Kosteniuk hálfum vinningi frá heimsmeistaratitli

Jafntefli varð í þriðju skák heimsmeistaramóts kvenna á milli Alexöndru Kosteniuk (2510), Rússlandi, og Yifan Hou (2557), Kína, sem fram fór í dag.  Staðan er því 2-1 fyrir Kosteniuk fyrir lokaskák einvígisins sem fram fer á morgun.  

Heimasíða mótsins

 

Fimmtudagsmót TR hefjast næstkomandi fimmtudag

Fimmtudaginn 18. september hefjast hin víðfrægu fimmtudagsmót TR að nýju eftir sumarfrí.  Að venju verða tefldar 7 umferðir með 7 mínútna umhugsunartíma.  Mótin hefjast kl. 19.30 öll fimmtudagskvöld og er teflt í Skákhöll TR, Faxafeni 12.

Þátttökugjald er sem fyrr kr 500 en ókeypis fyrir 15 ára og yngri og boðið verður upp á léttar veitingar án endurgjalds.  Mótin eru opin öllum.

Verðlaun verða með breyttu sniði en glæsilegur verðlaunapeningur verður veittur fyrir sigur í hverju móti og í lok vetrar verða veitt þrenn verðlaun fyrir mætingu yfir veturinn.  Allir þeir sem mæta að lágmarki á fimm mót fara í pott sem dregið verður úr á síðustu æfingu vetrarins, því oftar sem mætt er, þeim mun meiri líkur á að vinna til verðlauna.  Verðlaun verða kr 40.000, 20.000 og 10.000 en verði þátttaka mjög góð hækka verðlaunin í samræmi við hana.

Að auki má búast við óvæntum aukaverðlaunum á einhverjum mótanna.

Stjórn Taflfélags Reykjavíkur hvetur alla skákáhugamenn til að mæta og upplifa stemninguna í Skákhöllinni.

Fyrsta umferð á EM ungmenna

Fyrsta umferð Evrópumóts ungmenna í skák var tefld í gær.  Fyrir umferðina mátti búast við að róður íslensku keppendanna yrði erfiður þar sem níu af tíu keppendum okkar fengu mikið stigahærri andstæðinga, en Hjörvar Steinn Grétarsson var sá eini sem var stigahærri en andstæðingur sinn.  Árangur krakkanna í þessari umferð var mjög góður og litlu munaði að vinningar í hús yrðu enn fleiri.

Ferðin byrjaði samt ekki allt of vel því við vorum ekki komin á hótelið fyrr en um klukkan eitt að nóttu eftir langa ferð frá Íslandi.  Hótelið reyndist vera að hruni komið og í einu herberginu fannst m.a. þessi flotti kakkalakki á klósettinu.  Fararstjóri okkar og skákmótaskipuleggjendaskelfir, frú Edda Sveinsdóttir gekk fljótt og vel í málið snemma morguninn eftir og nú erum við komin í VIP gistingu í miðbænum!  Frekari lýsingar á þessu ferli má örugglega lesa á blogginu hennar Eddu.

Snúum okkur þá að skákunum.

U-12 drengir:

Friðrik Þjálfi Stefánsson (0) - Maksimillian Boskovic, SRB (1864)  ½-½

Friðrik Þjálfi varðist vel gegn sterkum serbneskum andstæðingi og endaði skákin í jafntefli eftir mikla baráttu.  Virkilega góð byrjun í þessum flokki.

 

U-14 stúlkur:

Geirþrúður Anna Guðmundsdóttir (0) - Tanya Revo, BLR (1954)  ½-½

Annað gott jafntefli í hús í þessum flokki.  Hér var einnig hart barist en Geirþrúður hélt frumkvæðinu allan tíman og átti á tímabili góða möguleika á sigri í þessari skák.  Við fórum vel yfir það eftir skákina hversu mikilvægt það er að opna línur fyrir biskupana sína og ef hægt er að minnka hreyfanleika biskups andstæðingsins um leið er það bara bónus!  Geirþrúður hefur lofað að missa aldrei af svona þema aftur!  Hvítrússnesku stelpunni virtist mjög brugðið yfir góðri taflmennsku íslensku valkyrjunar og var mjög sátt við jafnteflið í lokin.

