Skúli sigurvegari á Vormóti Skákskólans

Vormót Skákskóla Íslands var haldið í dag. Keppendur á mótinu voru nemendur í byrjendaflokki skólans sem og nokkrir úr framhaldsflokki. Tefldar voru sex umferðir með tíu mínútna umhugsunartíma.

 

Úrslit efstu manna:

 

1. Skúli Guðmundsson 6v.

2. Veronika Steinunn Magnúsdóttir 5v.

3. Bjarni Dagur Kárason 4v.

 

Að loknu móti voru veitt verðlaun auk viðurkenninga fyrir þátttöku í námskeiðum vetrarins og góðan árangur á prófum.

 

Veronika Steinunn og Jakob Alexander Petersen fengu bókaverðlaun fyrir hæstu mögulegu einkunn á prófum skólans. Mikil ánægja var með mótið meðal fjölmargra foreldra sem horfðu á börnin tefla, og er það stefna skólans að Vormótið festi sig í sessi sem eins konar uppskeruhátíð og meistaramót yngri nemenda.

 

Skákstjórar voru Torfi Leósson, Bragi Kristjánsson og Stefán Bergsson.

 

Myndaalbúm