Skákþing Garðabæjar hefst á morgun - 15 skráðir til leiks

Skákþing Garðabæjar hefst mánudaginn 15. september.   Tefldar verða 7 umferðir og verður mótið reiknað til íslenskra og alþjóðlegra stiga. Teflt verður í Garðabergi Garðatorgi 7.  Þetta er síðasta alvöru mót fyrir Íslandsmót skákfélaga á höfuðborgarsvæðinu og tilvalið að koma og hita sig upp.

Upplýsingar um skráða keppendu og mótiðr má nálgast á Chess-Results:  http://chess-results.com/?tnr=15716&redir=J&lan=1

Umferðatafla:

• 1. umf. Mánudag 15. sept kl. 19.30.
• 2. umf. Fimmtudag 18. sept. kl. 19.30
• 3. umf. Föstudag 19. sept. kl. 19.30
• 4. umf. Mánudag. 22. sept. kl. 19.30
• 5. umf. Miðvikudag 24. sept. kl. 19.30
• 6. umf. Föstudag 26. sept. kl. 19.30
• 7. umf. Mánudag 29. sept. kl. 19.30

Keppnisfyrirkomulag er Svissneskt kerfi.
Tímamörk eru 90 mínútur og 30 sek sem bætist við hvern leik.

Verðlaun auk verðlaunagripa:

• 1. verðlaun. 15 þús.
• 2. verðlaun 10 þús.
• 3. verðlaun 7 þús

Verðlaun fyrir Skákmeistara Garðabæjar 5.000 auk grips. Mótið er um leið skákþing Taflfélags Garðabæjar. (keppt er um titilinn ef jafnt, verðlaunafé er ekki skipt.)

Aukaverðlaun:

• Efstur U-1800 (með 1800 skákstig og minna):                 DGT skákklukka.
• Efstur 16 ára og yngri.(1993=< x):                         DGT skákklukka.

ATH. Ekki er hægt að vinna til fleiri en einna aukaverðlauna. Verðlaun fara eftir röð aukaverðlauna. 1-3 verðlaunum (pen) er skipt séu menn með jafn marga vinninga. Aukaverðlaunum verður ekki skipt. (og bætast hugsanlega við önnur verðlaun)

Sæmdartitilinn Skákmeistari Garðabæjar geta aðeins fengið félagsmenn TG eða skákmaður með lögheimili í Garðabæ.

Þátttökugjöld	Félagsmenn	Utanfélagsmenn
Fullorðnir	2000 kr	3000 kr
Unglingar 17 ára og yngri	Ókeypis	1500 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram í tölvupósti á [e-mail] eða í síma 861 9656. Skákstjóri er Páll Sigurðsson

Skákmeistari Garðabæjar 2007 var Jóhann Ragnarsson.

Skráðir keppendur, 14. september 2008:

 

No.		Name	Rtg	Club/City
1	FM	Sigfusson Sigurdur	2324	Hellir
2		Jensson Einar Hjalti	2223	TG
3		Salama Omar	2212	Hellir
4		Olafsson Thorvardur	2177	Haukar
5		Bergsson Stefan	2097	SA
6		Kristinsson Bjarni Jens	1912	Hellir
7		Sigurjonsson Siguringi	1895	KR
8		Sigurdsson Pall	1867	TG
9		Sigurdsson Jakob Saevar	1860	Godinn
10		Ottesen Oddgeir	1822	Haukar
11		Andrason Pall	1532	TR
12		Sigurdsson Birkir Karl	0	TR
13		Kristbergsson Bjorgvin	0	TR
14		Kjartansson Dagur	0	Hellir
15		Einarsson Sveinn Gauti	0	TG

 

Kosteniuk vann fyrstu einvígisskákina

Rússneska skákkonan Alexandra Kosteniuk (2510) sigraði hina 14 ára Hou Yifan (2557) í fyrstu skák heimsmeistaraeinvígis þeirra á milli.   Önnur skákin fer fram á morgun en alls tefla þær fjórar skákir.

 

Móttaka menntamálaráðherra fyrir Rimaskólakrakka

Þorgerður Katrín Gunnarsdóttir menntamálaráðherra bauð skáksveit Rimaskóla til móttökuathafnar í Þjóðmenningarhúsinu í tilefni af glæstum sigri sveitarinnar á Norðurlandamóti grunnskóla 2008 sem fram fór í Osló í lok ágúst. Ráðherra fór fögrum orðum um árangur krakkanna og það áhugaverða skákstarf sem viðhaft er í Rimaskóla. Afhenti Þorgerður Katrín krökkunum fimm glæsilega bókargjöf. Í móttökunni hélt Kjartan Magnússon formaður Menntaráðs Reykjavíkur ávarp og afhenti Rimaskóla 10 skákklukkur að gjöf frá Borgarstjórn Reykjavíkur.

Björn Þorfinnsson flutti skörulegt ávarp og Guðrún Þórsdóttir skólastjóri Vinnuskóla Reykjavíkur óskaði skólanum til hamingju með öll glæsileg afrek á skáksviðinu. Helgi Árnason þakkaði ráðherra glæsilegt boð og öllum þeim sem hefðu stutt þátttöku Rimaskóla á Norðurlandamótinu og Evrópumótinu í Varna fyrir mikilvæga aðstoð. Ráðherra þáði að gjöf fyrsta eintakið af ritinu "Leiðin að gullinu" sem segir í máli og myndum af sigurgöngu skáksveitar Rimaskóla á skólaárinu 2007 - 2008 allt þar il að gullið vannst í Osló. Einnig afhenti Rimaskóli velunnurum mynd af Norðurlandameistarasveitinni og jójó með merki Rimaskóla á 15 ára afmælisári.

Valur Óskarsson tók allmargar myndir frá athöfnunni og má finna þær í myndaaálbúmi á Skák.is

Sveitakeppni Skákfélaga á Norðurlandi 2008

Öldungasveit Skákfélags Akureyrar sigraði örugglega í sveitakeppni skákfélaga á norðurlandi sem fór fram á Akureyri í gær. Sveitin fékk 9 vinninga af 12. Í sveitinni voru og vinningar innan sviga: Ólafur Kristjánsson (2), Þór Valtýsson (3), Sveinbjörn Sigurðsson (3) og Ari Friðfinnsson (1).

Lokastaðan:

1. Öldungasveit   SA. 9 v.
2. C - sveit         SA. 5  og 3 stig.
3. Taflfélag Dalvíkur   5  og 2 stig.
4. A - sveit        SA.  5   og 2 stig.

Í C - sveit voru: Gylfi Þórhallsson (2 af 2), Sigurður Eiríksson (2),  Gestur Baldursson (0), Ulker Gasanova (1) og Smári Ólafsson ( 0 af 1)

Keppendur í Taflf. Dalvíkur: Hjörleifur Halldórsson (1), Guðmundur Freyr Hansson  (0), Rúnar Búason (1,5) og Hreinn Hrafnsson (2,5).

Lið SA.-A. Áskell Örn Kárason (1), Sigurður Arnarson (1), Haki Jóhannesson (1 af 2), Mikael Jóhann Karlsson (1,5) og Ólafur Ólafsson (0,5).

Tefldar voru 25 mínútna skákir.

Jafntefli gegn sterkri sænski sveit

Skáksveit Grunnskóla Vestmannaeyjagerði 2-2 jafntefli gegn silfursveit Svía í  fimmtu og síðustu umferð Norðurlandamóts grunnskólasveita sem fram fór í morgun (nótt) á Álandseyjum.  Ólafur Freyr Ólafsson og Valur Marvin Pálsson unnu sínar skákir á 3.-4. boði. Þeir báðir hafa staðið sig afskaplega vel og fengu 3½ vinning.  Norska sveitin er norðurlandameistar en Eyjamenn enduðu í fimmta sæti, aðeins vinningi frá bronsinu.   

Lokastaðan (næstum því)

• 1. Noregur 13½ v.
• 2. Svíþjóð 12 v.
• 3. Finnland I 9½ v.
• 4. Danmörk 9 v.
• 5. Grunnskóli Vestmannaeyja 8½ v.
• 6. Finnland II 7½ v.

Skáksveit Grunnskóla Vestmannaeyja skipa:

1. Kristófer Gautason ½ v.
2. Daði Steinn Jónsson 1 v.
3. Ólafur Freyr Ólafsson 3½ v..
4. Valur Marvin Pálsson 3½ v.

Ólafur Týr Ólafsson og Karl Gauti Hjaltason eru fararstjóri en Björn Ívar Karlsson er þjálfari strákanna.

• Heimasíða mótsins
• Bloggsíða Karls Gauta fararstjóra

Eyjamenn með góðan sigur á Finnum

Skáksveit Grunnskóla Vestmannaeyja létu tap á þriðju umferð ekki á sig fá og unnu góðan sigur á Finnlandi I, 3-1, sem fram fór fyrr í dag.  Daði Steinn Jónsson og Ólafur Freyr Ólafsson unnu sínar skákir á 2. og 3. borði en Kristófer Gautason og Valur Marvin Pálsson gerðu jafntefli á 1. og 4. borði.  Sveitin er í fimmta sæti með 6½ vinning og mætir sænsku sveitinni, sem er í öðru sæti, í lokaumferðinni sem hefst kl. 5 í nótt.  

Staðan:

• 1. Noregur 11½ v.
• 2. Svíþjóð 10 v.
• 3. Finnland I 7½ v.
• 4. Danmörk 7 v.
• 5. Grunnskóli Vestmannaeyja 6½ v.
• 6. Finnland II 5½ v.

Skáksveit Grunnskóla Vestmannaeyja skipa:

1. Kristófer Gautason ½ v.
2. Daði Steinn Jónsson 1 v.
3. Ólafur Freyr Ólafsson 2½ v.
4. Valur Marvin Pálsson 2½ v.

Ólafur Týr Ólafsson og Karl Gauti Hjaltason eru fararstjóri en Björn Ívar Karlsson er þjálfari strákanna.

• Heimasíða mótsins
• Bloggsíða Karls Gauta fararstjóra

Topalov sigurvegari Alslemmumótsins og stigahæsti skákmaður heims

Búlgarski stórmeistarinn sigraði Ivanchuk í lokaumferð Alslemmumótsins, sem fram fór í Bilbao á Spáni í dag.  Topalov varð langefstur með 17 stig.  Í 2.-3. sæti urðu Carlsen, eftir jafntefli við Anand og Aronian, sem tapaði fyrir Radjabov.  Heimsmeistarinn Anand varð neðstur með 8 stig, með átta jafntefli og tvö töp.  Topalov náði jafnframt efsta sæti heimslistans af Ivanchuk sem datt niður í fjórða sæti.

Anand sem var efstur á listanum í upphafi móts er nú aðeins fimmti en munurinn er afskaplega lítill á efstu 5 mönnum eða aðeins 7,4 stig.  

Staðan:

• 1. Topalov 17 stig
  2.-3. Carlsen og Aronian 13 stig
• 4. Ivanchuk 12 stig
• 5. Radjabov 10 stig
• 6. Anand 8 stig

Veitt eru 3 stig fyrir sigur, eitt fyrir jafntefli og ekkert fyrir tap.

Mótið í Bilbao er eitt allra sterkasta skákmót heims.  Sex skákmenn taka þátt og eru meðalstigin 2769 skákstig.  Tefld er tvöföld umferð.

Staða efstu manna á heimslistanum:

1. Topalov 2790,6
2. Morozevich 2787
3. Carlsen 2786,1
4. Ivanchuk 2785,6
5. Anand 2783,2

Heimasíða mótsins

Eyjamenn töpuðu fyrir Norðmönnum

Skáksveit Grunnskóla Vestmannaeyja tapaði stórt, 0-4, fyrir norsku sveitinni í þriðju umferð Norðurlandamóts barnaskólasveita, sem fram í morgun (nótt).  Sveitin hefur 3½ vinning og rekur lestina.  Fjórða og næstsíðasta umferð hefst kl. 10:30 og þá tefla Eyjapeyjar við Finnland I.

Staðan:

• 1. Noregur 8½ v.
• 2. Svíþjóð 7½ v.
• 3. Finnland I 6½ v.
• 4. Danmörk 5½ v.
• 5. Finnland II 4½ v.
• 6. Grunnskóli Vestmannaeyja 3½ v.

Skáksveit Grunnskóla Vestmannaeyja skipa:

1. Kristófer Gautason 0 v.
2. Daði Steinn Jónsson 0 v.
3. Ólafur Freyr Ólafsson 2 v.
4. Valur Marvin Pálsson 1½ v.

Ólafur Týr Ólafsson og Karl Gauti Hjaltason eru fararstjóri en Björn Ívar Karlsson er þjálfari strákanna.

• Heimasíða mótsins
• Bloggsíða Karls Gauta fararstjóra

Galego, Lárus og Kjartan í TV

Portúgalski stórmeistarinn Luis Galego (2506) og íslensku skákmennirnir Lárus Ari Knútsson (2113) og Kjartan Guðmundsson (2004) og hafa allir gengið til liðs við Taflfélag Vestamannaeyja. 

Luis snýr aftur eftir eins árs dvöl í Taflfélagi Reykjavíkur en Lárus, sem einnig kemur úr TR, og Kjartan, sem kemur úr Kátu biskupunum, hafa komið við í fleiri félögum en hægt er að telja á fingrum annarrar handar!

Eyjamenn töpuðu fyrir Finnum

Skáksveit Grunnskóla Vestmannaeyja tapaði 1½-2½ fyrir finnskri sveit í 2. umferð Norðurlandamóts barnaskólasveita, sem fram fór í dag á Álandseyjum.  Sveitin er í 3-6. sæti á afar jöfnu móti, aðeins hálfum vinningi fyrir neðan efstu sveit.  Ólafur Freyr Ólafsson vann sína skák en Valur Marvin Pálsson gerði jafntefli.   Þriðja umferð fer fram í fyrramálið, eða eiginlega í nótt, því hún hefst kl. 5 á íslenskum tíma.  Þá tefla eyjapeyjar við norsku sveitina.

Staðan:

• 1.-3. Noregur, Finnland I og Svíþjóð 4½ v.
• 4.-6.Grunnskóli Vestmannaeyja, Danmörk og Finnland II 3½ v.

Skáksveit Grunnskóla Vestmannaeyja skipa:

1. Kristófer Gautason 0 v.
2. Daði Steinn Jónsson 0 v.
3. Ólafur Freyr Ólafsson 2 v.
4. Valur Marvin Pálsson 1½ v.

• Heimasíða mótsins
• Bloggsíða Karls Gauta fararstjóra