 

U-14 drengir:

Mads Andersen, DEN (2092) - Dagur Andri Friðgeirsson (1812)  1-0

Dagur Andri lék örlítið ónákvæmt í miðtaflinu og fékk fljótlega erfiða stöðu.  Daninn sterki nýtti sér það vel og vann öruggan sigur í þessari skák.  Dagur er staðráðinn í því að gera betur hér eftir.

 

U-16 stúlkur:

Hallgerður Helga Þorsteinsdóttir (1907) - Nazi Pakidze, GEO (2277)  ½-½

Hallgerður tefldi mjög vel gegn stigahæstu stúlkunni í þessum flokki og endaði skákin með jafntefli.  Ég spurði Hallgerði eftir skákina þegar hún kom hundfúl út hvort hún hefði búist við því fyrirfram að vera hundfúl með jafntefli á móti þessari stelpu en Hallgerður var það fúl að hún leit ekki á þessa spurningu sem svaraverða á þessum tímapunkti.  Hún hafði líka allan rétt til að vera fúl eftir að hafa teflt skákina mjög vel og snúið laglega á andstæðing sinn í miðtaflinu leiddi ónákvæmur leikur í endataflinu til þess að sú georgíska náði þráskák og var henni mjög létt eftir skákina enda hafði hún setið síðustu tvo tímana þar á undan mjög súr á svip.  Þetta er engu að síður mjög góð byrjun hjá Hallgerði sem sannaði enn og aftur að á góðum degi getur hún unnið hvern sem er.

Jóhanna Björg Jóhannsdóttir (1655) - Bila Bulakthanova, RUS (1976)  0-1

Jóhanna tapaði þarna fyrir sterkri rússneskri stelpu.  Jóhanna átti þó sín færi í skákinni en missti því miður af vænlegum leiðum og tapaði því.  Hún sýndi þó að hún á í fullu tré við þessar stelpur sem eru rúmlega 300 stigum hærri en hún.

 

U-16 drengir:

Hjörvar Steinn Grétarsson (2299) - Franc Ashiku, ALB (2057)  1-0

Einu skák okkar krakka þar sem við vorum stigahærri endaði með öruggum sigri Hjörvars.  Hjörvari fannst þó andstæðingur sinn hafa getað gert betur í skákinni sem hann hefði að sjálfsögðu getað gert en þarna kristallast munurinn á þessum skákmönnum, Hjörvar sá einfaldlega miklu fleiri og betri leiðir í skákinni og uppskar eftir því.

Maciej Klewkowski, POL (2197) - Patrekur Maron Magnússon (1872)  1-0

Enn ein skákin þar sem við vorum mikið lægri á stigum.  Patreki varð það á að leika illa af sér og pólverjinn næði mátsókn í kjölfarið.  Slæmt tap þrátt fyrir stigamuninn en ég efast ekki um að Patrekur á eftir að koma til baka því harðari keppnismann en hann er erfitt að finna.

 

U-18 stúlkur:

Marianna Chierici, ITA (2037) - Tinna Kristín Finnbogadóttir (1655)  1-0

Ef einhver heldur að þessi skák hafi verið einfaldur sigur skákkonu sem er u.þ.b. 400 stigum hærri en andstæðingurinn er sá hinn sami að misskilja eitthvað!  Tinna tefldi þessa skák mjög vel og hafði tögl og haldir í þessari skák lengi vel.  Tinnu lá hins vegar fullmikið á því að máta andstæðinginn og lék ónákvæmum drottningarleik sem kostaði skákina.  Ég held samt að hún hafi gert hinum keppendunum í flokknum það ljóst að það þýðir ekkert að líta á þessi lágu stig hennar til að meta skákstyrkleikann.

 

U-18 drengir:

Fabien Guilleux, FRA (2397) - Sverrir Þorgeirsson (2102)  ½-½

Jafntefli með svörtu á móti mjög sterkum frakka verður að teljast mjög góður árangur.  Sverrir tefldi mjög vel og hafði í fullu tré við andstæðing sinn.  Reyndar hef ég haldið því fram í nokkurn tíma að þessi stig hans Sverris segja ekki til um raunstyrk hans.  Þessi drengur á eftir að fara í a.m.k. 2200 til 2250 stig á u.þ.b. ári ef hann er duglegur að tefla.

