Hallgerður Helga Íslandsmeistari stúlkna 2008

Hallgerður Helga Þorsteinsdóttir, taflfélaginu Helli, sigraði Sigríði Björgu Helgadóttur, Fjölni, örugglega 2-0 í einvígi um titilinn Íslandsmeistari stúlkna.

Einnig var keppt úrslitakeppni um laust sæti á Norðurlandamóti stúlkna sem fram fer í Noregi í apríl næstkomandi. Þar voru stúlkur 12 ára og yngri á ferð og sigurvegari varð Hildur Berglind Jóhannsdóttir taflfélaginu Helli með 2,5 vinning af 3 mögulegum, en hún er einungis á níunda ári, eftir harða keppni við Huldu Rún Finnbogadóttur UMSB. Einnig tefldu þær Sonja María Friðriksdóttir Hjallaskóla og Sóley Lind Pálsdóttir Taflfélagi Garðabæjar en stúlkurnar unnu sér rétt til þátttöku með því að lenda í efstu sætunum á Íslandsmóti stúlkna sem haldið var fyrir stuttu síðan.

Styrktaraðili að mótinu var Kaupþing banki.