Skák.is

Bloggfærslur mánaðarins, nóvember 2011

7.11.2011 | 10:22

Unglingameistaramót Íslands

Unglingameistaramót Íslands 2011 fer fram í félagsheimili Taflfélags Reykjavíkur, Faxafeni 12, Reykjavík dagana 12. og 13. nóvember nk. Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2011" og í verðlaun farseðil - að hámarki kr. 50.000.- á skákmót erlendis. Farseðilinn gildir í eitt ár.

Umferðatafla:

Laugardagur 12. nóv. kl. 13.00 1. umferð
" kl. 14.00 2. umferð
" kl. 15.00 3. umferð
" kl. 16.00 4. umferð
Sunnudagur 13. nóv. kl. 11.00 5. umferð
" kl. 12.00 6. umferð
" kl. 13.00 7. umferð

Tímamörk: 25 mín á keppanda

Þátttökugjöld: kr. 2.000.-

Skráning: http://www.skak.is og skaksamband@skaksamband.is

Upplýsingar um þegar skráða keppendur má nálgast hér.

Spil og leikir | Breytt s.d. kl. 10:38 | Slóð | Facebook | Athugasemdir (0)

7.11.2011 | 08:55

Viðureign dagsins: Georgíumenn

Íslendingar mæta Georgíumönnum í 5. umferð EM landsliða sem fram fer í dag og hefst kl. 13. Henrik Danielsen hvílir. Georgíumenn eru mun sterkari á pappírnum.

11.1	GM	Jobava Baadur	2678	-	FM	Gretarsson Hjorvar Steinn	2452
11.2	GM	Pantsulaia Levan	2588	-	IM	Thorfinnsson Bragi	2421
11.3	GM	Mchedlishvili Mikheil	2636	-	IM	Thorfinnsson Bjorn	2402
11.4	GM	Gagunashvili Merab	2577	-	GM	Olafsson Helgi	2531

Skákir síðustu umferðar á móti Svartfjallalandi fylgja með hér að neðan.

Heimasíða mótsins
Chess-Results
Beinar útsendinga (ETCC 2011 - átta efstu viðureignirnar)
Myndaalbúm
Umræður á SkákHorninu

Spil og leikir | Breytt s.d. kl. 12:09 | Slóð | Facebook | Athugasemdir (0)

7.11.2011 | 08:30

Hallgerður, Elsa, Jóhanna og Hrund efstar á Íslandsmóti kvenna

Hallgerður Helga Þorsteinsdóttir (2006), Elsa María Kristínardóttir (1698), Jóhanna Björg Jóhannsdóttir (1797) og Hrund Hauksdóttir (1521) eru efstar og jafnar með fullt hús að lokinni 2. umferð Íslandsmót kvenna sem fram fór í gærkveldi.

Hallgerður vann Sigurlaugu R. Friðþjófsdóttur (1740), Elsa vann Tinna Kristínu Finnbogadóttur (1868), Jóhanna vann Ingibjörgu Eddu Birgisdóttur (1440) og Hrund vann Töru Sóley Mobee (1209). Þriðja umferð fer fram á þriðjudagskvöld.

Spil og leikir | Breytt s.d. kl. 22:45 | Slóð | Facebook | Athugasemdir (0)

7.11.2011 | 08:26

Dagur og Jón Trausti efstir og jafnir á Drengja- og telpnameistarmóti Íslands

Dagur Ragnarsson (1997) og Jón Trausti Harðarson (1728) urðu efstir og jafnir á Drengja- og telpnameistaramóti Íslands sem fram fór um helgina í Salaskóla í Kópavogi. Þeir þurfa að tefla til úrslita um titilinn drengjameistari Íslands. Oliver Aron Jóhannesson (1795) og Hrund Hauksdóttir (1521) urðu í 3.-4. sæti. Hrund er telpnameistari. Oliver er piltameistari (13 ára og yngri). Nansý Davíðsdóttir og Sóley Lind Pálsdóttir urðu efstar og jafnir í stúlknaflokki (13 ára og yngri) og þurfa að tefla til úrslita.

Verðlaunahafar:

U15 Drengir (allir)
Dagur og Jón Trausti tefla um sigur
Oliver í 3 sæti.

U15 telpur
Hrund 1 sæti.
Nansý í 2 sæti. hærri á stigum
Sóley í 3 sæti.

U13 ára (piltar)
1. Oliver Aron
2. Jón Kristinn
3. Gauti Páll

U13 stúlkur
Nansý og Sóley einvígi
Veronika Steinunn í 3 sæti.

Einvígin tvö fara fram á föstudag.

Stöðuna má nálgast á Chess-Results .

Myndaalbúm

Spil og leikir | Breytt s.d. kl. 08:28 | Slóð | Facebook | Athugasemdir (0)

7.11.2011 | 08:16

G. Sverrir Þór sigraði á móti í Svíþjóð

G. Sverrir Þór (1988) gerði sér lítið fyrir og sigraði á skákmóti sem fram fór í Umeå um helgina. G. Sverrir hlaut 4 vinninga í 5 skákum og varð jafn FIDE-meistaranum Johan Ingbrandt (2397) og Ulf Hammarström (2157) en hafði betur eftir stigaútreikning.

Spil og leikir | Slóð | Facebook | Athugasemdir (0)

7.11.2011 | 07:00

Vetrarmót öðlinga hefst í kvöld

Vetrarmót öðlinga 40 ára og eldri hefst mánudaginn 7. nóvember kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Þetta er nýtt mót, en hin sívinsælu Skákmót öðlinga hafa verið haldin undanfarin 20 ár að vori í Taflfélagi Reykjavíkur. Vetrarmót öðlinga er nýjung í skákmótaflórunni í Reykjavík og allir öðlingar fertugir og eldri eru hvattir til þess að taka þátt! Skákmótið er búið vel fyrir jól!

Teflt einu sinni í viku á miðvikudögum, nema fyrsta umferð fer fram á mánudegi 7. nóv. og 2. umferð á miðvikudegi 9. nóv. í sömu viku!

Dagskrá:

1. umferð mánudaginn 7. nóvember kl. 19.30
2. umferð miðvikudag 9. nóvember kl. 19.30
3. umferð miðvikudag 16. nóv. kl. 19.30
4. umferð miðvikudag 23. nóvember kl. 19.30
5. umferð miðvikudag 30. nóvember kl. 19.30
6. umferð miðvikudag 7. desember kl. 19.30
7. umferð miðvikudag 14. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.

Þátttökugjald er kr. 4.000. Innifalið er frítt kaffi allt mótið.

Skráning fer fram á taflfelag.is.

Spil og leikir | Breytt 30.10.2011 kl. 23:38 | Slóð | Facebook | Athugasemdir (0)

6.11.2011 | 20:00

Skákþáttur Morgunblaðsins: Líf í tuskunum hjá ólympíuhópi kvenna

Kínverskar skákkonur hafa í dag náð því virðingarsæti sem skákvalkyrjur Georgíu með Nonu Gapridnhasvili og Maju Chiburdanidze höfðu á árum áður. Heimsmeistari kvenna hin 17 ára gamla Hou Yifan vann nýverið geysiöflugt heimsbikarmót í Kína og ekki vakti stalla hennar, Xue Zhao, minni athygli á dögunum þegar hún vann nær allar bestu skákkonum heims á þriðja heimsbikarmótinu sem fram fór í Nalchik í Rússlandi.

En hvernig standa svo þær íslensku stúlkur í samanburði við þær kínversku? Munurinn er enn mikill í elo-stigum talið. Í frægi bók um „tígur-mæður" kom fram að kínversk börn og unglingar velja sér yfirleitt aðeins eina keppnisgrein sem þau stunda síðan af miklu kappi. Þær íslensku stúlkur, sem þess dagana taka þátt í alþjóðlegu móti í Liberic í Tékklandi, eru flestar í krefjandi menntaskólanámi, stunda tónlistarnám meðfram en eru jafnframt góðar fyrirmyndir fyrir yngri stúlkur. Davíð Ólafsson, sem tekið hefur að sér liðsstjórn og þjálfun ólympíuhóps kvenna er fararstjóri í Tékklandi. Eftir fimm umferðir höfðu þær Hallgerður Helga Þorsteinsdóttir, Jóhanna Björg Jóhannsdóttir og Hrund Hauksdóttir staðið sig best og voru með 3 vinninga af 5 mögulegum í 24.-44. sæti af 100 keppendum. Árangur Jóhönnu reiknast upp á vel yfir 2.200 stig, Hallgerður er nálægt ætluðum árangri en Hrund er að bæta sig verulega. Aðrar íslenskar stúlkur í ferðinni eru þær Sigríður Björg Helgadóttir, Elsa María Kristínardóttir og Tinna Kristín Finnbogadóttir.

Jóhanna Björg er fersk eftir á EM unglinga í Búlgaríu í september sl. Í eftirfarandi skák sígur snemma á ógæfuhliðina hjá henni. Engu að síður náði hún að snúa vörn í sókn og tókst að leggja öflugan andstæðing sinn:

Jóhanna Björg Jóhannsdóttir - Stanislav Splichal

Sikileyjarvörn

1. e4 c5 2. c3 d5 3. exd5 Dxd5 4. d4 g6 5. Rf3 Bg7 6. Ra3

Alapin-afbrigðið kemur oft fyrir í skákum íslensku stúlknanna. Hér er sennilega nákvæmara að leika 6. dxc5 t.d. 6....Dxc5 7. Ra3 o.s.frv.

6. ...cxd4 7. Rb5 Ra6 8. Rbxd4 Rf6 9. Bxa6!? bxa6 10. O-O 0-0 11. He1 He8 12. Bf4 Bb7 13. He5?

Upphafið að vitlausri áætlun. Mun sterkra er 13. Be5! og staðan er í jafnvægi.

13....Dd7 14. Hc5 Rd5 15. Bg3 e5 16. Rb3 Had8 17. Dc2 e4 18. Rfd4 e3

Svartur hefur með nokkrum markvissum leikjum náð að hrifsa til sín frumkvæðið.

19. Kh1 exf2 20. Dxf2 Re3 21. Hg1 Hc8 22. Hxc8 Dxc8 23. Bf4 Rg4?

Hér fer svartur að missa tökin. Athyglisverð leið var 23....Rxg2!? 24. Hxg2 Dh3 25. Bd2 Bh6! 26. Kg1 He1+! 27. Bxe1 Be3 ,en hvítur virðist halda í horfinu með því að leika H28hg3.

24. Dg3 h5 25. h3 Rf6 26. Hf1 Re4 27. Dd3 g5?

Teygir sig of langt. Betra var 27....h4.

28. Bh2 Be5 29. Rf5!

Góður staður fyrir riddarann.

29....f6 30. Bxe5 Hxe5 31. Rbd4 h4 32. Kg1 Bd5 33. Rh6+ Kh8 34. Rg4! Bc4 35. Df3!

Jóhanna hefur með ágætri taflmennsku náð að snúa taflinu sér í vil.

35....Bxf1 36. Rxe5 fxe5 37. Dxe4 exd4 38. Dxd4+ Kh7 39. Dxa7+ Kg6 40. Db6+ Kh5 41. Kxf1 Dc4+ 42. Kg1 Dxa2 43. Kh2! Dc4 44. Df6 Db5 45. Dg7 Dd3 46. Dc7 Kg6 47. c4 a5

- og féll á tíma um leið en staðan er töpuð því svartur á engar skákir eftir skálínunni h2-b8 og ræður ekki við c-peðið.

Skákþættur Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 30. október 2011.

Skákþættir Morgunblaðsins

Spil og leikir | Breytt 29.10.2011 kl. 10:28 | Slóð | Facebook | Athugasemdir (0)

6.11.2011 | 19:32

Góður sigur á Svartfellingum - Georgíumenn á morgun

Það vannst góður sigur á stórmeistarasveit Svartfellinga í 4. umferð EM landsliða sem fram fór í Porto Carras í Grikklandi í dag. Bragi Þorfinnsson og Helgi Ólafsson unnu báðir á 3. og 4. borði. Bragi vann Milan Drasko og Helgi vann Dragan Kosic í síðustu skák viðureignar og tryggði þar með sigurinn. Góðir sigrar hjá báðum. Helgi hefur sérdeilis byrjað vel á mótinu en hann hefur unnið báðar sínar skákir.

Hjörvar Steinn Grétarsson var fyrstur til að klára en hann gerði stutt jafntefli með svörtu á öðru borði. Henrik Danielsen tapaði á fyrsta borði og hefur alls ekki náð sér á strik á mótinu. Helgi og Hjörvar hafa 2,5 vinning í 4 skákum.

Íslenska liðið er með akkúrat 50% vinningshlutfall. 4 stig (af 8) og 8 vinninga (af 16). Sveitin er í 22. sæti af 38 sveitum.

Mikið var um óvænt úrslit í umferðinni. Búlgarir unnu Rússa 3-1 og Þjóðverjar unnu Ólympíumeistara Úkraínumanna 3,5-0,5.

Fimm lið hafa 7 stig. Þjóðverjar eru efstir 11 vinninga, Aserar og Frakkar hafa 10,5 vinning og Spánverjar og Búlgarar hafa 10 vinninga.

Íslenska sveitin mætir sterkri sveit Georgíumanna í 5. umferð sem fram fer á morgun.

Það var farið rangt með staðreyndir um helgina. Hjörvar er ekki sá yngsti sem teflt hefur fyrir Íslands hönd á fyrsta borði. Friðrik Ólafsson var 17 ára þegar hann tefldi á fyrsta borði á Ólympíuskákmótinu 1952 þegar Eggert Gilfer, fyrstaborðsmaður hvíldi. Hjörvar er semsagt sá yngsti í 59 ár en ekki frá upphafi! Ritstjóri biðst afsökunar á skáksögukunnáttu sinni!

Úrslit dagsins:

14.1	GM	Danielsen Henrik	2542	-	GM	Djukic Nikola	2493	0 - 1
14.2	FM	Gretarsson Hjorvar Steinn	2452	-	GM	Blagojevic Dragisa	2514	½ - ½
14.3	IM	Thorfinnsson Bragi	2421	-	GM	Drasko Milan	2478	1 - 0
14.4	GM	Olafsson Helgi	2531	-	GM	Kosic Dragan	2502	1 - 0

Lið Georgíumanna:

Bo.		Name	Rtg	FED	Pts.	Games	Rp
1	GM	Jobava Baadur	2678	GEO	2.5	3.0	2527
2	GM	Pantsulaia Levan	2588	GEO	3.0	4.0	2542
3	GM	Mchedlishvili Mikheil	2636	GEO	2.5	4.0	2429
4	GM	Gagunashvili Merab	2577	GEO	2.5	4.0	2383
5		Zarkua Davit	2443	GEO	0.0	1.0	0

Heimasíða mótsins
Chess-Results
Beinar útsendinga (ETCC 2011 - átta efstu viðureignirnar)
Myndaalbúm
Umræður á SkákHorninu

Spil og leikir | Breytt s.d. kl. 22:01 | Slóð | Facebook | Athugasemdir (0)

6.11.2011 | 15:37

EM-pistill nr. 5: Spennandi viðureign í dag

Það er loks í fjórðu umferð að við fáum sveit sem er áþekk okkur að styrkleika. Í dag mætum við Svartfellingum sem eru þó rankaðir heldur fyrir ofan okkur. Viðureignir gegn slíkum sveitum eru hvað mikilvægastar. Ef við vinnum fáum við gott lið í næstu umferð en ef við töpum getum við fengið mjög slaka sveit. Björn Þorfinnsson hvílir eftir tap í gær gegn Lúxemborg og Helgi Ólafsson liðsstjóri heldur áfram að tefla eftir góðan sigur í gær.

Fyrst um viðureignina í gær. Björn var fyrstur að klára. Hann lék illa af sér og nánast þvingaði andstæðinginn til að vinna skákina þar sem andstæðingurinn átti aðeins einn leik sem leiddi beint til vinnings. Hjörvar Steinn Grétarsson vann góðan sigur á alþjóðlega meistaranum Fred Berend á fyrsta borði. Söguleg skák enda Hjörvar sá yngsti sem nokkurn hefur teflt fyrir Íslands hönd á fyrsta borði. Jafnframt sá fyrsti sem ekki er stórmeistari né alþjóðlegur meistari í einhverja áratugi

Merkilegt ekki síst í ljósi að þegar landsliðið var upphaflega valið var Hjörvar á fjórða borði!
Og talandi um Hjörvar. Skákin gegn Shirov hefur vakið athygli langt fyrir utan landssteinana og hafa ýmsir haft samband við Hjörvar og óskað honum til hamingju með sigurinn. Skákin var skýrð á Chessmind og má nálgast þær hér: http://www.thechessmind.net/storage/chess-posts/gretarsson_shirov_eutch2011.htm

Skemmtilegar skýringar eftir Dennis Monokroussos, og ekki síst kommentið eftir 15. leik Hjörvars sem er mikið búið að hlæja af hér: Remind me, which one of these two is Shirov? White sacs a piece for two pawns, to complete his development and to maintain the initiative. It's exciting, plausible, and...bad.

Og aftur að viðureigninni gegn Lúxurum. Helgi liðsstjóra vann flottan sigur á Fionu á fjórða borði. Gaman að sjá Helga aftur í landsliðinu en þetta er í fyrsta skipti síðan 2006 að Helgi teflir fyrir Íslands hönd.

Bragi átti lengstu skák dagsins en vann endatafl með mislitum biskupum. Skyldusigur gegn Lúxemborg staðreynd.

Við erum með 2 stig og 5,5 vinning og erum í 28. sæti. Danir unnu stórsigur á Norðmönnum 3,5-0,5 og eru efstir Norðurlanda. Við erum þriðju. Svíar unnu Finna 2,5-1,5. Danir og Svíar hafa 3 stig en Finnar og Norðmenn hafa 1 stig. Ég spái því hér og nú að við mætum 2 Norðurlandaþjóðum á mótum.

Aserar og Spánverjar eru efstir með 6 stig. Shirov hefur unnið báðar skákirnar síðan hann tapaði fyrir Hjörvari. Fimm þjóðir hafa 5 stig. Armenar rétt náðu að hanga á jafntefli gegn Englendingum.

Ég var farinn að sjá það fyrir mér að við myndum mæta Armenum í dag!

ECU-fundinum í gær lauk fremur friðsamlega. Sumu var frestað til aðalfundarins 2012 sem fram fer í Istanbul samhliða Ólympíuskákmótinu. Ég mætti á skákstað að loknum fundi og fór í skákstjórn. Enn á ný sá ég um Svisslendinga en Korchnoi tapaði nú og var ekki kátur. Kallinn stundi hátt að skák lokinni.

Korchnoi er ekki sá eini sem er notar staf hér. Það gerir einnig Viktor Bologan sem er draghaltur eftir fótbrot. Hann meiddist í fótbolta þannig að „aldraðir" skákmenn mættu hugsa sinn gang í þriðjudagsboltanum!

Á hótelinu er eitt stærsta spilavíti Grikklands. Mér skilst að sumir Grikkja, væntanlega vel efnaðir, bóki sig hingað á föstudögum og spili svo alla helgina. Sumir skákmenn munu vera víst vera fastagestir þarna og er merkilegt að einn sterkasti skákmaður heims spilar þarna á hverju kvöldi og langt fram á nótt en stendur sig engu að síður mjög vel. Menn undirbúa sig á mismunandi hátt fyrir skákir!

Verðlag hérna er dýrt. Ég fékk mér kaffi eftir eina máltíðina og það kostaði 4,50 evru eða um 700 kr! Síðan þá hef ég látið vatnið duga með matnum.

Ég er afskaplega hrifinn af skipulagningunni hjá Grikkjunum. Salurinn er settur upp á mjög smekklegan hátt og yfirleitt geta áhorfendur komist býsna nærri skákmönnum án þess þó að trufla. Skákmenning á Grikklandi er einfaldlega mjög góð. EM taflfélaga verður á Rhodos 2013 sem hljómar vel fyrir skákmenn. Arthur Kogan, ísraelskur stórmeistari og liðsstjóri Ítala, lofar svo mjög góðum aðstæðum á næsta EM taflfélaga sem verður í Ísrael.

Grikkirnir sögðu mér það að það hafi stefnt í rigningu í gær. Því fylgja smá vandamál þar sem um 10 mínútna gangur er á skákstað. Grikkirnir segjast eiga nóg af regnhlífum! Einnig er hægt að taka svo hálfgerða barnalest á skákstað og nota Armenarnir hana.

Hér er mjög fallegt eins og sjá má á heimasíðu svæðisins: http://www.portocarras.com/default.asp?pid=1&la=4

Nóg í bili. Spennandi viðureign framundan. Ég mun reyna að koma úrslitum jafnóðum til Halldórs Grétars í gegnum SMS. Mér skilst þó að Grikkirnir standi sig afskaplega vel í því að skrá inn úrslit fljótt og vel á Chess-Results.

Kveðja frá Porto Carras,
Gunnar

Spil og leikir | Slóð | Facebook | Athugasemdir (0)

6.11.2011 | 10:19

Viðureign dagsins: Svartfjallaland

Íslendingar mæta Svartfellingum í 4. umferð EM landsliða. Umferðin hefst kl 13:00. Björn Þorfinnsson hvílir í dag. Sveitirnar eru mjög áþekkar að styrkleika og má búast við mjög spennandi viðureign.

14.1	GM	Danielsen Henrik	2542	-	GM	Djukic Nikola	2493
14.2	FM	Gretarsson Hjorvar Steinn	2452	-	GM	Blagojevic Dragisa	2514
14.3	IM	Thorfinnsson Bragi	2421	-	GM	Drasko Milan	2478
14.4	GM	Olafsson Helgi	2531	-	GM	Kosic Dragan	2502