Bjarni Jens teflir í Búdapest

Bjarni Jens Kristinsson (2045) tekur þátt í FM-flokki First Saturdays-mótsins sem hófst í gær í Búdapest.  Bjarni vann ungverskan FIDE-meistara í fyrstu umferð.

Í flokki Bjarni tefla 12 skákmenn og eru meðalstign 2018.  Bjarni er nr. 4 í stigaröð keppenda.  

• Heimasíða First Saturday
• Chess-Results

Sigur gegn Lúxemborg - Hjörvar yngsti fyrstaborðsmaðurinn

Góður 3-1 sigur vannst á Lúxemborg í 3. umferð EM landsliða sem fram fór í Porto Carras í dag. Hjörvar Steinn Grétarsson, Bragi Þorfinnsson og Helgi Ólafsson unnu en Björn Þorfinnsson tapaði. Henrik Danielsen hvíldi. 

Hjörvar, sem er aðeins 18 ára, tefldi á fyrsta borði og er sá yngsti í sögunni sem leitt hefur íslenskt skáklandslið.  Þetta er svo í fyrsta skipti síðan í Tórínó 2006 að Helgi teflir með íslenska landsliðinu í skák en Helgi er jafnframt liðsstjóri liðsins.

Íslenska sveitin hefur 2 stig og 5,5 vinning og er í 28. sæti.  Á morgun teflum mætum við Svartfellingum sem eru áþekkir íslensku sveitinni að styrkleika. 

Aserar eru efstir, Spánverjar, sem rétt mörðu Íslendinga í fyrstu umferð eru aðrir og Úkraínumenn eru þriðju.  Danir eru efstir Norðurlanda eftir stórsigur, 3,5-0,5, á  Norðmönnum.   Rússar eru efstir í kvennaflokki. 

• Heimasíða mótsins
• Chess-Results
• Beinar útsendinga (ETCC 2011 - átta efstu viðureignirnar)
• Myndaalbúm
• Umræður á SkákHorninu

 

Úrslit dagsins:

19.1	IM	Berend Fred	2381	-	FM	Gretarsson Hjorvar Steinn	2452	0 - 1
19.2		Jeitz Christian	2171	-	IM	Thorfinnsson Bragi	2421	0 - 1
19.3	FM	Mossong Hubert	2119	-	IM	Thorfinnsson Bjorn	2402	1 - 0
19.4	WIM	Steil-Antoni Fiona	2104	-	GM	Olafsson Helgi	2531	0 - 1

Lið Svartfellinga:

Bo.		Name	Rtg	FED	Pts.	Games
1	GM	Djukic Nikola	2493	MNE	0.5	3.0
2	GM	Blagojevic Dragisa	2514	MNE	1.5	3.0
3	GM	Drasko Milan	2478	MNE	0.0	1.0
4	GM	Kosic Dragan	2502	MNE	2.0	3.0
5	IM	Kalezic Blazo	2461	MNE	0.5	2.0

Oliver Aron efstur

Oliver Aron Jóhannesson er efstur með fullt hús að loknum fimm umferðum á Drengja- og telpnameistaramóti Íslands sem hófst í dag í Salaskóla í Kópavogi.  Níu skákmenn hafa 4 vinninga svo búast má við mjög spennandi morgundegi þegar seinni fjórar umferðirnar eru tefldar.  Taflmennskan hefst kl. 11 í fyrramálið.

Stöðuna má nálgast á Chess-Results.

EM-pistill nr. 4 - Lúxemborg í dag

Viðureignin gegn Slóvenum tapaðist í gær 1-3.  Satt að segja skynjaði ég fljótt eftir að skákirnar hófust að Helgi væri ekki bjartsýnn.  Það var helst að hann væri ánægður með stöðuna hjá Braga sem var fyrstur að klára með jafntefli.  Hjörvar náði sér ekki strik á öðru borði og tapaði.  Henrik féll á tíma með erfiða stöðu gegn Beliavsky en Björn var með ágætis stöðu lengi vel en lék hrikalega af sér eftir tímahrakinu og var óverjandi mát í nokkrum leikjum.

Andstæðingurinn fann það hins vegar ekki og Björn náði loks jafntefli með svokallaðri „sullufótafræði".   Björn tilkynnti svo eftir skákina að hann hafði ekki verið heppinn og uppskar mikinn hlátur.

Ekki sérstök úrslit.  Liðið hefur 0 stig og 2,5 vinning og er í 33. sæti sem reyndar er nokkurn veginn í samræmi við það sem sveitin er rönkuð en miklu neðar en menn stefna!

