Sveitakeppni skákfélaga á norðurlandi

Sveitakeppni skákfélaga á Norðurlandi fer fram á Akureyri á morgunn og hefst kl. 13.00 í Íþróttahöllinni. Tefldar verða atskákir (25).  Í fyrra fór keppnin fram á Sauðárkróki og bar a- sveit SA sigur. Í ár má búast við jafnri og spennandi keppni, og er sveit öldunga, 60 ára+, úr SA alls líkleg með þá Ólaf Kristjánsson og Þór Valtýsson innan borðs.

Kosteniuk og Hou mætast í úrslitum

Það verða rússneska skákkonan Eleksandra Kosteniuk (2510) og kínverska skákkonan Yifan Hou (2557) sem mætast í heimsmeistaraeinvígi kvenna sem fram fer í Nalchik í Rússlandi.  Kosteniuk sigraði sænsku skákdrottninguna Piu Cramling (2544) 1½-½ en Hou sigraði næststigahæstu skákkonu heims Humpy Koneru (2622) 4-2.  Einvígið fer fram 14.-18. september og tefla þær fjórar skákir og styttri skákir verði enn jafnt.  

Úrslit 5. umferðar:

 

	Name	Rtng	Total
RUS	Kosteniuk, Aleksandra	2510	1½
SWE	Cramling, Pia	2544	½
CHN	Hou, Yifan	2557	4
IND	Koneru, Humpy	2622	2

Heimasíða mótsins

Sigurðar efstir á 10 mínútna á Akureyri

Nafnarnir Sigurður Arnarson og Eiríksson urðu jafnir og efstir á tíu mínútna mótinu hjá Skákfélagi Akureyrar sem var haldið í gær, fengu 6 vinninga af 7  mögulegum, en Arnarson var hærri á stigum.

Lokastaðan:

• 1.   Sigurður Arnarson            6 v. af 7 og 23,5 stig.
• 2.   Sigurður Eiríksson            6                 23     -
• 3.  Gylfi Þórhallsson              5
• 4.  Tómas Veigar Sigurðarson   4,5
• 5.  Jóhann Óli Eiðsson           4
• 6. Mikael Jóhann Karlsson     4
• 7. Skúli Torfason                    4
• 8. Haki Jóhannesson              4
• 9. Ari Friðfinnsson                 4
• 10. Sveinbjörn Sigurðsson        3,5
• 11. Karl Steingrímsson           3,5
• 12. Gestur Baldursson                       3,5
• 13. Ulker Gasanova               3
• 14. Haukur Jónsson                3
• 15. Hugi Hlynsson                 2
• 16. Hjörtur Snær Jónsson       2
• 17. Hersteinn B Heiðarsson   1
• 18. Eka                                   0
•  

Fimmtán mínútna mót verður á sunnudaginn og hefst kl. 14.00 í Íþróttahöllinni.

Enn fjölgar Mátum - Óskar Bjarnason sá nýjasti

Óskar Bjarnason (2262) er genginn til liðs við Taflfélagið Máta en hann kemur úr Taflfélagi Reykjavíkur en ekki úr Skákfélagi Akureyrar eins og Mátarnir hingað til.

 

Arnar, Rúnar og Þórleifur líka orðnir Mátar

Arnar Þorsteinsson (2233), Rúnar Sigurpálsson (2187) og Þórleifur Karlsson (2125) hafa allir gengið til liðs við Taflfélagið Máta úr Skákfélagi Akureyrar.

 

Eyjamenn gerðu 2-2 jafntefli við Dani

Skáksveit Grunnskóla Vestmannaeyja gerði 2-2 jafntefli við danska sveit í fyrstu umferð Norðurlandamóts barnskólasveita, sem fram fór í morgun á Álandseyjum.  Ólafur Freyr Ólafsson og Valur Marvin unnu sínar skákir á 3. og 4. borði. Í 2. umferð, sem hefst kl. 13, tefla Eyjamenn við finnska sveit.

Staðan:

• 1. Finnland I 3 v.
• 2-5. Grunnskóli Vestmannaeyja, Noregur, Svíþjóð og Danmörk 2 v.
• 6. Finnland II 1 v.

Skáksveit Grunnskóla Vestmannaeyja skipa:

1. Kristófer Gautason 0 v.
2. Daði Steinn Jónsson 0 v.
3. Ólafur Freyr Ólafsson 1 v.
4. Valur Marvin Pálsson 1 v.

• Heimasíða mótsins
• Bloggsíða Karls Gauta fararstjóra

Bolvíkingar unnu Helli í mögnuðum undanúrslitaleik

Taflfélag Bolungarvíkur vann Taflfélagið Hellir í mögnuðum  undanúrslitaleik sem fram fór í húsnæði SÍ í kvöld.  Lokatölur urðu 37-35 Bolum í vil en jafnt var í hálfleik 18-18 og aftur jafnt 30-30 þegar tveimur umferðum var lokið.  Bolar unnu næstsíðustu umferðina 4-2 og síðasta viðureignin fór 3-3 og því unnu Bolar með næstminnsta mun. Jón Viktor Gunnarsson og Bragi Þorfinnsson drógu vagninn fyrir þá en frammistaða Elvars Guðmundssonar var einnig mjög góð.  Framstaða Hellismanna var miklu jafnari en þar fengu Jóhann Hjartarson og Ingvar Þór Jóhannesson flesta vinninga.  

Árangur Bolvíkinga:

• Jón Viktor Gunnarsson 10 v. af 12
• Bragi Þorfinnsson 10 v. af 12
• Elvar Guðmundsson 7 v. af 12
• Jón L. Árnason 6 v. af 12
• Dagur Arngrímsson 2 v. af 11
• Guðmundur S. Gíslason 2 v. af 12
• Halldór Grétar Einarsson 0 v. af 1

Árangur Hellisbúa:

• Jóhann Hjartarson 7 v. af 11
• Ingvar Þór Jóhannesson 7 v. af 12
• Róbert Lagerman 6 v. af 9
• Björn Þorfinnsson 5½ v. af 12
• Sigurbjörn Björnsson 4 v. af 10
• Magnús Örn Úlfarsson 3 v. af 10
• Hjörvar Steinn Grétarsson 2 v. af 4
• Sigurður Daði Sigfússon ½ v. af 4

TR vann öruggan sigur á Akureyringum

Íslandsmeistarar Taflfélags Reykjavíkur unnu öruggan sigur á Skákfélagi Akureyrar í undanúrslitum Hraðskákkeppni taflfélaga, sem fram fór í TR-heimilinu í kvöld.   TR fékk 53 vinninga gegn 19 vinningum gestanna en staðan í hálfleik var 26½-9½.  Stefán Kristjánsson fór mikinn og fékk fullt hús.  Arnar Þorsteinsson og Rúnar Sigurpálsson voru hins vegar bestir gestanna en þeir fengu 5½ vinning.  Stefán Bergsson sýndi það í kvöld í fimmtudagsbolta skákmanna að hann er ekki síðri í marki en í skák!

Árangur TR-inga:

• Stefán Kristjánsson 12 v. af 12
• Þröstur Þórhallsson 11 v. af 12
• Arnar E. Gunnarsson 9½ v. af 12
• Guðmundur Kjartansson 7½ v. af 12
• Bergsteinn Einarsson 7 v. af 12
• Snorri G. Bergsson 5 v. af 8
• Julíus Friðjónsson 2 v. af 4

Árangur SA-manna:

• Arnar Þorsteinsson 5½ v. af 12
• Rúnar Sigurpálsson 5½ v. af 12
• Halldór Brynjar Halldórsson 4½ v. af 12
• Áskell Örn Kárason 3½ v. af 12
• Stefán Bergsson 0 v. af 12
• Torfi Kristján Stefánsson 0 v. af 12

Undanúrslit Hraðskákkeppni taflfélaga fara fram í kvöld

Undaúrslit Hraðskákkeppni taflfélaga fara fram í kvöld. Þá mætast Íslandsmeistarar Taflfélags Reykjavíkur og  Skákfélags Akureyrar annars vegar og Taflfélagið Hellir og Taflfélag Bolungarvíkur hins vegar.

Viðureignirnar fara báðar fram í Skákhöllinni Faxafeni 12 og hefjast kl. 19:30.  Áhorfendur boðnir velkomnir að sjá marga af bestu hraðskákmönnum landsins að tafli.  Heitt á könnunni!

 

 

Skákþing Garðabæjar hefst á mánudag

Skákþing Garðabæjar hefst mánudaginn 15. september.   Tefldar verða 7 umferðir og verður mótið reiknað til íslenskra og alþjóðlegra stiga. Teflt verður í Garðabergi Garðatorgi 7.  Þetta er síðasta alvöru mót fyrir Íslandsmót skákfélaga á höfuðborgarsvæðinu og tilvalið að koma og hita sig upp.

Upplýsingar um skráða keppendu og mótiðr má nálgast á Chess-Results:  http://chess-results.com/?tnr=15716&redir=J&lan=1

Umferðatafla:

• 1. umf. Mánudag 15. sept kl. 19.30.
• 2. umf. Fimmtudag 18. sept. kl. 19.30
• 3. umf. Föstudag 19. sept. kl. 19.30
• 4. umf. Mánudag. 22. sept. kl. 19.30
• 5. umf. Miðvikudag 24. sept. kl. 19.30
• 6. umf. Föstudag 26. sept. kl. 19.30
• 7. umf. Mánudag 29. sept. kl. 19.30

Keppnisfyrirkomulag er Svissneskt kerfi.
Tímamörk eru 90 mínútur og 30 sek sem bætist við hvern leik.

Verðlaun auk verðlaunagripa:

• 1. verðlaun. 15 þús.
• 2. verðlaun 10 þús.
• 3. verðlaun 7 þús

Verðlaun fyrir Skákmeistara Garðabæjar 5.000 auk grips. Mótið er um leið skákþing Taflfélags Garðabæjar. (keppt er um titilinn ef jafnt, verðlaunafé er ekki skipt.)

Aukaverðlaun:

• Efstur U-1800 (með 1800 skákstig og minna):                 DGT skákklukka.
• Efstur 16 ára og yngri.(1993=< x):                         DGT skákklukka.

ATH. Ekki er hægt að vinna til fleiri en einna aukaverðlauna. Verðlaun fara eftir röð aukaverðlauna. 1-3 verðlaunum (pen) er skipt séu menn með jafn marga vinninga. Aukaverðlaunum verður ekki skipt. (og bætast hugsanlega við önnur verðlaun)

Sæmdartitilinn Skákmeistari Garðabæjar geta aðeins fengið félagsmenn TG eða skákmaður með lögheimili í Garðabæ.

Þátttökugjöld	Félagsmenn	Utanfélagsmenn
Fullorðnir	2000 kr	3000 kr
Unglingar 17 ára og yngri	Ókeypis	1500 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram í tölvupósti á [e-mail] eða í síma 861 9656. Skákstjóri er Páll Sigurðsson

Skákmeistari Garðabæjar 2007 var Jóhann Ragnarsson.

Skráðir keppendur, 11. september 2008:

No.		Name	Rtg	Club/City
1	FM	Sigfusson Sigurdur	2324	Hellir
2		Jensson Einar Hjalti	2223	TG
3		Salama Omar	2212	Hellir
4		Bergsson Stefan	2097	SA
5		Kristinsson Bjarni Jens	1912	Hellir
6		Sigurjonsson Siguringi	1895	KR
7		Sigurdsson Pall	1867	TG
8		Sigurdsson Jakob Saevar	1860	Godinn
9		Ottesen Oddgeir	1822	Haukar
10		Kristbergsson Bjorgvin	0	TR
11		Einarsson Sveinn Gauti	0	TG