66 með atkvæðisrétt á aðalfundi SÍ

Alls eru 66 með atkvæðisrétt á aðalfundi Skáksambands Íslands sem nú fer fram í Skákhöllinni, Faxafeni 12.   Mæting því mjög góð en það sitja fulltrúar fyrir alls 21 félag.   Ritstjóri er staddur á fundinum og mun flytja fréttir þegar markvert gerist.  Þegar þetta er ritað er Guðfríður Lilja Grétarsdóttir, fráfarandi forseti, í ræðustól að flytja skýrslu stjórnar.

 

Stefnir í spennandi kosningar á aðalfundi SÍ

Aðalfundur SÍ verður haldinn 3. maí nk.  Fundurinn verður haldinn laugardaginn 3. maí nk. kl. 10.00 fyrir hádegi í Faxafeni 12, Reykjavík.  Tveir menn hafa lýst yfir framboði til forseta SÍ þeir Björn Þorfinnsson og Óttar Felix Hauksson og er búist við spennandi kosningum.  Gruðfríður Lilja Grétarsdóttir lætur að embætti eftir þriggja ára starf.  Einnig liggja fyrir fundinum þrjár lagabreytingatillögur og nú er aðgengilegur ársreikningur sambandsins.   

Stefnuskrá forsetaefnanna:

• Stefnuskrá Björns
• Verkefnaskrá Óttars

Lagabreytingartillögur:

• Tillögur stjórnar SÍ um fjölgun skáka til að vera valinn í landslið og framkvæmd Íslandsmóts skákfélaga
• Tillaga Lenku, Lilju og Páls um að kona þurfi að vera í hverri sveit

Ársreikningar

• Ársreikningur 2007

Lög

• Núverandi lög SÍ 

EM: Héðinn vann í lokaumferðinni

Stórmeistarinn Héðinn Steingrímsson (2551) sigraði búlgarska alþjóðlega meistarann Milen Vasilev (2469) í elleftu og síðustu umferð EM einstaklinga sem fram fór í Plovdid í Búlgaríu í dag.  Hannes Hlífar Stefánsson (2583) gerði jafntefli við makedónska stórmeistarann Trajko Nedev (2518).  Báðir enduðu þeir með 6 vinninga og höfnuðu í 93.-149. sæti.  Evrópumeistari varð hollenski stórmeistarinn Sergei Tiviakov (2634) í opnum flokki og úkraínska skákkonan Kateryna Lahno (2479) í kvennaflokki.

Frammistaða Héðins samsvaraði 2543 skákstigum og stendur hann í stað en frammistaða Hannes samsvarði 2493 skákstigum og lækkar hann um 13 stig.  

Alls tóku 336 skákmenn þátt í opnum flokki og þar á meðal 185 stórmeistarar!   Hannes var  92. stigahæsti keppandinn en Héðinn sá 130. í stigaröðuninni.    

EM einstaklinga

 

Grischuk enn efstur í Bakú

Rússinn Alexander Grischk (2716) er sem fyrr efstur á Heimsbikarmótinu í skák sem fram fer í Bakú.  Í 2.-3. sæti eru Kínverjinn Wang Yue (2689) og Aserinn Vugar Gashimov (2679).  Magnus Carlsen (2765) er í 4.-6. sæti en öllum skákum umferðar dagsins lauk með jafntefli nema einni.

 

 

 

Úrslit tíundu umferðar:

Name	Rtg	Res.	Name	Rtg
Kamsky Gata	2726	½  -  ½	Wang Yue	2689
Svidler Peter	2746	½  -  ½	Bacrot Etienne	2705
Inarkiev Ernesto	2684	½  -  ½	Adams Michael	2729
Mamedyarov Shakhriyar	2752	½  -  ½	Grischuk Alexander	2716
Carlsen Magnus	2765	½  -  ½	Navara David	2672
Gashimov Vugar	2679	½  -  ½	Karjakin Sergey	2732
Radjabov Teimour	2751	0  -  1	Cheparinov Ivan	2695

Staðan:

