Hraðkvöld hjá Helli í kvöld og verðlaunaafhending vegna Meistaramóts Hellis

Taflfélagið Hellir heldur hraðkvöld mánudaginn 17. október nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni. Jafnframt verður verðlaunaafhending vegna meistaramóts Hellis í upphafi hraðkvöldsins.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skákþáttur Morgunblaðsins: Karpov á Íslandsmóti taflfélaga

Fyrri hluti Íslandsmóts taflfélaga fer fram í Rimaskóla þessa helgina og dregur að sér mikinn fjölda skákáhugamanna hvaðanæva af landinu. Mótið hefur verið talsvert í fréttum undanfarið, ekki síst vegna þess að Taflfélag Reykjavíkur hefur skráð fjölmarga nafntogaðra stórmeistara í lið sitt og fara þar fremst í flokki skákdrottningin Judit Polgar og heimsmeistarinn fyrrverandi, Anatolí Karpov en styrktaraðilar TR fengu þá ágætu hugmynd að bjóða honum hingað til lands. Hann er í reynd hættur að tefla en verður heiðursgestur við opnun Íslandsmóts taflfélaga og hefur þegar sett mark sitt á keppni þar sem Bolvíkingum er spáð öruggum sigri.

Bolvíkingar tefla fram A- og B-liði í efstu deild og af þeirri ástæðu einni er ekki nokkur leið til þess að keppnin geti farið fram á jafnréttisgrundvelli. Þó örlar ekki á vilja til breyta þessu fyrirkomulagi sem þekkist vart í öðrum flokkakeppnum.

Í aðdraganda Íslandsmóts taflfélaga hefur mótsstjórn SÍ fengið mál til sín sem varðar skráningu einstakra skákmanna í lið en síðasti dagur skráningar var af hálfu SÍ upp gefinn 16. september sl. en samkvæmt túlkun mótsstjórnar gildir 17. september einnig sem skráningardagur. Mál Alexei Dreev er mönnum enn í fersku minni en það snerist einnig um tímasetningu skráningar. Hann var dæmdur ólöglegur í liði TV.

Fjarri vangaveltum af þessu tagi héldu lið Bolvíkinga og Hellis á Evrópumót taflfélaga sem hófst hinn 25. september og lauk um síðustu helgi í Rogaska Slatina í Slóveníu. Margt er hægt að lesa út úr frammistöðu liðanna og einstakra liðsmanna. Bolvíkingar höfnuðu í 14. sæti af 62 liðum en Hellismenn í 25. sæti. Bæði liðin áttu erfitt uppdráttar gegn sterkari liðunum, Bolar töpuð t.d. 0:6 í næstsíðustu umferð en átt svo góðan lokadag og unnu sterkt spænsk lið, Gros Xake Taldea, 4½ : 1½. Sigurbjörn Björnsson, bóksali og starfsmaður Actavis, sem tefldi á 4. borði fyrir Helli náði sínum fyrsta áfanga að alþjóðlegum meistaratitli og aðrir sem stóðu sig vel voru Stefán Kristjánsson, Guðmundur Gíslason og Bjarni Jens Kristinsson.

Ísfirðingurinn Guðmundur Gíslason teflir allra manna skemmtilegast þegar honum tekst upp og Evrópukeppni taflfélaga virðist eiga vel við hann sbr. eftirfarandi skák sem tefld var um miðbik mótsins:

EM taflfélaga, 4. umferð:

Domingues Metras - Guðmundur Gíslason

Grunfelds vörn

1. d4 Rf6 2. c4 g6 3. Rc3 d5 4. cxd5 Rxd5 5. Rf3 Bg7 6. Db3 Rb6 7. Bf4 Be6 8. Dc2 Rc6 9. e3 0-0 10. a3?

Hvítur hefur teflt byrjunina fremur ómarkvisst. Hér var mun betra að leika 10. Bb5.

10.... Hc8!?

Upphafið að áætlun sem hvítur áttar sig ekki alveg á - fyrr en um seinan!

11. Bd3 Ra5 12. b4 Rb3! 13. Hb1 c5

Rífur upp stöðuna á drottningarvæng. Nú er 14. Hxb3 svarað með 15. Bxb3 16. Dxb3 c4 o.s.frv.

14. bxc5 Rxc5 15. De2 Rxd3 16. Dxd3 Bc4 17. Dd2 Ba6 18. Re2 Rd5 19. Hb2

Ekki gekk 19. 0-0 vegna 19.... Bxe2 20. Dxe2 Rc3 og vinnur skiptamun.

19.... Bxe2! 20. Kxe2 Rc3+ 21. Kf1 Da5 22. g3 Dd5 23. Kg2

( STÖÐUMYND )

23.... g5!

