TORG-skákmót Fjölnis verður í Hlöðunni Gufunesbæ á laugardag

Skákdeild Fjölnis stendur fyrir sínu árlega TORG-skákmóti laugardaginn 26. nóvember frá kl. 11.00 -13:00.

Tefldar verða sex umferðir og umhugsunartíminn er sjö mínútur. Allir grunnskólanemendur landsins eiga þátttökurétt á mótinu.

Fjöldi verðlauna og skemmtilegt fyrirkomulag hefur gert þetta skákmót mjög vinsælt og hafa jafnt bestu skákkrakkar landsins sem yngstu byrjendur sóst eftir því að vera með. Mótið fer fram á nýjum stað í Grafarvogi sem er Hlaðan við Gufunesbæ rétt við Skemmtigarðinn í Grafarvogi. Þar er frábær aðstaða fyrir taflmót. Fyrirtækin í verslunarmiðstöðinni Torginu í Foldahverfi gefa öll verðlaun á mótið en auk þess mun ÍTR gefa vinninga sem eru sundkort og gjafakort í Fjölskyldu-og húsdýragarðinn í Laugardal. Líkt og í fyrra verða verðlaunin um eða yfir 30 talsins. NETTÓ - Hverafold gefur þrjá glæsilega eignabikara til mótsins auk þess sem NETTÓ býður öllum þátttakendum upp á ókeypis veitingar í skákhléi.

Skráning á staðnum og væntir Skákdeild Fjölnis þess að sjá alla okkar fremstu skákkrakka í Hlöðunni við Gufunesbæ.

Oliver Aron sigraði á Unglingameistaramóti TR - Hilmir og Tara meistarar

Barna- og unglingameistaramót sem og Stúlknameistaramóts Taflfélags Reykjavíkur fór fram sunnudaginn 20. nóvember, í félagsheimili T.R. Faxafeni 12. Keppt var í einum flokki og voru 7 umferðir tefldar eftir Monradkerfi en umhugsunartíminn var 15 mínútur á skák. Skákmótið var opið fyrir keppendur 15 ára og yngri og tóku 19 krakkar þátt: þar af 15 úr Taflfélagi Reykjavíkur, 4 úr Skákdeild Fjölnis. Veitt voru verðlaun fyrir þrjú efstu sætin, en auk þess fyrir þrjár efstu stúlkurnar. Félagsmenn í TR kepptu einnig um titilinn Unglingameistari T.R. og Stúlknameistari T.R. Að auki voru veitt verðlaun fyrir þrjú efstu sætin í flokki 12 ára og yngri.

Skákmótið var fámennt en góðmennt og skemmtilegt. Næstum allir krakkarnir sem tóku þátt í mótinu höfðu einnig tekið þátt í Íslandsmóti unglingasveita deginum áður og var þetta því mikil skákhelgi! Allt eru þetta krakkar sem æfa og tefla mikið og kunna til verka. Skákstjórinn hafði næstum ekkert að gera!

Eftir fjórðu umferð bauð T.R. keppendum upp á pizzu og gos og gerði það mikla lukku!

Sigurvegari mótsins var hinn geðþekki piltur úr Grafarvoginum, Oliver Aron Jóhannesson, Fjölni,  með 6 vinninga af 7. Hann vann 5 skákir og gerði tvö jafntefli, fyrst við Veroniku Steinunni sem hann þurfti virkilega að hafa fyrir, og síðan í síðustu umferð við Nansý. Í 2. sæti varð hinn ungi og efnilegi Hilmir Freyr Heimisson, með 5 v.  sem einnig varð efstur T.R.-inga og þar með Unglingameistari T.R. 2011.

Í 3. sæti varð Nansý Davíðsdóttir, einnig úr Fjölni, með 5 vinninga. Nansý gerði það ekki endasleppt, því hún fékk einnig 1. verðlaun í Stúlknameistaramótinu og 2. verðlaun í flokki 12 ára og yngri!

Tara Sóley Mobee varð efst T.R. stúlkna með 4 v. af 7 og varð því Stúlknameistari T.R. 2011.

Í flokki 12 ára og yngri sigraði Hilmir Freyr Heimisson, Nansý varð sem áður sagði í 2. sæti og í 3. sæti varð einn af hinum fjölmörgu efnilegu skákkrökkum T.R. Gauti Páll Jónsson.

