Gashimov, Wang og Carlsen efstir og jafnir í Bakú

 

Aserinn Vugan Gaxhimov (2679), Kínverjinn Wang Yue (2689), sem hefur ekki tapað skák síðan hann tapaði fyrir Birni forseta í fyrst umferð Reykjavíkurskákmótsins, og norski undradrengurinn Magnus Carlsen (2765), sem vann síðustu tvær skákir, urðu efstir og jafnir á heimsbikarmótinu í skák sem lauk í Bakú í dag.  

Úrslit 13. umferðar:

Name	Res.	Name
Karjakin Sergey	½  -  ½	Kamsky Gata
Navara David	1  -  0	Cheparinov Ivan
Grischuk Alexander	½  -  ½	Radjabov Teimour
Adams Michael	½  -  ½	Gashimov Vugar
Bacrot Etienne	0  -  1	Carlsen Magnus
Wang Yue	½  -  ½	Mamedyarov Shakhriyar
Svidler Peter	1  -  0	Inarkiev Ernesto

Lokastaðan:

Rank	Name	Rtg	FED	Pts	SB.	Rp
1	Gashimov Vugar	2679	AZE	8	51.50	2807
2	Wang Yue	2689	CHN	8	50.50	2806
3	Carlsen Magnus	2765	NOR	8	49.00	2801
4	Mamedyarov Shakhriyar	2752	AZE	7½	48.75	2772
5	Grischuk Alexander	2716	RUS	7½	45.75	2774
6	Adams Michael	2729	ENG	6½	41.00	2716
7	Svidler Peter	2746	RUS	6½	39.50	2715
8	Radjabov Teimour	2751	AZE	6	38.50	2686
9	Kamsky Gata	2726	USA	6	38.00	2688
10	Karjakin Sergey	2732	UKR	6	37.25	2687
11	Cheparinov Ivan	2695	BUL	5½	35.75	2662
12	Navara David	2672	CZE	5½	35.25	2664
13	Bacrot Etienne	2705	FRA	5	32.50	2631
14	Inarkiev Ernesto	2684	RUS	5	32.25	2633

Alls fara fram sex heimsbikarmót á árunum 2008-09.  21 skákmaður hefur rétt á að tefla og teflir hver í fjórum mótum alls.   Gefin eru stig fyrir árangur og sá sem flest stig fær verður heimsbikarmeistari.  Næsta mót fer í Sochi í Rússlandi í ágúst nk. 

Heimasíða mótsins

 

Minningarmót um Albert Sigurðsson fer fram á Akureyri um hvítasunnuhelgina

Skákfélag Akureyrar heldur minningarmót um Albert Sigurðsson sem lést á sl. ári. Mótið fer fram dagana 9. - 11. maí í Íþróttahöllinni. Albert var í stjórn Skákfélags Akureyrar á þriðja áratug og var  m.a. formaður félagsins í nokkur ár. Hann var skákstjóri á helstu mótum á Norðurlandi í rúmlega þrjátíu ár.

Tefldar verða sjö umferðir eftir Monrad-kerfi. Fyrstu þrjár umferðirnar  eru tefldar föstudagskvöldið 9. maí og hefst taflið kl. 20.00 og verða tefldar atskákir, 25 mínútur á keppenda.

Tímamörkin í síðustu fjórum umferðunum verða 90 mínútur + 30 sekúndur við hvern leik.

Dagskrá:

• 1.- 3. umferð  föstudagur     9. maí kl. 20.00
• 4. umferð  laugardagur 10. maí kl. 13.00
• 5. umferð  laugardagur 10. maí kl. 19.30
• 6. umferð   sunnudag    11. maí kl. 11.00
• 7. umferð   sunnudag    11. maí kl. 17.00

Verðlaun:

• Vegleg verðlaun verða veitt á mótinu og verða peningaverðlaun  alls kr. 100.000,-
• Veitt verða verðlaun fyrir þrjú efstu sætin, 1 verðlaun kr. 40.000
• Auk þess verða veitt aukaverðlaun  í:
• Kvennaflokki og öldungaflokki 60 ára og eldri.
• Í stigaflokki 1701 til  2000 og í 1700 stig og minna
• Í unglingaflokki 16 ára og yngri verða veitt þrenn verðlaun.

Keppnisgjald kr. 2000

Norðurorka er aðalstyrktaraðili mótsins.

Skráning send í netfangið [e-mail]   og í síma 862 3820 Gylfi eða 892 1105 Sigurður A..

Meðal keppenda sem verða með er skákmeistari Norðlendinga Stefán Bergsson, skákmeistari Akureyrar Gylfi Þórhallsson og Íslandsmeistari í skólaskák Mikael Jóhann Karlsson.

Sumarmót Vinjar fer fram í dag

Í tilefni af komu lóunnar, þetta árið, er auðvitað skákmót í Vin, mánudaginn 5. maí, klukkan 13:00. Þeir sem vilja mega kalla þetta sumarmót Skákfélags Vinjar og Hróksins.  Kaffi og meðlæti að móti loknu. Allir hjartanlega velkomnir en meðal keppenda verður Björn forseti Þorfinnsson.   

Tefldar verða 7 mínútna skákir eftir Monrad-kerfi.

Skákstjóri er Róbert Harðarson.

Glæsilegir bókavinningar fyrir efstu sætin og allir þátttakendur fá glaðning.

Vin er að Hverfisgötu 47 í Reykjavík. Síminn er 561-2612.

Hrókurinn og Skákfélag Vinjar standa fyrir æfingum alla mánudaga kl. 13:00 og hin glæsilegustu mót eru haldin annað veifið.

Aðalfundur SÍ

Aðalfundur Skáksambands Íslands fór fram í Skákhöllinni Faxafeni í gær.  Hér á Skák.is var farið yfir stærstu atriðin í gær en í þessum pistli ætla ég að gera nánari grein fyrir fundinum.   

Fundurinn hófst á hefðbundinn hátt.  Fundarstjóri var Ágúst Sindri Karlsson og fundarritari Ríkharður Sveinsson.  Ólafur H. Ólafsson hélt sína hefðbundnu ræðu um kjörbréf en óvenju mörg félög skiluðu inn kjörbréfi og félagaskrá en ég held að alls hafi 21 félag sent fulltrúa á fundinn sem gæti verið met. 66 höfðu atkvæðisrétt.

Tvö félög var samþykkt sem ný aðildarfélög í sambandið með lófaklabbi en það voru Víkingasveitin og Skákfélag Vinjar.

Guðfríður Lilja flutti skýrslu stjórnar og fór yfir reikninga sambandsins.  Lilja fór jafnframt yfir þau fjögur ár sem hún hefur verið forseti.  Lilja fékk mikið lófaklapp í lok ræðunnar og stóðu fundarmenn upp fyrir henni.   

Næst á dagskrá voru kosningar og fóru fyrst fram forsetakosningar.  Tveir voru í framboði Björn Þorfinnsson og Óttar Felix Hauksson.  Báðir héldu þeir skemmtilegar ræður.  Björn rifjaði upp sögu þegar hann var kallaður að dánarbeði afa sína og nafna, Björns á Löngumýri.   Sá gamli horfði á Björn og sagði" "Þú verður einhvern tíma forseti".   Þegar upplýsingar bárust um mögulegt forsetaframboð Björns fór einn Hornverji að uppnefna hann sem Björn forseta.   Rifjaðist sagan gamla þá upp fyrir Birni sem telur að þar hafi sá gamli verið að vitja sín í gegnum Hornverjann!  

Kristján Hreinsson samdi um þetta vísu:

Ég bið að gæfan þjóni þér

í þessu ævintýri

og býsna sannspár bara er

Björn á Löngumýri

Björn vann nokkuð öruggan sigur, hlaut 40 atkvæði gegn 22 atkvæðum Óttars.  Óttar Felix óskaði Birni innilega til hamingju og lýsti yfir því að hann myndi vilja sitja áfram í stjórn sambandsins og vinna með nýjum forseta. 

Sjálfkjörið var í stjórn SÍ en hana skipa:

• Magnús Matthíasson, Skákfélagi Selfoss
• Óttar Felix Hauksson, Taflfélagi Reykjavíkur
• Sigurbjörn Björnsson, Taflfélaginu Helli
• Edda Sveinsdóttir, Taflfélaginu Helli
• Helgi Árnason, Skákdeild Fjölnis
• Halldór Grétar Einarsson, Taflfélagi Bolungarvíkur

Sex buðu sig fram í fjögur varmannasæti.  Þar þurfti því að kjósa.   Kjöri náðu:

• Páll Sigurðsson 38
• Torfi Leósson 35
• Karl Gauti Hjaltason 28
• Stefán Bergsson 28

Væntanlega þarf að draga um röð varamanna þar sem Karl og Stefán fengu jafnmörg atkvæði.  Kristján Örn Elíasson og Róbert Harðarson náðu ekki kjöri.

Í öll önnur embætti var sjálfkjörið.   

Lagabreytingar voru að lokum ræddar.  Stjórn SÍ hafði lagt til að ákvæði um 30 skákir til að koma til greina í landslið yrði hækkað í 40.  Breytingartillaga kom frá Ingvari Þór Jóhannessyni að sú tala yrði enn hækkuð í 50.   Breytingartillaga Ingvar var samþykkt nokkuð naumlega eða um 20-15 en sumum fundarmönnum fannst að færa mætti hægar í þessar breytingar, þ.e. að taka 40 skákir núna.   Tillagan með breytingunni var svo samþykkt samhljóða á fundinum.  Lilja minnti á að stjórn SÍ getur farið fram hjá þessu við mjög sérstækar aðstæður.

Tillaga um breytingu á framkvæmd Íslandsmóts skákfélaga var samþykkt samhljóða.  Kvennatillagan, svokallaða, var svo felld með um 10 atkvæðum en Lilja, Lenka og Pál Sigurðsson höfðu lagt til að ein kona þyrfti að vera í hverju liði á Íslandsmóti skákfélaga

Í lok fundarins færði Björn Lilju blómvönd og þakkaði henni fyrir hennar framlag í gegnum tíðina en Lilja hefur unnið frábært og mjög óeigingjarnt starf í gegnum árin. 

• Myndaalbúm Skák.is
• Frétt RÚV um forsetakjör
• Frétt Stöðvar 2 um forsetakjör

Gashimov og Wang efstir fyrir lokaumferðina í Bakú

Aserinn Vugar Gashimov (2679) og Kínverjinn Wang Yue (2689) eru efstir og jafnir með 7½ vinning á heimsbikarmótinu í skák en tólfta og næstsíðasta umferð fór fram í dag.  Magnus Carlsen (2765) og Alexander Grischuk (2716) eru í 3.-4. sæti með 7 vinninga.    Lokaumferðin fer fram á morgun og hefst kl. 9.

Úrslit elleftu umferðar:

Name	Res.	Name
Cheparinov Ivan	½  -  ½	Kamsky Gata
Karjakin Sergey	½  -  ½	Radjabov Teimour
Navara David	½  -  ½	Gashimov Vugar
Grischuk Alexander	½  -  ½	Carlsen Magnus
Adams Michael	½  -  ½	Mamedyarov Shakhriyar
Bacrot Etienne	0  -  1	Inarkiev Ernesto
Wang Yue	1  -  0	Svidler Peter
Úrslit tólftu umferðar:
Name	Res.	Name
Kamsky Gata	1  -  0	Svidler Peter
Inarkiev Ernesto	1  -  0	Wang Yue
Mamedyarov Shakhriyar	1  -  0	Bacrot Etienne
Carlsen Magnus	½  -  ½	Adams Michael
Gashimov Vugar	0  -  1	Grischuk Alexander
Radjabov Teimour	0  -  1	Navara David
Cheparinov Ivan	½  -  ½	Karjakin Sergey

Staðan:

1.	Gashimov, Vugar	AZE	2679	7½	2814
2.	Wang Yue	CHN	2689	7½	2811
3.	Carlsen, Magnus	NOR	2765	7	2771
4.	Mamedyarov, Shakhriyar	AZE	2752	7	2773
5.	Grischuk, Alexander	RUS	2716	7	2771
6.	Adams, Michael	ENG	2729	6	2719
7.	Cheparinov, Ivan	BUL	2696	5½	2693
8.	Kamsky, Gata	USA	2726	5½	2686
9.	Radjabov, Teimour	AZE	2751	5½	2685
10.	Karjakin, Sergey	UKR	2732	5½	2686
11.	Svidler, Peter	RUS	2746	5½	2688
12.	Bacrot, Etienne	FRA	2705	5	2657
13.	Inarkiev, Ernesto	RUS	2684	5	2660
14.	Navara, David	CZE	2672	4½	2635

Alls fara fram sex heimsbikarmót á árunum 2008-09.  21 skákmaður hefur rétt á að tefla og teflir hver í fjórum mótum alls.   Gefin eru stig fyrir árangur og sá sem flest stig fær verður heimsbikarmeistari. 

Skákirnar hefjas kl. 10 á morgnana og hægt er að horfa á þeir í beinni á vefsíðu mótsins.   

Heimasíða mótsins

Sumarskákmót Vinjar fer fram á morgun

Í tilefni af komu lóunnar, þetta árið, er auðvitað skákmót í Vin, mánudaginn 5. maí, klukkan 13:00. Þeir sem vilja mega kalla þetta sumarmót Skákfélags Vinjar og Hróksins.  Kaffi og meðlæti að móti loknu. Allir hjartanlega velkomnir en meðal keppenda verður Björn forseti Þorfinnsson.   

Tefldar verða 7 mínútna skákir eftir Monrad-kerfi.

Skákstjóri er Róbert Harðarson.

Glæsilegir bókavinningar fyrir efstu sætin og allir þátttakendur fá glaðning.

Vin er að Hverfisgötu 47 í Reykjavík. Síminn er 561-2612.

Hrókurinn og Skákfélag Vinjar standa fyrir æfingum alla mánudaga kl. 13:00 og hin glæsilegustu mót eru haldin annað veifið.

Varastjórn SÍ - lagabreytingar

Eftirtaldir voru kjörnir í varastjórn.

1. Páll Sigurðsson 38
2. Torfi Leósson 35
3. Karl Gauti Hjaltason 28
4. Stefán Bergsson 28

 Samþykkt var breytingartillaga um að fjölga skákum í 50 til að vera valinn í landslið Íslands.  Jafnframt var kvennatillagan felld.

Meira verður um fundinn fjallað síðar í dag eða á morgun. 

Forsetavísa eftir Kristján Hreinsson

Kristján Hreinsson samdi eftirfarandi vísu eftir að úrslit forsetakosningarnar lágu fyrir.

Ég bið að gæfan þjóni þér

í þessu ævintýri

og býsna sannspár bara er

Björn á Löngumýri 

Ný stjórn SÍ

 Ný stjórn Skáksambands Íslands hefur verið kjörin.  Í henni sitja auk Björns forseta.

• Magnús Matthíasson, Skákfélagi Selfoss
• Óttar Felix Hauksson, Taflfélagi Reykjavíkur
• Sigurbjörn Björnsson, Taflfélaginu Helli
• Edda Sveinsdóttir, Taflfélaginu Helli
• Helgi Árnason, Skákdeild Fjölnis
• Halldór Grétar Einarsson, Taflfélagi Bolungarvíkur

Sjálfkjörið var í stjórn.  Hins vegar eru kosningar í varastjórn en þar eru sex í framboði um fjögur sæti.  Það eru:

• Páll Sigurðsson, Taflfélagi Garðabæjar
• Karl Gauti Hjaltason, Taflfélagi Vestmannaeyja
• Torfi Leósson, Taflfélagi Reykjavíkur
• Stefán Bergsson, Skákfélagi Akureyrar
• Kristján Örn Elíasson, Taflfélagi Reykjavíkur
• Róbert Lagerman, Taflfélaginu Helli

Björn Þorfinnsson kosinn forseti Skáksambands Íslands

Björn Þorfinnsson var rétt í þessu kosinn forseti Skáksambands Íslands. Auk hans var Óttar Felix Hauksson í framboði. Björn hlaut 40 atkvæði í kosningunni, en Óttar 22.

Nánari fréttir síðar.