Í dag mætum við Lúxemborg.  Henrik hvílir.  Hjörvar teflir því á fyrsta og er væntanlega yngsti íslenski landsliðsmaðurinn sem teflir á fyrsta borði fyrir landslið frá upphafi, aðeins 18 ára.  Það þarf einnig að fara áratugi aftur í tímann til að finna viðureign þar sem hvorki stórmeistari né alþjóðlegur meistari teflir á fyrsta borði fyrir Íslands hönd.

Íslenska sveitin er töluvert sterkari en sú lúxemborgska og vonandi nást góð úrslit í dag.   Talandi um Hjörvar, þá hitti ég Ivan Sokolov í gær.  Hann sagði „Very impressive win by this youngster against Shirov".   Helgi Ólafsson teflir sína fyrstu skák fyrir íslenska landsliðið í skák síðan í Tórínó 2006. 

Ekki gekk almennt vel hjá Norðurlöndunum í gær.  Danir máttu t.d. teljast heppnir að sleppa 2-2 gegn Skotum þar sem, Jacob Agaard vann fyrir Dani.  Agaard er reyndar búsettur í Skotlandi og teflir nú í fyrsta skipti fyrir fæðingarlandið.  Hjá Svíum hefur Pontus Carlsson vakið athygli.  Hann vann Sokolov í gær og vann einnig í viðureigninni gegn Frökkum.   Finnar steinlágu fyrir Pólverjum 0-4.
Norðmenn gerðu 2-2 jafntefli við Svisslendinga.   Jafntefli á öllum borðum.

Þar var ég einmitt skákstjóri og var gaman að fylgjast með Korchnoi.  Hann horði á andstæðinginn á köflum mjög grimmu augnaræði nánast fyrirlítandi.  Yfirdómarinn tilkynnti á skákstjórafundi fyrir mót að Korchnoi sé mjög sérstakur og hann kemst upp með sumt sem aðrir mega ekki.  Ekki dettur t.d. neinum skákstjóra í hug að segja honum að fara hinum megin við kaðlana eftir skákir.  Enda algjört legend. Korchnoi gerði svo hálfgert grín af Frode Elsness heyra það eftir skákina fyrir að hafa ekki unnið „the old man".

Grikkir hafa komið á óvart og unnu góðan en óvæntan sigur á Englendingum 2,5-1,5.   Aserar unnu Armeníu 3-1 í stærstu viðureign gærdagsins.   Og það þýddi að Englendingar og Armenar mætast bæði lið með 2 stig.  Liðið sem tapar verður því komið í neðri helmingi mótsins.  Sem gæti þýtt að sigur í dag hjá íslenska liðinu gæti þýtt að við fengjum Armena eða Englendinga!

Nigel Short hafði gert ráð fyrir að vera í fríi í dag og verða fulltrúi enska á aðalfundi ECU sem fram fer en hætti við það vegna mikilvægi þessarar viðureignar. 

Í gær buðu Grikkirnir fulltrúum á ECU-þinginu í kvöldmat.  Ég sat með Grikkjunum og var mikið spurður um kreppuna og hvernig okkur gengi að komast upp úr henni.  Grikkir eru að upplifa það sama og við bara töluvert síðar.   Einnig var ég mikið spurður út í gömlu atvinnumennina okkar (Hjartarson, Arnason og Petursson)sem margir greinilega þekkja.  Annars er ég mjög ánægður með alla skipulagningu hér.  Grikkir eru afslappaðir, ekkert stress og engin læti.   Yfirdómarinn er mjög yfirvegaður og góður. 

Í morgun hófst ECU-fundurinn.  Ég er því í fríi frá skákstjórn vegna þessa í dag.  Fundurinn logar hins vegar í deilum.  Ali Nihat, forseti tyrkneska skáksambandsins og einn varaforseti FIDE, og hans helstu stuðningsmenn sem einnig eru verulega tengdir FIDE halda uppi stanslausum árásum á Silvio Danilov.  Sumt virðist eiga rétt á sér, annað ekki.  Sumt þekki ég ekki.  Sérstaklega var gagnrýnt að í fjárhagsáætlun ECU fyrir árið 2012 er gert ráð 120.000 evrum í tekjum fyrir „marketing revenue".

Ekkert er fast í hendi og Ali og hans mönnum lýst ekki á rekstur á ECU og segja t.d. launakostnað of háan miðað við litlar tekjur.  Flestir aðalfundarmenn er þó á því að gefa Danialov meiri tíma en ekkert verður í hendi að ári gæti hann átt verulega erfitt uppdráttar að ári.

Einnig er hart tekist á hvernig eigi að meta umsóknir frá skáksamböndum um mót en Tyrkir vilja meina að þeir njóti ekki sannmælis þar og reynt sé að taka af þeim mót á skipulagðan hátt.  Tyrkir hafa meira að segja kært ECU fyrir íþróttadómstólnum í Sviss.   Ég er ekki dómbær á hvort að þetta sér rétt. 

Skýrsla stjórnar var í stíl Danilov.  Myndband með fullt af myndum af honum taka í hendurnar á hinum og þessum merkismönnum!

Fundurinn hefst nú aftur kl. 15:30 (13:30 á Íslandi).  Þessi pistill var mjög hraðskrifaður í hádegishléi.  Meira á morgun.

Kveðja frá Porto Carres,
Gunnar

Vignir Vatnar með fullt hús

Vignir Vatnar Stefánsson var sigurvegari fimmtudagsmóts vikunnar hjá T.R. Vignir, sem er 8 ára, sigraði alla andstæðingana og fékk 7 vinninga af 7 mögulegum og var hann búinn að tryggja sér sigurinn fyrir síðustu umferð.

Úrslit urðu annars sem hér segir:


1. Vignir Vatnar Stefánsson 7

2. Sveinbjörn Jónsson 5

3. Sigurjón Haraldsson 4,5

4. Stefán Már Pétursson 3,5

5. Veronika Steinunn Magnúsdóttir 3

6. Donika Kolica 2,5

7. Jóhann Bernhard 1,5

8. Björgvin Kristbergsson 1

EM landsliða: Luxemborg í 3.umferð

Íslendingar mæta Luxemborg í 3.umferð EM landsliða. Umferðin hefst kl 13:00.
Henrik hvílir og Helgi kemur inn sem varamaður.

 

	Luxemborg	Stig	-		Ísland	Stig
IM	Berend Fred	2381	-	FM	Gretarsson Hjorvar Steinn	2452
	Jeitz Christian	2171	-	IM	Thorfinnsson Bragi	2421
FM	Mossong Hubert	2119	-	IM	Thorfinnsson Bjorn	2402
WIM	Steil-Antoni Fiona	2104	-	GM	Olafsson Helgi	2531

 

• Heimasíða mótsins
• Chess-Results
• Beinar útsendinga (ETCC 2011 - átta efstu viðureignirnar)
• Myndaalbúm
• Umræður á SkákHorninu

 

Drengja- og telpnameistaramót Íslands - fyrir 15 ára og yngri hefst í dag í Salaskóla

Keppni á Skákþingi Íslands 2011 - 15 ára og yngri (fædd 1996 og síðar) og 13 ára og yngri (fædd 1998 og síðar) verður haldið í Salaskóla, Kópavogi  dagana 5. og 6. nóvember nk.  Tefldar verða 9 umferðir eftir monrad kerfi og er umhugsunartími 25 mín. á skák fyrir keppanda.  Teflt verður í einum flokki.

Umferðataflan er þannig:

Laugardagur 5. nóvember      kl. 13.00                     1. umferð

                                               kl. 14.00                     2. umferð

                                               kl. 15.00                     3. umferð

                                               kl. 16.30                     4. umferð

                                               kl. 17.30                     5. umferð

 

Sunnudagur 6. nóvember       kl. 11.00                     6. umferð

                                               kl. 12.00                     7. umferð

                                               kl. 13.30                     8. umferð

                                               kl. 14.30                     9. umferð

                                              

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: [e-mail] eða í síma 568 9141 virka daga kl. 9-13.

Íslandsmót kvenna hafið

Úrslit í fyrstu umferð:

		Nafn	Stig		Nafn	Stig	Úrslit
		Veronika Steinunn Magnúsdóttir	1366		Hallgerður H  Þorsteinsdóttir	2023	0 - 1
		Tinna Kristín Finnbogadóttir	1868		Donika  Kolica	1037	1 - 0
		Embla Dís Ásgeirsdóttir	1222		Jóhanna Björg Jóhannsdóttir	1831	0 - 1
		Sigurlaug R  Friðþjófsdóttir	1740		Tara Sóley Mobee	1209	1 - 0
		Ásta Sóley  Júlíusdóttir	1200		Elsa María Krístinardóttir	1709	0 - 1
		Hrund  Hauksdóttir	1521		Svandís Rós Ríkharðsdóttir	1193	1 - 0
		Ingibjörg Edda  Birgisdóttir	1440		Sat yfir

 

Önnur umferð er tefld kl 18:00 á sunnudagskvöldið. Allar skákir mótsins eru sendar beint út.

