Rimaskóli sigraði á Miðgarðsmótinu

Skákmót grunnskólanna í Grafarvogi fór fram í 4. sinn föstudaginn 13. mars. Líkt og fyrri ár var mikil þátttaka í mótinu.  Tíu sveitir frá sex skólum.

Í hverri sveit voru átta skákmenn auk varamanna. Alls voru því um 100 krakkar sem sátu að tafli í íþróttahúsi Rimaskóla. Fyrst var teflt í tveimur 5 liða riðlum og að lokum ein úrslitaumferð á milli liða sem lentu í sömu sætum í undanriðlum. Til úrslita tefldu A sveitir Rimaskóla og Engjaskóla sem unnu sína riðla örugglega. A sveit Rimaskóla vann Engjaskóla í úrslitaleiknum 6-2 og hampaði Miðgarðmeistaratitlinum fjórða árið í röð. Keppnin bar með sér þann mikla áhuga sem er á skáklistinni í grunnskólum Grafarvogs. Það var Miðgarður, þjónustumiðstöð Grafarvogs sem hélt mótið í samstarfi við skákdeild Fjölnis.

Úrslit mótsins urðu annars þessi:

• 1. Rimaskóli A sveit  32 +  6  vinninga  af 40 vinningum mögulegum
• 2. Engjaskóli A sveit 30 +  2
• 3. Húsaskóli A sveit  19 +  4
• 4. Foldaskóli A sveit  17 + 4
• 5. Rimaskóli B sveit   16,5 + 4
• 6. Engjaskóli B sveit  15 + 4
• 7. Borgaskóli A sveit  14 + 5
• 8. Borgaskóli B sveit  8,5 + 3
• 9. Korpuskóli A sveit 8,5 +5
• 10 Rimaskóli C sveit  2,5 + 3