Emil efstur á Unglingameistaramóti Hellis

Emil Sigurðarson er efstur með fullt hús 4v í jafn mörgum skákum eftir fyrri hlutann í unglingameistaramóti Hellis sem fram fór á mánudaginn. Jafnir í öðru til þriðja sæti eru Jón Trausti Harðarson og Oliver Aron Jóhannesson með 3,5v. mótinu verður svo fram haldið þriðjudaginn 26. október þegar þrjár síðustu umferðirnar verða tefldar og hefst taflið kl. 16.30.

Staðan eftir 4. umferðir:

• 1.    Emil Sigurðarson                  4v
• 2.    Jón Trausti Harðarson          3,5v
• 3.    Oliver Aron Jóhannesson     3,5v
• 4.    Dagur Kjartansson               3v
• 5.    Kristinn Andri Kristinsson      3v
• 6.    Dagur Ragnarsson                3v
• 7.    Tara Sóley Mobee                  3v
• 8.    Nansý Davíðsdóttir                3v
• 9.    Skúli Eggert Sigurz                2,5v
• 10.  Kristófer Jóel Jóhannesson    2,5v
• 11.  Dawid Kolka                           2,5v
• 12.  Heimir Páll Ragnarsson          2,5v
• 13.  Leifur Þorsteinsson                2,5v
• 14.  Donika Kolica                          2v
• 15.  Gauti Páll Jónsson                  2v
• 16.  Sóley Lind Pálsdóttir               2v
• 17.  Hildur Berglind Jóhannsdóttir  2v
• 18.  Ásta Sóley Júlíusdóttir             2v
• 19.  Mykhael Kravchuk                    2v
• 20.  Helgi Gunnar Jónsson              2v
• 21.  Róbert Leó Jónsson                 2v
• 22.  Vignir Vatnar Stefánsson         1,5v
• 23.  Viktor Ísar Stefánsson             1v
• 24.  Axel Óli Sigurjónsson               1v
• 25.  Aldís Birta Gautadóttir              1v
• 26.  Felix Steinþórsson                    1v
• 27.  Jón Otti Sigurjónsson               1v
• 28.  Sonja María Friðriksdóttir          1v 
• 29.  Hilmir Hrafnsson                        1v
• 30.  Magnús Hjaltested                    1v
• 31.  Sindri Snær Hjaltalín                   0v

 

Í 5. umferð tefla saman:

1.   Jón Trausti - Emil

2.   Dagur Kjartansson - Oliver Aron

3.   Kristinn Andri - Dagur Ragnarsson

4.   Tara Sóley - Nansy

5.   Kristófer Jóel - Skúli Eggert

6.   Heimir Páll - Dawid

7.   Donika - Leifur

8.   Sóley Lind - Gauti Páll

9.   Hildur Berglind - Ásta Sóley

10.  Mykhael - Helgi Gunnar

11.  Vignir Vatnar - Róbert Leó

12.  Axel Óli - Viktor Ísar

13.  Felix - Aldís Birta

14.  Sonja María - Jón Otti

15.  Magnús - Hilmir

16.  Sindri Snær - Skotta  1-0

Stórmót í tilefni alþjóðlegs geðheilbrigðisdags

Taflfélag Reykjavíkur, Taflfélagið Hellir og Skákfélag Vinjar sameinast um að setja upp mót í tilefni alþjóðlegs geðheilbrigðisdags á fimmtudagskvöld.

Mótið er haldið í húsnæði TR í Faxafeni 12 og hefst klukkan 19:30.

Tefldar verða 7 umferðir með 7 mínútna umhugsunartíma og eru glæsilegir vinningar í boði en Forlagið styrkir mótið nú, sem fyrr, með glænýjum bókum.

Vinningar eru veittir fyrir:

• 3 efstu sætin.
• 12 ára og yngri.
• 13-18 ára.
• 60 ára og eldri.
• efst kvenna.

Að auki eru happadrættisvinningar þannig að allir eiga séns,  og einnig fylgja glæstir verðlaunapeningar  fyrir  efstu þátttakendur. EKKERT ÞÁTTTÖKUGJALD

Skákstjóri er Gunnar Björnsson, forseti Skáksambandsins.

Vinjarreglur verða í heiðri, þ.e. að klukkan gildir. Hver vinningshafi fær ein verðlaun, þ.e. möguleiki á verðlaunum fyrir annað sætið í einhverjum flokki.