Úrslit skákmótsins urðu annars sem hér segir:

1.     Oliver Aron Jóhannesson, Fjölni, 6 v. af 7. 1. verðlaun Unglingameistaramót

2.     Hilmir Freyr Heimisson, T.R. 5 v. 23,5 stig Unglingameistari T.R. 2011. 2. verðlaun Unglingameistaramót. 1. verðlaun 12 ára og yngri.

3.     Nansý Davíðsdóttir, Fjölni, 5 v. 23 stig. 3. verðlaun Unglingameistaramót. 1. verðlaun Stúlknameistaramót. 2. verðlaun 12 ára og yngri.

4.     Leifur Þorsteinsson, T.R. 4,5 v.

5.     Jón Trausti Harðarson, Fjölni, 4,5v.

6.     Gauti Páll Jónsson, T.R. 4,5 v. 3. verðlaun 12 ára og yngri.

7.     Svandís Rós Ríkharðsdóttir, Fjölni,  4 v. 20 stig 2. verðlaun Stúlknameistaramót

8.     Tara Sóley Mobee, T.R. 4 v. 18,5 stig. Stúlknameistari T.R. 2011. 3. verðlaun Stúlknameistaramót.

9.     Símon Þórhallsson, T.R., 4 v.

10.                       Veronika Steinunn Magnúsdóttir, T.R., 3,5 v.

11.                       Vignir Vatnar Stefánsson, T.R., 3,5 v.

12.                       Rafnar Friðriksson, T.R., 3,5 v.

13.                       Guðmundur Agnar Bragason, T.R., 3 v.

14.                       Donika Kolica, T.R., 3 v.

15.                       Andri Már Hannesson, T.R., 3 v.

16.                       Þorsteinn Muni Jakobsson, T.R., 3 v.

17.                       Þorsteinn Magnússon, T.R., 2 v.

18.                       Bárður Örn Birkisson, T.R., 2 v.

19.                       Björn Hólm Birkisson, T.R., 2 v.

 

Skákstjóri var Sigurlaug Regína Friðþjófsdóttir sem einnig tók myndir. Nokkrir foreldrar T.R.-skákbarna aðstoðuðu við "pizzupartýið", frágang og skákstjórn og fá þau bestu þakkir fyrir! Þetta voru þau Áróra Hrönn Skúladóttir, Bragi Þór Thoroddsen, Stefán Már Pétursson og Þórdís Sævarsdóttir.

Sigurlaug Regína Friðþjófsdóttir skrifaði pistilinn.

Skákþing Garðabæjar: Pörun 5. umferðar

Pörun fimmtu umferðar Haustmóts TG sem fram fer á fimmtudagskvöld liggur nú fyrir.  Hana má finna á Chess-Results.

• Heimasíða TG
• Chess-Results

Jóhann Örn sigraði á Haustmóti Ása

Það var vel mætt í dag í Stangarhyl, þar sem Æsir héldu sitt Haustmót.  Tuttugu og átta skákmenn mættu til leiks.  Tefldar voru 11 umferðir með tíu mínútna umhugsunartíma. Það var hart barist á toppnum eins og venja er og þannig á það að vera.

Þegar mótið var rúmlega hálfnað leit út fyrir að Sæbjörn ætlaði að taka þetta með stæl, en hann gaf aðeins eftir á endasprettinum, svo að gömlu meistararnir þeir Jóhann Örn og Björn Þorsteinsson náðu honum. Þessir þrír fengu allir 9,5 vinning.  

Jóhann Örn taldist efstur á stigum  og er því handhafi bikarsins næsta ár.  Björn Þorsteinsson fékk silfrið og Sæbjörn bronsið.

Einnig voru veitt verðlauna peningareftir aldri. Í elsta hópnum 8o ára og eldri varð Haraldur Axel Sveinbjörnsson efstur.

Í næsta hóp  70-80 ára varð Gísli Sigurhansson efstur og í yngsta hópnum 60-70 ára varð efstur Þór Valtýsson.

Birgir Sigurðsson og Finnur Kr Finnsson sáu um skákstjórn.

Heildarúrslit:

• 1-3       Jóhann Örn Sigurjónsson                                              9.5 vinninga
•             Björn Þorsteinsson                                                       9.5
•             Sæbjörn Guðfinnsson                                                    9.5
• 4          Þór Valtýsson                                                               8
• 5          Gísli Gunnlaugsson                                                        6.5
• 6-10     Össur Kristinsson                                                         6
•             Gísli Sigurhansson                                                         6
•             Haraldur Axel Sveinbjörnsson                           6
•             Gísli Árnason                                                                6
•             Magnús V Pétursson                                                     6
• 11-15   Valdimar Ásmundson                                                    5.5
•             Jón Víglundsson                                                            5.5
•             Óli Árni Vilhjálmsson                                                    5.5
•             Þorsteinn Guðlaugsson                                      5.5
•             Einar S Einarsson                                                          5.5
• 16-18   Hermann Hjartarson                                                     5
•             Hlynur Þórðarson                                                         5
•             Jónas ástráðsson                                                           5
• 19-23   Halldór Skaftason                                                         4.5
•             Birgir Ólafsson                                                  4.5
•             Baldur Garðarsson                                                        4.5
•             Eiður Á Gunnarsson                                                      4.5
•             Friðrik Sófusson                                                           4.5
• 24-26   Viðar Arthúrsson                                                          4
•             Ásgeir Sigurðsson                                                         4
•             Egill Sigurðsson                                                            4
• 27-28   Kort Ásgeirsson                                                           2
•             Hrafnkell Guðjónsson                                                   2

Myndaalbúm (ESE)

15 mínútna mót Goðans

Hið árlega 15 mínútna skákmót Goðans  verður haldið á Húsavík föstudagskvöldið 2. desember nk og hefst það kl 20:00. Teflt er í Framsýnarsalnum að Garðarsbraut 26.

Teflar verða skákir með 15 mín umhugsunartíma á mann og er reiknað með því að tefldar verði 7 umferðir eftir monrad-kerfi, en það fer þó eftir fjölda þátttakenda.
Mótið er opið öllu skákáhugafólki.

Veitt verða verðlaun fyrir þrjú efstu sætin auk farandbirkars og nafnbótina "15 mín meistari Goðans 2010" fyrir efsta sætið.

Núverandi 15 mín meistari Goðans er Smári Sigurðsson.

Einnig verða veitt verðlaun fyrir þrjá efstu í flokki 16 ára og yngri.

Keppnisgjald er 500 krónur fyrir fullorna en 250 krónur fyrir 16 ára og yngri.

Æskilegt er að áhugasamir skrái sig til leiks í síðasta lagi kvöldið fyrir mót hjá formanni í síma 4643187 eða 8213187 eða á [e-mail] 

Hjörvar Steinn og Elsa María í Morgunútvarpi Rásar 2

Hjörvar Steinn Grétarsson og Elsa María Kristínardóttir voru í skemmtilegu viðtali í Morgunútvarpi Rásar 2 í morgun. 

Það er athyglisvert að heyra svör við því hver væri þeirra uppáhaldstaflmaður og hvort sé ástæða til þess að halda sér kvennaskákmót.

Viðtalið á Rás 2 (ca. 92-102 mín). 

Ritstjóri bendir áhugamönnum sérstaklega á að hlusta á lagið One Night in Bangkok fyrir viðtal, flutt af sjálfum Mike Tyson.  

 

 

Tal Memorial: Enn jafntefli

Þriðju umferðina í röð lauk öllum skákum Tal Memorial með jafntefli.  Þó sem fyrr var hart barist og má þar nefna skemmtilega skák Carlsen og Svidler.  Aronian og 90-árgangurinn leiðir því sem fyrr á mótinu.   Sjöunda umferð fer fram á morgun og hefst kl. 11.

Þá mætast m.a.: Anand-Carlsen, Karjakin-Aronian og Svidler-Nepo. 

Staðan:

• 1.-4. Aronian (2802), Nepo (2730), Karjakin (2763) og Carlsen (2826) 3½ v.
• 5.-7. Ivanchuk (2775), Svidler (2755) og Anand (2817) 3 v.
• 8.-9. Kramnik (2800) og Nakamura (2753) 2½ v.
• 10. Gelfand (2746) 2 v.

Meðalstigin er 2776 skákstig og telst það sterkasta skákmót ársins.  Þriggja stiga reglan virðist ekki vera í gildi eins og áður hefur verið haldið fram. 

• Heimasíða mótsins
• Beinar útsendingar - (hefjast kl. 11 nema lokaumferðin kl. 9)
• Vefútsending - frábær myndgæði
• ChessBomb (skákskýringar/tölvuskýringar)

Bjarni Jens tapaði í 3. umferð

Bjarni Jens Kristinsson (2045) tapaði fyrir serbneska alþjóðlega meistaranum Tibor Farkas (2276) í 3. umferð alþjóðlega mótsins í Kéckemet í Ungverjalandi.  Bjarni Jens hefur ½ vinning.

Bjarni teflir í AM-flokki.  Þar tefla sex keppendur tvöfalda umferð og er Bjarni stigalægstur keppenda.

Skák Bjarna úr 3. umferð fylgir með.  

Heimasíða mótsins (takmarkaðar upplýsingar)

[Event "Caissa IM"] [Site "?"] [Date "2011.11.21"] [Round "3"] [White "Kristinsson, Bjarni Jens"] [Black "Farkas, Tibor (SRB)"] [Result "0-1"] [ECO "B96"] [WhiteElo "2045"] [BlackElo "2276"] [Annotator "Kristinsson,Bjarni Jens"] [PlyCount "122"] [EventDate "2011.??.??"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Bg5 e6 7. f4 h6 8. Bh4 Qb6 9. Qd2 Qxb2 10. Rb1 Qa3 11. Be2 Be7 12. O-O Nbd7 13. Rf3 Qc5 14. Bf2 Qc7 15. Rg3 Rg8 16. Re1 g5 17. h4 gxf4 18. Rxg8+ Nxg8 19. Rf1 Ne5 20. Ncb5 axb5 21. Nxb5 Qd8 22. Qxf4 Bd7 23. Bd4 f6 24. Qg3 Kf8 25. Nxd6 Bxd6 26. Bxe5 Bxe5 27. Qxe5 Rc8 28. c3 Qe7 29. Kh1 Kg7 30. Qg3+ Kh8 31. Rb1 Bc6 32. Qg4 Re8 33. Rb4 Qd6 34. Rd4 Qe7 35. Qg3 e5 36. Rb4 Qg7 37. Qf2 Ne7 38. a4 Ng6 39. g3 Nf8 40. Kh2 Ne6 41. a5 Qe7 42. a6 bxa6 43. Bxa6 Rf8 44. Bd3 Nc5 45. Bc2 Bd7 46. Rc4 Rc8 47. Rb4 Qd6 48. Rb1 Kg7 49. Rd1 Qc6 50. Qe3 Bg4 51. Rd5 Be6 52. Rd1 Rb8 53. Rf1 Bf7 54. g4 Ne6 55. Rf2 Rc8 56. Rf3 Nf4 57. Rg3 Bg6 58. Bd1 Rd8 59. Rg1 Rd3 60. Qa7+ Bf7 61. Re1 Qxc3 0-1

Haustmót Æsis fer fram í dag

Æsir, skákfélag eldri borgara í Reykjavík, halda sitt haustmót næstkomandi þriðjudag kl. 13.00 í Stangarhyl 4.

Tefldar verða 11 umferðir með 10 mín umhugsunartíma.

Allir skákmenn 60 ára og eldri velkomnir.

Vinsamlega mætið tímanleg þar sem byrjað verður mínútunni.

 

 

Heimsmeistaraeinvígi kvenna: Hou Yifan vann sjöttu skák - leiðir 4-2

Kínverska stúlkan Hou Yifan (2578) vann indversku skákkonuna Humpy Koneru (2600) í sjöttu skák heimsmeistaraeinvígis þeirra sem fram fór í Tirena í Albeníu í dag.  Yifan leiðir nú 4-2.  Sjöunda skákin verður tefld á miðvikudag. 

Alls tefla þær 10 skákir.  Verði jafnt tefla þær til þrautar með skemmri umhugsunartíma.

• Heimasíða einvígisins
• Beinar útsendingar (hefjast kl. 14) 
• Chessbomb