Ovik Hayrapetian, ARM (2367) - Daði Ómarsson (2029)  1-0

Daði átti ekki góðan dag.  Hann lék örlítið ónákvæmum leik í miðtaflinu og nýtti armeninn sterk sér það og vann örugglega.  Þessi skák segir samt lítið um styrk Daða því hann er líkt og Sverrir mun betri en þessi stig hans segja til um.

 

 

Í heildina má segja að þessi umferð hafi gengið mjög vel 3 vinningar af 10 þar sem við erum miklu stigalægri í níu skákum af tíu er viðunandi árángur.  Við hefðum samt þegið heldur fleiri vinninga ef tekið er mið af því hvernig þessar skákir voru að teflast en það kemur vonandi til að skila sér í næstu umferð.  Aðstæður á skákstað eru til fyrirmyndar og eiga Svartfellingar hrós skilið fyrir gott skipulag á mótinu.

 

Davíð Ólafsson

Skákþing Garðabæjar hófst í gær - metþátttaka og stórmeistari með!

Fyrsta umferð í Skákþingi Garðabæjar fór fram í kvöld og er mótið um margt sögulegt. 27 keppendur af öllum styrkleika er í mótinu, allt frá byrjendum og upp í stórmeistara. Þetta er metþátttaka og auk þess er í fyrsta sinni stórmeistari meðal keppenda á skákþinginu.

Sigríður Björg Helgadóttir kom á óvart með góðri taflmennsku þegar Lárus Knútsson mátti þakka fyrir jafntefli í vel tefldi skák hjá Siggu. Önnur óvænt úrslit urðu þegar Kjartan Másson vann Þorvarð F Ólafsson eftir að Þorvarður hafði hafnað 2 svar jafntefli og sprengt sig.
Önnur úrslit urðu eftir hinni margfrægu bók.

Úrslit fyrstu umferðar:

 

Bo.		Name	Res.		Name
1		Jakob Saevar Sigurdsson	0  -  1	GM	Henrik Danielsen
2	FM	Sigurdur Sigfusson	1  -  0		Oddgeir Ottesen
3		Ingi Tandri Traustason	0  -  1		Einar Hjalti Jensson
4		Omar Salama	1  -  0		Svanberg Mar Palsson
5		Kjartan Masson	1  -  0		Thorvardur Olafsson
6		Johann Ragnarsson	1  -  0		Eirikur Orn Brynjarsson
7		Sigridur Bjorg Helgadottir	½  -  ½		Larus Knutsson
8		Stefan Bergsson	1  -  0		Gisli Hrafnkelsson
9		Pall Andrason	0  -  1		Baldur Helgi Moller
10		Kjartan Gudmundsson	1  -  0		Gudmundur Kristinn Lee
11		Birkir Karl Sigurdsson	0  -  1		Bjarni Jens Kristinsson
12		Siguringi Sigurjonsson	1  -  0		Dagur Kjartansson
13		Sveinn Gauti Einarsson	0  -  1		Pall Sigurdsson
		Tjorvi Schioth	1  -  -		Bye

Röðun 2. umferðar (fimmtudagur kl.  19:30):

 

Bo.		Name	Res.		Name
1	GM	Henrik Danielsen	-		Kjartan Gudmundsson
2		Baldur Helgi Moller	-	FM	Sigurdur Sigfusson
3		Einar Hjalti Jensson	-		Siguringi Sigurjonsson
4		Bjarni Jens Kristinsson	-		Omar Salama
5		Pall Sigurdsson	-		Johann Ragnarsson
6		Tjorvi Schioth	-		Stefan Bergsson
7		Larus Knutsson	-		Kjartan Masson
8		Thorvardur Olafsson	-		Sigridur Bjorg Helgadottir
9		Gisli Hrafnkelsson	-		Jakob Saevar Sigurdsson
10		Oddgeir Ottesen	-		Pall Andrason
11		Gudmundur Kristinn Lee	-		Ingi Tandri Traustason
12		Svanberg Mar Palsson	-		Birkir Karl Sigurdsson
13		Eirikur Orn Brynjarsson	-		Sveinn Gauti Einarsson
		Dagur Kjartansson	-  -		Bye

• Heimasíða mótsins
• Chess-Results

Góð byrjun á EM ungmenna

Íslensku skákmennirnir byrjuðu vel á EM ungmenna, sem hófst í dag í Herceg Novi í Svartfjallalandi.  Hjörvar Steinn Grétarsson vann en Sverrir Þorgeirsson, Friðrik Þjálfi Stefánsson, Hallgerður Helga Þorsteinsdóttir og Geirþrúður Anna Guðmundsdóttir gerðu öll jafntefli við mun stigahærri andstæðinga.  Hallgerður gerði jafntefli við stigahæsta keppendann í sínum flokk en sú varð heimsmeistari 14 ára og yngri í fyrra.

Úrslit 1. umferðar:

Name	FED	Rtg	Result	Name	FED	Rtg	Group
Guilleux Fabien	FRA	2397	½ - ½	Thorgeirsson Sverrir	ISL	2102	U18
Hayrapetian Ovik	ARM	2367	1 - 0	Omarsson Dadi	ISL	2029	U18
Gretarsson Hjorvar Steinn	ISL	2299	1 - 0	Ashiku Franc	ALB	2056	U16
Klekowski Maciej	POL	2197	1 - 0	Magnusson Patrekur Maron	ISL	1872	U16
Andersen Mads	DEN	2092	1 - 0	Fridgeirsson Dagur Andri	ISL	1812	U14
Stefansson Fridrik Thjalfi	ISL	0	½ - ½	Boskovic Maksimilijan	SRB	1864	U12
Chierici Marianna	ITA	2037	1 - 0	Finnbogadottir Tinna Kristin	ISL	1655	U18
Thorsteinsdottir Hallgerdur	ISL	1907	½ - ½	Paikidze Nazi	GEO	2277	U16
Johannsdottir Johanna Bjorg	ISL	1655	0 - 1	Bulatkhanova Bika	RUS	1976	U16
Gudmundsdottir Geirthrudur Ann	ISL	0	½ - ½	Revo Tanya	BLR	1954	U14

• Heimasíða mótsins
• Bloggsíða Eddu Sveinsdóttur (fararstjóra)
• Chess-Results

Jafntefli hjá Hou og Kosteniuk

Rússneska skákkonan Alexandra Kosteniuk (2510) og hin unga 14 ára Hou Yifan (2557) gerðu jafntefli í 2. skák heimsmeistaravígis þeirra sem fram fór í Nalchik í Rússlandi í dag.  Kosteniuk leiðir því 1½-½. Þriðja skákin fer fram á morgun en alls tefla þær fjórar skákir.

Heimasíða mótsins

 

Hallgerður í beinni

Hallgerður Helga Þorsteinsdóttir (1907) er í beinni útsendingu frá fyrsta umferð EM ungmenna, sem nú er nýhafin í Herceg Novi í Svartfjallalandi.  Hallgerður teflir við georgísku skákkonuna Nezi Paikidze (2277), sem er FIDE-meistari kvenna og núverandi heimsmeistari stúlkna 14 ára og yngri.  Allir íslensku skákmennirnir tefla við stigahærri andstæðinga að Hjörvari Steini Grétarssyni undanskyldum í upphafsumferðinni svo búast má við þungum róðri.

Röðun fyrstu umferðar:

• Friðrik Þjálfi Stefánsson - Boskovic, Maksimillian (SRB)
• Andersen, Mads (DEN) - Dagur Andri Friðgeirsson
• Geirþrúður Anna Guðmundsdóttir - Revo, Tanya (BLR)
• Hjörvar Steinn Grétarsson - Ashiko, Franc (ALB)
• Hallgerður Helga Þorsteinsdóttir - Pakidze, Nazi (GEO)
• Klewkowski, Maciej (POL) - Patrekur Maron Magnússon
• Jóhanna Björg Jóhannsdóttir - Bulakthanova, Bila (RUS)
• Hayrapetian, Ovik (ARM) - Daði Ómarsson
• Guilleux, Fabien (FRA) - Sverrir Þorgeirsson
• Chierici, Marianna (ITA) - Tinna Kristín Finnbogadóttir

• Heimasíða mótsins
• Bloggsíða Eddu Sveinsdóttur (fararstjóra)
• Chess-Results

Skákþing Garðabæjar hefst í dag - 16 skráðir!

Skákþing Garðabæjar hefst mánudaginn 15. september.   Tefldar verða 7 umferðir og verður mótið reiknað til íslenskra og alþjóðlegra stiga. Teflt verður í Garðabergi Garðatorgi 7.  Þetta er síðasta alvöru mót fyrir Íslandsmót skákfélaga á höfuðborgarsvæðinu og tilvalið að koma og hita sig upp.

Upplýsingar um skráða keppendu og mótiðr má nálgast á Chess-Results:  http://chess-results.com/?tnr=15716&redir=J&lan=1

Umferðatafla:

• 1. umf. Mánudag 15. sept kl. 19.30.
• 2. umf. Fimmtudag 18. sept. kl. 19.30
• 3. umf. Föstudag 19. sept. kl. 19.30
• 4. umf. Mánudag. 22. sept. kl. 19.30
• 5. umf. Miðvikudag 24. sept. kl. 19.30
• 6. umf. Föstudag 26. sept. kl. 19.30
• 7. umf. Mánudag 29. sept. kl. 19.30

Keppnisfyrirkomulag er Svissneskt kerfi.
Tímamörk eru 90 mínútur og 30 sek sem bætist við hvern leik.

Verðlaun auk verðlaunagripa:

• 1. verðlaun. 15 þús.
• 2. verðlaun 10 þús.
• 3. verðlaun 7 þús

Verðlaun fyrir Skákmeistara Garðabæjar 5.000 auk grips. Mótið er um leið skákþing Taflfélags Garðabæjar. (keppt er um titilinn ef jafnt, verðlaunafé er ekki skipt.)

Aukaverðlaun:

• Efstur U-1800 (með 1800 skákstig og minna):                 DGT skákklukka.
• Efstur 16 ára og yngri.(1993=< x):                         DGT skákklukka.

ATH. Ekki er hægt að vinna til fleiri en einna aukaverðlauna. Verðlaun fara eftir röð aukaverðlauna. 1-3 verðlaunum (pen) er skipt séu menn með jafn marga vinninga. Aukaverðlaunum verður ekki skipt. (og bætast hugsanlega við önnur verðlaun)

Sæmdartitilinn Skákmeistari Garðabæjar geta aðeins fengið félagsmenn TG eða skákmaður með lögheimili í Garðabæ.

Þátttökugjöld	Félagsmenn	Utanfélagsmenn
Fullorðnir	2000 kr	3000 kr
Unglingar 17 ára og yngri	Ókeypis	1500 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram í tölvupósti á [e-mail] eða í síma 861 9656. Skákstjóri er Páll Sigurðsson

Skákmeistari Garðabæjar 2007 var Jóhann Ragnarsson.

Skráðir keppendur, 15. september 2008:

 

No.		Name	Rtg	Club/City
1	FM	Sigfusson Sigurdur	2360	Hellir
2		Salama Omar	2220	Hellir
3		Jensson Einar Hjalti	2210	TG
4		Olafsson Thorvardur	2165	Haukar
5		Bergsson Stefan	2030	SA
6		Kristinsson Bjarni Jens	1885	Hellir
7		Sigurdsson Pall	1870	TG
8		Sigurjonsson Siguringi	1780	KR
9		Traustason Ingi Tandri	1774	Haukar
10		Sigurdsson Jakob Saevar	1675	Godinn
11		Palsson Svanberg Mar	1650	TG
12		Ottesen Oddgeir	1610	Haukar
13		Andrason Pall	1490	TR
14		Kristbergsson Bjorgvin	1440	TR
15		Sigurdsson Birkir Karl	1325	TR
16		Kjartansson Dagur	1310	Hellir
17		Einarsson Sveinn Gauti	1285	TG
18		Hrafnkelsson Gisli	0	Haukar

Bjarni í TV

Bjarni Hjartarson (2162) hefur gengið til liðs við Taflfélagi Vestmannaeyja úr Skákdeild Fjölnis.

Arngrímur og Halldór Ingi orðnir Mátar

Arngrímur Gunnhallsson (1940) og Halldór Ingi Kárason (1780) hafa gengið til liðs við Taflfélagið Máta.  Arngrímur kemur úr TR en Halldór Ingi úr SA.