Um 230 krakkar skráðir til leiks á Jólapakkamóti Hellis

Ríflega 230 skákmenn eru skráðir til leiks á Jólapakkamóti Hellis sem fram fer laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.   Margt stefnir í metþátttöku á mótinu en mest hefur þátttakan verið um 230.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Júlíus Vífill Ingvarsson, formaður menntamálaráðs og formaður Skákakademíu Reykjavíkur, setur mótið og leikur fyrsta leik þess.   

Búið er að opna fyrir skráningu á mótið á heimasíðu Hellis.  Hægt er að nálgast upplýsingar um skráða keppendur hér en nú þegar eru 73 keppendur skráðir til leiks. 

Fjölmenni á Jólaskákmóti Laugalækjarskóla

Jólaskákmót Laugalækjarskóla var haldið í síðustu viku. Mættir til leiks voru fjörutíu og einn keppandi í 7.-10. bekk. Þessi mikli fjöldi á mótinu sýnir hversu mikill skákáhugi er innan skólans. Í skólanum eru margir efnilegir skákmenn og meðal þeirra hefur Örn Leó Jóhannsson náð góðum árangri síðustu misseri. Örn Leó leiðir sterka skáksveit skólans sem sigraði nýverið á Jólaskákmóti ÍTR.

Í vetur hefur Skákakademían komið að skákstarfinu í skólanum og sinnir Björn Þorfinnsson kennslu úrvalshóps. Svavar Viktorsson kennari við skólann hefur svo umsjón með almennri skákkennslu við skólann. Eftir harða baráttu á mótinu stóð Eyjólfur Emil Jóhannesson uppi sem sigurvegari en skammt undan komu Franco Soto og Alexander Már Brynjarsson. Þessir þrír efstu voru ekki sáttir við að einungis væru tefldar 6 umferðir og héldu áfram taflmennsku að mótinu loknu!

Björn og Bragi Þorfinnssynir sáu um skákstjórn.

Myndaalbúm mótsins

 

Fimmtudagsmót í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Friðriksmót Landsbankans fer fram á sunnudag - skráningu lokið

Sterkasta hraðskákmót ársins á Íslandi verður haldið í aðalútibúi Landsbankans þann 20. desember.   Flestir sterkustu skákmenn landsins taka þátt.  Skráningu á mótið hefur verið lokað þar sem þátttaka takmarkast við um 70 keppendur.  

Meðal þegar skráðra keppenda má nefna stórmeistarana Jóhann Hjartarson (2585), Helga Ólafsson (2524), sigurvegara síðasta móts, og Þröst Þórhallsson (2426), alþjóðlegu meistarana Jón Viktor Gunnarsson (2454), Arnar E. Gunnarsson (2448), Braga (2401) og Björn Þorfinnssyni (2381) , Guðmund Kjartansson (2391) og Sævar Bjarnason (2164) og Lenku Ptácníková (2307) stórmeistara kvenna.   Upplýsingar um þegar skráða keppendur má nálgast hér og á Chess-Results.  

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun eru miðað við nýjustu útgefin íslensk skákstig.  

Tefldar verða 11 umferðir með 7 mínútna umhugsunartíma á mann og er reiknað með að mótinu ljúki um kl. 16.30.

Þetta er sjötta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Chess-Results

Björn sigraði á hraðskákmóti Ása

Það var hart barist á Jólahraðskákmóti Ása, sem haldið var í dag í Ásgarði. Tuttugu og átta mættu til leiks.  Björn Þorsteinsson sigraði örugglega með 8½ vinning af níu mögulegum. Það var aðeins Jón Víglundsson sem náði hálfum vinningi af Birni.  Jóhann Örn Sigurjónsson varð annar með 7 vinninga og þriðji varð Össur Kristinsson með 6½ vinning.

Það voru vegleg verðlaun í boði og fengu allir þátttakendur verðlaun.

Skákstjórar voru Birgir Sigurðsson og Finnur Kr Finnsson.

 

Lokastaðan:

• 1            Björn Þorsteinson                        8.5 vinninga
• 2            Jóhann Örn Sigurjónsson             7        -
• 3            Össur Kristinsson                        6.5      -
• 4            Stefán Þormar                            6         -
• 5-8         Haraldur Axel Sveinbjörns           5.5      -
•               Þór Valtýsson                             5.5      -
•               Sæbjörn Guðfinnsson                  5.5      -
•               Þorsteinn Guðlaugsson                5.5      -
• 9-12       Gunnar Finnsson                         5         -
•               Gísli Sigurhansson                      5         -
•               Bragi G Bjarnason                      5         -
•               Baldur Garðarsson                      5         -
• 13-15     Sigfús Jónsson                            4.5      -
•              Jón Víglundsson                           4.5      -
•              Einar S Einarsson                         4.5      -

Næstu þrettán fengu örlítið færri vinninga.

Magnus Carlsen sigurvegari London Chess Classic - stigahæsti skákmaður heims

Norski undradrengurinn sigraði á London Chess Classic sem lauk í dag eftir jafntefli við Short (2707). Þar með er ljóst að Magnus verður stigahæsti skákmaður heims um næstu áramót með um 2809-2810 skákstig.   

Magnus hlaut 13 stig (5 vinninga), Kramnik (2772) annar með 12 stig (4½ vinning) eftir jafntefli við Nakamura (2715) og í 3.-4. sæti urðu Adams (2698) og Howell (2597) með 9 stig (4 vinninga).  Frammistaða þess síðarnefnda kemur óneitanlega á óvart enda langstigalægstur og taplaus í þokkabót. 

 
Úrslit 7. umferðar:

 

Adams, Michael	- McShane, Luke J	1-0
Nakamura, Hikaru	- Kramnik, Vladimir	½-½
Short, Nigel D	- Carlsen, Magnus	½-½
Ni Hua	- Howell, David W L	0-1

Lokastaðan:

Gefin eru 3 stig fyrir sigur og 1 stig fyri jafntefli. 

1	GM Carlsen, Magnus		13
2	GM Kramnik, Vladimir		12
3	GM Adams, Michael		9
	GM Howell, David		9
5	GM McShane, Luke		7
6	GM Nakamura, Hikaru		6
	GM Hua, Ni		6
8	GM Short, Nigel		5

 

Átta skákmenn taka þátt í þessa sterka alþjóðlega móti.  Meðalstigin eru 2696 skákstig. 

 

• London Chess Classic
• Skákirnar í beinni
• ChessBomb Arena

Róbert og Jorge með jafntefli í lokaumferðinni

Bæði Róbert Lagerman (2358) og Jorge Fonseca (2032) gerðu jafntefli í lokaumferð opins flokks London Chess Classic sem fram fór í dag.  Róbert gerði jafntefli við norska alþjóðlega meistarann Eirik Gullaksen (2400).  Róbert hlaut 6 vinninga og endaði í 10.-23. sæti en Jorge hlaut 4½ vinning og endaði í 53.-68. sæti.

Norski stórmeistarinn Jon Ludvig Hammer (2588) vann öruggan sigur á mótinu en hann hlaut 8 vinninga.  Í 3.-4. sæti með 7 vinninga urðu ensku stórmeistararnir Simon Williams (2550) og Mark Hebden (2522) og enska skákkonan Jovanka Houska (2391).

Jorge hækkar um 7 stig fyrir frammistöðu sína en Róbert lækkar um 5 stig. 

125 skákmenn tefldu í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Jólapakkamót Hellis fer fram á laugardag

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.  

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Júlíus Vífill Ingvarsson, formaður menntamálaráðs og formaður Skákakademíu Reykjavíkur, setur mótið og leikur fyrsta leik þess.   

Búið er að opna fyrir skráningu á mótið á heimasíðu Hellis.  Hægt er að nálgast upplýsingar um skráða keppendur hér en nú þegar eru 73 keppendur skráðir til leiks. 

Frábær þátttaka á jólamóti Skákfélags Vinjar

Tuttugu og þrír skráðu sig til leiks á jólamóti Skákfélags Vinjar í gær en mótið var kl. 13:15 í Vin að Hverfisgötunni. Var þetta næstfjölmennasta mót í Vin frá upphafi og stuð og fjör í stofunum.

Tefldar voru sex umferðir með sjö mínútna umhugsunartíma og í miðju móti var jólalegt kaffiborð, með nýbökuðum smá- og piparkökum og nammi út um allt.

Hinn kraftmikli formaður Víkingaklúbbsins sem nýlega krækti sér í heimsmeistaratitil í lyftingum, Gunnar Freyr Rúnarson, sigraði glæsilega með 5 og hálfan vinning. Hrafn Jökulsson, nýkominn úr ferska loftinu að Ströndum, sýndi heldur betur snarpa takta og náði fimm vinningum. Hrannar Jónsson, sem þrátt fyrir mikið umstang við skákstjórn, var beittur og kom þriðji með 4,5.

Björn Sölvi Sigurjónsson, VP Magnús Matthíasson og Arnljótur Sigurðsson voru næstir með fjóra.

Bóka- og tónlistarútgáfan SÖGUR gaf glæsilega vinninga og hlutu fimm fyrstu verðlaun. Auk þess fékk Sigríður Björg Helgadóttir bók fyrir bestan árangur kvenna, en hún sigraði reyndar einnig í flokki 18 ára og yngri. Verðlaun þar hlaut hinn Kristinn Andri, þar sem  aðeins ein verðlaun voru í boði fyrir hvern og einn. Björn Sölvi Sigurjónsson varð efstur í 60+.

Dregnir voru út fjórir happadrættisvinningar og þá náðu í: Björgvin Kristbergsson, Halldór Ólafsson, Jón S. Ólafsson og Vigfús Ó. Vigfússon krækti í heitustu skáldsöguna um þessar mundir, "Síðustu dagar móður minnar" eftir Sölva Björn Sigurðsson. Þeir sem ekki kræktu í vinninga fengu skákbækur til að æfa sig betur!

Gunnar Freyr, sem ekki var fyllilega sáttur með annað sætið í jólamótinu í Víkingaskák í síðustu viku, var hinn kátasti með bikar og nýja bók í lokin og var létt yfir þátttakendum, enda snilldarmót og SÖGUR fá bestu þakkir.

Úrslit:

• 1.       Gunnar Freyr Rúnarson             5,5
• 2.       Hrafn Jökulsson                          5
• 3.        Hrannar Jónsson                 4,5
• 4.       Björn  Sölvi Sigurjónsson          4
• 5.       Magnús Matthíasson                4
• 6.       Arnljótur Sigurðsson                  4
• 7.       Kjartan Guðmundsson              3,5
• 8.       Árni Haukdal Kristjánsson        3,5
• 9.       Vigfús Ó. Vigfússon                    3,5
• 10.   Haukur Halldórsson                   3,5
• 11.   Jón Birgir Einarsson                    3
• 12.   Sigríður Björg Helgadóttir          3
• 13.   Páll Jónsson                                  3
• 14.   Björgvin Kristbergsson                  3
• 15.   Halldór Ólafsson                             3
• 16.   Hlynur Gestsson                              2,5
• 17.   Arnar Valgeirsson                            2,5
• 18.   Guðmundur Valdimar Guðm.        2
• 19.   Einar Björnsson                                2
• 20.   Kristinn Andri                                    2
• 21.   Saga Kjartansdóttir                          2
• 22.   Sigurjón Ólafsson                             2
• 23.   Jón S. Ólafsson                                  1

Myndaalbúm mótsins

Carlsen efstur fyrir lokaumferðina

Norðmaðurinn ungi Magnus Carlsen (2801) gerði jafntefli við enska stórmeistarann Michael Adams (2698) í sjöttu og næstsíðustu umferð London Chess Classic sem fram fór í dag.   Vladimir Kramnik (2772) sigraði hins vegar Nigel Short (2707) og Kínverjinn Hua Ni (2665) vann  Luke McShane (2615).  Carlsen er efstur með 12 stig (4½ v.), Kramnik annar með 11 stig (4 v.) og McShane þriðji með 7 stig (2½ vinning). 

Í sjöundu og síðustu umferð, sem tefld verður á morgun, teflir Carlsen við Short og Kramnik við við Nakamura (2715).  Lokaumferðin hefst kl. 12. 

 
Úrslit 6. umferðar:

 

Carlsen, Magnus	- Adams, Michael	½-½
Kramnik, Vladimir	- Short, Nigel D	1-0
Howell, David W L	- Nakamura, Hikaru	½-½
McShane, Luke J	- Ni Hua	0-1

Staðan:

Gefin eru 3 stig fyrir sigur og 1 stig fyri jafntefli.

1	GM Carlsen, Magnus		12
2	GM Kramnik, Vladimir		11
3	GM McShane, Luke		7
4	GM Howell, David		6
	GM Adams, Michael		6
	GM Hua, Ni		6
7	GM Nakamura, Hikaru		5
8	GM Short, Nigel		4

 

Átta skákmenn taka þátt í þessa sterka alþjóðlega móti.  Meðalstigin eru 2696 skákstig. 

 

• London Chess Classic
• Skákirnar í beinni
• ChessBomb Arena