Jón Lúðvík og Fróði efstir og jafnir á Noregsmótinu í skák

Alþjóðlegi meistararnir Jon Ludvig Hammer (2501) og Frode Elsness (2395) urðu efstir og jafnir á Meistaramóti Noregs sem lauk í dag í Tønsberg í Noregi.  Þeir þurfa að tefla einvígi um titilinn.  Þriðji varð stórmeistarinn Berge Østenstad (2463).  Stigahæsti keppandinn stórmeistarinn Kjetil A. Lie (2522) varð aðeins í 12.-14. sæti.  Alls tefldu 18 skákmenn í efsta flokki og voru tefldar níu umferðir.

Röð efstu manna:

• 1.-2. Jon Ludvig Hammer (2501) og Frode Elsness (2395) 6,5 v. af 9
• 3. Berge Østenstad (2463) 6 v.
• 4.-6. Espen Lie (2433), Øystein Hole (2382) og Torbjørn R. Hansen (2411) 5,5 v.

Heimasíða mótsins

 

 

Guðmundur og Guðni töpuðu í áttundu umferð

Guðmundur Kjartansson (2328) og Guðni Stefán Pétursson (2135) töpuðu báðir í áttundu umferð í First Saturdays-mótsins sem fram fór í dag.  Guðmundur, sem teflir í SM-flokki, tapaði fyrir pólska alþjóðlega meistaranum Iweta Rajlich (2417) en Guðni, sem teflir í AM-flokki, tapaði fyrir Suður-Afríkanum Donovan Van Den Heever (2225). Guðmundur hefur 1½ vinning en Guðni Stefán hefur 3 vinninga. 

Heimasíða mótsins

 

Henrik sigraði í fjórðu umferð

Stórmeistarinn Henrik Danielsen (2526) vann Pólverjann Mariusz Kostyra (2188) í fjórðu umferð alþjóðlegs móts sem fram fór í Police í Póllandi í dag.   Henrik hefur nú 3 vinninga og er í 3.-8. sæti.  Í fimmtu umferð, sem fram fer á morgun, teflir Henrik við Pólverjann Lech Sopur (2431).   

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

 

Tiger sænskur meistari í skák

Stórmeistarinn Tiger Hillarp-Persson (2491) er sænskur meistari í skák annað árið í röð.  Tiger og Emanuel Berg (2601) hlutu báðir 10 vinning í 13 skákum og en Tiger vann á stigum.  Þriðji varð Evgenij Agrest (2567) með 9½ vinning.

 

• 1. Tiger Hillarp-Persson (2491) 10 v. af 13
• 2. Emanuel Berg (2601) 10 v.
• 3. Evgenij Agrest (2567) 9½ v.
• 4. Jonny Hector (2532) 7½ v.
• 5. Pontus Carlsson (2513) 7 v.
• 6. Ralf Åkesson (2466) 6½ v.

Heimasíða mótsins

Guðni með jafntefli sjöundu umferð

Guðni Stefán Pétursson (2135) gerði jafntefli við ungverska alþjóðlega meistarann Dr. Evarth Kahn (2317) í sjöundu umferð AM-flokks First Saturdays-mótsins, sem fram fór í Búdapest í dag.   Guðmundur Kjartansson (2328), sem teflir í SM-flokki, tapaði fyrir ungverska alþjóðlega meistaranum David Berczes (2458).  Guðmundur hefur 1½ vinning en Guðni Stefán hefur 3 vinninga.  

Heimasíða mótsins

 

Tómas sigraði á Baugaselsmótinu

Tómas Veigar Sigurðarson varð efstur á minningarmótinu um Steinberg Friðfinnsson sem haldið var í Baugaseli í Barkárdal í s. sunnudag. Tómas fékk 10 vinninga af 14 mögulegum. Sigurður Arnarsson náði einnig 10 vinningum, en Tómas hafði betur í einvígi um efsta sætið með 2,5 -1,5 

Jakob Sævar varð í 3 sæti með 9 vinninga.

Alls tóku 8 keppendur þátt í mótin.

Tefldar voru hraðskákir (5 mín) allir við alla, tvöföld umferð.

Afar gott veður var í Barkárdalnum og fór mótið fram utandyra í veðurblíðunni.

Úrslit urðu eftirfarandi:

1. Tómas Veigar Sigurðarson   Goðinn   10 af 14
2. Sigurður Arnarson                   S.A.     10
3. Jakob Sævar Sigurðsson      Goðinn    9
4. Sigurður Eiríksson                   S.A       8
5. Sveinbjörn Sigurðsson            S.A.      6,5
6. Ari Friðfinnsson                       S.A.      5,5
7. Haki Jóhannesson                  S.A.      4
8. Hermann Aðalsteinsson       Goðinn    0

Það var Skákfélag Akureyrar sem stóð fyrir mótshaldinu í Baugaseli.

Henrik sigraði í þriðju umferð

Stórmeistarinn Henrik Danielsen (2526) pólsku skákkonuna Marlena Chlost (2131), sem er FIDE-meistari kvenna, í þriðju umferð alþjóðlegs skákmóts í Police í Póllandi sem fram fór í dag.  Henrik hefur 2 vinninga og er í 6.-17. sæti.   Í fjórðu umferð, sem fram fer á morgun, teflir Henrik við Pólverjann Mariusz Kostyra (2188).  

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

 

Helgarskákmót Hellis og TR fer fram 18.-20. júlí

Helgarskákmót Hellis og TR fer fram helgina 18.-20. júlí.  Mótið er með nokkuð hefðbundnu helgarskákmótsfyrirkomulagi: Tefldar verða fjórar atskákir á föstudagskvöldið, en svo tvær kappskákir á laugardag og ein kappskák á sunnudag.

Mótið fer fram í félagsheimili TR að Faxafeni 12, en alþjóðlegt skákmót Hellis verður einmitt í gangi á sama tíma í húsnæði Skákskóla Íslands.

Skráning fer fram á http://www.hellir.com/.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.

Helgarskákmót Hellis og TR

1.-4. umferð, föstudaginn 18.júlí (19:00-23:00)
5. umferð, laugardaginn 19. júlí (11-15)
6. umferð, laugardaginn 19. júlí (17:30-21:30)
7. umferð, sunnudaginn 20. júlí (11-15)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.com/
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Guðmundur tapaði í sjöttu umferð

FIDE-meistarinn Guðmundur Kjartansson, sem teflir í SM-flokki First Saturdays-mótsins, tapaði fyrir stórmeistaranum Zoltan Varga (2479) í sjöttu umferð sem fram fór í dag.  Guðmundur hefur 1½ vinning.  Ekki liggur fyrir hvernig fór hjá Guðna Stefáni Péturssyni (2135), sem teflir í AM-flokki.

Heimasíða mótsins

 

Henrik tapaði í 2. umferð

Stórmeistarinn Henrik Danielsen (2526) tapaði fyrir pólska skákmanninum Rafal Przedmojski (2397 )í 2. umferð alþjóðlegs skákmóts sem fram fer í Police í Póllandi.  Henrik hefur 1 vinning.  Í þriðju umferð, sem fram fer á morgun, teflir hann pólsku skákkonuna Marlena Chlost (2131), sem er FIDE-meistari kvenna.   

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins