Liberec Open - Pistill fyrstu umferðar

Mér finnst við mega nokkuð vel við una með úrslitin í fyrstu umferð þó að ég hefði gjarnan viljað fá fleiri vinninga, sérstaklega í ljósi þess að allar stelpurnar fengu ágætis stöður í dag.

Tadeas Klecker (2209) - Tinna Kristín Finnbogadóttir (1803) 1-0
Tinna tefldi skákina mjög vel til að byrja með og lét andstæðinginn ekki slá sig út af laginu þó að hann væri rúmlega 400 stigum hærri og tefldi mjög hvasst.  Tinnu brást hins vegar bogalistin þegar hún fórnaði skiptamun sem ekki stóðst.  Staðan á þeim tíma var hins vegar mjög fín hjá henni og ef hún hefði beðið róleg þá hefði hún væntanlega landað fínu jafntefli eða jafnvel unnið ef andstæðingurinn reyndi of mikið til að vinna því staða hans bauð ekki upp á það.  Tinna kemur bara til baka í dag.

Jóhanna Björg Jóhannsdóttir (1803) - Stanislav Splichal (2195) 1-0
Jóhanna var klárlega með bestu úrslitin í dag.  Hún tefldi byrjunina ágætlega og gat á tímabili fengið mjög þægilega stöðu.  Eftir jafna byrjun lagði hún út í frekar vafasamar aðgerðir og verri stöðu.  Staðan var hins vegar mjög flókin með miklum taktískum möguleikum og þar naut Jóhanna sín vel.  Hún snéri laglega á andstæðingin í flækjunum og komst út í unnið drottningarefndatafl peði yfir.  Endataflið stóð þó frekar stutt yfir því andstæðingurinn féll fljótlega á tíma en staða hans var einfaldlega koltöpuð.

Sigríður Björg Helgadóttir (1716) - Zdenec Cakl (2064) 0-1
Sigríður Björg tefldi eins og margar aðrar langt upp fyrir sig í dag gegn andstæðingi sem er u.þ.b. 360 stigum hærri en hún. Hún fékk ágætis stöðu úr byrjuninni en lék síðan ónákvæmt og fékk verri stöðu.  Hún var hins vegar við það að rétta úr kútnum þegar hún víxlaði leikjum og tapaði þannig manni slysalega og átti engan séns í framhaldinu.  Óheppilegt en hún kemur örugglega til baka í dag.

Elsa María Kristínardóttir (1708) - Willem Broekman (2054) ½-½
Elsa María tefldi við andstæðing sem er tæplega 350 stigum hærri en hún.  Skákin var lengi vel mjög vel tefld hjá Elsu og fékk hún fín færi úr byrjuninni.  Á einum tímapunkti hefði hún getað fórnað manni sem ekki mátti þiggja og hefði það gefið henni peð og alla stöðuna.  Elsa tefldi samt vel og stefndi leynt og ljóst að því að tapa ekki.  Hún bar hins vegar heldur mikla virðingu fyrir andstæðingnum og smá saman fór að halla á hana í endataflinu.  Staðan var á tímabili örugglega hartnær töpuð.  Elsa sýndi síðan sínar bestu hliðar í vörninni undir mikilli tímapressu og landaði fínu jafntefli.  Þegar skákinni var lokið sagði andstæðingur hennar að hún hefði einfaldlega allt of fá stig!  Hún væri miklu betri en stigin segðu til um.  Ég var mjög ánægður með Elsu í dag.  Hún var mjög einbeitt alla skákina og við ræddum aðeins fyrir skákina að hún þyrfti að nýta tíman sinn betur.  Hún gerði það svo sannarlega, jafnvel um of, því það er mjög óþægilegt að vera á hliðarlínunni þegar leikið er á síðustu sekúndunni!f

Jaroslav Sedlak (1658) - Hallgerður Helga Þorsteinsdóttir (2023) 0-1
Hallgerður var sú eina sem fékk stigalægri andstæðing.  Það fylgir því stundum nokkur pressa að byrja í fyrstu umferð á móti erlendis á móti stigalægri mönnum því nauðsynlegt er að vinna!  Hallgerður gerði þetta mjög vel og hafði tögl og haldir í skákinni allan tíman og landaði öruggum vinningi fljótt og vel.

Ludek Svedjar (1997) - Hrund Hauksdóttir (1592) 1-0
Hrund tefldi mjög vel framan af gegn rúmlega 400 stigum hærri andstæðingi.  Hún tefldi byrjunina vel og fékk fínustu stöðu.  Hún átti möguleika á skemmtilegri taktík eftir byrjunina sem hefði gefið henni stöðu sem hún hefði varla geta tapað.  Hún missti af þeirri leið og fékk í framhaldinu heldur verri stöðu sem varð síðan óverjandi eftir að hún opnaði peðastöðu sína of mikið - stundum þarf maður bara að halda sér fast!  Hrund var samt að tefla mjög vel svona heilt yfir og ef hún heldur því áfram nær hún fínum árangri í þessu móti.

Ég var almennt mjög ánægður með taflmennskuna hjá stelpunum í dag.  Þær komu allar vel út úr byrjuninni og ég var mjög ánægður þegar um 2 tímar voru liðnir af umferðinni og þær voru allar með fínar stöður.  Ef þær halda áfram að tefla svona verður uppskeran úr mótinu góð.

Stelpurnar fá eftirfarandi andstæðinga í dag:

Hallgerður Helga Þorsteinsdóttir (2023) - Virginijus Dambrauskas (2316)
Zedenek Cakl (2078) - Jóhanna Björg Jóhannsdóttir (1803)
Petr Buldus (2026) - Elsa María Kristínardóttir (1708)
Sigríður Björg Helgadóttir (1716) - ZdZislaw Lesinski (1932)
Tinna Kristín Finnbogadóttir (1803) - Jan Hanus (1493)
Hrund Hauksdóttir (1592) - Kacper Grela (1799)

Davíð Ólafsson

Hraðskákmót TR fer fram í dag

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 23. október kl. 14:00.

Tefldar verða 2x7 umferðir eftir Swiss Perfect kerfi. Umhugsunartími 5 mín á skák.

Þátttökugjald kr 500 fyrir 16 ára og eldri, en frítt fyrir 15 ára og yngri.

Þrenn verðlaun verða i boði.

Að loknu hraðskákmótinu fer fram verðlaunaafhending fyrir nýafstaðið Haustmót TR.

Núverandi Hraðskákmeistari T.R. er Stefán Már Pétursson.

Liberec Open - Úrslit íslensku stelpnanna í fyrstu umferð

Tadeas Klecker (2209) - Tinna Kristín Finnbogadóttir (1803) 1-0

Jóhanna Björg Jóhannsdóttir (1803) - Stanislav Splichal (2195) 1-0

Sigríður Björg Helgadóttir (1716) - Zdenec Cakl (2064) 0-1

Elsa María Kristínardóttir (1708) - Willem Broekman (2054) ½-½

Jaroslav Sedlak (1658) - Hallgerður Helga Þorsteinsdóttir (2023) 0-1

Ludek Svedjar (1997) - Hrund Hauksdóttir (1592) 1-0

 Vel viðundandi úrslit í fyrstu umferð - pistill síðar

Davíð Ólafsson

Skákþing Garðabæjar hefst á fimmtudagskvöld

Skákþing Garðabæjar hefst fimmtudaginn 27. október 2011.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður: Garðatorg 1. (gamla Betrunarhúsið). gengið inn um inngang nr. 8 á torgið (frá Hrísmóum) að hliðinu til inn um dyr til hægri og upp á 2. hæð. Best er að aka meðfram Hönnunarsafninu til að komast að innganginum. 

Umferðatafla:

• 1. umf. Fimmtudag 27. okt. kl. 19.30.
• 2. umf. Fimmtudag 3. nóv. kl. 19.30
• 3. umf. Fimmtudag 10. nóv. kl. 19.30
• 4. umf. Fimmtudag 17. nóv. kl. 19.30
• 5. umf. Fimmtudag 24. des. kl. 19.30
• 6. umf. Fimmtudag 1. des. kl. 19.30
• 7. umf. Fimmtudag 8. des. kl. 19.30

Keppnisfyrirkomulag er Svissneskt kerfi. 

Tímamörk eru 90 mínútur og 30 sek sem bætist við hvern leik. 

Ath. í ár verður bætt við B-flokki fyrir skákmenn með 1499 stig eða minna. Umhugsunartími þar er 30 mín + 30 sek. á leik. 

Verðlaun auk verðlaunagripa:

• 1. verðlaun. 25 þús. 
• 2. verðlaun 10 þús.
• 3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4000 kr. 
Mótið er um leið skákþing Taflfélags Garðabæjar. (keppt er um titilinn ef jafnt)

Aukaverðlaun:   

• Efst(ur) 16 ára og yngri.(1995=< x):     Bókarvinningur auk grips. 
• Efst(ur) í B flokki: Bókarvinningur auk grips. 

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun. 

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld
Félagsmenn. Fullorðnir 2500 kr. 17 ára og yngri ókeypis.
Utanfélagsmenn. Fullorðnir 3500 kr. Unglingar 17 ára og yngri 2000 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni hér að ofan eða í síma 860 3120. 

Skákstjóri er Páll Sigurðsson

Skákmeistari Garðabæjar 2010 var Leifur Ingi Vilmundarson

• Sjá má upplýsingar um mótið 2010 á chess-result
• Smelltu hér til að skrá þig á mótið 2011. 
• Sjá má skráða keppendur með því að smella hér

Liberec Open - 1. umferð hafin

Í fyrstu umferð tefla stelpurnar við:

Tadeas Klecker (2209) - Tinna Kristín Finnbogadóttir (1803)

Jóhanna Björg Jóhannsdóttir (1803) - Stanislav Splichal (2195)

Sigríður Björg Helgadóttir (1716) - Zdenec Cakl (2064)

Elsa María Kristínardóttir (1708) - Willem Broekman (2054)

Jaroslav Sedlak (1658) - Hallgerður Helga Þorsteinsdóttir (2023)

Ludek Svedjar (1997) - Hrund Hauksdóttir (1592)

 

Tengill á Chess Results: http://chess-results.com/tnr58314.aspx?tnr=58314&art=0&lan=1&turdet=YES&flag=30&m=-1

 

Davíð Ólafsson

Liberec Open hefst í dag

Sex þátttakendur í æfingahóp kvennalandsliðs taka þátt í Liberec Open skámótinu.  Mótið er partur af Czech Tour mótaröðinni og hefst í dag og lýkur laugardaginn 29. október.  Íslensku þátttakendurnir eru:  Hallgerður Helga Þorsteinsdóttir, Tinna Kristín Finnbogadóttir, Jóhanna Björg Jóhannsdóttir, Sigríður Björg Helgadóttir, Elsa María Kristínardóttir og Hrund Hauksdóttir.  Undirritaður er með stelpunum sem þjálfari og fararstjóri, en auk hans er Ómar Björnsson eiginmaður Elsu Maríu einnig með í för.

Mótið er níu umferðir og er dagskráin eftirfarandi (íslenskur tími):
1. Umferð – Laugardaguri 22. október kl. 14 
2. Umferð – Sunnudagur 23. október kl. 14
3. Umferð – Mánudagur 24. október kl. 14
4. Umferð – Þriðjudagur 25. október kl. 14
5. Umferð – Miðvikudagur 26. október kl. 14
6. Umferð – Fimmtudagur 27. október kl. 14
7. Umferð – Föstudagur 28. október kl. 7
8. Umferð – Föstudagur 28. október kl. 14
9. Umferð – Laugardagur 29. október kl. 7

Tímamörk eru 90 mínútur + 30 sekúndur á leik.

Slóðin á mótið er:

http://www.czechtour.net/liberec-open/

Davíð Ólafsson

Sigurðar sigursælir hjá SA

Á fjórða mótaraðar SA sem fór fram í gærkvöldi var hart barist og höfðu nafnarnir Eiríksson og Arnarson nauman sigur, hálfum vinningi á undan Jóni Kristni, sem ávallt kemur við sögu í fréttum frá Skákfélaginu þessi misserin.

Nánar á heimasíðu SA

Jón Ú með fullt hús á fimmtudagsmóti

Jón Úlfljótsson sigraði örugglega á alþjóðlegu fimmtudagsmóti í gær og komst enginn nálægt honum í baráttunni.  Fyrir síðustu umferð var Jón með fullt hús og þegar búinn að tryggja sér sigur. Í næstu sætum voru svo erlendir keppendur en úrslit urðu annars sem hér segir:

 

  1   Jón Úlfljótsson                  7     

  2   Jon Olav Fivelstad            5     

  3   Stephen Jablon                4.5   

  4   Sigurjón Haraldsson         4      

  5   Jón Pétur Kristjánsson      3      

  6   Gauti Páll Jónsson            2.5  

  7   Finnur Kr. Finnsson          1.5     

  8   Björgvin Kristbergsson      0.5   

Smári og Jón Kristinn efstir á Haustmóti SA

Fjórðu umferð Haustmóts SA lauk í gær. Úrslit urðu sem hér segir:

• Jón Kristinn-Sigurður Arnarson    1/2-1/2
• Sveinn Arnarsson-Jakob Sævar      0-1
• Andri Freyr-Hersteinn                  1/2-1/2
• Haukur-Smári                                 0-1

Hart var barist á flestum borðum og beindust augu áhorfenda að skák Jóns Kristins og Sigurðar, sem klárlega verður að teljast til einnar af úrslitaskákum mótsins. Þar var lengi tvísýnt um úrslit.  Aldursforseti mótsins, Haukur Jónsson, átti lengi allskostar við Akureyrarmeistarann Smára Ólafsson, en brást bogfimin á úrslitastundu og mátti sætta sig við sitt fjórða tap. 

Staðan:

 

Rk.	Name	Rtg	Club/City	Pts.	TB1
1	Ólafsson Smári	1875	SA	3,5	3,75
2	Þorgeirsson Jón Kristinn	1609	SA	3,5	2,75
3	Sigurðsson Jakob Sævar	1713	Goðinn	3	3,25
4	Arnarson Sigurður	1931	SA	2,5	5,5
5	Björgvinsson Andri Freyr	1301	SA	2	2,75
6	Arnarsson Sveinn	1781	Goðinn	1	0
7	Heiðarsson Hersteinn	1230	SA	0,5	1
8	Jónsson Haukur	1429	SA	0	0

Fimmta umferð mótsins verður tefld nk. sunnudag og hefst kl. 13.

• Heimasíða SA
• Chess-Results

Hraðskákmót TR fer fram á sunnudag

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 23.október kl. 14:00.

Tefldar verða 2x7 umferðir eftir Swiss Perfect kerfi. Umhugsunartími 5 mín á skák.

Þátttökugjald kr 500 fyrir 16 ára og eldri, en frítt fyrir 15 ára og yngri.

Þrenn verðlaun verða i boði.

Að loknu hraðskákmótinu fer fram verðlaunaafhending fyrir nýafstaðið Haustmót TR.

Núverandi Hraðskákmeistari T.R. er Stefán Már Pétursson.