Alþjóðlegt skákmót Hellis hefst í dag

Alþjóðlegt skákmót Hellis hefst í dag í húsakynnum Skákskólans Íslands, Faxafeni 12.  Þátt taka 10 skákmenn en mótinu er ætlað að styðja menn til að ná áfanga að alþjóðlegum meistaratitli.  6½ vinning þarf í áfanga.  

A mótinu taka þátt stórmeistararnir Vladimir Lazarev, Frakklandi, sem jafnframt er skákþjálfari og hefur m.a. verið að þjálfa Hjörvar Stein Grétarsson og Atla Frey Kristjánsson, sem báðir taka þátt og Íslandsvinurinn Heikki Westerinen, sem kemur hingað beint frá Spáni, þar sem hann tók þátt í alþjóðlegu skákmóti.  Hinir erlendu keppendurnir eru búsettir á Íslandi og eru Íslendingum að góðu kunnir, þeir Omar Salama, Egyptalandi, og Andrezj Misiuga, Póllandi.  Heimavarnarliðið skipa FIDE-meistararnir Björn Þorfinnsson, Magnús Örn Úlfarsson, Róbert Harðarson og Sigurður Daði Sigfússon auk Hjörvars og Atla.   

Umferðirnar eru tefldar daglega og hefjast kl. 17:30.  Á laugardag og sunnudag verður tefldar tvær umferðir og hefst þá fyrri umferðin kl. 11.

Áhorfendur eru boðnir velkomnir og er lofað rjúkandi kaffi á skákstað.    Reynt verður að segja frá gangi mála á bloggsíðu mótsins og úrslit verða uppfærð jafnóðum á Chess-Results.   

Mótið er m.a. styrkt af Fiskmarkað Íslands.   

Helgina 18.-20. júlí munu Hellir og TR halda helgarskákmót í húsnæði TR og eru skákmenn hvattir til að fjölmenna. Tilvalið að tefla og fylgjast með alþjóðlega mótinu í leiðinni!

• Bloggsíða mótsins
• Chess-Results
• Skráning í Helgarskákmótið  

Helgarskákmót Hellis og TR hefst á föstudag

Helgarskákmót Hellis og TR fer fram helgina 18.-20. júlí.  Mótið er með nokkuð hefðbundnu helgarskákmótsfyrirkomulagi: Tefldar verða fjórar atskákir á föstudagskvöldið, en svo tvær kappskákir á laugardag og ein kappskák á sunnudag.

Mótið fer fram í félagsheimili TR að Faxafeni 12, en alþjóðlegt skákmót Hellis verður einmitt í gangi á sama tíma í húsnæði Skákskóla Íslands.

Skráning fer fram á http://www.hellir.com/.(þótt það standi Stigamót Hellis!).  Hægt er að fylgjast með skráningu hverju sinni á Chess-Results: http://www.chess-results.com/tnr14461.aspx

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.

Helgarskákmót Hellis og TR

1.-4. umferð, föstudaginn 18.júlí (19:00-23:00)
5. umferð, laugardaginn 19. júlí (11-15)
6. umferð, laugardaginn 19. júlí (17:30-21:30)
7. umferð, sunnudaginn 20. júlí (13-17)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.com (þótt þar standi Stigamót Hellis)
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Guðmundur og Guðni töpuðu

Guðmundur Kjartansson (2328) og Guðni Stefán Pétursson (2135) töpuðu báðir í 11. umferð First Saturdays-mótsins, sem fram fór í gær í Búdapest. Guðmundur, sem teflir í SM-flokki, tapaði fyrir ungverska alþjóðlega meistaranum Peter Prohaszka (2509) og Guðni, sem teflir í AM-flokki, tapaði fyrir Kínverjanum Yanqiao Qu (2007).

Guðmundur er í 12.-13. sæti með 3 vinninga og Guðni er í 10.-11. sæti með 3½ vinning en fjórtán keppendur eru í hvorum flokki.  Serbneski stórmeistarinn Zlatko Ilincis (2519) er efstur í SM-flokki og Ungverjinn Richard Rapport (2275) er efstur í AM-flokki. 

Heimasíða mótsins

Henrik vann í sjöundu umferð

Stórmeistarinn Henrik Danielsen (2526) þýsku skákkonuna Marta Michna (2404), sem er stórmeistari kvenna í sjöundu umferð alþjóðlegs móts sem fram fór í Police í Póllandi í dag.  Henrik hefur 5 vinninga og er í 2.-6. sæti.  Þýski stórmeistarinn Sergey Kalinitschew (2456) er efstur með 5½ vinning.   Henrik skýrir skák dagsins á Skákhorninu. 

Í áttundu og næstsíðustu umferð, sem fram fer á morgun, teflir Henrik við pólska alþjóðlega meistarann Bogdan Grabarczyk (2449).

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

 

Guðmundur með jafntefli í tíundu umferð

Guðmundur Kjartansson (2328) gerði jafntefli við ungverska FIDE-meistarann Ervin Toth (2409) tíundu umferð SM-flokks First Saturdays-mótsins, sem fram fór í gær.  Guðni Stefán Pétursson (2135), sem teflir í AM-flokki, tapaði fyrir ungverska alþjóðlega meistaranum Sandor Farago (2271).  Guðmundur hefur 3 vinninga en Guðni 3½ vinning. 

