KORNAX mótið 2010 - Skákþing Reykjavíkur hefst sunnudaginn 10. janúar

KORNAX mótið 2010 - Skákþing Reykjavíkur hefst sunnudaginn 10. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 50.000
• 2. sæti kr. 30.000
• 3. sæti kr. 20.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)

Sigurvegarinn hlýtur auk þess nafnbótina Skákmeistari Reykjavíkur 2010 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson.

Þátttökugjöld:

• kr. 3.500 fyrir 16 ára og eldri
• kr. 2.000 fyrir 15 ára og yngri

 
Dagskrá:

 

• 1. umferð sunnudag   10. janúar  kl. 14
• 2. umferð miðvikudag 13. janúar  kl. 19.30
• 3. umferð föstudag     15. janúar  kl. 19.30
• 4. umferð sunnudag   17. janúar  kl. 14
• 5. umferð miðvikudag 20. janúar  kl. 19.30
• 6. umferð föstudag      22. janúar  kl. 19.30
• 7. umferð sunnudag    24. janúar  kl. 14
• 8. umferð miðvikudag 27. janúar  kl. 19.30
• 9. umferð föstudag      29. janúar  kl. 19.30

 

Skákþingið er reiknað til alþjóðlegra skákstiga.

Skráning fer fram á [e-mail] og á væntanlegu skráningarformi sem mun birtast á heimasíðu Taflfélags Reykjavíkur.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Hraðskákmót Reykjavíkur verður haldið sunnudaginn 31. janúar og hefst það kl. 14.00. Tefldar verða 2x7 umferðir eftir Monradkerfi.

Magnús sigraði á jólaskákmóti Riddarans

Jólaskákmót öldunga á vegum RIDDARANS í Hafnó fór fram í gær (þriðjudag) og lauk með sigri hins góðkunna skákmanns Magnúsar Sólmundarsonar, sem segja má að hafi komið séð og sigrað. Magnús hlaut 9. vinninga af 11 mögulegum. Hinn aldni skákkappi, Björn Víkingur, sem er að nálgast áttrætt leiddi mótið lengi framan af og sýndi gamla snilldar takta í skákum sínum sem unun var á að horfa og sannaði að lengi lifur í gömlum glæðum.  Þór Valtýsson varð í 2. sæti en Björn í 3.-4. ásamt Guðfinni R. Kjartanssyni, hinum afar trausta atskákmanni.  Góð verðlaun voru í mótinu og allir keppendur leystir út með jólasokkapari frá stuðningsaðila mótsins, Jóa Útherja.  Teflt verður næst  miðvikudaginn 30. desember kl. 13-15  en þá fer fram  Nýársmót klúbbsins. Allir velkomnir.

 

Röð efstu manna var annars þessi:

• 1. Magnús Sólmundarson         9
• 2. Þór Valtýsson                       8.5
• 3. Guðfinnur R. Kjartansson      8
• 4. Björn Víkingur Þórðarson      8
• 5. Páll G. Jónsson                    7
• 6. Gísli Gunnlaugsson               7
• 7. Leifur Eiríksson                    6.5
• 8. Haukur Sveinsson                 6
• 9. Össur Kristinsson                 5.5
• 10. Jón Víglundsson                 5.5
• 11. Einar S. Einarsson (form.)   5

Aðrir með minna.

Meðf. eru myndir frá mótinu, en meira efni á heimasíðu hans

á www.galleryskak.net  eða beint:

https://sites.google.com/site/riddarinnhafnarfjardharkirkju/home

Myndaalbúm mótsins

 

Siguringi sigraði á jólakapptefli KR

Jólamót Skákdeildar KR fór fram með pomp og prakt á mánudagskvöldið var.  Afar góð  og mikil jólastemming var á mótstað og á þriðja  tug þátttakenda.  Kappteflinu lauk með glæsilegum sigri Siguringa Sigurjónssonar, sem hlaut 12 vinninga af 13 mögulegum. Fast á hæla honum fylgdu gamalkunnar skákkempur, þeir Bragi Halldórsson með 11.5 v. og Gunnar Kr. Gunnarsson með 9.5.

Allir þátttakendur voru leystir út með jólaglaðningi.

Röð efstu manna var annars þessi:

 

• 1. Siguringi Sigurjónsson          12 v.
• 2. Bragi Halldórsson                 11.5
• 3. Gunnar Kr Gunnarsson            9.5
• 4. Guðfinnur R. Kjartansson        9.0
• 5. Ingimar Halldórsson                8.5
• 6. Sigurður A. Herluvsen             8.0
• 7. Jón G. Briem                          8.0
• 8. Dr. Ingimar Jónsson               7.0
• 9. Sæbjörn  G. Larsen                7.0
• 10. Gunnar Skraphéðinsson        6.5
• 11. Páll G. Jónsson                    6.5
• 12 . Sigurður E. Kristjánsson       6.5
• 13. Kristján Stefánsson, form,     6.0
• 14. Rúnar Sigfússon                   6.0

 Aðrir jólasveinar minna.

Sjá má meira um mótið og stórt myndagallerý á meðf. slóð.

https://sites.google.com/site/skakdeildkrstofnudh1999/jolaskakmot-kr-2009

Myndaalbúm mótsins

Jólahraðskákmót TR

Jólahraðskákmót Taflfélags Reykjavíkur verður haldið sunnudaginn 27. desember kl. 14.  Tefldar verða 2x7 umferðir með 5 mínútna umhugsunartíma.  Mótið fer fram í húsnæði T.R. að Faxafeni 12.  Þátttökugjald er kr. 500 en frítt fyrir 15 ára og yngri.

Þar sem úrslitaeinvígi Íslandsmótsins í atskák fer fram á sama tíma í beinni útsendingu Sjónvarps verður boðið upp á aðstöðu til að fylgjast með því.

Ný íslensk skákstig

Ný íslensk skákstig eru komin út og eru miðuð við 1. desember sl.   Hannes Hlífar Stefánsson er stigahæstur með 2635, 10 stigum á undan Jóhanni Hjartarsyni sem er annar með 2625 skákstig.   19 nýliðar eru á listanum sem er óvanalega mikið.  Þar kemur Gunnar Gunnarsson hæstur inn með 1890 skákstig en næstir eru Ólafur Kjaran Árnason (1575) og Jón Trausti Harðarson (1515).  Örn Stefánsson hækkar mest á milli stigalista eða um 195 skákstig.  Næstir eru Agnar Tómas Möller (135), Ingvar Örn Birgisson (115) og Hjörvar Steinn Grétarsson (95) en Hjörvar fer m.a. upp fyrir alþjóðlegu meistarana Arnar Gunnarsson og Björn Þorfinnsson á stigum.  Hjörvar er jafnframt langstigahæstur 20 ára og yngri.   Ingvar Þór Jóhannesson var virkastur allra á tímabilinu með 33 skákir.  Jóhann Hjartarson er stigahæstur á atskákstigum.

20 stigahæstu skákmenn landsins:

 

	Nafn	Félag	Ísl.stig
1	Hannes H Stefánsson	Hellir	2635
2	Jóhann Hjartarson	Bol	2625
3	Margeir Pétursson	TR	2600
4	Héðinn Steingrímsson	Fjölni	2545
5	Helgi Ólafsson	TV	2540
6	Henrik Danielsen	Haukar	2515
7	Friðrik Ólafsson	TR	2510
8	Jón Loftur Árnason	Bolung	2505
9	Helgi Áss Grétarsson	TR	2500
10	Karl Þorsteins	Hellir	2485
11	Jón Viktor Gunnarsson	Bolung	2460
12	Stefán Kristjánsson	Bol	2455
13	Guðmundur Sigurjónsson	TR	2445
14	Þröstur Þórhallsson	Bol	2440
15	Bragi Þorfinnsson	Bolung	2430
16	Hjörvar Grétarsson	Hellir	2430
17	Arnar Gunnarsson	TR	2410
18	Björn Þorfinnsson	Hellir	2395
19	Magnús Örn Úlfarsson	Hellir	2380
20	Róbert Lagerman	Hellir	2375

Nýliðar:

 

Nr.	Nafn	Stig
1	Gunnar Gunnarson	1890
2	Ólafur Kjaran Árnason	1575
3	Jón Trausti Harðarson	1515
4	Magnús Garðarsson	1500
5	Jóhannes Bjarki Tómasson	1495
6	Erlingur Atli Pálmarsson	1495
7	Dagur Ragnarsson	1455
8	Hjörtur Snær Jónsson	1450
9	Patrekur Þórsson	1395
10	Sigurþór Steinrímsson	1355
11	Snorri Hallgrímsson	1295
12	Valur Marvin Pálsson	1295
13	Jóhann Karl Hallsson	1295
14	Sigurður A Magnússon	1290
15	Oliver Aron Jóhannesson	1280
16	Kristófer Jóel Jóhannesson	1205
17	Davíð Már Jóhannesson	1185
18	Lárus Garðar Long	1125
19	Sóley Lind Pálsdóttir	1035

Mestu hækkanir:

 

Nr.	Nafn	Stig	Br.
1	Örn Stefánsson	1580	195
2	Agnar Tómas Möller	1575	135
3	Ingvar Örn Birgisson	1765	115
4	Hjörvar Grétarsson	2430	95
5	Friðrik Þjálfi Stefánsson	1730	85
6	Daði Steinn Jónsson	1540	85
7	Agnar Darri Lárusson	1500	85
8	Jón Kristinn Þorgeirsson	1545	75
9	Lenka Ptácníková	2300	70
10	Jorge Fonseca	2010	65
11	Kristján Heiðar Pálsson	1340	65
12	Róbert Aron Einsteinsson	1315	65

 

Stigahæstu unglingar (20 ára og yngri):

 

Nr.	Nafn	Ísl.stig
1	Hjörvar Grétarsson	2430
2	Sverrir Þorgeirsson	2215
3	Atli Freyr Kristjánsson	2170
4	Daði Ómarsson	2140
5	Bjarni Jens Kristinsson	2040
6	Ingvar Ásbjörnsson	1985
7	Patrekur Maron Magnússon	1980
8	Helgi Brynjarsson	1955
9	Vilhjálmur Pálmason	1940
10	Matthías Pétursson	1910
11	Hallgerður H Þorsteinsdóttir	1890
12	Tinna Kristín Finnbogadóttir	1805
13	Svanberg Már Pálsson	1760
14	Nökkvi Sverrisson	1750
15	Paul Joseph Frigge	1745
16	Friðrik Þjálfi Stefánsson	1730
17	Dagur Andri Friðgeirsson	1715
18	Sigríður Björg Helgadóttir	1705
19	Mikael Jóhann Karlsson	1685
20	Elsa María Krístínardóttir	1685
21	Geirþrúður Anna Guðmundsdóttir	1685

 

Atskákstig

 

Nr.	Nafn	Félag	Atstig
1	Jóhann Hjartarson	Bol	2605
2	Helgi Ólafsson	TV	2595
3	Hannes H Stefánsson	Hellir	2575
4	Margeir Pétursson	TR	2570
5	Helgi Áss Grétarsson	TR	2540
6	Henrik Danielsen	Haukar	2525
7	Friðrik Ólafsson	TR	2480
8	Arnar Gunnarsson	TR	2470
9	Jón Loftur Árnason	Bolung	2465
10	Jón Viktor Gunnarsson	Bolung	2445

 

Skákstigasíða SÍ (nýju stigin væntanleg þar).

Skrár tengdar þessari bloggfærslu:

• Íslensk skákstig, 1. desember 2009
• Atskákstig, 1. desember 2009

Úrslitaeinvígi Íslandsmótsins í atskák fer fram á sunnudag á RÚV

Arnar E. Gunnarsson og Sigurbjörn Björnsson munu mætast í úrslitaeinvígi Íslandsmótsins í atskák sunnudaginn 27. desember nk.  Einvígið verður í beinni útsendingu á RÚV og verður í umsjón Halls Hallssonar og Helga Ólafssonar.  Útsendingin hefst kl. 14.

Tefldar verða tvær 25 mínútna skákir.  Verði jafnt verður teflt til þrautar með styttri umhugsunartíma.

Arnar er núverandi Íslandsmeistari í atskák.  

 

 

Fjöldi mynda frá Jólapakkamóti Hellis og Friðriksmóti Landsbankans

Búið er að bæta við fjölda mynda frá Jólapakkamóti Hellis og Friðriksmóti Landsbankans.  Hér má sjá nokkur sýnishorn en bent er á myndalbúm mótanna.

• Myndaalbúm Jólapakkamótsins
• Myndaalbúm Friðriksmótsins 

 

 

 

 

 

 

 

 

Íslandsmótið í netskák fer fram 27. desember á ICC

Íslandsmótið í netskák fer fram sunnudaginn 27. desember á ICC og hefst kl. 20. Mótið er öllum opið og er teflt er einum flokki.  Skráning fer fram hér á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en 19:55.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forriti.   Einnig er hægt að tefla í gegnum java-forrit.  

Núverandi Íslandsmeistari í netskák er Arnar E. Gunnarsson en hann hefur sigrað oftast á Íslandsmótinu eða fjórum sinnum.

Verðlaun:

1. kr. 10.000
2. kr. 6.000
3. kr. 4.000

Auk þess verða í boði frímánuðir í einstaka aukaflokkum en frá því verður betur greint þegar nær dregur. 

Hægt er að fylgjast með skráningu hér.

 

Alþjóðlegt unglingamót Hellis fer fram í byrjun janúar

Taflfélagið Hellir mun halda alþjóðlegt unglingamót dagana 7.-11. janúar 2010. Teflt verður í Nýju stúkunni á Kópavogsvelli. Þátttakendur eru fæddir 1992 og síðar. Von er á 6 erlendum keppendum frá Svíþjóð og eru þeir á stigabilinu 1700-2050. Stefnt er að því að innlendir keppendur verð u.þ.b. 16-20.

Markmið mótsins er að gefa ungum skákmönnum tækifæri til að tefla saman og við jafnaldra sína frá öðrum löndum og kynnast. Erlendu keppendurnir fá tækifæri til að koma til Íslands, tefla nokkrar skákir og sumir þeirra nota tækifærið mog skoða sig um í leiðinni.

Mótið verður 6 umferðir með tímamörkin 90 mínútur á skákina + 30 sekúndur á hvern leik.

Dagskráin er sem hér segir:

Dagskrá:

• Fimmtudagur  7/1   Umferð 1: 19.30-24
• Föstudagur 8/1:      Umferð 2: 10-15
• Föstudagur 8/1:      Umferð 3: 17-22
• Laugardagur 9/1:    Umferð 4: 10-15
• Laugardagur 9/1:    Umferð 5: 17-22
• Sunnudagur 10/1:    Umferð 6: 9.30-14

Dagskráin getur tekið smávægilegum breytingum. Mótið verður nánar kynnt fljótleg. Styrktaraðilar mótsins er Skáksyrktarsjóður Kópavogs og Skáksamband Íslands

Riddarinn: Jólaskákmót öldunga á þriðjudag

Sérstakt JólaSkákMót fyrir öldunga, 60 ára og eldri, fer fram að Vonarhöfn, Strandbergi, félagsheimili Hafnarfjarðarkirkju,  þriðjudaginn, 22. desember,  kl. 13-17.  Venjulega hittast aldnar skákkempur þar til talfs á miðvikudögum, en vegna nándar Jólanna, hefur skákfundurinn verið fluttur fram um dag. 

Að venju verður telft þar stift til vinnings, en að þessu sinni líka til jólavinninga, þar sem engin mun fara tómhentur heim eða í jólaköttinn.  Telfdar verða 11 umferðir, 10 mín. hvatskákir, eins og venjulega og hrókaræður leyfðar undir skákinni.  Allir velkomnir.