• Heimasíða mótsins
• Beinar útsendingar
• Chess-Results (úrslit og paranir)

 

EM: Tap gegn Slóvenum

Íslenska sveitin tapaði 1-3 fyrir sterkri skáksveit Slóveníu í 2. umferð EM landsliða sem var að ljúka.  Bræðurnir Bragi og Björn Þorfinnssynir gerðu jafntefli á 3. og 4. borði en Henrik Danielsen og Hjörvar Steinn Grétarsson töpuðu á 1. og 2. borði.

Skák Björns var sérstaklega spennandi og var Björn með tapaða stöðu eftir tímahrak.  Eins og svo oft áður var Björn seigur í vörninni og hélt jafntefli.  Íslenska liðið hefur hlotið 2,5 vinning í þessum tveimur fyrstu umferðum.  Ekki liggur enn fyrir við hverja Ísland teflir við í 3. umferð

Úrslitin:

Bo.	32	Iceland	Rtg	-	21	Slovenia	Rtg	1 : 3
14.1	GM	Danielsen Henrik	2542	-	GM	Beliavsky Alexander G	2617	0 - 1
14.2	FM	Gretarsson Hjorvar Steinn	2452	-	GM	Lenic Luka	2634	0 - 1
14.3	IM	Thorfinnsson Bragi	2421	-	GM	Borisek Jure	2541	½ - ½
14.4	IM	Thorfinnsson Bjorn	2402	-	IM	Sebenik Matej	2518	½ - ½

• Heimasíða mótsins
• Chess-Results
• Beinar útsendinga (ETCC 2011 - átta efstu viðureignirnar)
• Myndaalbúm
• Umræður á SkákHorninu

EM-pistill nr. 3

Í gær náðust frábær úrslit þegar Hjörvar Steinn Grétarsson gerði sér lítið fyrir og vann Alexei Shirov í  afar flókinni og skemmtilegri skák.  Ekki slæmt að leggja sjálfan flækjumeistarinn í flækjum!  Björn Þorfinnsson, sem kom inn í liðið, með aðeins 2ja daga fyrirvara náði góðu jafntefli á fjórða borði.  Henrik fékk fljótt verra og mátti sætta við tap.   Bragi Þorfinnsson virtist lengi eiga jafnteflismöguleika en lék ónákvæmt og mátti sætta sig við tap.  1,5 vinningur í hús verða að teljast góð úrslit gegn Spánverjum.  Í dag er það önnur sterk sveit, Slóvenía, sem skartar goðsögninni Alexander Beliavsky á fyrsta borði.  Verður athyglisvert.

Sigur Hjörvars gegn Shirov vakti eðli málsins nokkra athygli.  Mótstjórinn kom sérstaklega að Hjörvari og óskaði honum til hamingju.  Allir vita hver Hjörvar er á staðnum, þar sem Potkin kemst ekki í lið Rússa (hinn rauðhærði skákmaðurinn).

Skipulagning hér á skákstað virðist vera í góðu lagi.  Grikkir kunna einfaldlega að halda mót að þessari stærðargráðu og gera það vel.   Við erum á afbragðshóteli þar sem allt er fínt nema að netmálin mættu vera betri en þau eru samt komin í mun betra lag eftir að kræktum okkur í kapal inn á herbergi í stað þráðleysis.   Ég held að það sé klúbburinn í Aþena sem skipuleggi mótið.  Hér eru margir gamlir kunningjar sem m.a. skipulögðu EM landsliða sem fram fór í Krít 2007.  Sami klúbbur skipulagði það.

Norðurlandaþjóðunum gekk flestum vel í gær.  Svíar og Finnar náðu frábærum úrslitum.  Svíar gerðu 2-2 jafntefli við Frakka og Finnar gerðu einnig jafntefli við Hollendinga.  Góður sigur Tyrkja gegn Georgíu var nú það sem vakti mesta athygli.   Meðalaldur í liði Tyrkja er aðeins 17 ára og skilst mér að 13 ára gutti á fjórða borði hafi unnið sína skák. 

Menn eru hérna að ná rútínunni.  Farið er í morgunmat um kl. 9, inn á herbergið að stúdera.  Pörun kemur um kl. 10, stúderað, hádegismatur, stúderað og svo gengið á skákstað um kl. 14:30 en umferðin hefst kl. 15.   Liðsmenn geta leitað til Helga varðandi stúderingar og það gerði einmitt Hjörvar fyrir skákina gegn Shirov í gær.   Eftir skák er þrammað í kvöldmat og svo upp í herbergi til Helga þar sem farið er yfir skákirnar.   Og svo stúderað fyrir svefninn. 

Sjálfur er ég öðru plani en þeir sem skákstjóri hér.  Ég þarf að vera mættur á skákstað um kl. 14.  Ég sé um 2 viðureignir í hverri umferðir og í dag var ég með 2. og 3. borð í kvennaflokki.  Annars vegar viðureign Úkraínu og heimamanna og hins vegar Georgíu og Asera.   Ég lenti strax í kvörtun þar einn keppenda Georgíu kvartaði yfir lýsingu, réttilega.  Lýsingin í kvennaflokknum er mun lakari í opnum flokk.   Það endaði með því að yfirdómarinn kom með lampa og setti fyrir aftan viðkomandi skákkonu!

Það að vera skákstjóri takmarkar mig að mörgu leyti varðandi fréttir.  Ég á ekki jafn auðvelt með fylgjast með íslenska liðinu en við skákstjórarnir leysum hvorn annan af öðru hverju og þá tekur maður sprett, kíkir á strákana, og spyr Helga nýjustu frétta.  Mér er svo meinilla að fara í gemsann í miðri umferð en leyfði mér það í gær til að koma skilaboðum til Halldórs Grétars um sigur Hjörvars.
Í gildi er svokölluð Zero-tolerance regla.  Það þýðir að keppendur verða að vera sestir áður en skákin er hafin.  Annars á að dæma skák tapað.  Yfirdómarinn bað okkur samt um að láta vita með handauppréttingu ef einhvern vantaði svo hann gæti gefið viðkomandi skákmanni e.t.v. þær sekúndur til að komast í sætið.  Þetta er auðvitað hægt hér en er ekki hægt á Ólympíuskákmótum vegna fjöldans.  Hér sér dómarinn yfir allan salinn.

Eftir Feller-málið ríkir meiri tortryggni.  Nú eiga liðsstjórar eingöngu að vera fyrir aftan sínar sveitir, mega ekki vera fyrir framan.  Keppendur nota ekki sama salerni og aðrir.   Við sem skákstjórar eigum að fylgjast með hvort skákmenn fari óeðlilega oft frá borðinu og lengi í senn og láta yfirdómara vita ef svo er.

Eins og fram hefur komið hafa verið netvandræði hér.  Þau eru að mestu leyst.  Þó á ég í vandræðum með tvennt.  Ég á erfitt með að koma myndum frá myndum vegna netsins og ég mjög erfitt með að uppfæra Skák.is þar sem netið hér uppfyllir ekki öryggiskröfur blog.is.  Bæði Halldór Grétar og Baldur Kristinsson, hafa reynst mér hjálplegir og held ég að ég sé kominn með þá rútínu sem til þarf að þetta gangi vel fyrir sig, bæði varðandi fréttir héðan og aðrar skákfréttir með hjálp þeirra beggja.  Þessir daglegu pistlar munu væntanlega birtast um hádegisbil á Íslandi.

Einnig hef ég tekið að mér að senda daglega pistla á Morgunblaðið sem þeir vinna út og gera fréttir úr.   Fyrsta slíka frétt birtist í morgun og vonandi daglega á meðan mótinu stendur.  Einnig skilst mér að RÚV geri mótinu góð skil, bæði í fréttum og í morgunútvarpinu.

Á morgun fer fram aðalfundur ECU (Evrópska skáksambandið).  Hingað streyma aðalfundarfulltrúar að og ég skynja töluverða spennu.  Ali Nihat, forseti tyrkneska skáksambandið, bauð mér upp á kaffi í morgun til að ræða málin.  Greinilega smá spenna undir niðri á milli þeirra hans og Silvio Danilov, forseta Evrópska skáksambandið.   Danilov vann hann í harðri kosningabaráttu í fyrra.  Eiginlega mikil spenna.  Ali, sem er einn varaforseta FIDE og formaður Chess in School-nefndarinnar hefur mikinn áhuga að taka fyrir Ísland og setja prógrammið í gagn hér haustið 2012.   Finnst Ísland henta vel undir prógrammið.   Eitthvað sem við verðum að skoða hér á Íslandi.  Fundurinn hefst kl. 9 svo ég veit ekki hvenær ég næg að koma frá pistli á morgun ef ég næ því á annað borð.  Verður þá í styttra lagi.

Nóg í bili.  Þarf að vera mættur á skákstað eftir tæpan klukkutíma.

Kveðja frá Porto Carres,

Gunnar