Skákmót á Árnamessu

Í tilefni af Árnamessu, ráðstefnu Lýðheilsustöðvar um forvarnarmál, í Stykkishólmi laugardaginn 14. mars, stendur stofnunin fyrir veglegu skákmóti fyrir grunnskólanemendur alls staðar af landinu.

Stefnt er að því að fá alla efnilegustu skákkrakka landsins til þátttöku á mótinu. Áhugasömum krökkum af Snæfellsnesi er sérstaklega boðið til mótsins.

• Keppt er um veglega eignarbikara og fjöldi verðlauna verður í boði.
• Teflt í þremur flokkum; fæddir 1993 - 1996, fæddir 1997 - 2002 og flokki Snæfellinga.
• Teflt verður í Grunnskólanum Stykkishólmi. Sex umferðir með 10 mínútna umhugsunarfresti. Mótstjórar verða þeir Helgi Árnason, form. Skákdeildar Fjölnis, og Páll Sigurðsson, form. Taflfélags Garðabæjar.

Skákmótið er, líkt og forvarnaráðstefnan, haldið í minningu um Árna Helgason heiðursborgara og bindindisfrömuð í Stykkishólmi, sem hefði orðið 95 ára þennan dag, en Árni lést 27. febrúar 2008.                                                           

Innifalið í þátttöku á skákmótinu:

• Rútuferð frá Reykjavík kl. 9:00 og til baka frá Stykkishólmi kl. 17:30
• Hádegisverður á Hótel Stykkishólmi
• Veitingar á skákmótinu í boði Sæfells hf.
• Fjöldi verðlauna og happdrætti
• Áritað þátttökuskjal frá Lýðheilsustöð                                              

Vinsamlegast tilkynnið þátttakendur til Skáksambands Íslands s. 568 9141 eða í tölvupósti [e-mail], í síðasta lagi föstudaginn 6. mars n.k. Allar frekari upplýsingar veitir Helgi Árnason s. 664 8320.

Sjá auglýsingu í viðhengi.

Skrár tengdar þessari bloggfærslu:

• skakmot_arnamessa_0_0.doc

TV vann stúlknalið Skákskólans

Skáksveit TV eingöngu skipuð skákmönnum búsettum í Eyjum vann stúlknalið Skákskóla Íslands 7:5 sl. fimmtudagskvöld. Viðureignin fór fram á ICC - vefnum en teflt var á 6 borðum, tvöföld umferð. Í liði TV voru margir þrautreyndir meistarar. Tímamörkin voru 15 10. 

Nýbakaður Vestmannaeyjameistari Björn Ívar Karlsson vann Íslandsmeistara kvenna Hallgerði Helgu Þorsteinsdóttur á 1. borði, 1 ½ : ½. Hallgerður var  með yfirburðastöðu í fyrri skákinni og missti gjörunnið tafl niðurt í jafntefli í þeirri seinni. 

Á 2. borði vann Elsa María Kristínardóttir Sigurjón Þorkelsson 2:0 en Sigurjón er margfaldur  Vestmannaeyjameistara og var taflmennska Elsu María þróttmikil og örugg.

Á 3. borði vann Sverrir Unnarsson Geirþrúði Önnu Guðmundsdóttur 1 ½ : ½ v og á 4. borði vann Ólafur Týr Guðjónsson Tinnu Kristínu Finnbogadóttur 1 ½ : ½. Tinna var með unnið tafl í fyrri skákinni og gat mátað Ólaf sem fyrr hafði þó misst af öflugum hróksleik. Seinni skákinni lauk með jafntefli eftir harða baráttu.

Á 5. borði skildu þau jöfn Stefán Gíslason og Sigríður Björg Helgadóttir 1:1. Sigríður gat tryggt sér nær unnið tafl eftir byrjunina í fyrri skákinni en eftir að hafa misst tækifærið vann Stefán úr stöðuyfirburðum sínum af miklu öryggi. Seinni skákina vann Sigríður hinsvegar örugglega.

Á 6. borði gerði Hrund Hauksdóttir og Daði Steinn Jónsson jafntefli í fyrri skákinni en seinni skákina tefldi Kristófer Gautason og vann sannfærandi sigur með svörtu. Samanlagt unnu Eyjamenn því 7:5.  Stúlkurnar virtust í það heila betur  að sér í byrjunum en mikil reynsla og góð barátta Eyjamanna reyndist þung á metunum.

Forföll voru hjá báðum liðum. Nökkvi Sverrisson gat ekki teflt vegna veikinda  og Jóhanna Björg Jóhannsdóttir var í skíðaferðalagi á Akureyri. 

Sjá einnig umfjöllun á heimasíðu TV.

Myndaalbúm frá Helga Árnasyni.

Grischuk efstur þrátt fyrir tap gegn Carlsen

Rússneski stórmeistarinn Grischuk (2733) er efstur á Linares-mótinu þrátt fyrir tap gegn Magnusi Carlsen (2776) í 12. umferð, sem fram fór í gær.  Carlsen og Ivanchuk eru í 2.-3. sæti hálfum vinningi á eftir Rússanum.  Þrettánda og næstsíðasta umferð fer fram í dag.

Úrslit 12. umferðar:

 

Carlsen, Magnus	- Grischuk, Alexander	1-0
Aronian, Levon	- Wang Yue	½-½
Anand, Viswanathan	- Ivanchuk, Vassily	½-½
Radjabov, Teimour	- Dominguez Perez, Leinier	½-½

 

Staðan:

 

Nr.	Nafn	Land	Stig	Vinn.	Rp.
1.	Grischuk, Alexander	RUS	2733	7	2814
2.	Ivanchuk, Vassily	UKR	2779	6½	2784
3.	Carlsen, Magnus	NOR	2776	6½	2778
4.	Aronian, Levon	ARM	2750	6	2756
5.	Anand, Viswanathan	IND	2791	6	2750
6.	Wang Yue	CHN	2739	5½	2732
7.	Radjabov, Teimour	AZE	2761	5½	2725
8.	Dominguez Perez, Leinier	CUB	2717	5	2704

Linares-mótið

Ný atskákstig

Ný atskákstig eru komin út.  Jóhann Hjartarson er sem fyrr stigahæstur.  Helgi Ólafsson er næststigahæstur og Hannes Hlífar Stefánsson er þriðji í stigaröðinni.  Fimm nýliðar eru á listanum og þeirra stigahæst er Daði Magnússon.  Dagur Kjartansson hækkar mest á milli lista og Hjörvar Steinn Grétarsson og Patrekur Maron Magnússon voru virkastir allra. 

10 stigahæstu menn:

• 1.       Jóhann Hjartarson 2605
• 2.       Helgi Ólafsson 2595
• 3.       Hannes Hlífar Stefánsson 2575
• 4.       Margeir Pétursson 2570
• 5.       Helgi Áss Grétarsson 2540
• 6.       Henrik Danielsen 2525
• 7.       Friðrik Ólafsson 2480
• 8.       Jón L. Árnason 2465
• 9.       Arnar E. Gunnarsson 2460
• 10.   Þröstur Þórhallsson 2440
• 11.   Jón Viktor Gunnarsson 2440
• 12.   Stefán kristjánsson 2440

Nýliðar:

• 1.       Daði Magnússon 1760
• 2.       Ulker Gasanova 1570
• 3.       Siigurður A. Magnússon 1385
• 4.       Ómar Páll Axelsson 1300
• 5.       Brynjar Steingrímsson 1240

Mestu hækkanir:

• 1.       Dagur Kjartansson 125
• 2.       Stefanía Bergljóst Stefánsdóttir 120
• 3.       Kristján Örn Elíasson 115
• 4.       Birkir Karl Sigurðsson 110
• 5.       Geirþrúður Anna Guðmunsdóttir 110
• 6.       Mikael Jóhann Karlsson 110
• 7.       Rúnar Berg 90
• 8.       Albert Ómar Geirsson 85
• 9.       Daði Steinn Jónsson 85
• 10.   Magnús Valgeirsson 85

Flestar skákir:

• Hjörvar Steinn Grétarsson og Patrekur Maron Magnússon 31
• Birkir Karl Sigurðsson 30
• Jóhanna Björg Jóhannsdóttir 24
• Mikael Jóhann Karlsson og Dagur Andri Friðgeirsson 22

Listmenn leikskólanna og leiðsögn á Kjarvalsstöðum

Skákakademía Reykjavíkur hefur unnið að skemmtilegu tilraunaverkefni með fjórum leikskólum á höfuðborgarsvæðinu ásamt barnaspítala Hringsins en skákfélagið Hrókurinn hefur verið með reglulegar kennsluheimsóknir þangað síðastliðin fjögur ár. Verkefnið gengur út á að kynna skák á frumlegan hátt gegnum skákkennslu og listsköpun. Verkefnið vakti mikla lukku og verður afrakstur margra mánaða vinnu nú sýndur í fundarsal Kjarvalsstaða sunnudaginn 8. mars kl. 13. Samkvæmt forsvarsmönnum verkefnisins hafa börnin fengið betri innsýn inn í hugmyndafræði skáklistarinnar og útrás fyrir sköpunargleðina og ímyndunaraflið með því að vinna sameiginlega að gerð skákborða í anda sýningarinnar Skáklist.

Leikskólarnir sem taka þátt í sýningunni eru Hlíðaborg, Lindarborg, Barónsborg og Njálsborg.

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Þetta er fyrsta mót mars mánaðar og því verða aukaverðlaun í boði fyrir sigurvegarann.

Íslandsmót barnaskólasveita - skráningarfrestur rennur út í dag

Íslandsmót barnaskólasveita 2009 fer fram í Rimaskóla í Reykjavík dagana 7. og 8. mars nk.  Fyrri daginn verða tefldar 7 umferðir eftir Monradkerfi - umhugsunartími 15 mín. á skák fyrir hvern keppenda.  Seinni daginn tefla fjórar efstu sveitirnar um Íslandsmeistaratitilinn - allir við alla.

Hver skóli getur sent fleiri en eina sveit - en hver sveit er skipuð fjórum nemendum 1. - 7. bekkjar grunnskóla (auk varamanna).  Keppendur skulu vera fæddir 1996 eða síðar.

Dagskrá:                    

• Laugardagur 7. mars  kl. 13.00          1.- 7. umferð
• Sunnudagur 8. mars  kl. 12.00          Úrslit

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer á Íslandi í september næstkomandi. 

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti: [e-mail]   Skráningu skal lokið í síðasta lagi 5. mars.

Athugið að það er mjög áríðandi að sveitirnar séu skráðar fyrirfram.

Stúlknalið Skákskólans mætir TV á netinu

Stúlknalið Skákskóla Íslands skipað þeim Hallgerði Helgu Þorsteinsdóttur, Elsa Maríu Kristínardóttur, Tinnu Kristínu Finnbogadóttir, Sigríði Björgu Helgadóttur, Geirþrúði Önnu Guðmundsdóttur og Hrund Hauksdóttur mun í kvöld kl. 20 heyja keppni á sex borðum á netinu við sveit Taflfélags Vestmannaeyja.

Tefld verður tvöföld umferð á ICC-vefnum og verður umhugsunartími 15 10 þ.e. 15 mínútur á hverja skák að viðbættum 10 sekúndum fyrir hvern leik. Þessi viðureign er m.a. hugsuð sem æfing fyrir þær stúlkur sem tefla á Norðurlandamóti stúlkna í Stokkhólmi í næsta mánuði.

Sveit TV verður væntanlega skipuð þeim Birni Ívari Karlssyni, Sverri Unnarssyni, Sigurjóni Þorkelssyni, Nökkva Sverrissyni, Ólafi Tý Guðjónssyni,  Þórarni Ólafssyni og Kristófer Gautasyni.

Keppnin fer fram í tölvusal Rimaskóla og tölvusal Framhaldsskólans í Vestmannaeyjum.

Páll sigraði á atkvöldi

Páll Sigurðsson sigraði á atkvöldi sem haldið var 2. mars sl eftir spennandi keppni við Patrek Magnússon og Dag Kjartansson. Páll fékk 6v í sjö skákum og var það aðeins Patrekur sem náði að taka vinning af kappanum þrátti fyrir að fleiri þátttakendur af yngri kynslóðinni hafi gert harðar atlögur. Í öðru sæti varð Patrekur Magússon með 5,5v og þriðji Dagur Kjartansson með 5v.

Lokastaðan á atkvöldinu:

• 1.  Páll Sigurðsson                           6v/7
• 2.  Patrekur Maron Magnússon       5,5v
• 3.  Dagur Kjartansson                     5v
• 4.  Vigfús Ó. Vigfússon                    4,5v
• 5.  Guðmundur Kristinn Lee             4v
• 6.  Birkir Karl Sigurðsson                  2v
• 7.  Björgvin Kristbergsson               1v
• 8.  Pétur Jóhannesson                    0v

 

Rúnar og Smári efstir á Skákþingi Goðans

Fimmta umferð á Skáþingi Goðans var haldin í gær.  Rúnar Ísleifsson og Smári Sigurðsson eru efstir með 4 vinninga og Benedikt Þorri Sigurjónsson og Ævar Ákason koma næstir með 3,5 vinning.

Úrslit fimmtu umferðar:

 

Smári Sigurðsson              -                Rúnar ísleifsson           0,5 - 0,5
Pétur Gíslason                  -    Benedikt Þorri Sigurjónsson       0 - 1
Ævar Ákason                    -                   Ketill Tryggvson           1 - 0
Ármann Olgeirsson           -          Benedikt þór Jóhannsson     1 - 0
Snorri Hallgrímsson          -     Baldvin Þór Jóhannesson           0 - 1
Sigurbjörn Ásmundsson   -             Sighvatur Karlsson             0 - 1  
Sæþór Örn Þórðarson      -            Hermann Aðalsteinsson       0 - 1

 

Staðan eftir 5 umferðir :

1.   Rúnar ísleifsson                     4
2.   Smári Sigurðsson                   4
3.   Benedikt Þorri Sigurjónsson  3,5
4.   Ævar ákason                         3,5
5.   Pétur Gíslason                       3
6.   Baldvin Þ Jóhannesson          3
7.   Ármann Olgeirsson                3
8.   Hermann Aðalsteinsson         2,5
9.   Benedkit Þór Jóhannsson      2
10. Ketill Tryggvason                   2
11. Sighvatur Karlsson                2
12. Sigurbjörn Ásmundsson        1,5
13. Snorri Hallgrímsson               1
14. Sæþór Örn Þórðarson           0

Pörun 6. umferðar:

          Hvítt                                            Svart

Benedikt Þorri Sigurjónsson   -    Rúnar Ísleifsson
Ævar Ákason                          -    Smári Sigurðsson
Baldvin Þ Jóhannesson          -    Ármann Olgeirsson
Hermann Aðalsteinsson         -    Pétur Gíslason
Sighvatur Karlsson                -     Benedikt Þór Jóhannsson
Ketill Tryggvason                   -    Sigurbjörn Ásmundsson
Sæþór Örn Þórðarson            -    Snorri Hallgrímsson

6. umferð verður tefld á miðvikudagskvöldið eftir viku.