Vinnur mann. Hvítur taldi sig kominn í skjól með kónginn en þessi leikur gerir út um þær vonir, 24. Bxg5 er svarað með 24.... Re4. Hörfi drottningin kemur 25.... Rxg5. Metras gafst því upp.

----------------------------

Skákþættur Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 9. október 2011.

Skákþættir Morgunblaðsins

[Event "27th European Club Cup 2011"] [Site "Rogaska Slatina"] [Date "2011.09.28"] [Round "4.15"] [White "Metras, Dominique"] [Black "Gislason, Gudmundur"] [Result "0-1"] [ECO "D90"] [WhiteElo "2009"] [BlackElo "2295"] [PlyCount "46"] [EventDate "2011.09.25"] 1. d4 Nf6 2. c4 g6 3. Nc3 d5 4. cxd5 Nxd5 5. Nf3 Bg7 6. Qb3 Nb6 7. Bf4 Be6 8. Qc2 Nc6 9. e3 O-O 10. a3 Rc8 11. Bd3 Na5 12. b4 Nb3 13. Rb1 c5 14. bxc5 Nxc5 15. Qe2 Nxd3+ 16. Qxd3 Bc4 17. Qd2 Ba6 18. Ne2 Nd5 19. Rb2 Bxe2 20. Kxe2 Nc3+ 21. Kf1 Qa5 22. g3 Qd5 23. Kg2 g5 0-1

Guðmundur með vinningsforskot fyrir lokaumferðina

Guðmundur Kjartansson (2314) vann Tómas Björnsson (2162) í áttundu og næstsíðustu umferð Haustmóts TR sem fram fór í dag.  Guðmundur hefur 7 vinninga og hefur vinnings vorskot á Davíð Kjartansson (2291) sem er annar.  Jóhann H. Ragnarsson (2068) sem vann Harald Baldursson (2040) er þriðji með 5 vinninga.

Níunda og síðasta umferð fer fram miðvikudaginn 19. október og hefst kl. 19:30.

A-flokkur:

Úrslit 8. umferðar:
 

1	Bergsson Stefan	1 - 0	Bjornsson Sverrir Orn
2	Kjartansson Gudmundur	1 - 0	Bjornsson Tomas
3	Baldursson Haraldur	0 - 1	Ragnarsson Johann
4	Kjartansson David	1 - 0	Jonsson Bjorn
5	Olafsson Thorvardur	1 - 0	Valtysson Thor

 
Staðan:

 

Rk.		Name	RtgI	Club/City	Pts.	Rp	rtg+/-
1	IM	Kjartansson Gudmundur	2314	TR	7	2452	10,2
2	FM	Kjartansson David	2291	Víkingar	6	2323	5,3
3		Ragnarsson Johann	2068	TG	5	2225	24,6
4		Bjornsson Sverrir Orn	2158	Haukar	4,5	2159	0,8
5		Bergsson Stefan	2135	SA	4,5	2196	10,2
6	FM	Bjornsson Tomas	2162	Goðinn	3,5	2110	-9,1
7		Olafsson Thorvardur	2174	Haukar	3,5	2104	-11,7
8		Jonsson Bjorn	2045	TR	2,5	2006	-6,9
9		Valtysson Thor	2041	SA	2	1960	-12,8
10		Baldursson Haraldur	2010	Víkingar	1,5	1902	-15,6

 

Aðrir flokkar: 

Dagur Ragnarsson (1761) er efstur í b-flokki með 6 vinninga, Mikael Jóhann Karlsson (1855) er annar með 5,5 vinning og Stephan Jablon (1965) er þriðji með 4,5 vinning.  Sjá nánar hér.

Oliver Aron Jóhannesson (1645) er eftur í c-flokki með 6,5 vinning, Birkir Karl Sigurðsson (1597) er annar með 6 vinninga og Friðgeir Hólm (1667) er þriðji með 5,5.  Sjá nánar hér.

Vignir Vatnar Stefánsson (1444) er efstur í d-flokki (opnum flokki) með 7 vinninga.  Sóley Lind Pálsdóttir (1345) og Jóhann Arnar Finnsson (1199) eru í 2.-3. sæti með 6 vinninga.  Sjá nánar hér.

• Heimasíða mótsins
• Chess-Results
• Myndaalbúm (GB)

Héðinn tapaði í 3. umferð í Bundesligunni

Stórmeistarinn Héðinn Steingrímsson (2562) tapaði fyrir pólska stórmeistaranum Grzegorz Gajwski (2607) í 3. umferð Bundesligunnar sem fram fór í morgun.   Farið er yfir skákina á Skákhorninu.  Héðinn hlaut 1 vinning í þessum þremur skákum og lækkar um 4 skákstig.   Keppninni verður framhaldið með 4. og 5. umferð sem fram fara 19. og 20. nóvember.    

Héðinn teflir fyrir klúbbinn Hansa Dortmund.  Dortmund tapaði tveimur viðureignum og gerði eitt jafntefli og er í 14. sæti af 16 liðum.  

• Heimasíða mótsins
• Beinar útsendingar

 

Haustmót TR: Áttunda umferð í beinni

Skákir 8. og næstsíðustu umferðar í a-flokki Haustmóts TR auk einnar skákar í b-flokki, sem hefst kl. 14:00, má nálgast í beinni útsendingu.  

Bein útsending frá Haustmóti TR (tengill verður virkur rétt fyrir upphaf umferðar)

Héðinn með jafntefli í 2. umferð Bundesligunnar

Stórmeistarinn Héðinn Steingrímsson (2562) gerði jafntefli við þýska alþjóðlega meistarann Michael Ricther (2484) í 2. umferð í Þýsku deildakeppninni (Bundesligan) sem fram fór í dag.  Farið er yfir skákina á Skákhorninu.

Í 3. umferð, sem fram fer í fyrramálið, er pólski stórmeistarinn Grzegorz Gajwski (2607) líklegasti andstæðingur Héðins sem teflir á þriðja borði fyrir Hansa Dortmund.  Umferðin hefst kl. 8 og er hægt að fylgjast með henni í beinni.

 

• Heimasíða mótsins
• Beinar útsendingar

 

Guðmundur með vinnings forskot

Guðmundur Kjartansson (2314) vann Jóhann H. Ragnarsson (2068) í sjöundu umferð Haustmóts TR sem fram fór í kvöld.  Guðmundur hefur 6 vinninga og hefur vinnings forskot á Davíð Kjartansson (2291), sem gerði jafntefli við Þór Valtýsson (2041).   Sverrir Örn Björnsson (2158) er í þriðja sæti með 4,5 vinning eftir jafntefli við Tómas Björnsson (2162).  Guðmundur hefur tryggt sér titilinn, skákmeistari TR annað árið í röð.

Áttunda og næstsíðasta umferð fer fram sunnudaginn 16. október og hefst kl. 14:00. 

A-flokkur:

Úrslit 7. umferðar:

 

1	Olafsson Thorvardur	0 - 1	Bergsson Stefan
2	Valtysson Thor	½ - ½	Kjartansson David
3	Jonsson Bjorn	1 - 0	Baldursson Haraldur
4	Ragnarsson Johann	0 - 1	Kjartansson Gudmundur
5	Bjornsson Tomas	½ - ½	Bjornsson Sverrir Orn

 

 
Staðan:

 

Rk.		Name	RtgI	Club/City	Pts.	Rp	rtg+/-
1	IM	Kjartansson Gudmundur	2314	TR	6	2418	7,2
2	FM	Kjartansson David	2291	Víkingar	5	2300	2,4
3		Bjornsson Sverrir Orn	2158	Haukar	4,5	2215	8,7
4		Ragnarsson Johann	2068	TG	4	2197	18,3
5	FM	Bjornsson Tomas	2162	Goðinn	3,5	2130	-4,7
6		Bergsson Stefan	2135	SA	3,5	2152	2,3
7		Olafsson Thorvardur	2174	Haukar	2,5	2061	-16,5
8		Jonsson Bjorn	2045	TR	2,5	2025	-4,1
9		Valtysson Thor	2041	SA	2	1992	-7,9
10		Baldursson Haraldur	2010	Víkingar	1,5	1935	-9,3

 

 

Aðrir flokkar: 

Dagur Ragnarsson (1761) er efstur í b-flokki með 5,5 vinning, Mikael Jóhann Karlsson (1855) er annar með 4,5 vinning og Ingi Tandri Traustason (1823) og Kristján Örn Elíasson (1906) eru í 3.-4. sæti með 4 vinninga.  Sjá nánar hér.

Oliver Aron Jóhannesson (1645) er eftur í c-flokki með 6 vinninga, Birkir Karl Sigurðsson (1597) er annar með 5 vinninga og Friðgeir Hólm (1667) er þriðji með 4 vinninga.  Sjá nánar hér.

Vignir Vatnar Stefánsson (1444) er langefstur í d-flokki (opnum flokki) með fullt hús.  Sóley Lind Pálsdóttir (1345), Hilmir Freyr Heimisson (1322) og Jóhann Arnar Finnsson (1199) eru í 2.-4. sæti með 5 vinninga.  Sjá nánar hér.

• Heimasíða mótsins
• Chess-Results
• Myndaalbúm (GB)

Allir saman í Vinafélaginu: Vinafélagið tekur flugið!

Vaskur hópur tók sæti í stjórn Vinafélagsins, sem stofnað var á fimmtudagskvöld. Tilgangur Vinafélagsins er að standa vörð um og efla samfélagið í Vin, athvarfi Rauða krossins fyrir fólk með geðraskanir við Hverfisgötu. Þangað koma árlega mörg hundruð einstaklingar, sem líta á Vin sem griðastað. Lokun vofir yfir athvarfinu, en því ætlar Vinafélagið að breyta.

Vinafélagið ætlar að standa vörð um samfélagið í Vin, og tilgangi sínum ætlar Vinafélagið að ná með því að virkja á jákvæðan hátt þá orku sem býr í liðsmönnum Vinafélagsins. Allir eru velkomnir í Vinafélagið sem starfar undir kjörorðinu: Allir saman!

Gunnar Björnsson forseti Skáksambands Íslands stýrði stofnfundinum, sem haldinn var í húsakynnum Taflfélags Reykjavíkur. Magnús Matthíasson kennari var kjörinn formaður, og með honum í stjórn þau Kristjón Kormákur Guðjónsson rithöfundur, Styrmir Gunnarsson ritstjóri, Vigdís Grímsdóttir rithöfundur, Hrannar Jónsson upplýsingafulltrúi, Björn Ívar Karlsson kennari, Þráinn Bertelsson rithöfundur, Ingibjörg Edda Birgisdóttir nemi og Jón Kristjánsson fv. heilbrigðisráðherra.

Magnús Matthíasson, nýkjörinn formaður Vinafélagsins, sagði að athvarfið í Vin væri einstakt, og að nú yrðu allir að taka höndum saman um að tryggja framtíð athvarfsins sem er miðpunktur í lífi fjölmargra einstaklinga. Hann kallaði eftir samvinnu Rauða krossins, Reykjavíkurborgar og ríkisins og hét stuðningi Vinafélagsins, sem hefur sett sér það markmið að safna árlega fyrir rekstrarkostnaði Vinjar, að frátöldum launakostnaði, en fjórir starfsmenn vinna í Vin.

Hátt í 200 manns hafa þegar gerst stofnfélagar í Vinafélaginu og er áfram tekið við skráningum stofnfélaga í póstfanginu [e-mail]. Árgjald er 3000 krónur, og rennur óskipt til starfseminnar í Vin.

Bjarni sigraði á Stórmóti Vinjar, TR og Hellis

Bjarni Hjartarson (2093) sigraði á Stórmóti Vinjar sem fram fór í TR í gærkvöld.  Mótið var bæði sterkt og fjölmennt en þátt tóku 60 skákmenn og þar á meðal þrír alþjóðlegir meistarar.  Mótið var í umsjón Vinjar, Hellis og TR.  Bjarni hlaut 6½ vinning í sjö skákum, leyfði aðeins jafntefli gegn Hrannari Jónssyni (1902).  Gott afrek hjá Bjarna sem vann m.a. alþjóðlega meistarann Arnar E. Gunnarsson (2441). 

Arnar varð annar með 6 vinninga.  Í 3.-5. sæti með 5½ vinning urðu Björn Ívar Karlsson (2231), Jorge Fonseca (2006) og Elsa María Kristínardóttir (1708).  Björn hlaut þriðja sætið eftir stigaútreikning.   Heildarúrslit má nálgast á Chess-Results.  Bent er á að fullt að góðum myndum má teknar af Hrafi Jökulssyni og Þóri Benediktssyni má finna í myndaalbúmi mótsins.

Aukaverðlaun hlutu:

• 60 ára og eldri: Gunnar Skarphéðinsson 5 v.
• Konur: Elsa María Kristínardóttir 5½ v.
• 13-18 ára: Dagur Ragnarsson 4½ v.
• 12 ára og yngri: Hilmir Freyr Heimisson 4½ v.
• Stigalausir: Guðmundur Gunnlaugsson 4 v.
• Óvæntustu úrslitin að mati skákstjóra: Vignir Vatnar Stefánsson fyrir sigur á Sævari Bjarnasyni

Það var Forlagið sem gaf öllum verðlaunahöfunum glæsileg bókaverðlaun.

Skákstjórar voru Gunnar Björnsson og Sigurlaug R. Friðþjófsdóttir.

• Chess-Results
• Myndaalbúm (HJ og ÞB)

Haustmót TR: Sjöunda umferð í beinni

Skákir 7. umferðar í a-flokki Haustmóts TR auk einnar skákar í b-flokki, sem hefst kl. 19:30, má nálgast í beinni útsendingu.  

Bein útsending frá Haustmóti TR (tengill verður virkur rétt fyrir umferð)