Þetta er í sjötta sinn sem mót þetta fer fram en það hefur verið haldið í Ráðhúsi Reykjavíkur, Perlunni  og síðast í göngugötunni í Mjódd þar sem þátttökumet var slegið, 48 manns.

Alþjóðlegur geðheilbrigðisdagur er 10. október en þá var lokadagur Íslandsmótsins í Rimaskóla.  Mótið frestaðist vegna þess  svolítið!

TR, Hellir og Skákfélag Vinjar hvetja allt skákáhugafólk til að koma og taka þátt í skemmtilegu móti.

Unglingameistaramót Hellis hefst í dag

Unglingameistaramót Hellis 2010 hefst mánudaginn 25. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 26. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri, sem eru í grunnskóla, en titilinn sjálfan getur aðeins félagsmaður í Helli unnið.

Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 1. nóvember n.k.  Keppnisstaður er Álfabakki 14a (inngangur við hliðana á Subway) og er salur félagsins á þriðju hæð. Engin þátttökugjöld.

Verðlaunagripir verða fyrir þrjú efstu sætin. Allir þátttakendur fá skákbók.

Umferðatafla:

1.-4. umferð:                Mánudaginn 25. október kl. 16.³⁰

5.-7. umferð:                Þriðjudaginn 26. október kl. 16.³⁰

Verðlaun:

 

• 1. Unglingameistari Hellis fær farandbikar til varðveislu í eitt ár.
• 2. Þrír efstu fá verðlaunagripi til eignar.
• 3. Allir keppendur fá skákbók.
• 4. Þrír efstu 12 ára og yngri fá verðlaunapening.
• 5. Stúlknameistari Hellis fær verlaunagrip til eignar.

Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur

Skákþáttur Morgunblaðsins: Kvennaliðið stóð sig vel á Ólympíumótinu

Íslenska liðið sem tefldi í kvennaflokki á Ólympíumótinu í Khanty Manyisk í Síberíu hafnaði í 57. sæti af 115 þátttökuþjóðum, hlaut 22 vinninga af 44 mögulegum eða 50% vinningshlutfall. Í Dresden í Þýskalandi varð sveitin í 60. sæti. Allar stúlkurnar í sveitinni voru að bæta árangur sinn og sveitin varð að lokum 12 sætum ofar en röðun fyrir mótið úthlutaði. Lenka Ptacnikova hlaut 8½ v. af 11 á 1. borði sem reiknast sem 20 skáka áfangi að alþjóðlegum meistaratitli, Hallgerður Helga Þorsteinsdóttir hlaut 5½ vinning af 11 á 2. borði, Sigurlaug Friðþjófsdóttir hlaut 2½ v. af átta mögulegum á 3. borði, Tinna Kristín Finnbogadóttir fékk 3 v. af sjö mögulegum á 4. borði og Jóhanna Björg Jóhannsdóttir sem var 1. varamaður, hlaut 2½ v. af sjö mögulegum.

Niðurstaðan gefur tilefni til að stefna enn hærra á næstu mótum. Hallgerður sem tefldi allar skákirnar ellefu stóð sig vel og á heilmikið inni. Tinna og Jóhanna voru nýliðar í hópnum og áttu slæman kafla um miðbik mótsins þar sem einbeitnin var ekki nógu góð.

Hin nýja kynslóð tekur þarna við keflinu af skákkonum á borð við Guðlaugu Þorsteinsdóttur, Guðfríði Lilju Grétarsdóttur og Hörpu Ingólfsdóttur. Þó er alls ekki útilokað og raunar óskandi að þessar þrjár snúi aftur og fleiri til sem myndi þýða að í dag ættum við mjög frambærilegan hóp kvenna á alþjóðlegum vettvangi.

Á síðustu Ólympíumótum hafa sveitir frá Georgíu og Kína verið atkvæðamiklar í keppninni um efsta sætið en nú var rússneska sveitin var gjörsamlega óstöðvandi og vann allar viðureignir sínar og var því með fullt hús stiga og 34 vinninga. Lokaniðurstaða efstu þjóða varð þessi:

1. Rússland 22 stig 2. Kína 18 stig 3. Georgía 16 stig 4. Kúba 16 stig 5. Bandaríkin 16 stig.

Athygli vekur góð frammistaða Kúbverja en þeir áttu einnig öfluga sveit í karlaflokki. Lengi geta þeir sótt í arf þriðja heimsmeistarans, Jose Raoul Capablanca.

Íslenska kvennaliðið var í raun án liðsstjóra því Davíð Ólafsson sem hafði tekið hlutverkið að sér forfallaðist á síðustu stundu. Gunnar Björnsson, forseti SÍ, sem sat þing FIDE hljóp í skarðið að einhverju leyti en segja má að þarna hafi Lenka Ptacnikova tekið að sér forystuhlutverkið. Hún tefldi af miklum þrótti og hikaði ekki við að taka djarfar ákvarðanir yfir skákborðinu eins og eftirfarandi skák ber vott um:

Lenka Ptacnikova – Eva Repkova (Slóvakía )

Frönsk vörn

1. e4 e6 2. d4 d5 3. Rd2 c5 4. exd5 Dxd5 5. Rgf3 cxd4 6. Bc4 Dd6 7. 0-0 Rf6 8. Rb3 Rc6 9. Rbxd4 Rxd4 10. Rxd4 a6 11. He1 Dc7 12. De2 Bd7 13. Bg5 0-0-0 14. a4 Bc5 15. c3 h5

Hér var betra að leika 15.... h6.

16. b4 Bd6 17. h3 e5

Sjá stöðumynd

18. Rb5!

Mannsfórn ber vott um sókndirfsku og sjálfstraust. Hvítur gat einnig leikið 18. Rf3 og hefur þá góða stöðu.

18.... axb5 19. axb5 Bf5 20. b6 Dxb6 21. Be3 Dc7 22. Bb5! Rd7

22.... Kb8 má svara með 23. Ha7 með sterkri sókn eftir a-línunni.

23. Ha8 Rb8 24. Ba7 Dxc3 25. Be3!

Og nú á svartur enga vörn við hótuninni 26. Hc1.

25.... Bc7 26. Hc1 Dxc1 27. Bxc1 Hd6 28. Be3 Hhd8 29. Ba4 Hg6 30. Dxh5 Be4 31. f3 Bd3 32. Bb3 Hd7 33. Dh8+ Hd8 34. Dh4 f5 35. Bg5 Bb6 36. Kh1 Hf8 37. Be7 Bf1 38. Ha2 Bd8 39. Dh7 Hh6 40. Dxg7 Hfh8 41. Bxd8 Kxd8 42. Hd2+

- og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 17. október 2010.

Skákþættir Morgunblaðsins

Sverrir sigraði á mjög vel sóttu Hraðskákmóti TR

Sverrir Þorgeirsson (2280) hélt áfram þar sem frá var horfið á Haustmótinu og sigraði einnig á Hraðskákmóti TR sem fram fór í dag.   Annar varð Ögmundur Kristinsson en í  3.-4. sæti urðu Halldór Brynjar Halldórsson og Jóhann H. Ragnarsson.  

 

Röð	Nafn	ELO	Vinn.	Stig
1	Sverrir Þorgeirsson	2280	11,5	46,5
2	Ögmundur Kristinsson	2050	11	50,0
3-4	Halldór B Halldórsson	2200	10,5	46,5
	Jóhann H Ragnarsson	2080	10,5	44,0
5	Jón Svavar Úlfljótsson	1770	10	44,0
6	Jorge Fonseca	1965	9,5	46,0
7-9	Jóhann Ingvason	2150	9	50,0
	Birkir Karl Sigurðsson	1480	9	43,5
	Páll Sigurðsson	1875	9	38,5
10-14	Eiríkur Örn Brynjarsson	1585	8,5	49,5
	Stefán Már Pétursson	1465	8,5	44,0
	Kristján Örn Elíasson	1955	8,5	43,0
	Örn Leó Jóhannsson	1960	8,5	41,0
	Birgir Rafn Þráinsson	1780	8,5	39,0
15-19	Sigurlaug R Friðþjófsdótt	1795	8	45,0
	Páll Andrason	1665	8	45,0
	Óskar S Maggason	1660	8	40,0
	Dagur Ragnarsson	1575	8	39,0
	Jón Trausti Harðarsson	1500	8	39,0
20-23	Atli Antonsson	1770	7,5	47,0
	Elsa María Þorfinnsdóttir	1630	7,5	46,5
	Eiríkur K Björnsson	2030	7,5	43,5
	Oliver Aron Jóhannesson	1485	7,5	41,5
24-27	Róbert Leó Jónsson		7	39,0
	Hermann Ingjaldsson		7	35,0
	Rafnar Friðriksson		7	34,0
	Leifur Þorsteinsson		7	29,5
28-29	Grímur Björn Kristinsson		6,5	43,0
	Gauti Páll Jónsson		6,5	34,0
30-34	Dawid Kolka	1125	6	43,5
	Kristófer Jóel Jóhannesson	1325	6	38,0
	Csaba Daday		6	37,5
	Kristinn Andri Kristinsson	1330	6	37,0
	Erik Daníel Jóhannesson		6	36,0
35-39	Óskar Long Einarsson		5,5	36,0
	Atli Snær Andrésson		5,5	35,5
	Pétur Jóhannesson	1085	5,5	35,5
	Veronika Steinunn Magnúsdóttir		5,5	31,0
	Nansý Davíðsdóttir		5,5	30,5
40-42	Vignir Vatnar Stefánsson	1140	5	40,0
	Björgvin Kristbergsson	1155	5	39,0
	Tara Sóley Mobee		5	34,0
43	Skúli Eggert Sigurz		4,5	33,5
44-45	Aron Freyr Bergsson		4	31,0
	Hnikarr Bjarmi Franklínsson		4	28,5
46	Sindri Snær Hjaltalín		3,5	25,5
47	Andri Már Hannesson		3	31,5
48	Haraldur Ólafsson		1	27,5

Carlsen efstur í hálfleik í Nanjing eftir sigur á Topalov

Magnus Carlsen (2826) vann Veselin Topalov (2803) í 5. umferð  í Pearl Spring-mótinu í Nanjing í Kína sem fram fór í morgun.   Carlsen leiðir á mótinu með 4 vinninga en Bacrot (2716) er annar með 3,5 vinning eftir sigur á Wang Yue (2738).  Anand, sem gerði jafntefli við Gashimov (2716) og er þriðji með 2,5 vinning.

Staðan:

• 1. Carlsen (2826) 4 v.
• 2. Bacrot (2716) 3½ v.
• 3. Anand (2800) 2½ v.
• 4. Gashimov (2719) 2 v.
• 5.-6. Wang Yue (2738), og Topalov (2803) 1½v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar

Hraðskákmót TR fer fram í dag

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 24.október kl. 14:00.   Tefldar verða 2x7 umferðir eftir Swiss Perfect kerfi. Umhugsunartími 5 mín á skák.  Þátttökugjald kr 500 fyrir 16 ára og eldri, en frítt fyrir 15 ára og yngri.

Þrenn verðlaun verða i boði.

Að loknu hraðskákmótinu fer fram verðlaunaafhending fyrir nýafstaðið Haustmót.

Núverandi Hraðskákmeistari T,R, er Torfi Leósson.

Viðeyjarslagur fór fram í gær

Viðeyjarskákmót öldunga fór fram í gær (22. okt.) með pomp og prakt. Skákklúbbar eldri borgara, Riddarinn og Æsir, stóðu að mótinu í sameiningu með tilstyrk góðra styrktaraðila og liðstyrks Sr. Gunnþórs Ingasonar, skákklerks.

Setningarathöfn fór fram í Viðeyjarkirkju, næstelstu kirkju landsins, frá 1774, með því að Sr. Gunnþór flutti stutta prédikun, minnst var látinna skákmanna með stuttri þögn,  og þátttakendurnir 34 talsins sungu saman þjóðlagið "Ísland ögrum skorið". Síðan setti Einar S. Einarsson, mótsstjóri, fyrsta Viðeyjarskámótið, sem vitað er til að fram hafi farið, með stuttu ávarpi og minnist hinna fornu Sögualdartaflmanna frá 12 öld, sem mótið var tileinkað, og taldir eru  á meðal 5 mestu gersema The British Museum. Fleiri og fleiri fræðimenn, sagnfræðingar og safnverðir og aðrir, telja nú að Guðmundur G. Þórarinsson, sem var á meðal keppenda, hafi haft lög að mæla þegar hann setti fram sína velyfirveguðu, rökstuddu og merku kenningu fyrr á árinu að þeir séu upprunnir frá Íslandi, skornir út úr rostungstönnum í Skálholti í tíð Páls Jónssonar biskups.  Var taflsett með eftirgerðum munanna og fleira þeim tengt til sýnis í Viðeyjarstofu og sviðsmynd mótsins í þeirra líki. Þessu hefur verið slegið upp í heimspressunni og í nýútkominni bók, miklu grundvallarriti  um taflsett, "Chess Masterpieces" er hinni nýju íslensku söguskýringu hampað og því ljóst að hún er komin á sögunnar spjöld og  til að vera.  

Haft var á orði að aldrei síðan hirðmenn Danakonungs rændu á klaustrið í Viðey í siðaskiptunum um miðja 16.öld "með miklu brauki og bramli" hafi jafn mikið gengið á baðstofuloftinu í Viðeyjarstofu eins og þegar hinar 32 öldnu skákkempur eða kappar, sumir á níræðisaldri, létu þar gamminn geysa í gær og tókust hatrammlega  á og létu einskis ófreistað til að hnésetja hvern annan með klækjabrögðum í skáktafli, á hvítum reitum og svörtum.

Úrslit mótsins urðu frekar óvænt því enginn annar enn Sigurður A. Herlufsen, reyndar gamalkunnur skákgarpur, sat einn uppi sem sigurvegari með 7.5 vinning af 9 mögulegum, tapaði bara fyrir Birni Þorsteinssyni og gerði jafntefli við Daða Guðmundsson.  Gunnar Kr. Gunnarsson varð í öðru sæti með 7 vinninga, tapaði fyrir Sigurði og Daða og svo skaust Guðfinnur R. Kjartansson óvænt upp í 3. sætið með því að vinna Björn í síðustu umferðinni.  Guðfinnur er afar traustur skákmaður og nær sér oft vel á strik einkum í hvatskákum (10.mín.)  Í kjölfar þessara efstu manna fylgdu svo þeir: Jóhann Örn Sigurjónsson, Björn Þorsteinsson og Daði Guðmundsson.  

Sjá má helstu úrslit nánar á meðf. töflu yfir 20 efstu, aðrir hlutu minna.

Ýmsir valinkunnir skákmeistarar náðu sér ekki eins vel á strik og þeir höfðu vænst,  áttu slæman dag og sama má segja um ýmsa minni spámenn, sem hafa unnið alla þessa menn á góðum degi.

Næsta stórmót aldraðra og eins uppvaxandi skákmanna,  Æskan og Ellin, fer fram í Strandbergi, safnaðarheimili Hafnarfjarðarkirkju, laugardaginn 13. nóvember nk. kl. 13 -15 á vegum Riddarans og Sd. Hauka. Þar verða líka góð verðlaun og veitingar í boði. Allir liðtækir skákmenn, 60 ára og eldri, og 16 ára og yngri, velkomnir til tafls. Keppendur hafa að jafnaði verið á bilinu 60-80 talsins.

Einar S. Einarsson hefur sent fjölda mynda sem finna má í myndaalbúmi.

.

Henrik tapaði í lokaumferðinni og endaði í 2.-3. í Skanderborg

Stórmeistarinn Henrik Danielsen (2529) tapaði fyrir danska alþjóðlega meistarann Nicolai V. Pedersen (2436) í níundu og síðustu umferð alþjóðlega mótsins í Skanderborg í Danmörku.   Henrik hlaut 5½ vinning og endaði í 2.-3. sæti.  Frammistaða hans samsvaraði 2565 skákstigum og hækkar hann um 3 stig fyrir frammistöðuna.

Árangur Henriks var athyglisverður.   Hann gerði aðeins eitt jafntefli í 2. umferð með svörtu en að öðru leyti hann allar skákirnar, 5 talsins, með hvítu og tapaði með svörtu.

Pólski Eyjamaðurinn Kamil Miton (2629) sigraði á mótinu en hann hlaut 6½ vinning og var vinningi fyrir ofan næstu menn sem voru Henrik og ítalski alþjóðlegi meistarainn Sabion Brunello (2497). 

Alls tóku 10 skákmenn þátt í mótinu og tefldu allir við alla.   Fjórir stórmeistarar tóku þátt á mótinu og var Henrik þriðji stigahæstur.  Stigahæstur var pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni

Carlsen efstur í Nanjing - Bacrot vann Anand

Carlsen (2826) þurfti að hafa sig allan við til að halda jafntefli gegn Gashimov (2719) í fjórðu umferð Pearl Springs-mótsins sem fram fór Nanjing í Kína í dag.   Bacrot (2716) vann Anand (2800).   Carlsen er efstur með 3 vinninga, Bacrot er annar með 2,5 vinning og Anand er þriðji með 2 vinninga.

Staðan:

• 1. Carlsen (2826) 3 v.
• 2. Bacrot (2716) 2½ v.
• 3. Anand (2800) 2 v.
• 4.-6. Wang Yue (2738), Gashimov (2719) og Topalov (2803) 1½v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar