Skák.is

Bloggfærslur mánaðarins, nóvember 2011

13.11.2011 | 20:30

"The brothers" stóðu sig vel í Birmingham

Bræðurnir Bragi og Björn Þorfinnssynir stóðu sig vel í Bresku deildakeppninni sem fram fór um helgina í Birmingham. Báðir fengu þeir 1,5 vinning í 2 skákum. Þeir mættu á skákstað um hálftíma fyrir skák, beint úr löngu flugi frá Grikklandi, og náðu ekki einu sinni að bóka sig inn á hótelið né að komast í sturtu fyrir skák.

Bræðurnir tefla fyrir klúbbinn Jutes of Kent.

Í fyrri viðureigninni sem fram fór í gær gerði Bragi jafntefli við alþjóðlega meistarann Richard Pallesier (2447) en Björn vann Simon Buckley (2352).

Í síðari umferðinni sem fram fór í dag vann Bragi Matthew Rose (2282) en Björn gerði jafntefli við Tom Eckersley-Waites (2276).

Báðir hækka þeir eitthvað á stigum fyrir frammistöðu sína. Mótinu verður framhaldið 14. og 15. janúar og þá halda væntanlega "the brothers" í aðra útrás til Bretlands.

Heimasíða mótsins

Spil og leikir | Breytt s.d. kl. 20:35 | Slóð | Facebook | Athugasemdir (0)

13.11.2011 | 20:00

Skákþáttur Morgunblaðsins: Evrópumótið í Halkidiki

Evrópukeppni landsliða sem hófst í vikunni í Halkidiki í Grikklandi er sterkasta flokkakeppni ársins hvorki meira né minna og nægir að á skipan liðanna til sannfærast. Rússar eru sterkastir samkvæmt stigum með Svidler, Karjakin, Grischuk, Morozevich og Nepomniachchi í liðinu og síðan koma Armenar með Aronjan á fyrsta borði, Úkraínumenn með Ivantsjúk á fyrsta borði og Radjabov leiðir Azera. Stigahæsti skákmaður heims, Magnús Carlsen er ekki í norska liðinu.

Á íslenska liðinu hafa orðið miklar breytingar. Það lá fyrir í september að Hannes Hlífar Stefánsson tæki sér frí, síðan afboðaði Héðinn Steingrímsson sig vegna veikinda og loks hamlaði brjósklos í baki þátttöku Stefáns Kristjánssonar.

Kjarninn frá Ol í Khanty Manyisk er þó mættur: Hjörvar Steinn Grétarsson og bræðurnir Bragi og Björn Þorfinnssynir tefla á öðru, þriðja og fjórða borði með Henrik Danielssen á efsta borði. Greinarhöfundur, sem er þjálfari og liðsstjóri var fenginn til að fylla flokkinn og hefur valið sér sæti varamanns. Íslenska liðið er skráð í 32. sæti af 38 liðum.

Íslendingar hafa reglulega tekið þátt í Evrópumóti landsliða. Vefsíðan http://www.olimpbase.org/ greinir frá því að fyrst hafi það verið 1992 í Debrecen í Ungverjalandi, 13. sæti, aftur í Leon 2001, 20. sæti, Plovidiv 2003, 26. sæti, Gautaborg 2005 29. sæti, Halkidiki 2007, 20. sæti og Novi Sad 2009, 34. sæti.

Ein eftirminnileg viðureign Íslendinga frá þessum Evrópumótum fór fram í Debrecen árið 1992 þegar Íslendingar gerðu jafntefli við Armena. Sennilega hefði frammistaða íslenska liðsins orðið betri ef undirritaður hefði landað sigri yfir Lputian í skák sem John Nunn kallaði tragedíu í grein í New in chess; þar hefði verið í fæðingu ein besta skák ársins.

Sindbað Lputjan - Helgi Ólafsson

Drottningarindversk vörn

1. d4 Rf6 2. Rf3 e6 3. c4 b6 4. g3

Lputian valdi yfirleitt Petrosjan-afbrigðið sem hefst með 4. a3 en kaus að leiða taflið í rólega stöðubaráttu með þungri undiröldu.

4.... Ba6 5. Dc2 c5 6. Bg2 Rc6 7. dxc5 bxc5 8. 0-0 Be7 9. Hd1 0-0 10. Bf4 Db6 11. b3 d5 12. Rc3 Rb4 13. Db2 dxc4 14. Re5 Rbd5 15. Ra4 Dc7 16. bxc4 Hab8 17. Dc2 Rxf4 18. gxf4 Bd6 19. Rc6 Bxf4! 20. h3

Eftir 20. Rxb8 Bxh2+ og 21.... Hxb8 hefur svartur rífandi bætur fyrr skiptamun. Nú setur svartur af stað magnaða leikfléttu.

20.... Bb7! 21. Rxb8 Be3! 22. Db3 Rg4!

Með hugmyndinni 23. hxg4 Dg3! 24. Dxb7 Dxf2+ 25. Kh2 Bf4+ 26. Kh1 Dh4+ 27. Kg1 Be3+ og mát í næsta leik.

23. Dxb7 Dh2+ 24. Kf1 Rxf2 25. Df3 Rxd1 26. Ke1 Hd8??

Eftir þvingaða atburðarás missir svartur þráðinn í tímahraki þó að það sé engin afsökun. Eftir 26.... Dxb8 27. Hxd1 Db4+! 28. Kf1 Dxa4 er svartur tveim peðum yfir og með auðunna stöðu. Raunar sá ég svarleik þess armenska og einnig þessa einföldu vinningsleið.

27. Rd7! Bf2+ 28. Kxd1 Dg1+ 29. Kc2 Dxa1 30. Dxf2 Hxd7 31. Rc3 Hd4 32. Dg3 h6 33. Be4 Hxe4?

Aftur mistök, 33.... f5 var nauðsynlegt. Lputjan tefldi vörnina frá og með 27. leik frábærlega vel.

34. Rxe4 Dxa2+ 35. Kd3 Db1+ 36. Ke3 Dc1+ 37. Kf2 f5 38. Rf6 Kf7 39. Rd7 f4 40. Dd3 Dh1 41. Re5 Kg8 42. Rg4 h5 43. Dd8 Kh7 44. Dh4 De4 45. Dxh5

- og svartur gafst upp. Eftir 45.... Kg8 46. Dxc5 er svarta staðan vonlaus.

Helgi Ólafsson helol@simnet.is

-------------------------------------------

Skákþættur Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 6. nóvember 2011.

Skákþættir Morgunblaðsins

Spil og leikir | Breytt s.d. kl. 15:47 | Slóð | Facebook | Athugasemdir (0)

13.11.2011 | 15:29

Mikael Jóhann unglingameistari Íslands

Mikael Jóhann Karlsson (1866) sigraði á Unglingameistari Íslands sem fram fór um helgina. Mikael Jóhann hlaut 6,5 vinning í sjö skákum, leyfði aðeins jafntefli við Oliver Aron Jóhannesson (1795) til að tryggja sér titilinn. Daði Ómarsson (2204) sem fyrirfram var auðvitað langsigurstranglegastur varð annar með 6 vinninga, tapaði aðeins fyrir Mikael. Þriðji varð Birkir Karl Sigurðsson (1774) með 5 vinninga. Jafn honum í mark en lægri á stigum varð Jón Trausti Harðarson (1728).

Skákstjóri var Ólafur S. Ásgrímsson.

Mótstöflu mótsins má finna á Chess-Results.

Myndalbúm (GB og SMP)

Spil og leikir | Slóð | Facebook | Athugasemdir (0)

12.11.2011 | 22:17

Viðtal við Hjörvar á Chessdom

Margmiðlunarefni: Viðtal við Hjörvar á Chessdom. Smellið hér ef myndskeiðið birtist ekki.

Spil og leikir | Breytt s.d. kl. 22:20 | Slóð | Facebook | Athugasemdir (1)

12.11.2011 | 18:36

Elsa María efst á Íslandsmóti kvenna

Elsa María Kristínardóttir (1698) er efst með fullt hús á Íslandsmóti kvenna en fjórða umferð fór fram í gærkveldi. Þá vann hún Jóhönnu Björg Jóhannsdóttur (1831). Jóhanna er í 2.-5. sæti með 3 vinninga ásamt Hallgerði Helgu Þorsteinsdóttur (2006), Tinna Kristínu Finnbogadóttur (1810) og Veroniku Steinunni Magnúsdóttur (1597).

Fimmta umferð fer fram á morgun og hefst kl. 18. Allar skákir mótsins eru sýndar beint á vefnum. Teflt er í félagsheimili SÍ, Faxafeni 12.

Spil og leikir | Slóð | Facebook | Athugasemdir (0)

12.11.2011 | 18:28

Mikael Jóhann efstur á Unglingameistari Íslands

Mikael Jóhann Karlsson er efstur með fullt hús á Unglingameistaramóti Íslands að loknum fjórum umferðum sem fram fóru í dag. Dagur Ragnarsson (1997) og Jóhanna Björg Jóhannsdóttir (1831) koma næst með 3,5 vinning.

21 skákmaður tekur þátt í mótinu. Mótinu lýkur með þremur síðustu umferðunum á morgun. Teflt er í félagsheimili TR.

Sjá nánar á Chess-Results.

Spil og leikir | Slóð | Facebook | Athugasemdir (0)

12.11.2011 | 17:54

Bræður í beinni

Bræðurnir Bragi og Björn Þorfinnsson létu sér ekki að nægja að tefla á EM landsliða síðustu daga heldur héltu þeir beint til Birmingham í Englandi af Heathrow-fllugvellinum þar sem hófu taflmennsku kl. 14 í dag í ensku deildakeppninni. Þeir áttu að koma á skákstað á u.þ.b. hálftíma fyrir umferð.

Skákir þeirra eru sýndar beint hér: http://www.4ncl.co.uk/live_games_rd1.htm.

Þeir tefla einnig á morgun og hefst sú umferð kl. 11.

Spil og leikir | Breytt s.d. kl. 17:57 | Slóð | Facebook | Athugasemdir (0)

12.11.2011 | 07:00

Unglingameistaramót Íslands hefst í dag

Unglingameistaramót Íslands 2011 fer fram í félagsheimili Taflfélags Reykjavíkur, Faxafeni 12, Reykjavík dagana 12. og 13. nóvember nk. Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2011" og í verðlaun farseðil - að hámarki kr. 50.000.- á skákmót erlendis. Farseðilinn gildir í eitt ár.

Umferðatafla:

Laugardagur 12. nóv. kl. 13.00 1. umferð
" kl. 14.00 2. umferð
" kl. 15.00 3. umferð
" kl. 16.00 4. umferð
Sunnudagur 13. nóv. kl. 11.00 5. umferð
" kl. 12.00 6. umferð
" kl. 13.00 7. umferð

Tímamörk: 25 mín á keppanda

Þátttökugjöld: kr. 2.000.-

Skráning: http://www.skak.is og skaksamband@skaksamband.is

* Chess-Results

Upplýsingar um þegar skráða keppendur má nálgast hér.

Spil og leikir | Breytt s.d. kl. 14:24 | Slóð | Facebook | Athugasemdir (0)

11.11.2011 | 23:30

Vinaskákmót á mánudaginn

Vinafélagið og Skákakademía Reykjavíkur standa fyrir skákmóti í Vin, Hverfisgötu 47, mánudaginn 14. nóvember klukkan 13. Tefldar verða 6 umferðir með sjö mínútna umhugsunartíma. Vegleg verðlaun eru í boði frá velunnurum Vinjar.

Mjög blómlegt skáklíf er í Vin, athvarfi Rauða krossins. Þar eru æfingar alla mánudaga og reglulega er slegið upp stórmótum. Skákfélag Vinjar er eitt hið kraftmesta á landinu og teflir meðal annars fram tveimur sveitum á Íslandsmóti skákfélaga.

Vinafélagið, sem stofnað var 13. október sl., stendur að Vinaskákmótinu í samvinnu við Skákakademíu Reykjavíkur. Bakhjarlar mótsins eru m.a. Forlagið, Henson og Sögur útgáfa. Þá gefur Bakarameistarinn góðgæti með kaffinu.

Að undanförnu hefur ríkt óvissa um framtíð Vinjar, sem er griðastaður fólks með geðraskanir, en allt bendir nú til þess að rekstur athvarfsins verði tryggður með samstilltu átaki.

Spil og leikir | Slóð | Facebook | Athugasemdir (0)

11.11.2011 | 18:28

4-0 sigur á Skotum í lokaumferð EM

Ísland vann góðan 4-0 sigur á sveit Skota í lokaumferð EM landsliða í Grikklandi. Hjörvar Steinn náði stórmeistaraáfanga sem telst tvöfaldur og Helgi Ólafsson varð í öðru sæti í keppni um borðaverðlaun varamanna. Ísland lenti í 26.sæti og varð efst Norðurlandanna.

Þjóðverjar unnu mótið með sigri í úrslitaviðureign á móti Armenum.

	Ísland	Stig	-		Skotland	Stig	4 : 0
GM	Henrik Danielsen	2542	-	FM	Tate Alan	2334	1 - 0
FM	Hjörvar Steinn Grétarsson	2452	-	FM	Morrison Graham	2339	1 - 0
IM	Björn Þorfinnsson	2402	-	IM	Muir Andrew J	2311	1 - 0
GM	Helgi Ólafsson	2531	-		Mitchell Martin	2215	1 - 0

Borðaverðlaun - varamannsborð
1 GM Bauer, Christian 2641 FRA 2797
2 GM Helgi Ólafsson 2531 ISL 2786
3 GM Postny, Evgeny 2640 ISR 2762

Lokastaðan

Rk.	SNo	Team	Team	Games	+	=	-	TB1	TB2	TB3	TB4	TB5
1	10	Germany	GER	9	7	1	1	15	22.5	183.0	154.50	142.0
2	3	Azerbaijan	AZE	9	6	2	1	14	23.0	181.5	139.75	140.5
3	5	Hungary	HUN	9	5	3	1	13	23.0	167.5	117.25	128.0
4	4	Armenia	ARM	9	6	1	2	13	22.5	172.0	117.25	132.5
5	1	Russia	RUS	9	6	1	2	13	21.5	174.5	123.50	134.0

Kepppni Norðurlandanna

Rk.	SNo	Team	Team	Games	+	=	-	TB1	TB2	TB3	TB4	TB5
26	32	Iceland	ISL	9	4	0	5	8	18.0	159.5	59.50	128.0
27	25	Sweden	SWE	9	3	2	4	8	17.5	156.5	61.00	125.0
28	24	Denmark	DEN	9	3	2	4	8	17.0	155.0	54.00	126.5
29	31	Norway	NOR	9	3	2	4	8	15.5	152.5	63.75	120.5
30	30	FYROM	MKD	9	3	1	5	7	18.5	133.5	31.75	105.0
31	28	Finland	FIN	9	3	1	5	7	17.0	137.5	38.00	110.0

Árangur íslensku keppendanna

26. Iceland (RtgAvg:2487, Captain: Helgi Olafsson / TB1: 8 / TB2: 18)
Bo.		Name	Rtg	FED	1	2	3	4	5	6	7	8	9	Pts.	Games	RtgAvg	Rp
1	GM	Danielsen Henrik	2542	ISL	0	0		0		1	½	0	1	2.5	7	2580	2478
2	FM	Gretarsson Hjorvar Steinn	2452	ISL	1	0	1	½	0	1	0	½	1	5.0	9	2563	2606
3	IM	Thorfinnsson Bragi	2421	ISL	0	½	1	1	0	0	1	0		3.5	8	2519	2476
4	IM	Thorfinnsson Bjorn	2402	ISL	½	½	0		0	½	0		1	2.5	7	2463	2361
5	GM	Olafsson Helgi	2531	ISL			1	1	1			½	1	4.5	5	2420	2786

Stigabreytingar:
   Nafn                                      Eló-stig       Breyting
GM   Henrik Danielsen                 2542      -6.3
FM   Hjörvar Steinn Grétarsson   2452       +17.7
IM   Bragi Þorfinnsson                 2421       +5.2
IM   Björn Þorfinnsson                 2402       -4.2
GM   Helgi Ólafsson                     2531       +14.6

Skákir Íslands í lokaumferðinni fylgja hér að neðan.