Reykjavík - Barnablitz 2010

Reykjavík - Barnablitz 2010 verður haldið í Ráðhúsi Reykjavíkur sunnudaginn 28. febrúar á vegum Skákakademíu Reykjavíkur. Mótið er ætlað skákmönnum fæddum 1997 og síðar. Mótsfyrirkomulag verður þannig að allir tefla við alla í tveimur átta manna riðlum og tefla svo sigurvegarar riðlanna um sigur í mótinu. Þeir sem lenda í öðru sæti í riðlunum tefla um bronsið. Til þess að öðlast þátttökurétt þarf að verða í tveimur af efstu sætum á einhverju af eftirtöldu:

 

Metrómót Fjölnis               20. febrúar  11:00      Rimaskóli

Laugardagsæfing TR       20. febrúar  14:00      Faxafen 12

Skákæfing Hellis               22. febrúar  17:15      Álfabakki 14 a Mjóddin

Skákæfing KR                   24. febrúar  17:30     Frostaskjól

 

Hægt er að reyna við tvö efstu sætin á öllu þessu. Ef einhver sem hefur unnið sér þátttökurétt lendir í tveimur af efstu sætum annarrar æfingar veitir 3. sætið á þeirri æfingu þátttökurétt o.s.frv.

 

Samtals munu átta skákmenn vinna sér inn þátttökurétt á þessum æfingum. Að auki verður átta ungum skáksnillingum sérstaklega boðið í mótið. Taflið hefst um 12:30 og í kjölfar þess hefst 6. umferð Reykjavik Open. Vegleg verðlaun verða í boði á Reykjavik - Barnablitz 2010.

 

Hrannar með 2½ vinning eftir 4 umferðir í Osló

Hrannar Baldursson er með 2½ vinning að loknum fjórum umferðum í b-flokki Vormóts Osló.  Í kvöld hann seiglusigur þar sem andstæðingur hans var orðinn of sigurviss.

Ég læt pistil Hrannars fylgja í heild sinni:

Tefldi frestaða skák í kvöld. Vann hana þegar andstæðingurinn hélt hann hefði unnið af mér drottninguna og varð heldur sigurviss. Hins vegar fékk ég  þrjá menn á móti og trausta stöðu, sem reyndust sterkari. Samkvæmt alþjóðlegum stigum ætti ég að vera með fjóra vinninga, en
Caissa ætlar heldur betur að láta mig hafa fyrir hverjum punkti.

Hér er taflan:
http://sjakkselskapet.no/about/klubbturneringer/varturnering-2010/

4 umferðir búnar og ég í 2.-3. sæti með 2.5. Tapaði einni skák með hroðalegri taflmennsku þar sem ég braut öll lögmál skynsamrar hugsunar og byrjunartaflmennsku, riddarar úti á kanti, biskupar heima í borði, allt í volæði. ;) Marði jafntefli í annarri skák eftir að hafa á tímabili verið þremur peðum undir. Annars gaman að þessu móti. Þessir 1900 stiga menn hérna eru á svipuðu róli og heima. Margir ungir og upprennandi sem geta verið stórhættulegir, og svo gamlir jálkar sem hafa ekkert endilega verið að safna stigum úti í heimi.

Er einnig að tefla í skákkeppni fyrirtækja og austurlandskeppninni. Þetta eru sveitakeppnir. Allt kappskákir. Læt vita um árangur þegar þeim mótum lýkur, en það er nóg að gera í kappskákunum og ég í ágætis plús í náðum mótum. Það vildi skemmtilega til á laugardaginn var að í sveit
andstæðinga okkar var ungur íslenskur kappi, Dagur Andri Friðgeirsson, en fjölskylda hans er flutt til Noregs. Hann teflir með Strömmen.

NM: Fimm vinningar í hús - Íslendingar efstir í landskeppninni

Íslensku skákmennirnir fengu 5 vinninga í 10 skákum í 2. umferð Norðurlandamótsins í skólaskák sem fram fór í dag.  Patrekur Maron Magnússon, Dagur Andri Friðgeirsson og Jón Kristinn Þorgeirsson unnu en Sverrir Þorgeirsson, Friðrik Þjálfi Stefánsson, Kristófer Gautason og Jón Trausti Harðarson gerðu jafntefli.   Dagur Andri og Jón Kristinn hafa fullt hús vinninga.   

Úrslit í viðureignum íslensku skákmannanna:

A flokkur 1990-92
Roope Kiuttu FIN - Daði Ómarsson ÍSL  1 - 0.
Sverrir Þorgeirsson ÍSL - Jakob Koba Risager DAN 1/2 - 1/2.

Daði og Sverrir hafa 1 vinning

B-flokkur 1993-94
Björn Möller Oschner DAN - Hjörvar Steinn Grétarsson ÍSL 1 - 0.
Patrekur Maron Magnússon ÍSL - Benjamin Arvola NOR   1 - 0.

Hjörvar og Patrekur hafa 1 vinning

C flokkur 1995-96
Friðrik Þálfi Stefánsson ÍSL - Simon Ellegård Christensen DAN  1/2 - 1/2.
Joar Öhlund SVÍ - Dagur Andri Friðgeirsson ÍSL  0 - 1.

Dagur hefur 2 vinninga en Friðrik Þjálfi ½ vinning.  

D flokkur 1997-98
Kristófer Gautason ÍSL - Jón Trausti Harðarson ÍSL  1/2 - 1/2.

Kristófer og Jón Trausti hafa 1½ vinning.

E flokkur 1999 og yngri
Benjamin Bräuner DAN - Jón Kristinn Þorgeirsson ÍSL   0 - 1.
Róbert Aron Eysteinsson ÍSL.- Dmitri Tumanov FIN  0 - 1.

Jón Kristinn hefur 2 vinninga og Róbert Aron hefur ½ vinning.  

Landskeppnin:

• 1. Ísland   12 vinningar
• 2 Noregur 11,5 vinningar
• 3. Svíþjóð  11 vinningar. 

Enn er enginn heimasíða komin upp fyrir mótið, sem verður að teljast afar dapurt, en Karl Gauti, faðir Kristófer uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Henrik með jafntefli við Tiger í sjöttu umferð í Kaupmannahöfn

Stórmeistarinn Henrik Danielsen (2495) gerði jafntefli við sænska stórmeistarann Tiger Hillarp-Persson (2581) í sjöttu umferð afmælismóts Brönshöj skákklúbbsins sem fram fór í kvöld.  Henrik hefur 4½ vinning og er í 3.-4. sæti ásmt Tiger.  

Sænski stórmeistarinn Jonny Hector (2572) og Daninn Alexander Rosenkilde (2215) eru efstir með 5 vinninga.  

Sjöunda umferð fer fram í fyrramálið og hefst kl. 10.  Henrik teflir þá við danska alþjóðlega meistarann Nikolaj Mikkelsen (2381).

Í mótinu taka þátt 36 skákmenn og þarf af 5 stórmeistarar og Henrik fjórði stigahæsti keppandinn.

• Heimasíða mótsins
• Skákirnar í beinni

 

 

Topalov efstur í hálfleik í Linares

Búlgarinn Topalov (2806) sigraði Grischuk (2736) í fimmtu umferð Linares-mótsins sem fram fór í dag.  Gashimov (2759) vann Vallejo (2705) en skák Aronian (2781) og Gelfand (2761) lauk með jafntefli.  Topalov er efstur með 3½ vinning en Grischuk, Aronian og Gashimov koma næstir með 2½ vinning.

Úrslit 5. umferðar:

Topalov, Veselin 1-0 Grischuk, Alexander
Aronian, Levon 1/2 Gelfand, Boris
Vallejo Pons, Francisco 0-1 Gashimov, Vugar

Staðan:

• 1. Topalov (2805) 3½ v.
• 2-3. Grischuk (2736), Aronian (2781) og Gashimov (2759) 2½ v.
• 5.-6 Vallejo (2705) ogGelfand (2761) 2 v.

 

Heimasíða mótsins

EM öldungasveit: Tap gegn þýskri sveit í lokaumferðinni

Íslenska liðið á EM öldungasveita tapaði með minnsta mun, 1½-2½, fyrir þýsku sveitinni Sachsen-Anhalt á EM ödlungasveita sem fram fór í Dresden.  Magnús Gunnarsson vann, Ingimar Halldórsson gerði jafntefli en nafnarnir Gunnar Gunnarsson og Gunnar Finnlaugsson töpuðu.  Sveitin endaði í í 44 sæti með9 stig og 17 vinninga.  Rússar urðu Evrópumeistarar, unnu í öllum sínum viðureignum.   

Magnús Gunnarsson fékk flesta vinninga íslensku keppendanna eða 5 í 8 skákum.  

 

 Úrslit 9. umferðar:

		14		21	Sachsen-Anhalt	9		38	KR Reykjavik	9			2½ - 1½
		1		92	Liebert,Heinz	4½		169	Gunnarsson,Gunnar K	2½			1 - 0
		2		93	Csulits,Anton	4½		170	Finnlaugsson,Gunnar	2½			1 - 0
		3		94	Hamm,Georg,Dr.	4		171	Gunnarsson,Magnus	4			0 - 1
		4		95	Liebscher,Helmar	4		173	Halldorsson,Ingimar	3½			½ - ½

 

Meðalstig íslensku sveitarinnar voru 2094 skákstig og var hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231) 2½ v. af 7
2. Gunnar Finnlaugsson (2121) 2½ v. af 8
3. Magnús Gunnarsson (2107) 5 v. af 8
4. Ingimar Jónsson (1915) 3 v. af 6
5. Ingimar Halldórsson (2040) 4 v. af7

Heimasíða mótsins

Þröstur vann í sjöundu umferð

Stórmeistarinn Þröstur Þórhallsson (2426) sigraði franska skákmanninn Eric Timmermans (1793) í sjöundu uumferð opna mótsins í Cappelle La Grande sem fram fór í dag.  Þröstur hefur 3½ vinning.  

Efstir með 6 vinninga eru stórmeistararnir Mikhael Gurevich (2587), Túrkmenistan, Julian Raduliski (2577), Búlgaríu, og Yaroslav Zherbukh (2527), Úkraínu.

Í áttundu og næstsíðustu umferð, sem fram fer á morgun, teflir Þröstur við hollenska skákmanninn Ton Montforts (1500).

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

NM í skólaskák: Gott gengi í fyrstu umferð

Vel gekk hjá íslensku skákmönnun í fyrstu umferð Norðurlandamótsins í skólaskák sem fram fór í morgun í Västerås í Svíþjóð.   Í hús komu 7 vinningar af 10 mögulegum.   Daði Ómarsson, Hjörvar Steinn Grétarsson, Dagur Andri Friðgeirsson, Kristófer Gautason, Jón Trausti Harðarson og Jón Kristinn Þorgeirsson unnu, Sverir Þorgeirsson og Róbert Aron Eysteinsson gerðu jafntefli og aðeins 2 skákir töpuðust.  Önnur umferð fer fram síðar í dag.

Úrslit í viðureignum íslensku skákmannanna:

A flokkur 1990-92
Daði Ómarsson ÍSL - Rasmus Janse SVÍ  1 - 0.
Sverrir Þorgeirsson ÍSL - Vegar Koi Gandrud NOR  1/2 - 1/2.
B-flokkur 1993-94
Heiðrekkur Tindskarð Jacobsen FÆR - Hjörvar Steinn Grétarsson ÍSL  0 - 1.
Jonathan Westerberg SVÍ - Patrekur Maron Magnússon ÍSL  1 - 0.
C flokkur 1995-96
Friðrik Þálfi Stefánsson ÍSL - Gregor Taube NOR   0 - 1.
Dagur Andri Friðgeirsson ÍSL - Stian Johansen NOR  1 - 0.
D flokkur 1997-98
Jere Lindholm FIN - Kristófer Gautason ÍSL  0 - 1.
Jón Trausti Harðarson ÍSL - Alfred Olsen FÆR  1 - 0.
E flokkur 1999 og yngri
Jón Kristinn Þorgeirsson ÍSL - Qiyu Zhou FIN   1 - 0.
Martin Percivaldi DAN - Róbert Aron Eysteinsson ÍSL. 1/2 - 1/2.

 

Enginn heimasíða er komin upp fyrir mótið, sem verður að teljast dapurt, en Karl Gauti, faðir Kristófer uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Grantas efstur á Vinamót SSON og Laugdæla

Í gærkvöldi hófst Vinamóti SSON og Laugdæla. Hugmyndin að mótinu fæddist á Suðurlandsmótinu sem nýverið fór fram á Laugarvatni, bæði Laugdælir og Selfyssingar hafa verið með sínar skákæfingar á miðvikudögum í vetur sem hefur komið í veg fyrir samgang þessara félaga, var því ákveðið að koma á laggirnar þriggja kvölda atskákmóti á Selfossi.

Laugvetningar eiga skilið hrós fyrir að mæta með 6 keppendur til leiks, enda um töluverðan veg að fara.  Félagar í SSON eru síðan 8 talsins.

Tefldar voru fyrstu 4 umferðir mótsins í kvöld, annan miðvikudag verða síðan tefldar umferðir 5-8 og mótið klárast síðan 3.mars þegar síðustu 5 umferðirnar verða tefldar.

Óhætt er að segja að í spennandi móti stefnir og ljóst að menn geta ekki bókað vinninga fyrir fram á móti nokkrum manni.

Að loknum 4 umferðum leiðir Kasparovsbaninn Grantas mótið með fullu húsi vinninga, hann skipti vinningum sínum jafnt á milli Selfyssinga og Laugvetninga, vann þá tvo frá sitthvorum staðnum.

Fjórir keppendur koma síðan í humátt á eftir með 3 vinninga.

Staðan:

 

Name	Rtg	FED	Pts	SB.
Grantas Grigorianas	0	ISL	4	8,00
Guðmundur Óli Ingimundarson	0	ISL	3	5,50
Ingimundur Sigurmundsson	1940	ISL	3	5,00
Erlingur Jensson	1645	ISL	3	4,50
Magnús Matthíasson	1735	ISL	3	3,00
Úlfhéðinn Sigurmundsson	1815	ISL	2½	3,75
Sigurjón Mýrdal	0	ISL	2	3,00
Ingvar Örn Birgisson	0	ISL	2	1,50
Magnús Garðarsson	0	ISL	2	1,00
Gunnar Vilmundarson	0	ISL	1½	2,25
Erlingur Atli Pálmarsson	0	ISL	1	0,00
Hilmar Bragason	0	ISL	1	0,00
Sigurjón Njarðarson	0	ISL	0	0,00
Atli Rafn Kristinsson	0	ISL	0	0,00

• Heimasíða SSON
• Chess-Results

 

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.Mótin
fara fram í félagsheimili T.R., skákhöllinni að Faxafeni 12, og opnar
húsið kl. 19.10.  Glæsilegur verðlaunapeningur er í boði fyrir
sigurvegarann.Mótin
eru öllum opin og er aðgangseyrir kr. 500 fyrir 16 ára og eldri en
frítt er fyrir 15 ára og yngri.  Boðið er upp á kaffi ásamt léttum
veitingum án endurgjalds.