Skák.is

Bloggfærslur mánaðarins, nóvember 2011

10.11.2011 | 08:35

Viðureign dagsins: Úkraína

Íslenska sveitin mætir sveit ólympíumeistara Úkraínu í áttundu og næstsíðustu umferð EM landsliða sem fram fer í dag í Porto Carras í Grikklandi. Ivanchuk hvílir hjá Úkraínu en Björn Þorfinnsson hvílir hjá okkur.

Viðureign dagsins:

13.1	GM	Ponomariov Ruslan	2723	-	GM	Danielsen Henrik	2542
13.2	GM	Eljanov Pavel	2691	-	FM	Gretarsson Hjorvar Steinn	2452
13.3	GM	Moiseenko Alexander	2715	-	IM	Thorfinnsson Bragi	2421
13.4	GM	Efimenko Zahar	2702	-	GM	Olafsson Helgi	2531

Skákir gærdagsins fylgja hér fyrir neðan.

Heimasíða mótsins
Chess-Results
Beinar útsendinga (ETCC 2011 - átta efstu viðureignirnar)
Myndaalbúm
Umræður á SkákHorninu

Spil og leikir | Breytt s.d. kl. 09:16 | Slóð | Facebook | Athugasemdir (0)

10.11.2011 | 08:33

Hjörvar Steinn alþjóðlegur meistari

Það er ljóst að Hjörvar Steinn Grétarsson hefur tryggt sér sinn lokaáfanga að alþjóðlegum meistaratitli á EM landsliða. Það varð ljóst þegar andstæðingarnir urðu engir aðrir en ólympíumeistarar Úkraínu.

Skiptir þá engu máli hvernig fer í lokaumferðunum tveimur.

Spil og leikir | Slóð | Facebook | Athugasemdir (0)

10.11.2011 | 08:31

Nýtt skákblogg

Stefán Bergsson, framkvæmdastjóri Skákakademí Reykjavíkur hefur hafið skákblogg á vefsíðu DV.

Fyrsta skákbloggið fjallar um EM landsliða.

Skákbloggið má nálgast á slóðinni: http://www.dv.is/blogg/skaklandid

Spil og leikir | Slóð | Facebook | Athugasemdir (0)

10.11.2011 | 08:29

Átta skákmenn efstir á Vetrarmóti Öðlinga

Átta skákmenn eru efstir og jafnir með 2 vinninga að lokinni 2. umferð Vetrarmóts öðlinga sem fram fór í gærkveldi. Sem fyrr var nokkuð um óvænt úrslit og má þar helst nefna að Siguringi Sigurjónsson (1935) vann Braga Halldórsson (2198).

Efstir með tvo vinninga ásamt Siguringa eru: Halldór Grétar Einarsson (2236), Björn Þorsteinsson (2214), Kristján Guðmundsson (2277), Þorsteinn Þorsteinsson (2237), Benedikt Jónasson (2237), Björn Freyr Björnsson (2164) og Tómas Björnsson (2162). Sjá nánar á Chess-Results.

Þriðja umferð fer fram nk. miðvikudagskvöld. Pörun verður aðgengileg á Chess-Results þegar frestuðum skákum er lokið.

Spil og leikir | Slóð | Facebook | Athugasemdir (0)

10.11.2011 | 08:25

Gallerý Skák: Guðmundur G. gerir það gott

6 kappskákmót hafa verið haldin í Gallerý Skák síðan taflfundir hófust þar að nýju í haust. Þar er telft vikulega á fimmdagskvöldum og hefjast mótin kl. 18 og eru öllum opin. Þátttaka hefur verið góð um 18-20 kappsamir keppendur að jafnaði sem tilbúnir eru til þess að fórna öllu fyrir sigur og leggja höfuð sitt á gapastokkinn í því skyni. Hafa margir hlotið af því skráveifur all nokkrar. Telfdar eru 11 umferðir, hvatskákir með 10 mín. umhugsunartíma. Lagt er í púkk fyrir kaffi og kruðerí milli skáka og svo er pizzuveisla í hálfleik.

Guðmundur G. Þórarinsson, hinn dagfarsprúði skákfrömuður og kenningasmiður, hefur gert sér lítið fyrir og unnið tvö síðustu mót sannfærandi gegn harðsnúnum keppinautum, þar á meðal Ingimar Halldórssyni sem vann 3 mót í röð þar á undan áður en GGÞ skarst í leikinn. Fyrsta mótið var í tengslum við NM-öldunga sem Gunnar Skarphéðinsson vann eftir snarpa og skarpa
taflmennsku.

Telft verður í Gallerýinu að Bolholti 6, 2. hæð í kvöld sem og öll fimmtudagskvöld fram til jóla.

Nánari úrslit má sjá á www.galleryskak.net

Spil og leikir | Breytt s.d. kl. 08:28 | Slóð | Facebook | Athugasemdir (0)

10.11.2011 | 08:20

Unglingameistaramót Íslands

Unglingameistaramót Íslands 2011 fer fram í félagsheimili Taflfélags Reykjavíkur, Faxafeni 12, Reykjavík dagana 12. og 13. nóvember nk. Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2011" og í verðlaun farseðil - að hámarki kr. 50.000.- á skákmót erlendis. Farseðilinn gildir í eitt ár.

Umferðatafla:

Laugardagur 12. nóv. kl. 13.00 1. umferð
" kl. 14.00 2. umferð
" kl. 15.00 3. umferð
" kl. 16.00 4. umferð
Sunnudagur 13. nóv. kl. 11.00 5. umferð
" kl. 12.00 6. umferð
" kl. 13.00 7. umferð

Tímamörk: 25 mín á keppanda

Þátttökugjöld: kr. 2.000.-

Skráning: http://www.skak.is og skaksamband@skaksamband.is

Upplýsingar um þegar skráða keppendur má nálgast hér.

Spil og leikir | Slóð | Facebook | Athugasemdir (0)

10.11.2011 | 07:00

Fimmtudagsmót hjá TR í kvöld

Fimmtudagsmót er hjá TR í kvöld og hefst kl. 19.30. Tefldar verða 7 umferðir með 7 mínútna umhugsunartíma. Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10. Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri. Boðið er upp á kaffi ásamt léttum veitingum án endurgjalds.

Spil og leikir | Breytt 27.10.2011 kl. 07:58 | Slóð | Facebook | Athugasemdir (0)

9.11.2011 | 20:37

EM: Tap gegn Serbíu með minnsta mun - glæsisigur Braga - Ólympíumeistararnir á morgun

Íslenska sveitin tapaði með minnsta mun 1,5-2,5 fyrir sterkri stórmeistarasveit Serbíu í sjöundu umferð EM landsliða sem fram fór í dag. Viðureignin var mjög spennandi. Björn Þorfinnsson var fyrstur til að klára en hann lék hrikalega af sér í 13. leik og átti ekki möguleika eftir það. Allar hinar skákirnar fóru í 2. umferð tímamörk og lengi var vonast eftir að við héldum jöfnu.

Hjörvar var lengi krappri vörn, varðist vel en náði ekki að halda stöðunni þrátt fyrir góðar tilraunir. Henrik Danielsen hafði lengi vel örlítið betri stöðu á fyrsta borði en náði aldrei að kreista fram vinning.

Bragi Þorfinnsson átti hins vegar skák dagsins. Vann glæsilegan sigur á stórmeistaranum Branko Damljanovic, sem margir íslenskir skákáhugamenn kannast við frá alþjóðlegum skákmótum í Belgrað. Skákin fylgdi skák Hjörvars - Shirovs úr fyrstu umferð fram í 8. leik en þá breytti Serbinn út af.

Ísland hefur 6 stig er nú í 27. sæti af 38 sveitum og er þrátt fyrir tapið næstefst Norðurlandanna. Svíar eru efstir með 7 stig.

Aserar rúlluðu yfir Búlgari, 3,5-0,5, og eru efstir með 12 stig. Armenar, sem unnu Frakka, og Rúmenar, sem héldu jöfnu gegn Þjóðverjum, hafa 11 stig. Ein óvæntustu úrslit í sögu EM urðu þegar Svisslendingar, án Korchnois, unnu ólympíumeistara Úkraínu, 3-1. Ólympíumeistararnir eru í 26. sæti, einu sæti fyrir ofan Íslendinga.

Andstæðingarnir á morgun eru engir aðrir en Ólympíumeistarar Úkraínu!

Úrslit dagsins:

12.1	GM	Danielsen Henrik	2542	-	GM	Ivanisevic Ivan	2636	½ - ½
12.2	FM	Gretarsson Hjorvar Steinn	2452	-	GM	Solak Dragan	2629	0 - 1
12.3	IM	Thorfinnsson Bragi	2421	-	GM	Damljanovic Branko	2597	1 - 0
12.4	IM	Thorfinnsson Bjorn	2402	-	GM	Perunovic Milos	2576	0 - 1

Lið Úkraínu:

1	GM	Ivanchuk Vassily	2775	UKR	3.0	6.0	2663
2	GM	Ponomariov Ruslan	2723	UKR	3.0	6.0	2660
3	GM	Eljanov Pavel	2691	UKR	2.5	5.0	2599
4	GM	Moiseenko Alexander	2715	UKR	2.0	5.0	2575
5	GM	Efimenko Zahar	2702	UKR	3.0	6.0	2598

Heimasíða mótsins
Chess-Results
Beinar útsendinga (ETCC 2011 - átta efstu viðureignirnar)
Myndaalbúm
Umræður á SkákHorninu

Spil og leikir | Breytt s.d. kl. 20:40 | Slóð | Facebook | Athugasemdir (0)

9.11.2011 | 12:27

EM-pistill: Sigur gegn Makedóníumönnum - Serbar í dag

Það fannst góður sigur á Makedóníumönnum í gær. Og satt besta að segja leit viðureignin vel út frá byrjun og ég skynjaði strax gott hljóð í Helga.

Björn var fyrstur til að klára. Björn virtist fá vænlegt tafl en andstæðingurinn fann leið til þess að vinna skiptamun af Birni. Staða Björns var engu að síður góð og engin taphætta. Birni fannst andstæðingurinn helst líkjast leigumorðingja og var e.t.v. hálfhræddur við hann vegna þess!

Hjörvar var næstur til að klára. Hjörvar segist hafa fengið lakara úr byrjuninni en smásaman komist inn í skákina. Andstæðingur bauð jafntefli og eftir að hafa ráðfært sig við Helga liðsstjóra ákvað Hjörvar að hafna boðinu og vann fremur öruggan sigur í framhaldinu. Keppendur mega tala við liðsstjóra í nærveru skákstjóra og spyrja um jafnteflisboð. Liðsstjóri má hins vegar aðeins svara á einfaldan hátt. Hann má svara á þrennan hátt: 1) Taka jafnteflinu, 2) Þú ræður og 3) Tefla áfram. Skákmaðurinn hefur hins vegar hið endanlega val í skákinni. En að sjálfsögðu fara menn eftir ráðleggingum liðsstjóra nær undantekningarlaust.

Henrik lenti í nauðvörn. Andstæðingurinn fórnaði peði en fékk þess í stað mjög sterkt peð á f6 og sóknarstöðu. Henrik var vandanum vaxinn, varðist vel og áður og smásaman vaknaði staðan, liðsmunur sagði til sín og góður sigur fannst. Mjög mikilvægt að fá Henrik aftur í gang og honum var bersýnilega mjög létt.

Bragi tefldi einnig góða skák. Um tíma léku þeir nánast engu, heldur köllunum fram og aftur. Andstæðingurinn missti þolinmæðina og lék af sér. Í framhaldinu bauð hann upp á þrátefli sem Bragi ákvað að hafna. Bragi fékk svo unnið tafl en lék af sér í framhaldinu. Óheppinn þarna. Rökrétt hjá Braga engu að síður að taka sénsinn enda sigurinn í húsi og sigur í gær hans eina von til að halda í möguleikann að ná í áfanga að stórmeistaratitli.

Góður sigur staðreynd. Eins og ég hef sagt eru einmitt svona viðureignir gegn sveitum álíka okkar að styrkleika þær mikilvægustu. Við höfum teflt tvær svona viðureignir og unnið báðar.

Í dag mætum við svo Serbum sem er áþekk sveit að upplagi en þó töluvert stigahærri og sterkari. Stillir upp 5 stórmeisturum. Helgi Ólafsson hvílir aftur en mun svo væntanlega tefla tvær síðustu skákirnar.

Liðsuppstillingin gegn Makedóníumönnum hlýtur að hafa komið þeim á óvart. Það er ekki oft sem maður með fullt hús er tekinn út fyrir einhvern sem hefur bara tapað!

Ég sjá um skákstjórn á 2 neðstu borðunum í gær. Og eins og venjulega var ég nærri íslenska liðinu sem er frábært og gerir mér lífið mjög léttara. Annars vegar var ég með Wales og Skotland. Þar skynjaði maður undirölduna. Sveitirnar nr. 35 og 36. Skotarnir unnu auðveldan sigur 3,5-0,5. Hins vegar var ég með Tyrki og Kýpverja þar sem Tyrkir unnu 3-1.

Einn keppenda Kýpverja bað um að fá að tala við liðsstjóra að mér viðstöddum. Hann var með hausverk og bað liðsstjórann um að redda sér Parasetamól. Keppendur mega ekki tala við neinn nema að viðstöddum skákstjóra og á tungumáli sem þeir skilja.

Tyrkir sem hafa á langystu sveitinni að skipa hafa dresskóða. Allir keppendur eiga að vera í jakkafötum og eiga að vera allir eins klæddir. Satt að segja finnst manni hálfhallærislegt að sjá 13 ára stráka vera klædda í glansandi jakkaföt. Nema í gær að þeir mættu ekki í slíkum fötum heldur bara venjulegum fötum fyrir unga krakka. Ali Nihat, forseti tyrkneska skáksambandsins, var hundfúll og húðskammaði þá fyrir umferð. Sagði að sjálfsögðu ætti að sýna Kýpverjum sömu virðingu og öðrum. Mig grunar að fjórða borðs maðurinn, sem er aðeins 13 ára, hafi ekki þolað skammir Ali og tapaði fljótt og vel með hvítu.

Og áfram með Tyrkina. Þeir tefldu við Svisslendinga umferðinni áður. Þar tefldi Korchnoi, 80 ára við Firat Burak, 18 ára. Örugglega ekki mörg dæmi um jafnmikinn aldursmun og á mótum á þessu leveli.

Korchnoi fer á kostum. Á móti Wales tefldi hann á móti Jim Kett. Korchnoi var kominn með unnið tafl og Kett í þungum þönkum. Þá segir Korchnoi stundarhátt: „I think you should move". Kett hrökk í kút horfir á stöðuna í smá stund og gefst svo upp. Þá segir Korchnoi: „Yes this was the best move".

Í gær sagði ég frá því að Aserar og Frakkar hafi gert 2-2 jafntefli eftir að Gashimov hafi veikst. Frakkarnir munu víst vera hálfsúrir enda hafi þeir verið búnir að jafna taflið með svörtu og verið komnir með betra með hvítu. En þeim bara auðvitað engin skylda til að semja á öllum borðum. T.d. hefðu þeir geta samið á borði og Gashimov og mögulega annarri skák einnig og teflt áfram á 2-3 borðum. Gashimov mætti svo aftur í gær. Ég heyrði yfirdómarann segja við borðadómarann að það ætti að taka tillit til Gashimov og hann hefði fullt leyfi til að labba út í miðri skák til að fá sér ferskt loft.

Eftir sigurinn í gær náðum við forystunni í Norðurlandakeppninni. Við höfum sex stig. Svíar, Danir og Norðmenn hafa 5 stig en Finnar reka lestina með 3 stig.

Danir töpuðu fyrir Moldavíu. Umferðinni áður hafði Sune Berg haft kolunnið á Aronian (+18) og átti fimm leiðir sem gáfu kolunnið tafl (+6 eða meira). Hann valdi hins vegar með nægjan tíma leið sem leiddi til máts í tveimur leikjum.

Svíar unnu Lúxemborg og Norðmenn unnu Finna. Noregur er eina Norðurlandið sem teflir í kvennaflokki. Þeir hafa fengið 1 vinning í þeim 24 skákum sem tefldar hafa verið. Í því liði er meðal systir Magnusar Carlsen, Ellen Carlsen. Sú er reyndar um 900 stigum lægri en stórir bróðir! Kvennaflokkurinn hér er hrikalega sterkur og engin veik lið nema þá Norðmenn.

Úrslitin í opnum flokki hafa mörg hver verið mjög óvænt. Rúmenar, Aserar og Búlgarar eru nú efstir með 10 stig. Rúmenar hafa 15,5 vinning en hin tvö 15 vinninga. Rúmenar koma verulega á óvart enda eru þeir bara með 17. sterkustu sveitina. Armenar, Þjóðverjar og Frakkar hafa 9 stig. Þessi sex lið sem hafa 9 og 10 stig geta öll orðið Evrópumeistarar.

Rúmenar mæta Þjóðverjum Aserar og Búlgarar mætast. Aserar unnu Rússa í gær sem ná sér engan veginn á strik og eru aðeins í 13. sæti. Ólympíumeisturum Úkraínu gengur þó enn verr og eru í 17. sæti. Þeir mæta Svisslendingum í dag og nú loks hvílir Korchnoi.

Klósettin á skákstað eru fá. Fyrir kallana eru aðeins tvö klósett. Ekki er hægt að læsa þeim. Ég veit ekki hvort það sé hefðbundið á Grikklandi eða hvort það snúist um það að skákmenn eigi ekki að fá að læsa að sér í miðri skák vegna svindlhættu.

Í gær hitti ég Silvio Daniliov forseta evrópska skáksambands. Hann vildi fá stuðning Íslands við því að yfirlýsing um skák um skóla verði samþykkt á Evrópuþinginu. Gerði sér ekki grein fyrir því að við værum ekki sambandsaðilar. Einnig lýst hann miklum áhuga á því að við Íslendingar myndum sækjast eftir Evrópumótum í framtíðinni. Sömuleiðis hafði hann áhuga að halda stjórnarfund Evrópska skáksambandsins á Íslandi, t.d. í kringum Reykjavíkurskákmótið. Hann spurði mig sérstaklega um Jón L. Árnason. Hefur teflt við hann á unglingamótum hér áður fyrr.

Læt þetta duga í bili. Reyni að koma frá mér fréttum til Halldórs Grétars og Sigurbjörns í gegnum SMS ef ég hef einhver tök á því í dag. Annars verða menn bara að nota Chess-Results.

Hef átt í vandræðum að koma frá mér myndum í myndaalbúm á Skák.is. Þess í stað setti ég nokkrar myndir á Facebook-síðuna mína. Það myndaalbúm á að vera öllum opið: http://www.facebook.com/media/set/?set=a.10150389656533291.379373.731303290&type=1&l=736f9bda12

Meira á morgun.

Kveðja frá Porto Carras,
Gunnar

Spil og leikir | Slóð | Facebook | Athugasemdir (0)

9.11.2011 | 10:02

Viðureign dagsins: Serbía

Íslenska sveitin mætir sveit Serbíu í sjöundu umferð EM landsliða sem fram fer í dag í Porto Carras í Grikklandi. Serbía er fjórða sveitin af fimm úr fyrrum Júgóslavíu sem taka þátt sem við mætum.

Helgi Ólafsson hvílir í dag en mun væntanlega tefla tvær síðustu skákirnar með íslenska liðinu.

Serbarnir eru stigahærri á öllum borðum.

Viðureign dagsins:

12.1	GM	Danielsen Henrik	2542	-	GM	Ivanisevic Ivan	2636
12.2	FM	Gretarsson Hjorvar Steinn	2452	-	GM	Solak Dragan	2629
12.3	IM	Thorfinnsson Bragi	2421	-	GM	Damljanovic Branko	2597
12.4	IM	Thorfinnsson Bjorn	2402	-	GM	Perunovic Milos	2576