Rank	SNo.	Name	Rtg	FED	Pts	SB.	Rp
1	9	Grischuk Alexander	2716	RUS	6½	29.00	2823
2	12	Wang Yue	2689	CHN	6	29.75	2789
3	4	Gashimov Vugar	2679	AZE	6	29.25	2797
4	2	Mamedyarov Shakhriyar	2752	AZE	5½	26.50	2753
5	3	Carlsen Magnus	2765	NOR	5½	25.25	2749
6	10	Adams Michael	2729	ENG	5½	25.00	2748
7	5	Radjabov Teimour	2751	AZE	5	25.50	2717
8	11	Bacrot Etienne	2705	FRA	5	25.00	2714
9	14	Kamsky Gata	2726	USA	5	24.75	2714
10	13	Svidler Peter	2746	RUS	4½	22.00	2684
11	6	Cheparinov Ivan	2695	BUL	4½	22.00	2686
12	7	Karjakin Sergey	2732	UKR	4½	22.00	2678
13	1	Inarkiev Ernesto	2684	RUS	3½	16.75	2612
14	8	Navara David	2672	CZE	3	15.25	2575

Alls fara fram sex heimsbikarmót á árunum 2008-09.  21 skákmaður hefur rétt á að tefla og teflir hver í fjórum mótum alls.   Gefin eru stig fyrir árangur og sá sem flest stig fær verður heimsbikarmeistari. 

Skákirnar hefjas kl. 10 á morgnana og hægt er að horfa á þeir í beinni á vefsíðu mótsins.   

Heimasíða mótsins

Torfi sigraði á verkalýðs Grand Prix-móti

Fimmtudagskvöldin í Skákhöllinni eru lífleg. Viðureignir með sjö mínútna umhugsunartíma verða oft snarpar og býsna skemmtilegar. Engin undantekning var á þessu á Grand Prix mótinu 1. maí.

Að þessu sinni voru tefldar níu umferðir og fór Torfi Leósson með sigur af hólmi og hlaut átta vinninga. Í öðru sæti varð Jorge Fonseca með 7½ og jafnir í þriðja sæti urðu þeir Magnús Kristinsson og Kristján Örn Elíasson með 6 vinninga.

Helgi Árnason úr Fjölni koma vanda með Grand Prix könnuna góðu sem fellur í hlut sigurvegarans hverju sinni og Óttar Felix Hauksson úr TR afhenti tónlistarverðlaun í mótslok.

Grand Prix mótaröðinni verður fram haldið út maímánuð og verður lokakvöldið fimmtudagskvöldið 29. maí. Efstur á stigum í mótaröðinni eftir áramót er Arnar E. Gunnarsson.

Heimsmeistarar í TR

Íslandsmeisturum Taflfélags Reykjavíkur hefur borist góður liðsauki. 

Tveir félagar úr heimsmeistaraliði Salaskóla, þeir Birkir Karl Sigurðsson 12 ára 
og Páll Andrason 13 ára, hafa ákveðið að ganga til liðs við TR. 

Þessir ungu afrekspiltar eru nýkrýndir skólaskákmeistarar Kópavogs, 
Birkir Karl í yngri flokki og Páll í eldri flokki. 

Taflfélagið býður þessa drengi hjartanlega velkomna í félagið og 
vonast til að þeir vaxi og dafni vel sem skákmenn og góðir drengir 
innan veggja félagsins.

EM: Hannes vann í tíundu umferð

Stórmeistarinn Hannes Hlífar Stefánsson (2583) sigraði  slóvenska alþjóðlega meistarann Matej Sebenik (2502) í tíundu og næstsíðustu umferð EM einstaklinga sem fram fór í Plovdid í Búlgaríu í dag.  Héðinn Steingrímsson (2551) tapaði hins vegar þýska stórmeistarann Leonid Kritz (2609).  Hannes hefur 5½ vinning og er í 81.-148. sæti en Héðinn hefur 5 vinninga og er í 149.-194. sæti.  

Átta skákmenn eru efstir og jafnir með 7½ vinning.  Í kvennaflokki er úkraínska skákkonan Kateryna Lahno (2479) efst með 8 vinninga.  

Í elleftu og síðustu umferð, sem fram fer á morgun, teflir Hannes við makedónska stórmeistarann Trajko Nedev (2518) og Héðinn við búlgarska alþjóðlega meistarann Milen Vasilev (2469). 

Alls taka 336 skákmenn þátt í opnum flokki og þar á meðal 185 stórmeistarar!   Hannes er  92. stigahæsti keppandinn en Héðinn sá 130. í stigaröðuninni.    

EM einstaklinga

 

Áskell Coca Cola meistari

Áskell Örn Kárason og Rúnar Sigurpálsson urðu jafnir og efstir á Coca cola hraðskákmótinu, fengu 16 vinninga af 18 mögulegum.  Áskell hafði betur eftir bráðabana 2 : 1.  Mótið fór fram í dag.

 

 

Lokastaðan:

1. Áskell Örn Kárason      16 v. af 18 + 2 v.
2. Rúnar Sigurpálsson       16           + 1
3. Þór Valtýsson               11
4. Gylfi Þórhallsson           10
5. Sigurður Arnarson          9
6. Tómas Veigar Sigurðarson 9
7. Sigurður Eiríksson          7,5
8. Sveinn Arnarsson           4
9. Mikael Jóhann Karlsson 3,5
10. Magnús Víðisson           2  

Grand Prix - mót á verklýðsdeginum

Venju samkvæmt verður Grand Prix mótaröð Fjölnis og TR haldið áfram í kvöld í Skákhöllinni í Faxafeni. Mótið hefst kl. 19:30 og verða tefldar sjö umferðir með sjö mínútna umhugsunartíma. Góð tónlistarverðlaun verða í boði að venju og Grand Prix kanna  verður að auki veitt sigurvegaranum. 

Alþjóðlegi meistarinn Arnar E. Gunnarsson hefur örugga forystu í mótaröðinni, hefur sigrað í öll skiptin sem hann hefur verið með.

Þar sem láðist að senda á Skák.is röð efstu manna á síðustu tveim mótum verður hér með snarlega bætt úr því. Fimmtudaginn 17. apríl bar Dagur Andri Friðgeirsson sigur úr býtum með 7½ vinning eftir spennandi baráttu við Daða Ómarsson sem lenti í öðru sæti með jafnmarga vinninga. Í þriðja sæti með 5 vinninga varð Sigurjón Haraldsson og státaði þar með sínum besta Grand Prix árangri til þessa.

Fimmtudaginn 24. febrúar var svo hinn geysisterki Arnar E. Gunnarsson mættur til leiks að nýju og fór með öruggan sigur af hólmi þrátt fyrir að ná ekki að tefla síðustu umferð vegna fótboltaæfingar! Arnar hlaut 7½ vinning.

Vilhjálmur Pálmason varð annar með 7 vinninga og Vigfús Vigfússon þriðji með 6½ vinning. Vigfús hefur unnið til verðlauna einnig fyrir ástundun Grand Prix mótanna en enginn skákmaður hefur mætt eins oft.Til hamingju Vigfús!

En aftur er minnt á Grand Prix mótið í kvöld.

Aðalfundur SÍ fer fram á laugardag

Aðalfundur SÍ verður haldinn 3. maí nk.  Fundurinn verður haldinn laugardaginn 3. maí nk. kl. 10.00 fyrir hádegi í Faxafeni 12, Reykjavík.  Tveir menn hafa lýst yfir framboði til forseta SÍ þeir Björn Þorfinnsson og Óttar Felix Hauksson.   Einnig liggja fyrir fundinum þrjár lagabreytingatillögur og nú er aðgengilegur ársreikningur sambandsins.   

Stefnuskrá forsetaefnanna:

• Stefnuskrá Björns
• Stefnuskrá Óttars

Lagabreytingartillögur:

• Tillögur stjórnar SÍ um fjölgun skáka til að vera valinn í landslið og framkvæmd Íslandsmóts skákfélaga
• Tillaga Lenku, Lilju og Páls um að kona þurfi að vera í hverri sveit

Ársreikningar

• Ársreikningur 2007

Lög

• Núverandi lög SÍ