Heimasíða mótsins

Henrik gerði jafntefli í sjöttu umferð

Stórmeistarinn Henrik Danielsen (2526) gerði jafntefli við þýska stórmeistarann Sergey Kalinitschew (2456) í sjöttu umferð alþjóðlegs móts sem fram fór í Police í Póllandi í dag.  Henrik hefur 4 vinninga og er í 3.-13. sæti.   Kalinitschew er efstur með 5 vinninga.

Í sjöundu umferð, sem fram fer á morgun, teflir Henrik við þýsku skákkonuna Marta Michna (2404), sem er stórmeistari kvenna.  

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

 

Helgarskákmót Hellis og TR hefst á föstudaginn

Helgarskákmót Hellis og TR fer fram helgina 18.-20. júlí.  Mótið er með nokkuð hefðbundnu helgarskákmótsfyrirkomulagi: Tefldar verða fjórar atskákir á föstudagskvöldið, en svo tvær kappskákir á laugardag og ein kappskák á sunnudag.

Mótið fer fram í félagsheimili TR að Faxafeni 12, en alþjóðlegt skákmót Hellis verður einmitt í gangi á sama tíma í húsnæði Skákskóla Íslands.

Skráning fer fram á http://www.hellir.com/.(þótt það standi Stigamót Hellis!).  Hægt er að fylgjast með skráningu hverju sinni á Chess-Results: http://www.chess-results.com/tnr14461.aspx

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.

Helgarskákmót Hellis og TR

1.-4. umferð, föstudaginn 18.júlí (19:00-23:00)
5. umferð, laugardaginn 19. júlí (11-15)
6. umferð, laugardaginn 19. júlí (17:30-21:30)
7. umferð, sunnudaginn 20. júlí (13-17)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.com (þótt þar standi Stigamót Hellis)
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Alþjóðlegt skákmót Hellis hefst á miðvikudag

Taflfélagið Hellir stendur fyrir alþjóðlegu skákmót dagana 16.-22. júlí í húsnæði Skákskólans.  Þátt taka 10 skákmenn en mótinu er ætlað að styðja menn til að ná áfanga að alþjóðlegum meistaratitli.  6½ vinning þarf í áfanga nema að Omar, Misiuga og Atla duga 6 vinningar.  Í kvöld var dregið um töfluröð á mótinu.  

Á vinstri hluta síðunnar má nú finna könnun þar sem hægt er að spá fyrir um sigurvegara mótsins.

Helgina 18.-20. júlí munu Hellir og TR halda helgarskákmót í húsnæði TR.  Verður nánar kynnt næstu daga.   

Töfluröð:

 

SNo.		Name	IRtg	FED	Club
1	GM	Heikki Westerinen M J	2376	FIN	Hellir
2	FM	Robert Lagerman	2354	ISL	Hellir
3		Hjorvar Steinn Gretarsson	2299	ISL	Hellir
4	FM	Magnus Orn Ulfarsson	2403	ISL	Hellir
5	FM	Sigurdur Sigfusson	2324	ISL	Hellir
6	GM	Vladimir Lazarev	2482	FRA	Hellir
7		Omar Salama	2212	EGY	Hellir
8		Atli Freyr Kristjansson	2070	ISL	Hellir
9		Andrzej Misiuga	2180	POL	TR
10	FM	Bjorn Thorfinnsson	2422	ISL	Hellir

 

Röðun fyrstu umferðar:

 

	Name	Result		Name
GM	Westerinen Heikki M J		FM	Thorfinnsson Bjorn
FM	Lagerman Robert			Misiuga Andrzej
	Gretarsson Hjorvar Steinn			Kristjansson Atli Freyr
FM	Ulfarsson Magnus Orn			Salama Omar
FM	Sigfusson Sigurdur		GM	Lazarev Vladimir

 

Chess-Results

Guðmundur vann í níundu umferð

Guðmundur Kjartansson (2328) vann kínversku skákkonuna Yifan Hou (2557), sem er stórmeistari kvenna, í níundu umferð SM-flokks First Saturdays-mótsins, sem fram fór í dag.  Guðni Stefán Pétursson (2135), sem teflir í AM-flokki, gerði jafntefli við ungverska alþjóðlega meistarann Bela Lengyel (2286).  Guðmundur hefur 2½ vinning og Guðni hefur 3½ vinning. 

Heimasíða mótsins

 

Henrik með jafntefli í fimmtu umferð

Stórmeistarinn Henrik Danielsen (2526) gerði jafntefli við Pólverjann Lech Sopur (2431) í fimmtu umferð alþjóðlegs móts sem fram fór í Police í Póllandi í dag.  Henrik hefur 3,5 vinning og er í 3.-10. sæti.   Í sjöttu umferð, sem fram fer á morgun, teflir Henrik við þýska stórmeistarann Sergey Kalinitschew (2456) sem er efstur með 4,5 vinning.   Henrik skýrir skák dagsins á Skákhorninu.  

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins