5 12. b4 Qd6 13. Nb3 e5 14. e3 Bg4 15. h3 Bh5 16. g4 Bg6 17. Bg2 Qe6 18. Nfd2 Rad8 19. O-O b6 20. Re1 e4 21. g5 Nh5 22. b5 dxe3 23. Rxe3 Ne5 24. Qf1 Qe7 25. Nxe4 Nf4 26. Rae1 Qc7 27. c5 Ned3 28. Rd1 Nxc5 29. Nexc5 bxc5 30. Bc6 c4 31. Rxd8 Qxd8 32. Qxc4 Qxg5+ 33. Kh2 h6 34. Qc5 Qh4 35. Qxf8+ Kh7 36. Rg3 Nxh3 37. Rxh3 Qxf2+ 38. Bg2 Qf4+ 39. Rg3 h5 40. Qb4 1-0

Tal Memorial: Öllum skákum 5. umferðar lauk með jafntefli

Öllum skákum fimmtu umferðar, rétt eins og þeirrar fjórðu, á Tal Memorial lauk með jafntefli.  Lítið eru engu að síður um stutt jafntefli og hart bartist.  Staðan á toppnum er því óbreytt, það er að Aronian og 90-árgangurinn leiðir.   Frídagur er á morgun.  Sjötta umferð fer fram á þriðjudag og hefst kl. 11.

Þá mætast m.a.: Carlsen-Svidler, Nepo-Karjakin og Aronian-Gelfand.  

Staðan:

• 1.-4. Aronian (2802), Nepo (2730), Karjakin (2763) og Carlsen (2826) 7 stig
• 5.-6. Ivanchuk (2775) og Svidler (2755) 6 stig
• 7. Anand (2817) 5 stig
• 8.-9. Kramnik (2800) og Nakamura (2753) 4 stig
• 10. Gelfand (2746) 3 stig

Meðalstigin er 2776 skákstig og telst það sterkasta skákmót ársins.  Veitt eru 3 stig fyrir sigur og 1 fyrir jafntefli.

• Heimasíða mótsins
• Beinar útsendingar - (hefjast kl. 11 nema lokaumferðin kl. 9)
• Vefútsending - frábær myndgæði
• ChessBomb (skákskýringar/tölvuskýringar)

Heimsmeistaraeinvígi kvenna: Jafntefli í 5. skák

Jafntefli varð í fimmtu einvígisskákinni um heimsmeistaratitil kvenna.  Hou Yifan (2578) leiðir því í einvíginu með 3-2 gegn Humpy Koneru (2600).  Sjötta skákin verður tefld á morgun.

Alls tefla þær 10 skákir.  Verði jafnt tefla þær til þrautar með skemmri umhugsunartíma.

• Heimasíða einvígisins
• Beinar útsendingar (hefjast kl. 14) 
• Chessbomb

Íslendingar að tafli í Uppsölum

Þrír Íslendingar tóku þátt í atskákmótum í Uppsölum í Svíþjóð um helgina.  Það voru feðgarnir Jón Þ. Þór (2172) og G. Sverrir Þór (1988) sem tefldu í aðalmótinu og Baldur Teódór Petersson (1418) sem tefldi í b-flokki.

G. Sverrir hlaut 4 vinninga og endaði í 16.-21. sæti en Jón Þ. hlaut 3,5 vinning og endaði í 22.-29. sæti.  G. Sverrir byrjaði með miklum látum og vann fyrstu fjórar skákirnar og þar á meðal einn FIDE-meistara en tapaði þremur síðustu.    Stórmeistarinn Lars Karlsson (2535) sigraði á mótinu.

Baldur Teódór hlaut 4 vinninga og endaði í 10.-15. sæti.  Baldur byrjaði einnig með látum og hafði 4 vinninga eftir 5 umferðir.

• Heimasíða mótsins
• Chess-Results
• Chess-Results

Áskell sigraði á Hausthraðskákmóti SA

Óvenjulega fámennt var á hausthraðskákmóti félagsins í þetta sinn. Ýmis gömul brýni létu sig vanta og nýrri brýnin voru ekkert of mörg heldur. Þó vakti það athygli viðstaddra að þrír af liðsmönnum félagsins á Íslandsmóti skákfélaga voru nú mætt aftur norður og létu sig ekki muna um 18 hraðskákir í blíðviðrinu.  Þátttakendur voru sumsé ekki nema sjö og tefldu þrefalda umferð sín á milli. Enda ekkert gáfulegra við að vera. Þessvegna endaði þetta svona:

1. Áskell Örn Kárason           17,5 af 18

2. Sigurður Eiríksson             11,5

3. Jón Kristinn Þorgeirsson    11

4-5. Tómas V. Sigurðarson og

        Sveinbjörn Sigurðsson    9

6. Andri Freyr Björgvinsson     3,5

7. Logi Rúnar Jónsson             1,5

Næsta mót félagsins verður Atskákmót Akureyrar. Það verða tefldar 7 umferðir og hefst mótið nk. fimmtudagskvöld kl. 19.30. Þá verða tefldar 3 umferðir en mótinu lýkur svo á sunnudag með 4 umferðum.

Bjarni Jens með jafntefli í 2. umferð

Bjarni Jens Kristinsson (2045) gerði jafntefli við kínverska skákmanninn Hou Qiang (2322) í 2. umferð alþjóðlega mótsins í  í Ungverjalandi í dag.  Bjarni Jens hefur 0,5 vinning.

Bjarni teflir í AM-flokki.  Þar tefla sex keppendur tvöfalda umferð og er Bjarni stigalægstur keppenda.

Skák Bjarna úr 2. umferð fylgir með.  

Heimasíða mótsins (takmarkaðar upplýsingar)

[Event "Caissa IM"] [Site "?"] [Date "2011.11.20"] [Round "2"] [White "Kristinsson, Bjarni Jens"] [Black "Hou, Qiang (CHN)"] [Result "1/2-1/2"] [ECO "C41"] [WhiteElo "2045"] [BlackElo "2322"] [Annotator "Kristinsson,Bjarni Jens"] [PlyCount "49"] 1. e4 e5 2. Nf3 Nc6 3. Nc3 Nf6 4. d4 exd4 5. Nxd4 d6 6. Be2 Be7 7. O-O O-O 8. Be3 Bd7 9. f3 Re8 10. Qd2 Nxd4 11. Bxd4 h6 12. Rae1 Bc6 13. Bd3 Qd7 14. Ne2 Nh7 15. Ng3 Bf6 16. Bxf6 Nxf6 17. Nf5 Qe6 18. a3 Nd7 19. Qc3 Qe5 20. Qxe5 Nxe5 21. Nd4 Bd7 22. Bb5 Bxb5 23. Nxb5 Re7 24. b3 f6 25. Rd1 {Draw agreed.} 1/2-1/2

Friðrik með jafntefli gegn Cramling í lokaumferðinni - endaði með 50%

Stórmeistarinn Friðrik Ólafsson (2428) gerði jafntefli við sænsku skákdrottninga Piu Cramling (2495) í 6. og síðustu umferðar minningarmótsins um Max Euwe sem fram fór í dag.  Friðrik endaði með 3 vinninga í 6 skákum.  Gerði 4 jafntefli, vann eina og tapaði einni.  Friðrik endaði í 2.-3. sæti í sínum flokki ásamt Piu.   Zhaogin Peng (2379) sigraði en hún hlaut 3,5 vinning.

Mótið var haldið til minningar um Euwe en í ár eru 30 ár síðan Euwe lést.   Þátt tóku átta skákmenn, bæði konur og karlar á ýmsum aldri.  Tóku 4 skákmenn þátt í hvorum flokki og tefld var tvöföld umferð, alls 6 skákir.  Í flokki Friðriks tefldu auk hans: Paul Van Der Sterren (2514), Pia Cramling (2495) og Zhaogin Peng (2379).

• Heimasíða mótsins
• Beinar útsendingar (hefjast kl. 12 nema síðasta umferð kl. 10)

 

TORG-skákmót Fjölnis verður í Hlöðunni Gufunesbæ um næstu helgi

Skákdeild Fjölnis stendur fyrir sínu árlega TORG-skákmóti laugardaginn 26. nóvember frá kl. 11.00 -13:00.

Tefldar verða sex umferðir og umhugsunartíminn er sjö mínútur. Allir grunnskólanemendur landsins eiga þátttökurétt á mótinu.

Fjöldi verðlauna og skemmtilegt fyrirkomulag hefur gert þetta skákmót mjög vinsælt og hafa jafnt bestu skákkrakkar landsins sem yngstu byrjendur sóst eftir því að vera með. Mótið fer fram á nýjum stað í Grafarvogi sem er Hlaðan við Gufunesbæ rétt við Skemmtigarðinn í Grafarvogi. Þar er frábær aðstaða fyrir taflmót. Fyrirtækin í verslunarmiðstöðinni Torginu í Foldahverfi gefa öll verðlaun á mótið en auk þess mun ÍTR gefa vinninga sem eru sundkort og gjafakort í Fjölskyldu-og húsdýragarðinn í Laugardal. Líkt og í fyrra verða verðlaunin um eða yfir 30 talsins. NETTÓ - Hverafold gefur þrjá glæsilega eignabikara til mótsins auk þess sem NETTÓ býður öllum þátttakendum upp á ókeypis veitingar í skákhléi.

Skráning á staðnum og væntir Skákdeild Fjölnis þess að sjá alla okkar fremstu skákkrakka í Hlöðunni við Gufunesbæ.